住家飯 @ 媽咪屋企

尋日呢...喺公司悶到爆炸...雖然可以 msn 同上網...但都覺得好悶好悶

尋日里奧大人喺我公司附近見客...所以我就順便要求接埋我放工喇... 
里奧大人要番學...所以求其去美心食焗豬扒飯...唉...又要我陪食...陪食唔係問題...但咁啱媽咪又係整茄汁豬扒嘛...同埋我真係唔肚餓...所以最後都係食唔哂...嘥哂

之後我就去媽咪屋企...里奧大人就出發去番學喇...真係可憐...放工番學...睇見都攰呀

是日晚餐有茄汁洋蔥煎豬扒 + 煎英倉魚 + 瑤柱蒸水蛋 + 炒芥蘭 + 節瓜瑤柱 + 花膠螺頭圓肉淮山北芪豬展湯...唉...頭先陪里奧大人食咗豬扒飯....所以飲咗兩碗湯已經飽哂...又唔敢講話食咗嘢...不過最後都要食 d 飯食 d 餸咁...因為媽咪知道妳有無食架...
差唔多九點就走喇...番到屋企成十點...里奧大人又成十點半先放學...番到屋企成十一點幾...等我幾眼瞓呀...
尋晚 upload 相時...睇到以下新聞...攪到我好想嘔... 

四川「獸孩」 年吃20隻生雞鴨 (明報) 03月 12日 星期三 05:05AM

【明報專訊】四川 內江東興區驚現一名「獸孩」，14歲的他自小不會說話，只能像動物般嚎叫，一年要生吃20多隻生雞鴨。目前他被送往醫院，希望找出怪病的根源。

《重慶時報》報道，據「獸孩」的父親黃西德表示，今年14歲的小林（化名）從小就只懂用手抓東西吃，稻草、紙巾、石頭，見到什麼就吃什麼。6歲開始，小林竟生吃動物，一年要生吃20多隻雞鴨。加上小林經常失禁，父母平時都將他關在屋裏不讓他外出。

日前小林被送往重慶市兒童醫院，醫生稱小林可能智力發育不完全，加上家長又長期將他關在一個封閉環境，導致他只能按原始的本能成長。目前醫院正為小林設定具體的治療方案。

      

今朝里奧大人唔係咁舒服...遲小小先番工...我就仲慘...太夜瞓又瞓得唔好...仲發夢自己好辛苦抖唔到氣...點知一起身個人真係好辛苦...好難抖氣咁...嚇 c 我呀

早咗番到公司附近...又可以慢慢嘆早餐...食芝蛋治烘底 + 熱古古力 ($15)...唔肚餓食芝蛋治真係會食到想嘔呀...因為太漏喇...不過我食芝士係因為想有鈣質...都唔理得佢肥唔肥 lu..最緊要保健康嘛

晏晝帶飯...食飽好想瞓...到開工嘅時候...見到老細同高層出 trip 就當堂精神哂...因為我唔駛縮細 screen 上網同 msn 呀