車仔麵 ( 外賣 )

尋晚放工要即刻走喇...因為約咗人上屋企換燈...本來唔想換住...但係夏天一開窗...就會好多嘢飛入去燈罩入面...要清洗好麻煩...所以索性換哂 d 燈算喇

好在早番到屋企...拿拿聲用垃圾袋舖枱面...鞋柜...地柜...床...如果唔係整到全部都係灰就難清理架喇 

話明七點半...點知成八點先到...整到成九點先搞掂...自己又唔係咁舒服...所以求其叫里奧大人買車仔麵食算喇


 

      

今朝北上...唔記得大陸有小黃金週...好在中醫師有開診咋...如果唔係就白白浪費咗半日嘅 annual leave 架喇...因為每月一到唔多舒服...又無咩胃口...所以睇完就即刻搭車番屋企休息喇...
 

一早諗好咗...睇完中醫就陪里奧大人攞功課再去篤波...點知最後自己就要喺屋企休息...得里奧大人一個人孤令令去攞嘢...好似好可憐咁 

瞓咗成日都仲係無咩胃口...所以里奧大人又要孤令令買車仔麵番屋企食...而我就係咁瞓係咁瞓