黑椒火腿絲炒鴛鴦米 + 隔夜湯

最怕星期一...因為個人特別攰...無咩心機好 down 咁

雖然公司有嘢做...但係呢...硬係唔想做...好不期然就會上網...睇東睇西咁...唔咁做驚真係會坐喺度都瞓着

至於煮咩...個人一悶就咩都諗唔到架喇

但之前買咗芹蒜同黑椒火腿...所以就用黎炒米粉喇

是日懶餐 : 黑椒火腿絲炒鴛鴦米粉 + 隔夜湯
黑椒火腿絲炒鴛鴦米粉 - 諗住炒米粉好簡單...但當一個人好攰嘅時候...原來係一個大工程...芹蒜洗淨切粒...火腿要切絲...蒜頭又要切粒...米粉要煮熟先炒...今次仲大鑊...驚唔夠食...所以用兩餅廣東米粉加一餅泰國米粉...煮熟先知道咁鬼多...本來唔想帶 lunch box...但真係唔帶唔得呀...太多喇...今次 d 米粉無生勾勾喇...但淋 pat pat 呢...硬係覺得濕濕咁...d 口感好難頂...我覺得今次煮得好難食...所以我頂唔順要點豉油辣椒油黎刺激我嘅食慾呀... 
真係好攰...懷疑作感冒...加上我兩隻手指公因為濕疹而比我 "r" 損哂...但一煮飯同洗碗就會爆傷口...雖然帶咗手套...但都無用...一樣係會爆...如是者咁樣係咁爆...成世都好唔番啦...所以里奧大人下令停工一星期...唔準煮飯

真係好好好好攰...所以十一點就瞓咗喇...

      

做 mood 呀...咁攰嘅...瞓極都唔夠咁嘅

做 mood 呀...咁餓嘅...唔郁都會咁餓嘅??所以要食芝旦治烘底 + 杏霜 ($15)...希望食飽有精神做嘢啦

做 mood 呀...食飽仲想瞓覺呀

做 mood 呀...攰到爆炸都要晏晝食完飯幫里奧大人去 bank 汇票

做 mood 呀...輕微頭痛呀...唔好再感冒呀...啱啱好咗...唔好再黎攪我呀