Oliva @ 大埔 ( JUN-2008 )

尋晚仲係唔想開火   加上里奧大人又同我差唔多時間番到屋企   最恐怖係佢 6 點 打嚟話好肚餓   嚇到我心都離埋   因為我驚煮唔切飯餓親佢嘛   就係咁   所以就順理成章唔煮飯囉   唔關我事㗎 ~

想食壽司但又唔想去元綠   覺得佢成日靜靜雞 5 毫 5 毫咁加好鬼祟呀   三文魚加到 $12.5 喇   不過唔記得之前幾錢喎   板長又靚又新鮮都係 $9 碟咋   突然覺得元綠好貴咁   所以呢排唔食佢住   遲啲順番條氣先食 ~

就係咁   所以去 Oliva 嘅餐廳試下   見環境好似唔錯咁   又無咩人   好似幾清靜咁   咪入去試囉   要慳錢   以食兩個 Set Dinner (有麵包+湯+主菜+甜品+飲品)   燒煙豬柳配意式燒烤汁 + 香煎沙孟魚柳配菜絲蜆肉汁   初初睇好似好細碟咁   原來份量唔少   有 5 塊豬柳同埋 3 大塊魚㗎   不過啲汁就絕對唔掂囉   嗰燒汁食到想反胃   所以最後都食唔哂啲食物   之後再嚟芒果布甸   我覺得好好味   .所以食哂   埋單 $152 OK 啦   不過唔會有下次   因為覺得唔好食呀 ~

好飽好飽   所以番屋企即刻搵嘢做   就係熨衫   而里奧大人就抖一陣去做機喇 ~

~~~~

今朝好好天   仲有太陽添   心情都靚好多呀 ~

好想食飯   所以走去食糯米雞 + 咖啡 ($13)   今次好好彩   唔係太濕立立   因為我鍾意食乾爭爭嘅糯米飯 ~

番到菇場有嘢做   好充實呀   真係連 Blog 都唔得閒寫呀 ~

晏晝都仲係好好天   所以就同里奧大人去遠啲嘅茶餐廳食   食中式牛柳飯套餐 + 炸兩 ($43)   勁好味呀 ~