清淡的一餐 + 跑步機

尋日里奧大人感冒...早咗放工番屋企休息...病喇喎...梗係無胃口啦...所以話去食粥喎

食粥無問題丫...我都幾鍾意食嘅...最緊要係唔駛我煮啫...我食艇仔粥 + 油炸鬼...里奧大人食車仔粥 (火鴨絲 + 牛肉碎 + 蠔豉) + 鹹肉糉...其實我最想食豬潤粥...但只有豬潤腸無豬潤粥噃...奇怪...原本自己一個人食一孖油炸鬼係好辛苦架...油到丫...估唔到食粥仲飽過食飯...所以要行一陣先番屋企呀

抖咗一個鐘頭就自己去做機喇...唔知做咩鬼...越做越攰咁...不過我都堅持做半個鐘頭

番到屋企勁攰...即刻煲藥同埋沖涼...再睇一陣電視...10 點半就去瞓喇 

   

      

今朝天氣非常好...但就好乾燥...不過都唔錯丫...起碼 d 衫好快乾嘛...  
呢排可樂上身...差唔多日日都飲小小...真係要食芝士補番 d 鈣質...所以食芝蛋治烘底 + 咖啡 ($15)

今朝好在有小小嘢做咋...如果唔係真係無原動力番工呀

晏晝同里奧大人去 ikea 食 lunch...食蕃茄醬肉丸 + 匈牙利雞肉意粉餐 ($45)...今餐平好多...最正係靜靜地嘛 

經文分享 :
小子們哪 : 我們相愛, 不要只在言語和舌頭上, 總要在行為和誠實上 .
(約翰福音 3 : 18)