元綠壽司

(鮮貝柱三色壽司匣 )

( 炭火燒鰻魚壽司 )

( 素魚翅海蜇壽司 )

( 象拔蚌壽司 )

( 蠔情卷 )

( 鮮貝柱薄脆餃子 )

( 蟹子沙律 )

為咗拎銀行嘅禮品   迷你雪柜仔一個   所以要去油麻地一趟   最憎搭地鐵   仲要正值放工時間添   但唔搭地鐵又唔知有咩車去到喎

好在等咗 15 分鐘就可以拎禮品   因為一個人等會巧寂寞呢 

之後再行去旺角幫朱朱拎藥同營養糊仔   有 5 包藥同 15 包糊仔   所以又係一大包   巧重呀

左一包右一包咁慢慢行去搭小巴番屋企   又熱又攰呀

本來之前已經雪定好 d 冷飯   諗住整炒飯   但實在太攰   同埋里奧大人同我差唔多時間番到屋企   所以唔煮喇   去元綠食壽司算喇   橫掂有 78 折 
次次食壽司都唔會食得太多   可能因為一路飲水一路食   所以飽哂
本來想食完跑步   但唔夠瞓   腰酸背痛巧辛苦   所以放棄 lu 

之前成日想隔晚食芝麻糊   仲特登買兩罐   點知成個月都唔知有無食一次   所以呢   一記得就即訂整黎食   因為擺得太耐會一舊舊架 

我覺得 d 芝麻糊無咩味   所以加咗 2 粒湯丸   甜 d 好味 d

  

      
 

今朝拎一袋二袋坐巴士   所以要坐樓下   熱到呢

咁熱唔想飲熱嘢同食鹹嘢   所以食芝腿菠蘿包 + 凍央 ($17)   食到一半時覺得好滯   所以食埋今次唔想再食住喇 

一番到菇場就諗起聽日 off 就無心機做嘢   好想快 d 放工呢 

其實我真係好感恩   因為我間公司對我真係好好   點解無啦啦咁講呢   係因為我家姐話佢公司亞 head 好衰   上次有個同事唔舒服   將個頭伏落張枱到一下   亞 head 就叫佢唔舒服就走啦   唔好伏喺張枱到咁肉酸喎 

咁有次我週期性唔舒服   我伏落張枱度   咁啱我亞 head 叫我做嘢見到   就話如果妳一陣無嘢做就伏低抖下啦   果刻真係好感動   因為覺得佢好體諒我呢 

晏晝同里奧大人食車仔麵   出面熱到丫   食完番到公司全身汗呀