感恩感恩 朱朱出院喇 ( APR-2009 )

今朝食餐蛋治烘底 + 奶茶    好耐無食餐肉   覺得好好味呀 ~

番到菇場個個 Holiday Mood   加上老闆 11 點半走埋   真係有嘢都唔願做呀 ~

晏晝同里奧大人   同埋佢同事一齊 lunch   覺得自己呢期好小食菜   所以就叫腐乳通菜 + 豉椒排骨炒麵    d 麵脆卜卜   超好味呀 ~

放工又同家姐去探朱朱   仲有機會見到醫生了解朱朱病情   感恩朱朱可以出院呀 ~

不過朱朱眼睛發炎   查咗藥膏好好多 lu ~

因為等朱朱出院都要一段時間   所以同家姐又去阿土麵線   Share 一碗特大   其實唔係好大㗎咋   再每人一包冷冷撈   食完飛去接朱朱喇 ~

抱咗朱朱出嚟   仲要等 45 分鐘先有得拎藥   因為好多狗狗趕喺夜診前睇醫生呀 ~

今次找數盛惠 $11,000   因為朱朱太多病   所以要食 10 幾種藥丸   嚟緊每個月嘅藥費要 $2,400   好貴呀呀 ~

同家姐一齊送朱朱番屋企   媽咪見到朱朱勁開心呀   仲話會全天侯照顧朱朱呀 ~

同家姐 11 點先走   番到屋企   沖埋涼成12 點幾先瞓   好在聽日五一勞動節假期唔駛番工咋 ~

Babymama 一家非常感激大家為朱朱送上祝福及祈禱   謝謝

感謝神對朱朱嘅保守看顧   憐憫醫治   求神繼續保守朱朱每一日都健康咁生活   每日活在恩典當中   求神仍保守媽咪有精神力氣智慧照顧朱朱   奉主名求   阿門

越興園 @ 旺角 + 探朱朱 ( APR-2009 )

今朝好肚餓   所以食榨菜肉絲米粉 + 腸蛋多士 + 奶茶   除咗肉絲之外 (因為我唔食嘅)   其他都好好味道   可能真係好肚餓呀 ~

菇場無嘢做   無無聊聊諗下嘢   諗到呢排成日探朱朱   所以都無時間照顧里奧大人   又無住家飯比佢食   都幾慘咁 ~

好在里奧大人知道朱朱係我心目中第一位   知道我唔探會心掛掛   所以都叫我去探朱朱   仲話無住家飯食唔緊要   最緊要係食多 d 生果同運動咁話喎   咁識體諒人   真係無嫁錯你呢   呵呵呵呵 ~ 

天氣好好呀   所以同里奧大人行遠啲食午餐   我食魚蛋河粉   里奧大人食炸醬麵    我覺得加辣椒油同紅醋真係好正   顏色又靚喎   不過次次食完個胃就唔多舒服咁囉 ~

放工去探朱朱兼聽報告   好感恩係 6:45 pm 可以見到醫生   因為之前姑娘話如果要見醫生嘅話   就要等到夜晚 10 點呀   醫生話朱朱腎同肝係好過入院前   但就唔係叫做好   但食咗藥同轉咗藥膳配方就好好多   不過我相信朱朱出院之後   有媽咪好好嘅照顧   有神嘅保守帶領   朱朱必定會渡過一個又一個嘅難關 ~

希望大家繼續為朱朱送上祝福及祈禱    謝謝

同家姐去附近嘅越興園晚餐   叫咗牛肉撈濛 + 越式拚盤 (細) + 青檸梳打   味道 OK 啦   始終唔會 Expect 旺角有好嘢食呢   食完送埋家姐去巴士站就走 lu ~

好旺角粥麵專家 @ 旺角 + 探朱朱 ( APR-2009 )

今朝食芝士蘑菇腸三文治烘底 + 奶茶    其實朝早食芝士真係幾滯   不過覺得好過食火腿咁囉 ~

呢排成日探朱朱   真係好攰   好在菇場無嘢做   唔係都幾慘 ~

晏晝同里奧大人去海皇食粥   菜干豬骨粥 + 牛脷蘇 + 炒麵 + 生菜   其實好少晏晝叫一碟菜   但驚里奧大人自己夜晚食飯唔食菜   所以我先叫咋   咁樣唔到佢唔食嘛 ~

里奧大人今晚同朋友去中央圖書館借書同傾功課   所以放工我又同家姐一齊去探朱朱喇   今次要等到 7 點 15 分先入得去   激氣呀 ~ 

朱朱今日無乜精神   姑娘話病情反覆   所以唔想比佢出院   見到朱朱無哂精神真係好心痛好心痛好心痛   朱呀   快啲好番啦   等家姐唔駛咁擔心好無呀 ~

同家姐今次又去旺中附近食粉麵   呢間好旺角粥麵專家嘅門面幾舊式   不過都好多人食喎    叫咗生菜鯪魚球麵 ($28) + 雲吞麵 ($22) + 皮蛋酸薑 ($14) + 菜心 ($13) + 細可樂 ($7)   其實啲嘢食都幾貴   因為樣樣都細細碟細細碗咁呢   不過啲麵都好食   無梘水味   最正最正係有余均益辣椒醬任點呀 ~

呢排天氣勁乾燥   所以試下用 Body Shop 嘅 Passion Fruit Body Butter (熱情果身體潤膚霜)   真係好香   如果就咁擺喺枱面唔要蓋   加多隻匙   我相信里奧大人以係雪糕咁 "北" 嚟食都有之呢 ~

求求大家繼續為朱朱送上祝福及祈禱   謝謝大家 !!

樂園牛丸大王 @ 旺角 + 探朱朱 ( APR-2009 )

朝早唔想食鹹同唔想食濕嘢   所以就食花生醬厚多士 + 奶茶   $14 咋   唔錯唔錯   不過如果杯奶茶再好飲啲就更好啦 ~

阿 Head 出 Trip   所以心理上比較 Free 咁呢 ~

晏晝同里奧大人去麥記   今次麥樂會送細薯條   正呀 ~ 

放工即走喇   因為約咗家姐探朱朱呢 ~   

早到咗   又唔會即刻比妳探   所以出去周圍行   去到診所附近   見有堆人圍住隻狗   人影我又影   不過我想影嘅就係佢主人多啲   佢啲打扮真係 O 哂咀   乜年代呀   以為自己好型咁   個髮型仲嘔心呀   不過係真髮嚟㗎   因為睇到頭頂嗰啲係黑色呢   咁嘅 Look 真係頂佢唔鬼順呀 ~

終於到探病時間喇   朱朱 Everything OK   但都係唔肯食嘢   當然啦   食慣人嘢嘛 ~

眼仔碌碌   但一抱又想瞓   十成十係媽咪晏晝探完又等我哋探   所以等咗成日無瞓過   所以心情唔好   想咬家姐   又吠家姐   好火呀 ~

今晚朱朱會照超聲波   睇下個肝嘅情況   希望唔好惡化就得   求神繼續保守醫治朱朱呢 ~

話咁快又到 8 點   所以要走喇   同家姐去附近嘅樂園食粉   今次 Share 四寶河 (有 7 粒唔同嘅丸) + 炸魚皮 + 腐乳通菜 + 凍柑桔   丸丸都 OK   河粉就好通透好滑   加埋辣椒油真係好正呢   食完就各自歸家喇 ~

番到屋企食下生果清熱氣   所以就食天生雪蓮   佢嘅功效好似係清熱   仲有唔知乜乜咁   總之好好咁啦   我覺得口感似食馬蹄   都 OK 㗎 ~

臘腸蒸雞翼 + 菜心 + 雞骨草 + 勁薑蕃薯糖水 ( APR-2009 )

呢排太攰喇   所以都無番教會    同里奧大人去茶餐廳食早餐   再去街市買嘢   話咁快就過咗一個上午 lu ~

呢排無湯水比里奧大人飲   所以番到屋企即煲官燕棧嘅雞骨草湯包   自己再加半個羅漢果一齊煲   好甜好潤好好味呢 ~

之後就熨 3 機衫   真係企到腳軟呀   不過我又唔慣着無熨過嘅衫喎 ~

熨完就清潔廁所   再沖個熱水涼   真係超舒服呀 ~

抖陣就去食 Tea 喇   無乜胃口   所以食星洲炒米   里奧大人食粟米班腩飯   個汁都 OK   但班腩就炸到好乾   等我下次又試下炸班腩先   我相信會好食過佢哋呢   哈哈 ~

太耐無煮飯咁   所以煮啲簡簡單單嘅 Warm Up 下先咯 ~

是日懶餐 - 臘腸蒸雞翼 + 菜心 + 勁薑蕃薯糖水

臘腸蒸雞翼 - 毫無難度   覺得里奧大人好似好慘咁   食埋呢啲無益嘅臘腸 ~

菜心 - $4 斤   但 $10 有 3 斤   無啦啦又咁平嘅   之前 $16 斤㗎   不過依家就無之前嘅咁靚同咁大條囉 ~

勁薑蕃薯糖水 - 突然好想食   所以就煲喇   超正呀 ~

7-11 之前有得換 3D 嘅狗仔同貓仔杯   家姐超鍾意其中 1 隻八哥   但係就換咗 20 隻都無    所以佢不斷係咁買買買   而我呢   又因為咁而買買買   最慘次次買買下就會買幾十蚊   因為如果尾數 $2 之內就會停手   如果唔係就會繼續買到 $2 之內   家姐仲勁   儲下儲下有成 8 張印花紙   仲要唔計之前嗰啲喎   為咗 1 隻八哥可以咁   我真係無佢咁勁囉 ~

元綠壽司 + 探朱朱 ( APR-2009 )

三文魚壽司 / 冷辣辣麵 / 素魚翅海蜇壽司 / 螺肉壽司 / 熟帶子壽司 / 蟹籽沙律腐皮壽司 / 太卷 / 八爪魚

落雨濕濕真係好煩呢   無哂心機   所以去食飽啲嘅早餐   就係五香肉丁腸仔公仔麵 + 凍鴛鴦   但個麵超難食呀 ~

番到菇場勁 Free   因為老細 Off   無王管真係好好呢   但我都好自律架 ~

晏晝同里奧大人一齊 lunch   到到都要等    所以去只需要等 1 張枱嘅夏麵館開餐算喇 ~

海蜇 / 炸大排擔擔麵 / 生煎包

食飽飽   里奧大人就自己番屋企休息   我就出去探朱朱喇 ~  

一個人探朱朱真係好 "呢 Hea"   因為要抱住朱朱   又要用件褸披住朱朱   驚佢凍   又要左手抱朱   右手影相   再加上朱朱又惡喎   幫佢抹咀仔又咬又吠   真係嚇到我三魂唔見七拍呀 ~

今日朱朱都精神   姑娘話只係唔多肯食嘢   同埋改咗嘅藥方對朱朱嘅腎都好咗   其他都 OK   咁我就安樂喇 ~

之後去 Body Shop 買唇彩 & Body Lotion   仲做埋 Member   但做完又後悔   因為其實我好少去 Body Shop 買嘢呢 ~

番到屋企坐陣就同里奧大人去食元綠壽司  lu ~

瘋薯 & 感謝大家有聲無聲的祝福 & 祈禱 ( APR-2009 )

非常感謝大家有聲無聲的祝福 & 祈禱   真是朱朱 & babymama 的福氣呀   謝謝大家 !!

唔好意思呀   我唔敢回應妳哋呀   因為我一諗起就好想喊   Sorry 呀   希望妳哋體諒 ~

今晚放工約埋家姐一齊探朱朱   我就早到   所以可以喊完   平復哂心情先探朱朱   感謝主   見到朱朱都精神   真係安心好多呀 ~

姑娘姐姐話朱朱日頭唔瞓   企定定眼碌碌   我估係等緊我哋呢 ~

我哋好感恩   因為可以探足 1 個鐘   其實每次只可以探 15 分鐘   我哋就輪流企喺度抱朱朱   佢好眼瞓   但我哋走嘅時候   就即刻精神同狂叫我哋呀   搞到我哋又喊住走喎 ~

同家姐今次又係掃街   首先食瘋薯   揀咗濃味芝士 + 酸忌廉 ($33)   我覺得勁失望   芝士醬好少   個味又唔夠濃   個酸忌廉又無味   好在薯條熱辣辣   唔係就慘喇 ~

跟住食辣魷魚鬚   個汁超正呀   臭豆腐呢   熱辣辣加埋甜辣醬   又係超正呀 ~   

最後 Share 食冷冷撈   真係好夠飽呢   之後就各自歸家喇 ~

神呀   求祢醫治朱朱   讓朱朱有強健嘅身體   可以戰勝一齊嘅病魔   早日出院   求主保守帶領   憐憫醫治朱朱   奉主名求   阿門 !!

阿土麵線 @ 旺角 + 陰公的朱朱 ( APR-2009 )

尋日 3 點幾有啲胃口   所以就食個腿蛋包   呢個包原本係早餐   但實在唔想食   所以變咗做 Tea 喇 ~

里奧大人 8 點先放工   咁就求其去食酸辣米線算喇 ~

~~~~

今朝好好多喇   但天氣又陰陰凍凍   勁唔想番工想繼續瞓呀 ~

早餐食芝腿治烘底 + 奶茶   突然覺得好似好好咁咁呢 ~

番到菇場真係無原動力做嘢   就算上網都無咩心機 ~

晏晝同里奧大人一齊食   心情都好啲 ~

休息 ( APR-2009 )

哎呀   呢兩日每月一到呀   個人無哂 "先之" (普通話嚟㗎)   點算好呀 ~  

星期一嘅食物

里奧大人自己嘅晚餐   我無胃口   但佢多數會買我鍾意食嘢食物   如果我鍾意食都可以一齊食嘛   雖然有我最鍾意食燻蹄   但唔舒服就聞到陣味都想反胃 ~

星期二嘅食物

早餐飲半杯奶茶就算   因為真係食唔落嘢呀 ~

晏晝好啲   所以陪里奧大人食 Lunch   我飲例湯   其他 No Way ~

呢兩日都係靠利賓納吊命   如果無佢   真係唔知點算好呢 ~

XO 醬肉絲炒年糕 + 菜心 ( APR-2009 )

早餐去茶餐廳食   3 餸 1 麵 + 飲品   只需 $19   邊到搵吖 ~

天氣焗到加零一   所以食完行陣就番屋企喇 ~

星期日留喺屋企嘅話   多數係執屋   睇報紙同睇電視   不過好多時電視節目都唔好睇囉 ~

見雨粉粉   所以拿拿聲落街食 Tea   點知一落到街就勁大雨 ~

番到屋企睇下電視又口痕   所以飲埋碗隔夜湯   再食條粟米   原來就咁烚仲好食呀   好甜㗎 ~

咁食法又唔郁   真係唔係路   所以早啲食晚飯好過 ~

是日晚餐 - XO 醬肉絲炒年糕 + 菜心

XO 醬肉絲炒年糕 - 第一次整   比我預期中易整同好食呀   XO 醬係去台灣時買嘅   食嘅時候好辣   但點解尋晚落咗 1/3 樽都唔辣嘅 ~

菜心 - $4/斤咋   抵啦   同埋估唔到仲甜喎 ~

食完有飯後甜品   就係芝麻糊    因為唔食就唔想再食㗎喇   所以點都要整呢 ~

一路食一路睇金像獎   真係不知所謂呀   Cut 到離哂大譜   啲頒獎嘉賓又講爛 Gag   睇到 11 點頂唔順瞓覺好過呀 ~

生炒排骨 + 豉油王蔥粒炒飯 + 花膠鯊魚骨瘦肉湯 ( APR-2009 )

今朝勁開心   因為晨早出去同媽咪 家姐 朱朱一齊食早餐呀 ~

番到菇場個個都 Holiday Mood   所以去到邊都係見到個個都係上網同遊魂 ~

里奧大人 Off   一夠鐘我就咋咋臨放工走人 lu ~

番到屋企已經係食 Tea 時間   到到都好多人呢   食完買餸就番屋企   因為好攰呀 ~

是日晚餐 - 生炒排骨 + 豉油王蔥粒炒飯 + 花膠鯊魚骨瘦肉湯

生炒排骨 - 材料有排骨 ($10) + 青+紅椒 ($3.5) / HP 醬汁 / 白醋 / 糖 / 喼汁 / 茄汁   今次用蕃薯粉代替生粉   因為蕃薯粉就過期   排骨外脆內軟   醬汁酸甜適中   真係多謝 HP 醬汁提供嘅生炒排骨食譜呀   第一次整   真係 Very Very Very Good 呀 ~

豉油王蔥粒炒飯 - 炒飯真係百食不討厭呀 ~

花膠鯊魚骨瘦肉湯 - 材料有花膠 / 鯊魚骨 / 1 條紅蘿蔔 / 2 條粟米 / 瘦肉 ($20)   煲 2.5 個鐘   今次落咗鯊魚骨   所以啲湯有啲腥呀 ~

最鍾意星期六煮飯   因為有多啲時間預備   真係煮同洗都開心啲呢 ~

輕輕鬆鬆整完哂所有嘢   沖埋涼   心情唔錯   所以就主動拎兒時食品朱古力味 Monaka 比里奧大人食喇 ~

Pizza + 煙三文魚 + 牛油香草蒜蓉包 ( APR-2009 )

終於星期五   之前放 Easter 又 Off   所以啲日子搞到亂哂籠   好似唔覺唔覺又 Happy Friday 咁 ~

唔知想食乜   所以食豬柳漢堡回鍋肉出前一丁 + 奶茶   超超超超飽呀 ~

番到菇場有嘢做㗎   真係要適應下咁呀 ~

晏晝同里奧大人試食開張無耐嘅酸辣米線   陰妳個公公   超難食呀   要小辣根本就唔辣   食到口 "Where Where"   以後唔會再去食呢 ~

豬潤腐竹紅薯粉 / 腩肉魚腐米線

一早諗好晚餐食乜   所以放工都好輕鬆也 ~ 

是日懶餐 - Pizza + 煙三文魚 + 牛油香草蒜蓉包 

Pizza - 佳寶凍肉店買㗎  只係 $9.9   估唔到味道唔錯喎   芝士有芝士味   肉腸有肉腸味   餅底又焗到脆卜卜   正呀 ~

煙三文魚 - Jusco 買都只係 $20.9   專登孝敬里奧大人㗎 ~ 

牛油香草蒜蓉包 - A-1 Bakery 買個細法包 ($11)   焗咗半個咋   因為好飽 ~

今餐只係需要洗 1 隻碟 + 1 個焗盤 + 1 個碗 + 1 對筷子 + 1 個細碗仔   真係好方便呀   唔怪之得洗完都咁開心啦   換轉平時黑哂臉   發哂脾 4 㗎喇 ~

雞扒撈麵 + 腐乳通菜 ( APR-2009 )

今朝起身仲暈急陀陀咁   難道真是紅顏多薄命嗎 ?!

不過 11 點要倍媽咪去診所拆紗布   又想早啲出去同朱朱食早餐   所以都係同平時一樣   7 點半起身梳洗喇 ~

9 點同朱朱食早餐   真係好 Relax   如果唔駛晏晝唔駛番工更好 ~  

無乜胃口   所以食小雲屎屎包 + 奶茶   食完就同朱朱行下   難得有太陽又有少少涼風嘛 ~

朱朱番屋企就瞓   阿寶又係想瞓   睇到佢哋咁瞓   我都想即刻瞓   但又瞓唔着喎 ~

約咗 11 半到診所   12 點左右搞掂   去到鴻星 12 點 15 分   今次好抵呀   3 個人飲咗 $130 咋   最正係唔嘈嘛   食都食得開心啲呀 ~　

手拍青瓜海蜇 ($38) - 因為勁想食海蜇   所以先叫   但味道一般

燒鴨瀨粉 ($10) - 10 蚊雞邊度搵喎   加上自己又鍾意食   啲皮好脆   正呀

炸鯪魚角 ($6.8) - 炸到好乾脆卜卜   又係正

潮州粉果 (小點) - 個皮煙煙韌韌   我鍾意呢

叉燒包 (小點) - 我唔鍾意食呢啲皮   但個餡就好好食

蠔皇北菇蒸陳村粉 ($5) - 難食呀

素菜包 ($6.8) - 無乜特別

皮蛋瘦肉粥 ($ 8.8) - 有驚喜   因為都好多瘦肉同皮蛋

番到菇場無嘢做   個人又超攰   最慘係覺得啲時間過得特別慢   渡日如年咁呀 ~

仲係覺得唔多舒服   所以放工之後即刻睇醫生   原來作感冒   唔怪之得又攰又骨痛啦 ~

是日懶餐 - 雞扒撈麵 + 腐乳通菜

雞扒撈麵 - 印尼撈麵   唔食唔掂   因為 Expiry Date 係 20/4   雞扒用韓國醬汁醃咗兩晚   超入味   甜甜哋好好味㗎   我覺得韓國醬汁要醃兩晚先入味   試過醃一晚係無味㗎 ~

腐乳通菜 - 惠康買嘅   $ 6.5/包   本來想整馬拉盞炒通菜   但唔夠時間   所以灼通菜算喇 ~  

住家飯 @ 媽咪屋企 ( APR-2009 )

媽咪今朝 8 點做白內障手術   所以我今朝要 6 點 15 分起身   陪媽咪一齊去法國醫院喇 ~

去到都係 7 點 40 分   眼科仲未開   所以坐喺大堂等 ~

坐到夠鐘就上去眼科喇   登記完就滴眼藥水   等瞳孔大咗就可以做㗎喇 ~

手術大約要做 30-45 分鐘   所以當媽咪入手術室   我就 9 秒 9 去 Canteen 食早餐   食奶醬多 + 奶茶   咁都要 $24   我覺得好貴呀   最慘杯奶茶又唔好飲嘛 ~

始終心掛掛   所以用咗 10 分鐘就食哂份早餐   早啲坐低等媽咪出嚟好過 ~

今次手術做咗 45 分鐘   非常成功   感恩感恩   感謝神保守帶領 ~

之後同媽咪番屋企   朱朱見到我好開心㗎   因為知道我會同佢出街   不過番到屋企都係 10 點幾   無咁早食 Lunch   所以佢等呀等   等到瞓着覺呀 ~

食完再買埋比媽咪   我就番工喇 ~

番到菇場超凍   應該作病   年紀大喇   真係唔可以咁頻樸 ~

本來諗住煮飯   點知里奧大人打嚟話想探媽咪   所以去媽咪屋企食飯 lu ~

朱朱今日成日等去街   但因為媽咪做完手術唔帶得佢出街   佢應該等咗成個晏晝無瞓過   所以夜晚我哋食飯時   佢瞓到豬一隻咁呢 ~

個人真係超唔舒服   內冷外熱   所以番到屋企即探熱   好在 100 度   拿拿聲食粒退燒丸就瞓覺喇 ~

煎靚靚雞翼 + 灼芥蘭 + 老抽王蔥粒炒飯 + 隔夜湯 ( APR-2009 )

放咗幾日假   再加上尋晚瞓得唔好   真係勁想繼續瞓唔番工呀 ~

早餐食較為健康嘅三文治 + 奶茶   食完好精神   但就好唔想番工囉 ~

菇場又靜   追 Blog 追到想嘔   要停一停   唔係就會驚咗㗎喇 ~

晏晝同媽咪 里奧大人去美心皇宮飲茶   好耐無飲茶   所以覺得好好味咁呢 ~

乳豬燒鵝飯 / 麵醬蒸排骨 / 潮州粉果 / 炸雲吞 / 燒腩卷 / 紫米露

放假之後番嚟真係攰到甩肺   所以煮啲比較簡單啲嘅餸   唔係就會選擇出去食   因為我驚我無命呀 ~

是日懶餐 - 煎靚靚雞翼 + 灼芥蘭 + 老抽王蔥粒炒飯 + 隔夜湯

煎靚靚雞翼 - 用韓國醬汁醃一晚   勁好味   不過勁易燶   好煩 ~

灼芥蘭 - $10/2 斤就抵啦   不過我唔食葉   媽咪話唔好食咁多葉   因為好似話係好濕熱   所以我索性唔食葉呢 ~

老抽王蔥粒炒飯 - 用老抽炒飯真係好味好多   不過我覺得無益 ~

隔夜湯 - 我第一日飲覺得有啲苦   但今晚飲又覺得好甜喎 ~

BBQ + 蝦醬豬肉蒸茄子 + 猴頭菇螺片響螺瘦肉湯 ( APR-2009 )

( 12-APR-2009  SUN )

同里奧大人喺教會附近食早餐   咁就唔駛咁趕咁呢   因為之後好快又會食午餐   所以 Share 食一個通粉餐  & 一件奶醬多 ~

番完教會又要食午餐喇   因為約咗里奧大人屋企人掃墓   啲時間唔拖唔水   所以要早啲食午餐   唔係唔知幾時食呢 ~

難得咁早食午餐   所以去熟食街市食嘢   每一個角落都好多人   但我只會食魚蛋麵    其實魚蛋魚魚片一般啦   因為我對呢兩樣嘢無乜興趣   但啲麵就唔錯   同埋啲魚皮浸咗好耐都好脆   好好味   最正係啲辣椒油   睇個樣唔辣   但原來好辣好香   真係可以為咗啲辣椒油而食碗粉㗎 ~

食完就 Join 埋里奧大人屋企人一齊搭車去掃墓   之後再去里奧大人家姐屋企 BBQ   不過一路都落住毛毛雨   勁無癮 ~  

( 13-APR-2009  MON )

10 點半起身出發食早餐   食到 11 點半  超 Relax 呢 ~

之後里奧大人跑步   我就執書房同熨衫   天氣好焗好熱   所以出汗仲犀利過跑步呀   最後頂唔順開冷氣   真係兩個世界 ~

勞動完要去開餐喇   咁焗嘅天氣一定要食啲刺激開胃嘅嘢   所以食酸辣米線喇 ~

食完同里奧大人去買餸買生果   有個老公傍住真係好呢 ~

4 點半喇   要 Ready 煲湯同晚餐喇 ~

是日懶餐 - 蝦醬豬肉蒸茄子 + 猴頭菇螺片響螺瘦肉湯

蝦醬豬肉蒸茄子 - 材料有五花腩 ($10) / 茄子 ($3) / 蝦醬 1 湯匙 + 水少許   呢個餸係喺雜誌度睇到   好似好方便好惹味咁   所以試下整   味道唔錯呢 ~

猴頭菇螺片響螺瘦肉湯 - 官燕棧湯包   自己再加 3 隻響螺 + $10 瘦肉   里奧大人話甘甘哋   幾好飲   不過唔好飲都要飲   因為我買咗一大包猴頭菇呀 ~

4 日假期   話咁快結束 lu ~ 

食品展 @ 葵涌 + 夢工房 @ 大埔 ( APR-2009 )

三文魚 / 帆立貝 / 八爪魚 / 希靈魚壽司 / 蟹子 / 山葵八瓜魚壽司 / 三文魚手卷 / 九州拉麵 / 冷麵 

提子 / 青蘋果有汽果汁 - 我飲嘅時候同家姐講好似飲緊有汽嘅汽水   家姐差啲噴出嚟   話汽水梗係有氣㗎啦  低低BB

一早約埋家姐去我屋企樓下嘅麥記食早餐   食完一齊出發去葵涌嘅食品展 ~

火腿扒雞蛋扭扭粉 / 魚柳包 - 多醬 / 芝士火腿扒包 / 薯餅

天氣好熱呀   慶幸大家都着咗短袖衫啫 ~

今次醒喇   拖細喼去   不過個場無工展會咁大   同埋有啲仲貴過超市特價貨   駛鬼山長水又遠買咩   哈哈 ~

1 喼 3 袋嘅收穫

官燕棧 2 份湯包 ($100/8 包   其中有啲係黑木耳同黃金菇呢啲   唔係全部都係湯包 ($200)

8 包五指毛桃湯包 ($100)

蒟蒻 4 Lbs ($40)

2 支美味棧頭抽 ($40) + 1 大支泰式甜酸醬 ($18) + 2 支喼汁 + 1 支 HP 醬汁

2 大 1 小天檀牌火腿豬肉 + 1 小樽蝦抽 ($48)

天天有餘魚絲 3 大包 ($25)

2 盒 G7 越式咖啡 ($25)

蜜糖 ($60)

大記砵仔糕 + 龍酥糖 + 茶果 + 紅豆糕 + 眉豆糕 + 芝麻糕 + 桂花糕 + 豆漿  + 桂花茶 ($ 100)

本來 Plan 好行完食品展再行附近啲商場   但拖住個喼真係幾 "阻定"   所以最後決定去雲南桂林過橋米線算喇   因為好想坐呀 ~

豬軟骨 + 豬紅小鍋米線 - 小辣  / 腩肉 + 魚腐小鍋米線 / 腐乳通菜

番到屋企放低嘢   影下相   執執嘢又出發去食晚飯喇 ~

試間新開嘅壽司店   不過食物質數麻麻哋   有啲失望呀 ~

之後陪家姐去 Jusco 超市買嘢   因為又係有 9 折優惠   我今次好忍到手   只係買咗百幾蚊   家姐就顛啲   買咗五百幾蚊   住村屋真係好喇   狂掃都大把地方擺   買完又唔多覺咁先好   我真係好羨慕呢 ~

又行咗個半鐘   所以番到屋企食砵仔糕做甜品補充體力   其實大記啲糕甜都唔錯   因為唔會好甜   啱哂我啲想食甜又怕肥嘅人呀 ~

食完又一齊睇 DVD   真係好開心呢   不過家姐 12 點先走就覺得夜咗啲   始終村屋比較靜呢 ~

紅黃綠椒釀魚肉 + 蔥粒炒飯 ( APR-2009 )

終於等到 4 月份嘅假期喇   連放 4 日真係好開心呢 ~

唔知係咪好多人都去哂旅行   所以 10 點幾去大家樂食早餐都唔覺好多人喎   咁都好   可以靜啲 ~

一早諗好假期中間兩日會出街   所以頭尾兩日都會留喺執屋 ~

執呀執   執到食 Tea 嘅時候喇   今次叫里奧大人試下個上海回鍋肉飯   估唔到有驚喜   好鬼好味呀 ~

依家應該唔會話再凍   所以同里奧大人拎張羽絨去焗   自助形式   $40 半個鐘   里奧大人負責睇住   我呢啲無耐性嘅人就當然要周圍行下   可能分分鍾有筍嘢買到都唔定㗎 ~

焗完番到屋企已經 5 點幾   不過好在第日係假期   咁可以唔駛咁急煮飯呢 ~

是日懶餐 - 紅黃綠椒釀魚肉 + 蔥粒炒飯

紅黃綠椒釀魚肉 - 3隻椒 ( $5 ) + 鯪魚肉 ( $10 )   今次懶醒無睇 Receipe 就出事   無落生粉醃鯪魚肉   所以煎起嚟好散   加上又成日黐底   所以將五層鍋轉番易潔鑊嚟煎   麻煩 ~

蔥粒炒飯 - 蔥粒 + 薑粒炒飯   已經係一個好好味嘅炒飯   我覺得 ~

炒飯得一碗   我又唔想食飯   所以食埋里奧大人之前喺 Panash 嘅芝士麵包   不過食埋今次唔會再食   因為貴咗反而無咁多芝士   上年尾買 $19.5   之後停咗 3 個月  依家有得買   但要 $23.5   仲要少咗好多芝士   好呃人呀 ~

Blog 友卡姑 lunch + 酸梅麵豉排骨 + 節瓜紅衫魚湯

今朝同同事一齊食早餐   掛住傾偈   都唔記得要烘底   唯有安慰自己話無咁熱氣啦 ~

番到菇場繼續忙呀忙   都開心嘅 ~  

晏晝我同里奧大人有幸同 Blog 友卡姑一齊去興記食 Lunch   事緣本來夜晚先同卡姑食晚飯   但佢臨時有事   所以夜晚就去唔到   但啲手信又差唔多到期   所以都係非見不可   所以就要勞煩卡姑山長水又遠嚟同我 Lunch 喇 ~

去到興記一定要食佢好恨食嘅常餐   由於我見到佢都飽   所以我唔食餐   散叫奶醬多 + 雞中翼   咁同佢哋又可以 Share   而我又要幫下里奧大人食淨嘅餸頭餸尾   所以我最後都好飽呢 ~

食完就送卡姑到港鐵站   佢好似好唔捨得我咁呢   哈哈 ~

一諗到連放 4 日假期就真係好開心呀   再加上今日老闆唔喺度   真係 Free 到爆呀 ~

是日懶餐 - 酸梅麵豉蒸掛骨 + 節瓜紅衫魚湯

酸梅麵豉蒸掛骨 - $2 麵豉 + $1 酸梅 + $10 排骨   加多 1 隻指天椒去蒸   又酸又甜又辣   超好味呀   里奧大人係咁扒飯   一路食 一路話正呀 ~

節瓜紅衫魚湯 - $6 (3 個細節瓜) + $17 (2 條紅衫魚)   唔知點解今次覺得好腥   勁唔想飲呀 ~

叉燒炒米粉 + 菜心 ( APR-2009 )

今朝勁唔想食鹹嘅早餐   所以又走去食牛奶麥皮 + 菠蘿油 + 奶茶   不過當自己又唔係好想食麥皮嘅時候   一食落口確實令人幾反胃呢   唯有一路食一路話降膽固醇   好健康咁呢   咁樣先食得哂   但係個菠蘿油就只能夠食一半囉   嘥哂 ~

真係巧邪   同事問我有無嘢做   我話無   點知唔夠 10 分鐘   我阿 Head 就比嘢我做 ~

晏晝同里奧大人食車仔麵    啲辣汁真係好好味呢   如果自己識整就好喇 ~

是日懶餐 - 叉燒炒米粉 + 菜心

叉燒炒米粉 - $17 叉燒 + $4 蒜芹 + 2 餅米粉   炒埋一齊就好大碟   要分兩餐食呀 ~

菜心 - 呢期菜心好似好老咁   定係我灼得太耐呢 ~

豆豉鯪魚炒油麥菜 + 海龍海馬瘦肉湯 ( APR-2009 )

今日早餐被迫食得豐富啲   因為我想食沙律醬汁而要食吉列魚柳呢   哈哈 ~

晏晝請假陪媽咪去醫院 "度" 眼   所以同埋媽咪 朱朱一齊食 Lunch 喇 ~

諗住 "度" 完眼就去九龍城食泰國嘢   所以我只食件奶油多 (燶啲再要多奶油)   唔咁強調就唔好食㗎   朱朱又眼定定想食嘢咁款   所以叫咗塊火腿   $3 好唔抵呀   哈哈 ~

食完就出發去醫院   半個鐘搞掂   都好快手 ~

同媽咪去九龍城小曼谷食 Tea   食咗 串燒 3 串 (雞 / 牛 / 豬) + 龍眼冰 + 清湯牛丸湯河    個湯粉落埋辣椒粉一齊食真係好好味呀 ~

之後同媽咪行啲泰國雜貨店   拖住媽咪隻手行街   感覺媽咪真係老喇   細細個媽咪拖   依家掉轉頭拖媽咪   好感慨呢 ~

途經寵物店   見到張狗仔床好似好舒服   所以即買比朱大姐   盛惠 $158   我覺得好抵呀 ~

送完媽咪番屋企   我就番屋企煮飯喇   媽咪話朱朱一瞓落床就唔願出落床呀   咁就好喇 ~

是日懶餐 - 豆豉鯪魚炒油麥菜 + 海龍海馬瘦肉湯

豆豉鯪魚炒油麥菜 - 有魚又有菜   最緊要方便   妳知啦   頻樸咗成日   有煮飯已經好好㗎喇    唔係我自己讚自己㗎 ~

海龍海馬瘦肉湯 - 媽咪特登朝早煲㗎   所以我又慳番唔少時間滾湯呢 ~

食完飯就食媽咪喺百佳買嘅長柄士多啤梨   好香好靚   但超級勁酸呀 ~

炒粒粒 + 隔夜湯 ( APR-2009 )

早餐又食三文治 + 奶茶

Lunch Time 嘅時候驚落雨   所以同里奧大人去菇場附近茶餐廳食   我明明叫牛丸米   點知黎咗豬肉丸米   我最憎最憎食豬肉丸   但係幫我寫單嗰位哥哥應該係新嚟   我費事佢比人鬧   所以我哽哂去   勁難食呀   好在里奧大人叫嘅涼瓜排骨飯超好味   食咗少少   個人都開心番啲呀 ~

是日晚餐 - 炒粒粒

炒粒粒 - 材料有 1 個大紅椒 ($8) + 2 件豆腐乾 ($3) + 粟米 ($4) + 菜脯   加糖加雞粉炒呀炒   好香好好味呀   因為我好鍾意食菜脯粒㗎 ~

煎雞翼 + 薑蔥粒炒飯 + 南瓜粟米栗子豬骨湯 + 徑步 ( APR-2009 )

星期日喇   天氣又唔錯  心情真係好好呀   10 點半起身梳洗   再出發去食早餐喇 ~

等緊早餐嘅時候   隔離張長枱有 2 個大人加 6 個小朋友   大約 8-10 歲左右玩啤牌   妳知啦   小朋友玩起上嚟會 Out of control   加埋個大人又一齊玩   嘈到呢   所以我要調位坐   我唔想係一個咁嘈吵嘅環境下食早餐呀 ~

同里奧大人去徑步同買餸   番屋企梳洗   抖到 3 點幾再去食 Tea ~

是日懶餐 - 煎雞翼 + 薑蔥粒炒飯 + 南瓜粟米栗子豬骨湯

煎雞翼 - 用韓式醬汁醃一晚   勁入味呀   不過煎嘅時候就好計易燶   因為成日心急用大火   唔關醬汁事㗎 ~

薑蔥粒炒飯 - 薑蔥茸真係好有益   所以炒飯嘅時候都會加   好好味 ~

南瓜粟米栗子豬骨湯 - 材料有南瓜半個 ($8) + 粟米 3 條 ($10) + 栗子半磅 ($4) + 豬骨 ($20) + 南北杏少許   煲 2 個半鐘   超超超超甜呀 ~

食完飯就睇旅遊節目同飲食節目   好開心呀 ~

酸辣米線 @ 大埔 + 徑步 ( APR-2009 )

難得假期   當然會瞓晏少少   不過最多比自己瞓到 10 點半   因為再瞓嘅話就會無早餐食   要自己煮呢 ~

運動無 Warm Up   所以下腹肌肉痛   要去睇醫生   不過我都有徑步㗎   只不過係超慢龜速咁囉 ~

突然好想飲珍珠奶茶   所以順便又食埋街頭小食當 Tea 喇   食腸粉 + 燒賣 + 粉果 + 冷冷撈   超正呀   不過超多味精超口渴呀 ~

食完行陣就番屋企抖抖   再番教會   今晚唔會煮飯   因為肌肉酸痛無 Mood 呀   就算煮咗都唔會好食㗎 ~

所以決定同里奧大人去食酸辣米線   不過食埋今次可能唔會再去得咁密 lu   因為里奧大人話依家食辣嘢   嗰日會打噴嚏好辛苦喎 ~

今日真係好彩   因為 Jusco 買嘢有現金回贈   最高回贈有 $200   咁啱想買屏幕   咁啱做 $1,998   所以有 $200 回贈   好抵呀 ~

住家飯 @ 媽咪屋企 ( APR-2009 )

星期四晚  (翻焗 + 粟米湯)

夜晚番到去徑步先   之後再焗番晏晝食剩嘅嚟做晚餐   放滿一碟擺入焗爐焗   勁方便呀 ~

不過硬係覺得里奧大人好似好慘咁   所以整多碗粟米湯   但佢居然話唔飲   話厭喎   麻鬼煩煩   之得唔煲啦 ~

~~~~

星期五

朝早食芝士蘑菇雞肉腸片治烘底 + 奶茶    雖然一路睇報紙一路食   但係都係無假期果隻 relax  咁噃 ~

呢排瞓得唔好   再加上菇場無嘢做   所以個人無無聊聊仲更加攰呀 ~

諗住興記拆咗   原來做到 5 月尾   咁都好嘅   多個選擇嘛 ~

真係唔想食豬扒麵   所以我今次食奶醬多 ( $4.5) + 炸雞全翼 ($7)   估唔到奶醬多好好食   所以再 Encore 件呢   仲肥過食個餐呀 ~

夜晚里奧大人去奶奶屋企食   所以我番媽咪屋企食飯   我始終都係想見媽咪同朱朱多啲嘛 ~

媽咪好鍾意食 Italian Tomato 嘅 Cake   所以又買兩件比佢食喇 ~

其實食完飯再食 Cake 真係幾飽下   不過飯後有甜品又果真幾滿足咁呢 ~

炒粒粒 / 蝦醬炒通菜 / 炸菜蒸梅頭 / 蒸火點 (其實唔係好記得係乜名) / 清保涼鱷魚肉豬展湯 / 焗蕃薯

怪味雞柳 + 菜心 + 徑步 ( APR-2009 )

一早醃好咗雞扒   放工買菜就搞掂 ~

是日懶餐 - 怪味雞柳 + 菜心

怪味雞柳 -  其實唔記得 Exactly 醬汁係點   只記得有蒜蓉 + 薑蔥茸 + 鎮江醋 + 豉油 + 糖 + 麻油 + 水呢幾樣嘢   所以求其整埋當係怪味汁   不過今次唔想落辣椒油   所以無咁惹味   但都好好食㗎 ~

菜心 - 要健康   所以菜心只會灼   唔落油同鹽   但都好甜㗎 ~

食完抖陣   就同里奧大人徑步去 lu ~

~~~~

今日請假   因為媽咪有白內障   所以請假陪媽咪驗眼 ~

第一件事當然同朱朱食早餐啦   不過好大風   只係抱住佢落街呢   驚佢吹親呀   其實佢食完營養糊仔之後就多數瞓覺   所以我食早餐嘅時候   佢都好乖咁無話要嘢食   咁我就可以舒舒服服咁食喇 ~

食完上屋企抖陣   就同媽咪出發去驗眼 lu ~

我真係好感恩   因為有次同媽咪飲茶   見佢好辛苦咁望嘢   仲以為佢眼鏡度數唔啱   但佢話有少少白內障   諗住 6 月覆診再問醫生   我即刻話唔好喇   睇私家好啲政府等好耐   真係盲咗都未做呀   所以就 Book 咗私家睇喇   媽咪食好多藥   上次我無無聊聊咁 Mark 低喺記事薄   估唔到今次用得着   因為醫生話藥物都會有影響   媽咪仲好愕然點解我會有佢食藥嘅資料添呀   所以真係好感恩呢 ~

驗完眼就同媽咪去 King Ludwig Beerhall 食德國菜   去到嘅時候差不多 1 點半   估唔到無乜人喎 ~

今次同媽咪 Order 2 個 Lunch Set (三文魚湯律  + 德國脆皮鹹豬手 + 甜品 + 餐飲 & 甘筍忌廉湯 + 炸魚蕃茄天使麵 + 甜品 + 餐飲)   再散叫 1 個農夫包   個 Waiter 好好人   話不如叫兩個 Set 算啦   驚我哋太多食唔哂   但我話真係好想試埋個農夫包囉 ~

每枱都有嘅蒜蓉包 - 脆卜卜   勁香蒜蓉味   超正

甘筍忌廉湯 - 我媽咪飲嘅   話有粒粒甘筍蓉

德國脆皮鹹豬手 - 超脆卜卜嘅皮   啲肉都好滑   但覺得好似有陣羶味

三文魚沙律 - 兩塊三文魚都幾大塊   但最有驚喜係粒車厘茄   超甜呀

炸魚蕃茄天使麵 - 我覺得無乜味   唔知係咪食咗鹹豬手呢

農夫包 - 超超超超正   外脆內軟   正到難以形容   下次再嚟必食呀

鵝肝醬 - 我好小食鵝肝   但覺得好好味

酸忌廉芝士醬 - 我鍾意食呢個醬   但比較漏

士多啤梨忌廉蛋糕 - 好飽   所以無咩點食

不過最後食剩差唔多半隻豬手同碟炸魚天使麵   所以我就可以當晚餐咁整比里奧大人食喇 ~

同埋媽咪一齊番屋企   陪下媽咪陪下朱朱   5 點半先番屋企   一日頻頻撲撲真係好攰呢 ~

雙重粟米肉粒碟頭飯 ( APR-2009 )

尋日膝蓋痛呀   無咩心機咁   所以好唔想煮飯   好想去打邊爐   又好想食壽司   總之好唔想煮咁啦 ~

諗住里奧大人 8 點番到屋企   點知 8 點先放工   加上我又唔會徑步   咁即係大把時間   都係煮飯啦 ~

我相信里奧大人食住家飯會開心好多   所以呢個就係我好攰都會煮飯嘅原動力喇 ~

是日懶餐 - 雙重粟米肉粒碟頭飯

雙重粟米肉粒碟頭飯 - 材料係 1 盒粟米湯 + 1 條超甜栗 + $10 豬林肉 + 2 粒紅蔥頭   今次我又覺得自已整得好好味   可能我鍾意食粟米啦 ~

~~~~

今朝天氣非常之好呀   所以心情都非常之好呀 ~

食咗兩朝甜早餐   今朝要食鹹嘅   食芝士蘑姑雞肉腸片三文治烘底 + 奶茶    好滿足呀 ~

依排番到菇場無嘢做   所以成日對住電腦上網   睇到眼濛濛   焗完杯菊花杞子圓肉茶   真係無咁濛喎 ~

天氣清清涼涼   一於行遠啲   同里奧大人去海皇粥店食 Lunch   最正係食滿 $25 可以用 $5 cash Coupon   所以就食艇仔粥 + 炒麵 + 蒸蘿蔔糕 + 炸兩    不過食完行番菇場覺得好熱添 ~