煙鴨胸 + 牛油香草炒粟米粒 + 酸甜齋 ( 6-NOV-2007 )

尋日真係超級無 Mood...做一份單要做成 3 次先完成...對於我嚟講簡直係一個打擊...但真係集中唔到精神...唔做錯已經偷笑喇...之後再喺度諗煮乜好...諗到個頭爆炸都諗唔到...好煩呀

放工喇...淨係無啦啦想食酸甜齋...其他仲未諗到...唯有問問里奧大人想食乜啦...里奧大人話: [想食麵呀]...我話: [唔好]...之後里奧大人話: [又叫人諗...諗完又話唔好...咁妳自己諗啦...我唔諗喇]...我 : [又係噃...哈哈...麵無益嘛...哈哈]...收線

女人就係咁...話就就無所謂...但其實係最有所謂...所以男人必須要體諒...因為這性格是與生俱來的...是無法改變的東西呢

落車終於諗到食乜...就係去惠康買煙鴨胸 ($19) + 香蕉 ($6)...係咁多喇...

因為里奧大人見完客比我早番屋企...所以煲藥既重位就落在里奧大人手上...我番到去啱啱好煲完中藥...太好喇...唔駛煲藥真係舒服好多呀....超簡易是日晚餐...煙鴨胸 + 牛油香草炒粟米粒 + 酸甜齋...

煙鴨胸 - 係現成涷冰冰既...所以用易潔鑊煎一煎..."必"左成 4 湯匙油出嚟呀...之後再要用煮油紙係咁索係咁索...我第一次煎一煎佢咋...原來功夫都唔少...不過就好食好多囉

牛油香草炒粟米 - 見有時間...所以將兩條超甜粟米續粒拻...再用前日用剩既麥記牛油嚟炒....上碟再落香草...第一次整...個味唔錯唔錯

酸甜齋 - "自家素食" 度買既...水準下降左 90 倍...但無辦法...得佢一間又太想食齋

由於里奧大人要跑步....所以飯後要即刻食糖水 (隔夜腐竹白果糖水)...好飽呀

尋晚個人好攰...所以 10 點 40 分就要瞓喇

           

實在瞓得太差喇...成晚發夢...又去左幾次廁所...好好好攰呀...飲咖啡提神呀....所以今朝食吞拿魚三文治烘底 + 熱央...$15...雖然飲半杯...但人家想戒咖啡家嘛...但實在太攰喇...算吧啦

太唔開心喇...家姐打嚟話媽咪入醫院呀...因為覆診時話心跳快所以要入院留醫...好在媽咪唔係太驚嗰隻咋...唔知今次醫生又建唔建議媽咪裝起伏器呢 ?!...如果要既話就即裝唔駛煩喇...下下入院真係妳唔驚我都驚呀

晏晝食完飯就即刻做功課...唔係今晚探完媽咪...食埋飯番到屋企就好夜...無時間做功課㗎喇

神呀...求祢賜我精神力氣應付一切事情呀...我實在太攰喇...阿門...

凡勞苦擔重擔的人, 可以到我這裏來, 我就使你們得安息. (馬太福音 11:28)