海南雞肶飯 + 魚柳蜜桃沙律 + 跑步機

尋晚好開心喎...因為可以同里奧大人一齊放工...真係好難得...依家里奧大人仲未咁忙...所以一定要好好珍惜一齊放工嘅日子

我話煮臘味飯 + 罐頭粟米湯做晚餐...因為好似好耐無煮過飯咁...里奧大人就話諗諗先...唔係佢唔想食我煮嘅嘢...而係話唔想我咁辛苦喎...諗到番屋企就話去食海南雞飯...咁是但啦

去完買生果再去餐廳食飯...真係好 enjoy 呢 d 生活呀

由於我要進行減肥計劃...所以一飯一沙律...海南雞肶飯套餐 + 魚柳蜜桃沙律套餐...但個汁就唔係好掂...可惜可惜...埋單 $110...不過真係抵...因為 d 份量真係好多

晚餐咁肥膩...同埋唔知係咪呢排無做運動...瞓得唔好...所以抖咗陣就同里奧大人做機 lu

太耐無做...有 d 吃力...不過我會堅持...因為我未試過會咁堅持...
番到屋企真係有 d 攰...沖涼...睇陣電視...11 點就瞓喇... 
      

      

今朝好熱呀...不過巴士又好涷喎...所以一定要有外套跟身...如果唔係遲早病呀

成日食包做早晨食到有 d 悶...所以食炒米粉 + 奶茶 ($13)...碟米粉鹹到爆...日日咁食真係食到腎有事呀...又油...呢餐食得好慘...   

晏晝自己買車仔麵 ($17) 番公司食...omg...自己一個食...有 d 唔慣添 
 

尋日里奧大人話出面食一個 lunch set...閒閒地要 三十幾...最慘係食唔哂...所以叫我第時唔好帶飯...一齊出去 share 食仲好喎...咁又幾好嘅...又可以見下...又唔會嘥嘢...食完仲可以行一陣幫助消化...一於係咁話啦

每日 一 up :
唔知點解 d 人可以咁勁...鍾意一樣嘢可以鍾意十幾廿年...好似里奧大人咁...鍾意 xo...鍾咗成十年...我就真係唔得喇...我兩三個月就會好快厭...里奧大人話咁樣唔係叫鍾意喎...咁我都認同嘅...所以呢...依家唔會買任何呢一刻鍾意嘅公仔...因為好快會變做垃圾...同埋我又唔捨得掉喎...咁就叫里奧大人掉...心理上覺得好似係佢唔要...唔係我唔要嘛...但依家唔 work lu...因為里奧大人話要掉就自己掉...彩我都傻喎