元綠壽司 + 跑步機

尋日里奧大人無啦啦又要北上睇廠...所以又係同我差唔多時間番到屋企...有見及此...都係唔好浪費時間煮飯...出去食好過喇...唔知點解...一到某段時間就會心思思想食壽司...所以又去元祿喇

今次食好小嘢咋...食三文魚手卷 + 鰻魚手卷 + 吉列炸蝦卷 + 蠔情卷 + 素魚翅海哲壽司 + 燒雞 pizza  ($102) 搞掂

同里奧大人特登唔食咁飽...因為想番屋企食 "大記" 紅豆糕呀

上次行 jusco...第一次見 d 紅豆糕有咁多同咁大粒紅豆...所以買黎試下...果真大大粒紅豆呀 .. 真材實料...最緊要係唔太甜...係咁易食 1/4 件已經好飽肚喇

食完抖陣就同里奧大人一齊做機喇 

諗住第日係 day off 會夜 d 瞓...點知 11 點已經瞓咗覺 lu 

  

      

今朝同里奧大人 9 點幾醒咗喇...去太興食早餐...食人氣火腿通粉餐 + 花生醬厚多士...慢慢食...超 relax 呀

番到屋企見里奧大人開咗部電腦又唔用..咪唔好嘥遊下 blog 咁囉...其實好唔想遊架...因為驚星期一番到公司無嘢做嘛...   

晏晝同里奧大人去茶記食 tea...食魚皮餃魚片頭湯濛 + 豉油王炒麵 + 奶醬多 ($52)...食完去家品店買嘢就番屋企 lu...今日唔方便做機...要喺屋企休息...所以得里奧大人勁 happy 一個人去做機喇