蜜糖烤豬助骨拚司華力腸 + 炒田螺扁意粉

唔想煮飯...又唔想食飯...所以同里奧大人去燒扒屋食扒

唔係咁肚餓...又諗住五十幾蚊一個餐...份量唔會好多...所以就叫咗蜜糖烤豬肋骨拚司華力腸 + 炒田螺扁意粉...食呀食...好似食極都唔完咁...真係諗起都驚呀...埋單 $120...又湯又包又好飽...抵呀...
星期六 day off 呀...所以個人都特別 relax...真係好鍾意星期六唔駛番工呀 

      

今朝九點起身喇...唔駛番工嘅星期六真係特別舒服...平時番工鬧鐘一響就即刻起身...翻熱 d 藥...刷牙...沖涼洗頭出門口...好趕好趕...唔駛番工就唔同喇...可以起身之後就做下小小家務先刷牙...唔駛趕住出門口...心情都特別靚 d 呀

去到媽咪屋企就帶深愛嘅朱朱食早餐喇...食奶油多 + 熱央 ($14)...之後上屋企抖一陣就同媽咪飲茶...然後去拜公公喇...
同媽咪又係去飲茶...食濕炒牛河 + 蝦餃 + 溏心皮旦酸薑拚海蜇...唉...又話係溏心皮旦...溏佢個頭呀...難食到爆呀...人生第一次食咁難食嘅皮旦酸薑拚海蜇...埋單 $130...其實飲茶真係幾抵...幾蚊坐個幾鐘...又唔駛比人趕...所以好多老人家都鍾意飲茶...我間唔中都想飲茶...但唔會坐個幾鐘...唔會嘆報紙...係一食完就走...因為我覺得酒樓真係好鬼嘈...想傾計又傾唔到...睇報紙又好似好浪費時間咁...做其他嘢好過啦...不過當自己老咗就唔知係咪咁諗喇