燒肉 (太興) + 磨豉醬炒脆肉瓜 + 芫茜皮蛋魚片湯 + 跑步機

燒肉 (太興) + 磨豉醬炒脆肉瓜 + 芫茜皮蛋魚片湯 + 跑步機

尋日噹媽喺我臨放工前教我煲芫茜皮蛋魚片湯比里奧大人飲...所以我就要趕頭趕命裙甩衭甩咁拿拿聲放工番屋企喇 

番到屋企又即刻換衫去做機...做完即 9 秒 9 跑去街市買餸...買 2 條鯇魚片 ($10) + 芫茜 ($2) + 2 條脆肉瓜 ($5) 就飛番屋企煮飯喇

因為里奧大人已經歸家途中...所以我必須加把勁...務求可以喺里奧大人番屋企就即刻有飯食...我真係絕對係一個好太太啊

不過...一下子唔可以比自己太辛苦嘅...所以就叫里奧大人買太興燒肉做餸喇

是日懶餐 : 燒肉 (太興) + 磨豉醬炒脆肉瓜 + 芫茜皮蛋魚片湯

燒肉 (太興) - 我突然間好想食皮...所以叫里奧大人買 $20 燒肉...點知太興最小要買 $30... 算啦...多咗可以留番黎炒冷飯嘛...一番到屋企里奧大人話以為 $30 係好多添...因為佢話燒肉佬楂住好大舊咁問佢呢舊 d 肥瘦程度啱唔呀??佢話啱呀啱呀!!心裡暗暗歡喜...發達咯...$30 有咁大舊...點知正想從心裡面笑出黎嘅時候...燒肉佬就喺舊大燒肉度切咗一刀...切咗一條超細嘅出黎放喺盒度...里奧大人先知道原來 $30 係得咁小架咋!!最後都係食哂...因為實在太小喇

磨豉醬炒脆肉瓜 - 用磨豉醬炒...惹味...

芫茜皮蛋魚片湯 - 噹媽話 d 魚佬實會幫妳切片...呃人嘅...要我番屋企洗乾淨自己切呀呀呀呀...切嘢...因為 感覺好似分屍咁架...所以我迫不得已用鉸剪厚厚咁剪...d 感覺都唔好架...但無辦法...唉...我以前好憎食芫茜...同埋我覺得年紀大嘅人先鍾意食呢 d 嘢...點知而我居然會唔抗拒 (生芫茜除外)...唔認老唔得喇

食完飯...洗完碗就煲中藥...之後沖涼...未停過...後尾真係攰到頂點...所以好無奈咁叫里奧大人熨佢自己果幾條衭喇

之後無無聊聊走去食薄荷朱古力膠布...都好重薄荷味...但好黑仔... 食完真係要痴真膠布...因為食完去開信...比把開信刀 "吉" 親留血...十指痛雞心呀

今朝天氣又好好...最緊要係有太陽同有風...
心情幾靚...所以想食飽 d...食沙爹牛肉蛋米粉 + 奶茶 ($18)...食完好滿足咁番公司

番到公司居然有嘢做...人家 holiday mood 喎...等下先啦 

晏晝同里奧大人食 set lunch...share 鱆魚冬菇雞粒蒸飯 + 炸魚腐 + 熱菊花茶 ($35)...呢餐真係 very good...又飽又平...因為早餐未落格 .... 食完兜個圈就番公司喇 

美 白 漂 牙 產 品 成 效 因 人 而 異

有 病 齒 不 可 漂 白

香 港 牙 醫 學 會 會 長 梁 世 民 表 示 ， 用 作 漂 白 牙 齒 的 是 一 些 牙 科 用 漂 白 劑 ， 漂 白 劑 的 化 學 物 質 會 氧 化 牙 齒 本 身 色 素 ， 令 牙 齒 變 白 ， 至 於 藍 光 、 激 光 等 ， 作 用 只 是 提 供 動 力 予 漂 白 劑 ， 促 使 其 加 快 本 身 的 化 學 作 用 ， 故 若 漂 白 劑 無 效 ， 用 光 也 沒 有 用 。 由 於 漂 白 劑 易 令 使 用 者 敏 感 ， 故 現 時 市 面 出 售 的 美 白 牙 齒 漂 白 劑 ， 劑 量 及 濃 度 不 可 以 太 高 ， 效 用 因 人 而 異 ， 至 於 在 牙 醫 診 所 進 行 漂 白 ， 劑 量 則 可 以 較 高 。
梁 醫 生 提 醒 ， 如 有 牙 周 病 、 蛀 牙 、 牙 肉 萎 縮 等 病 症 ， 絕 不 可 以 漂 牙 ， 以 免 造 成 更 嚴 重 傷 害 。