麻辣手撕雞 (外賣) + 麻辣雞腎 (外賣) + 蝦乾芥蘭 ( 13-MAR-2025 )

( 13-MAR-2025  THU )

尋晚去咗次廁所   之後都算快瞓得番   感恩起身都精神呢 ~

早餐食芝士包 + 丹麥條   又鹹又甜都唔錯 ~

菇場唔忙   咁做自己嘢啦 ~

同阿花一齊行去斟水   佢話我臉色好咗   起碼咀唇有番啲色喎   我話睇中醫調理緊呀   所以都好感恩同個中醫都夾   同埋最感恩係可以 Claim 錢呢 ~

家姐話佢望實條雞柳

脷都伸埋   真係想食得好緊要咁噃

眼神同個樣   好似細個嘅時候

好大對眼

Lunch Time 蒸完飯就出去行下   行半個鐘就番菇場開飯 lu ~

船頭話我個飯盒好似無意粉咁嘅   我話係呀   食唔到咁多   始終都係早食嘛 ~

肥到呢

忙咗個幾鐘就可以 Hea 過   所以好快放工 ~

同阿花一齊行   佢成日都換袋   我話覺得好麻煩   因為驚拎漏咗嘢   之後講開紙巾   佢又係帶起碼 5 包紙巾   平嗰啲就嚟抹手抹枱   貴嗰啲就嚟抹咀同埋去廁所用嘅   原來同我一樣   哈哈哈哈 ~

買埋手撕雞同雪條就番屋企   里奧大人 6 點半先開完會   所有佢話 7 點先番到屋企   咁我就做陣小清潔先   咁星期六日就可以抖下喇 ~

是日晚餐 - 麻辣手撕雞 (外賣) + 麻辣雞腎 (外賣) + 蝦乾芥蘭

麻辣手撕雞 (外賣) - 諗唔到煮咩就買半隻手撕雞   其實我覺得無半隻   定佢唔啲雞細隻呢 ?!   真係好想下次買 1 隻   咁就知平時半隻份量係咪咁少   哈哈 ~   

麻辣雞腎 (外賣) - 依家帶飯   所以買多個小食做餸喇 ~

蝦乾芥蘭 - CC 比我嘅大蝦乾   估唔到幾好味喎   下次用嚟炒辣脯甫都唔錯   芥蘭喺 iEAT 買㗎   好有芥蘭味   所以依家都會喺佢度買菜呢 ~

洗埋碗就開機洗衫   之後諗住沖涼   但搞肚痛仲有啲暈   里奧大人依家好醒㗎   見我喺廁所好耐就會即刻問係咪暈 ?!   感恩今次無暈   但就標冷汗   所以要坐梳化抖下先敢沖涼 ~

里奧大人話可能食咗麻辣   對上幾次係少少辣就無問題   今次少辣就搞肚痛   咁食埋呢次都係唔食喇 ~

抖咗 15 分鐘就沖涼   之前熱水爐開 41 度都覺得熱   今晚覺得完全唔熱 ~

同里奧大人一齊睇 "痞子無間道"   估唔到後尾幾集係估佢唔到   所以覺得好睇呀 ~

睇多陣 Youtube   今晚 10 點 45 分瞓覺 lu ~