通少四季豆炒蟹柳 + 亞 see 咖哩魚蛋 + 跑步機

尋日睇通少 blog...見個餸清清地又唔難煮...所以就決定重拾鑊剷喇... 

去街市買四季豆同洋蔥 ($6.5)...諗住星期六整咖哩魚蛋比屋企人食...所以就買 d 魚蛋試整...買完番屋企換衫就去做機喇

做完機即番屋企 ready 煮飯喇...唔知係咪好耐無煮...所以突然覺得煮飯好好玩咁...
是日晚餐 : 通少四季豆炒蟹柳 + 亞 see 咖哩魚蛋
通少四季豆炒蟹柳 - 好驚四季豆唔熟會仲毒...所以灼咗成十分鐘...灼完個樣就衰都不得了啊

亞 see 咖哩魚蛋  - 番到屋企唔理三七廿一就將 d 魚蛋飛水...夾嘅時候有廿幾粒...唔係嘛...我明明買十二粒咋噃...唔通十二粒差唔多夠半磅 ($4)...所以亞姐比夠 半磅我??廿幾粒唔係問題...問題係里奧大人喉嚨唔舒服食唔到辣嘢呀!!咁要我一個人隊廿幾粒點頂呀??不過我都盡咗最大努力...食淨四粒食唔落喇  (魚蛋真係好抵食...四蚊廿幾粒真係食得飽人啊)

真係好飽...飽到個人有 d 攰...但都要迫自己熨衫當做運動

沖涼之後即隊支朱古力甜筒喇...因為 d 魚蛋汁好鹹...搞到我個口好苦...唔食唔得囉


  

      

今朝好熱...無咩胃口...同埋個口仲係好苦咁...所以食奶油多 + 咖啡 ($13)...份量啱啱好

番到公司無嘢做...只能夠無可奈可上網 同 msn 過活

晏晝同里奧大人 lunch...一心諗住 share 一個 set lunch...點知間餐廳喺 lunch time 設有每人最低消費 $28...咁即係要食多個餐啦...唉...好在今晚同朋友行街...食飽 d 都無所謂咋...同里奧大人 share 食福建炒飯套餐 + 梅菜扣肉飯套餐 ($67)...飽到頂點呀

諗起都開心呀...因為聽日 day off...後日 sunday...大後日 holiday (佛誕) 呀