太興 @ 大埔 + 跑步

超級超級超級攰...如果煮飯真係會覺得自己好委屈...加上之前睇亞蘇食燒鵝食得好好味...攪到我好想食燒鵝...特別係塊燒鵝皮...再加上好想好想好想食乳豬...燻蹄...燒肉咁...所以就決定同里奧大人去太興食燒味飯喇

我地去太興多數會問有無乳豬先會入去食...但尋晚里奧大人去到已經無哂乳豬 lu...平時就梗係唔入去食...但今次係好想好想好想食燒鵝同燻蹄...所以點都會入去食架喇 

其實一心諗住我食乳豬燻蹄飯...里奧大人就食燒肉燒鵝飯咁就 perfert...但我一去到里奧大人就話想試南乳脆香雞喎...算吧啦算吧啦算吧啦...又無乳豬...所以就食燻蹄燒鵝飯套餐

燻蹄淋得太多豉油...d 醋又唔夠酸...唔係咁鍾意...
燒鵝好正...但好似好小咁...因為得兩件係比較多肉...其他都係皮連骨黎...不過啱我...我正正就係想食皮...
南乳脆香雞...個名好吸引...又好似好香口咁...真係比佢個名呃咗...無南乳味...無雞味...個皮又唔脆...等我仲以為係去飲果 d 南乳雞添...最不幸最不幸最不幸唔知我係咪食到個雞 pat pat...因為個樣好似雞翼咁...所以夾黎食...第一啖覺得超級 "蘇"...以為係多咗南乳...第二啖真係頂唔順...因為真係 "蘇" 到不得了...即刻 lur 番出黎...之後食雞仲要食到步步為營...要 "了" d 肉出黎先咁再食...但陣 "蘇" 味已經蓋滿哂我嘅味雷...好難頂呀...好驚第朝起身一開口就成陣 "紙" 味呀...
食完番屋企抖一個鐘就出發跑步喇...真係好好好欣賞自己咁有恆心呀

      

今朝里奧大人見客...所以得我一個人搭車...今朝車程順到妳唔信呀...望一望錶...居然有半個鐘頭嘆早餐呀...天氣 up up 濕濕...所以無咩胃口...喺公司附近行下...睇下有無 d 平靚正嘅早餐...太好喇...居然比我搵到北方小館...仲要係有多士餐添...所以就入咗去食奶油多 + 奶茶 ($13)...諗住 $13求求其其...但塊多士好脆...d 奶油係一路食一路漏...今餐真係平靚正呀

得閒講自己無嘢做都好...因為第日實會有嘢做...一路做一路 msn 一路睇 blog一路昅老細...一心四用...真係思考能力高喇 

晏晝想食清清地...所以食白粥 + 炒米粉 ($13)...又係 $13...同樣又係勁飽...之後去 shiseido 買防曬 + clean foam ($595)...女人錢真係好易賺...再直闖馬莎買 moisturising body lotion (china blue) ($65) 好香呀...真係查完個人瞓都瞓得開心 d 呀


我好鍾意幫朱朱影相...但我家組...表妹...媽咪同里奧大人話張張相都一樣嘅...但點解我唔覺係一樣嘅