可怕的燒賣 + 腸粉 ( 10-NOV-2007 )

尋日都係唔舒服...但唔係咁想請病假...唯有做下洽下咁...好在老細 4 點幾走...我就索性唔做野瞓覺...最緊要係教好手電鬧鐘...唔係瞓到放工都唔知就死喇...

番到屋企又係即沖涼 "灘" 喺梳化度瞓...咩都唔理係咁瞓呀...瞓到里奧大人打電話嚟問想食乜...我話無胃口...求其買串燒賣啦...點知里奧大人驚我唔飽又買埋腸粉比我...佢自己就食車仔麵...

我話咁多點食呀...唔舒服仲比我見到咁大堆野...真係睇見都驚...最後我都淨係食左 3 粒燒賣同 3 條仔腸粉...之後又再瞓...剩番嗰啲唔知里奧大人有無食埋去呢 ?!...

瞓到 9 點幾...CC 打嚟傾左 20 分鐘...之後又瞓...瞓到 11 點條頸好痛...所以即番入房瞓喇...尋日真係唔知自己做過啲咩...淨係知自己好似成日都係瞓瞓瞓...

            

雖然瞓得多...但瞓得唔好即係等如無瞓...

今朝好開心...因為可以喺番工前同里奧大人食早餐...我食左沙爹牛肉一丁 + 熱咖啡...里奧大人食餐旦一丁 + 熱豆漿...$40...無咩胃口...但又想同里奧大人食早餐...所以...只係食左 1/3 同飲左 1/3...真係食唔落....嘥鬼哂啲野呀...

番到公司有好多野做...但唔想做...因為仲有啲唔舒服...但只可以慢慢做...因為老細喺度... 

好在收 1 點...可以番屋企休息...