Babymama: 干燒牛仔骨 + 蒜蓉豆豉炒油麥菜 + 炒飯 + 花膠螺片紅蘿蔔豬展湯 ( 19-NOV-2007 )

2007年11月19日星期一

干燒牛仔骨 + 蒜蓉豆豉炒油麥菜 + 炒飯 + 花膠螺片紅蘿蔔豬展湯 ( 19-NOV-2007 )

尋日晏晝 Tea 完就開始煲湯 lu...今次煲花膠螺片紅蘿蔔豬展湯...要煲成 3 個鐘...所以早啲煲可以早啲食晚飯

之後開始讀書...太好喇...終於讀完可以做讀書報告喇

是日晚餐 : 干燒牛仔骨 + 蒜蓉豆豉炒油麥菜 + 炒飯 + 花膠螺片紅蘿蔔豬展湯...

干燒牛仔骨 - 牛仔骨之前醃好咗...所以就咁煎就搞掂...我用韓式牛肉醬汁醃...所以唔需要再做任何醬汁...Very Easy...

蒜蓉豆豉炒油麥菜 - 就咁整碎蒜蓉同豆豉...之後炒炒炒到熟就得...仍都係 Very Easy...

炒飯 - 用生抽...老抽...蔥粒同旦係咁炒...里奧大人好鍾意食㗎...

花膠螺片紅蘿蔔豬展湯 - 花膠浸一晚...再用大量薑蔥少量燒酒出水....螺片同豬展又要出水....紅蘿蔔切到靚靚...煲 3 個鐘搞掂...

食完洗完抖一個鐘就用里奧大人跑步 lu...今次好好呀...因為我終於可以跑步喇...其實次次我都係徑步...一跑親就心口痛...但尋晚心口一啲都唔痛...好開心呀

番到屋企沖涼後再食木瓜...好健康呀...但尋晚 12 點先瞓呢

今朝里奧大人要見客...又係自己一個搭車...而個天又陰陰暗暗...好淒慘呢.

又遲左呀...所以買燒賣粉果 ($10) 番公司食...今日又係好充實呀

今朝 CC 好早打嚟話換新假期一書三冊既旅遊書...喺 9 點 10 分已經無得換喇...仲話聽到有人講話有啲人朝早 6 點幾已經喺 7-11 門口排隊等換書喇...顛㗎...9 點 10 分咁早已經無得換...真係好驚唔會再出呀...嚇到我即刻打比里奧大人...話官塘無得換...你去尖沙咀見完客就即刻幫我換啦...隔左無耐...里奧大人打電話嚟第一句就話: [下世都係唔做妳老公喇]...真係聽到我一頭煙 ?!...原來里奧大人特登喺九龍塘 MTR 出閘幫我換旅遊書呀...仲搞到遲左見客添呀...里奧大人真係好好呀