住家飯 @ 奶奶屋企 ( 15-NOV-2007 )

尋晚做咗啲意想不到既事...就係開 OT 呀...開到 5 點 55 分 呀...之後約埋里奧大人一齊出發去奶奶屋企食晚飯 lu

尋晚天氣唔錯...所以同里奧大人選擇唔搭小巴...而慢慢行去奶奶屋企...我發覺身體好似好咗...因為行成 20 分鐘都無喘氣...而里奧大人就慘啲...因為佢揹埋個 Notebook...再加上鼻塞....所以比較辛苦啲...係咁扯蝦 (其實我覺得佢係扯蝦...但佢堅持話因鼻塞而透唔到氣...所以扯蝦)...之後又突然沾沾自喜咁話去考消防員...笑死人啦....第一年齡超到唔超...第二行兩行就喘...第三個肚腩又巨....咪玩啦

去到奶奶屋企傾左一陣就食飯 lu...有茄汁蝦碌 + 蒸魚 + 豉油雞 + 油麥菜 + 灼菜心 + 花膠石合煲雞湯...但我晏晝餐仲未消化完...所以淨係飲湯 ..食菜..再食少少魚同雞...食完坐多陣要走喇...趕住煲藥呀...今次真係又食又拎呀...因為奶奶買左花膠同魚翅裙邊比我...講真...我真係唔識我買呢啲野...如果買既話分分鐘比人呃...因為啲人一知妳唔識就會第一時間比啲貴嘢妳...再咁講有啲咩好咩好...對於我啲咩都唔識既靚女就好容易墜入圈套㗎喇...所以呢啲都係由奶奶買好

里奧大人尋晚好好噃...見我攰就主動幫我煲藥...算佢啦...難得唔駛煲...梗係第一時間沖涼啦...之後再上網...再做功課...唉...希望今個星期可以搞掂份功課啦

           

里奧大人今朝又要北上...得我一個人坐車咋...但今朝又唔係太多人排隊等車...再加上早左到公司附近...所以我真係可以慢慢嘆早餐喇...又係食腿旦治 + 熱杏霜...$14...唔知幾時會食到厭呢 ?!

番到公司忙到爆炸...連同 CC MSN 嘅時間都無...其實番到公司係咁做係咁做都真係幾 Dry 下

晏晝買車仔麵...食辣魚旦 + 炸菜 + 通菜 + 米線...$14...都幾好味...最緊要係抵嘛...但唔知幾時會食到厭呢 ?!

今朝突然好有 Mood 着長袖衫...點知出到街又唔係咁涷...仲有啲熱添...激死我呀...