shopping + 甜品

尋晚放工就即刻走喇...因為約咗朋友 cc 去旺角 shopping...講明爭取時間...唔可以食飯...只可以邊行邊咬嘢...所以襯佢未黎之前...去花園街奇趣餅家買塊燒餅打底...熱辣辣又煙韌...真係好鬼好味...唔食有遺憾呀


cc 話 kfc 出咗個芝士波好似好正咁...所以我咪買黎同佢 share...點知 d 芝士波細到丫...仲細粒過我整 d 魚蛋呀...又無芝士味...$9.8 得 5 粒仔...佢以為我食淨比佢添呀

食完就行花園街...好在有收穫...再行聯合廣場之後就去石磨坊食甜品 lu...食芒果撈河 + 芒果黑糯米芝麻卷 ...今次朋友 cc 請 


      



今朝勁啦...7 點起身 ready 煮嘢做母親節禮物喇...就係整喼汁骨 + 勁辣咖哩魚蛋 + 芒果糯米糍喇

因為要炆喼汁骨嘅關係...所以順便拖地...果刻覺得做全職家庭主婦都好辛苦下... 
煮嘢再加上沖埋涼...十點幾先出門口呀...所以約家姐去大快活食早餐...share 食牛扒滑蛋 + 奶茶 ($20.5)...唉...家姐未到...但唔叫定又唔得...因為十一點無早餐食架喇...新鮮熱辣嘅早餐賀係好吸引...如果自己食咗先好似好衰咁...所以等埋家姐先一齊食...雖然涷冰冰無咁好食...但我都係鍾意一齊食開心 d

之後一齊去媽咪屋企 lu...坐咗陣就一齊去附近飲茶...到咗無耐里奧大人都到埋喇...菜心魷魚牛柏葉 + 煎魚餅 + 齋粉包 + 鹹魚肉片飯 + 灌湯餃 + 蘿蔔糕 + 山竹牛肉 + 豬腳薑 ...呢餐里奧大人請...因為當母親節禮物喎

食完就上媽咪屋企打牌喇