住家飯 @ 婆婆屋企

尋日同媽咪...家姐搭車拜公公...之後就搭車去婆婆屋企 lu...
有 d 肚餓...所以去婆婆屋企附近嘅茶餐廳食下午茶...share 食越南粉絲春卷拚沙律 + 沙爹牛肉包拚薯條...($42)...飽到震呀...食完就上婆婆屋企喇...

坐到六點婆婆話要預備煮飯...六點半有得食...我真係好想話頭先食完下午茶未肚餓...但婆婆習慣早食...所以無辦法啦

餸菜有南乳齋 + 煎英倉魚 + 鹵水鴨舌 + 梅菜炒瘦肉...我婆婆煮嘢食真係好好好好味...味道同酒樓嘅一樣...咁當然係無味精啦...所以我婆婆話如果有人黎食飯係唔會比工人煮...因為工人煮得太難食...d 餸幾靚幾新鮮都無用喎...
食完飯食埋生果...等埋工人番黎就同媽咪家姐走喇...出咗成日街...真係有 d 攰...
話咁快就過咗一日喇...里奧大人就慘 d...屋企水龍頭壞咗...要里奧大人姐夫上黎屋企幫手一齊換...晚餐只係食車仔麵...又要做功課...可憐啊

星期六唔願咁早瞓...所以十一點幾都坐喺廳到睇電視...咁啱播 speed...其實睇過 n 咁多次...但唔知點解今次會咁認真睇...無周圍行...仲要等廣告先去洗手間...因為我突然覺得奇洛李維斯 (Keanu Reeves) 好好好好靚仔呀...個個角度都咁靚...眼大大...臉尖尖...又有肌肉...perfect 呀...
終於睇到一點幾先瞓覺

      

   

我覺得 speed 都係一套刺激嘅戲...所以尋晚成日發夢...起身好似無瞓過咁...最有印象係夢見自己踏單車...係一架廿呎長嘅單車...仲要係成日行轉彎嘅路...好難控制家嘛...第二個夢係去天台伸手過隔離天台買粟米...喺個夢仲 feel 到自己好驚跌落街...第三個夢係見舊公司最憎果幾個同事...傾一陣計就走咗...第四個夢係夢見喺公司有好多嘢做...做唔完...其實我起身係記得總共有七個夢...但到依家只係記得四個...我覺得好勁架喇...因為基本上我係一個無記性嘅人

好攰好攰...但點都要番教會...今次同里奧大人去教會附近食早餐...食炸菜肉絲米粉拚芝士腸 / 蛋配熱奶茶 + 油醬多 ($29)...食完就番教會喇...之後再去街市買材料煲湯...兩個紅蘿蔔 + 一個青蘿蔔 ($19) + 兩條粟米 ($12) + 豬展 ($23)...唉...我次次煲青紅蘿蔔湯都要三條粟米...但實在太貴唔捨得買呀...粟米呀...幾時先會平番呀 


今次唔想浪費時間...又唔想食到趕頭趕命咁...所以決定番屋企煮丁丁 + 整蒜蓉包...自己整嘅嘢真係特別好味...hahaha...因為我好有心機整架...今次係用整蒜頭嘅器皿黎整蒜蓉...再加牛油 / 香草 / 芝士炒撈勻查喺麵包度...好好味呀...里奧大人食咗兩件....其他係我自己一個掃哂架