沙爹青椒洋蔥炒排骨 + 跑步

呢排天氣潮濕再加上瞓得唔好...所以個人超攰...遲 d 得閒煲 d 東瓜去濕水飲飲先...唔係有排攰呀...
呢排下定決心去跑步...所以煮 d 簡單嘅餸菜...留番 d 力用黎跑步

之前已經醃好咗豬肉...放工就咁買芥蘭就得 lu...因為一早諗咗學整通少嘅 "沙爹豬肉炒芥蘭"...有肉有菜好鬼盞...最緊要係一鑊搞掂...very 方便 

是日晚餐 : 沙爹豬肉炒芥蘭 + 炒飯 + 隔夜湯
沙爹豬肉炒芥蘭 - 步驟跟足通少...但獻汁份量就係 2 湯匙沙爹醬 + 1 湯匙蠔油 + 大半豌水...上次里奧大人話好辣...就係咁加多咗水...所以無咩沙爹味...但都好好食...因為有菜有肉有汁有剩

炒飯 - 時間關係...淨係用薑粒 + 蔥粒 + 雞蛋 + 老抽炒炒就算喇

隔夜湯 - 兩個人煲湯...實會有隔夜湯...d 人話隔夜湯無益...我唔理架...唔通下下用三個鐘煲兩豌湯咩...其一無時間...其二係無咁多錢交煤氣費...因為我日日煲中藥條數好襟計呀

里奧大人成八點幾先番到屋企...食埋飯抖一個鐘成十點幾先出發去跑步...雖然攰...但都堅持要跑

番到屋企沖個熱水涼...人家話做完運動沖個熱水涼係超正...點解我唔覺嘅...我淨係覺得超熱囉...

      

尋晚沖個熱水涼先瞓...覺得好熱...瞓得唔係咁好

過多兩日就有四日嘅復活節假期...唔知係咪好多人已經去咗旅行呢??因為車程好順...仲有成廿五分鐘比我嘆早餐...所以去平時勁多人排除嘅美心快餐食魚柳旦拚厚多士配華田 ($21)...慢慢嘆...超好味

又係無嘢做...個 frd 又唔得閒 msn...所以又要遊 blog 過日

幾經辛苦先到 lunch time...又係帶飯 

上網睇報紙...睇到以下兩篇好攪嘢..因為發生過喺 b 身上

 

上 司 個 口 好 臭 下 屬 作 嘔

整 天 被 屎 坑 般 的 臭 氣 圍 繞

， 會 有 何 感 覺 ？ 網 友 飄 靈 有 最 切 身 感 受 。 「 好 難 頂 ！ 上 司 口 臭 到 屎 坑 咁 ， 又 哄 埋 講 話 ， 按 鼻 又 話 人 嫌 棄 她 ！ 下 屬 都 受 不 了 ！ 唉 ！ 」
Net 人 在 為 他 難 堪 ， 網 友 爭 相 獻 計 ： 「 婉 轉 問 佢 係 咪 有 胃 氣 ? 使 唔 使 介 紹 胃 藥 畀 佢 ！ 」 有 人 建 議 買 漱 口 水 ， 「 呃 佢 試 話 新 產 品 有 朱 古 力 味 ， 等 佢 漱 完 唔 臭 。 」 yansan 最 抵 死 ， 「 有 邊 個 上 司 個 口 唔 臭 ？ ！ 」 lemonngan ： 「 直 接 同 佢 講 ： 你 個 口

味 好 特 別 ！ 」 似 整 蠱 他 多 一 點 。 多 人 認 為 帶 口 罩 最 有 效 。
le38vinson 最 聰 明 ， 「 請 佢 食 香 口 珠 ， 見 到 都 明 ！ 」 網 友 認 同 ， 「 拎 香 口 膠 出 來 扮 自 己 食 ， 順 便 請 埋 佢 ， 畀 個 下 台 階 佢 ！ 」
飄 靈 集 思 廣 益 ， 即 買 一 盒 口 罩 及 口 香 糖 ， 還 分 給 兩 下 屬 ， 「 真 的 太 難 頂 了 ！

 

b真人真事 :

 

不過唔係上司...係同事...

 

n 年前...有個女同事個口臭到不得了...我同兩個同事都頂唔順...佢一講嘢我地就閉氣...幾辛苦呀...不過同人講妳個口好臭又真係令人好尷尬嘅...

 

依家...又係有個女同事個口臭到不得了...同我講完嘢我都仲係覺得 d 臭氣圍住我...行到邊坐到邊都係圍住唔走咁...好難頂...佢講電話...我企喺佢隔離同事個位都聞到...妳話臭得幾犀利...不過最難得係佢有兩個同事同佢好好傾...成日密密斟咁...唔通果兩個同事有嚴重鼻敏感??咩臭味都聞唔到??

 

膠 袋 載 飯 返 工 嚇 壞 同 事

不 少 打 工 一 族 都 會 帶 飯 返 工 ， 網 友 愛 寵 稱 ， 有 專 業 人 士 同 事 以 超 市 膠 袋 盛 飯 帶 返 公 司 ， 午 飯 時 倒 落 碗 內 翻 熱 食 ， 雖 環 保 但 覺 欠 衞 生 ， 他 有 種 「 好 似 倒 緊

垃 圾 咁 」 之 感 ， 網 友 更 謂 「 覺 得 好 似 嘔 吐 袋 裝 食 物 」 。
不 少 網 友 指 難 以 置 信 ， 但 網 友 nyctaz 稱 ， 於 北 京 遊 玩 時 ， 見 當 地 人 也 是 將 飯

倒 入 紅 色 手 抽 膠 袋 內 ， 令 他 即 時 胃 口 大 減 。
此 外 ， 此 「 專 業 人 士 」 返 公 司 後 未 有 將 其 「 膠 袋 飯 」 放 入 雪 櫃 ， 亦 令 樓 主 難 以 接 受 ， 大 呼 「 頂 唔 順 」 ， mystery1223man ： 「 真 係 好 唔 掂 ， 好 唔 合 衞 生 ， 咁 搞 法

夏 天 好 易 有 霍 亂 。 」
不 少 網 友 建 議 樓 主 送 一 個 飯 盒 予 這 位 同 事 ， Net 人 對 此 也 大 表 贊 成 ， 不 知 道 樓 主 最 終 又 有 否 送 出 呢 ！

 

b真人真事 :

 

話說之前有次同里奧大人去某茶餐廳食早餐...我離遠見到有個亞伯食一碗麵同飲一支大啤酒...咁早就成支隊..亞伯黎架喎...咁唔健康嘅...所以我就留意下佢...見佢拉 "住" 麵拉到好長...原來係放入超市膠袋...搞到我好想反胃...喺度諗究竟係比狗食定自己食??如果自己食不如叫人比個膠盒裝好過啦...講真...一蚊佢都唔自在啦...一支大啤酒都比得起...再去第二次嘅時候...又見到佢...又係將 d 麵放入膠袋...到第三次...我即刻同里奧大人講記住呢個亞伯...唔好坐喺佢隔離...因為佢好核突...之前兩次都費事同里奧大人講...因為佢都唔會記得...但第三次真係忍唔住...驚里奧大人心急見有位就坐...如果啱啱亞伯夾麵入膠袋...我真係會即刻反胃無胃口呀...因為我驚個袋入面仲有其他嘢呀!!