煎三文魚扒 + 雞翼 + 花膠鯊魚骨紅蘿蔔粟米豬展湯 + 跑步

好難得可以喺梳化度瞓咗廿分鐘...本來想繼續瞓...但四點喇...要預備煲湯喇...因為唔夠瞓...所以有 d 掹...咁啱 csl 打黎...係咁 chur 住要我用 csl...對話如下...
csl : 妳好...我係 csl...依家做緊 $xx / xxx 分鐘...
b : 唔駛喇...唔該!!
csl : 係咪簽咗其他電訊公司合約呀??
b : 係呀...所以唔駛喇...唔該!!
csl : 咁呀...依家好抵喎...$xx / xxxx 分鐘咁咁咁咁...
b : 我簽咗合約架喇...我同我屋企都係用 smartone...唔通叫我全屋企人都改哂 csl 咩...唔駛喇...唔該!!
csl : csl 依家 $xx / xxxx 分鐘咁咁咁咁...
b  (開始有 d 慶) : 我都話唔駛咯...ok...
csl (係都唔收線) : 唔係喎...依家 csl 做緊咁咁咁咁...
b (火滾) : 我都話唔駛咯...ok...(之後 cut 佢線)...
真係火都黎...係都唔收線...我都話唔要啦...我亦唔會咁偉大同 smartone cut 合約用你 csl 家嘛...係都要 chur 做咩啫...做衰哂 csl...本來我都好攰...但比條友煩一煩激到我醒哂

是日懶餐 :  煎三文魚扒 + 雞翼 + 花膠鯊魚骨紅蘿蔔粟米豬展湯
煎三文魚扒 - 解涷後用鹽同黑椒粉醃...但煎埋最後呢塊就唔想再食三文魚扒...因為真係腥到爆呀

煎雞翼 - 用韓式醃肉醬醃一晚...方便好味丫

花膠鯊魚骨紅蘿蔔粟米豬展湯  - 花膠浸一晚...花膠用薑 / 蔥 / 酒出水...豬展 / 鯊魚骨又出水...紅蘿蔔切件...粟米耐心逐粒拻...加一塊果皮...煲兩個鐘...正呀

真係唔明...美亞 promotor 話涷鑊落油細火煎就唔會燶...唔會痴底...但點解我煎又會 "痴" 底架...激 c

食完洗完就抖一個鐘就跑步 lu...今次唔會係三分鐘熱度...因為我想身體好

個人都仲係周身唔舒服...里奧大人堅持話我係作感冒...係都要我食木瓜...不過如果係佢整埋比我食又唔拘嘅....今次食 "有機木瓜 "...d 口感似未熟嘅水蜜桃...好得意...但無木瓜味架噃...古怪...

      

呢排天氣唔係咁好...又熱又濕咁...所以個人好攰

無咩胃口...所以食芝腿治烘底 + 熱啡 ($15)...可能瞓得唔好...第一次望住份三文治好耐先想食

番到公司做小小嘢咁啦...之後就做例行私事囉...橫掂部電腦開住...無謂嘥丫

晏晝帶飯...呢排好慳...我會用湯渣做餸...所以帶埋紅蘿蔔同粟米當蔬菜...不過其實幾難入口...因為淋 pat pat...不過好過無菜咁囉