放工等左成半個鐘先有車...好在只係需要買粟米啫...唔係真係又要趕到死死下呀...所以一落車去街市買
3 條粟米 ($7.5) 就可以番屋企 lu
懷着興奮嘅心情番到屋企...因為是日晚餐係最鍾意食既韭菜雲吞
今次用超甜粟米做湯底...所以又要用好多心機咁續粒續粒拻啲粟米...拻左 20
分鐘...之後開始包雲吞喇...點知一開包雲吞皮已經係發霉...人家尋晚都聞過啲雲吞皮...係無臭噃...之得唔好懶...睇埋有無發霉啦...個阿姐又話可以留一個月... 嘥哂我啲嘢
一心想食濕濕地既野...點知又發霉...好在仲有灣仔碼頭韭菜豬肉餃啫...唔係啲粟米唔知點算好喇...卒之最後就食灣仔碼頭韭菜豬肉餃 + 龍蝦丸 + 生麵
(粟米湯底)
其實用粟米湯底煮生麵都幾古怪...啲味好唔 Match...但好想食粟米...無計
一路食一路睇 "同事三分親"...聽到 Diana
同裘俊講話有人記得佢嘅野係好幸福...咁又係喎...但好少男性係咁呢...除非熱戀嗰陣啦...不過可能都有嘅...只不過我遇到嗰位唔係咁啫
今朝里奧大人北上...所以我可以早啲出門口搭車...今朝好快去到公司附近..但我帶左早餐...所以番公司食...食芝士包 +
朱古力奶...勁 Heavy 啊
番到公司要拿拿聲做野喇...因為晏晝要去覆診呢
沒有留言:
發佈留言