酸辣米線 + 跑步

酸辣米線 + 跑步

次次北上完都好攰...里奧大人番到屋企就即刻可以瞓到...但我就唔得囉...可能我無瞓晏嘅習慣...辛苦命呢

本來想求其煮麵就當下午茶...但真係好攰...所以又去大家樂食 tea...快靚正嘛

食特色雞翼 + 薯角配奶茶 + 叉燒瀨粉配可樂 + 朱古力西多士...以為今次特色雞翼係 d 咩咩雞翼...咁望清楚餐牌...特色雞翼係蜜汁燒雞翼噃...但一 d 都唔脆唔甜嘅...之後隔離枱又係食蜜汁雞翼...但人地係金黃色燶燶地...好靚架...所以我話里奧大人都唔知有無攪錯...咁唔細心嘅...我食過 n 次架啦...咁都唔知係咩樣...真係激到頭暈身慶呀

食完就去 jusco 買鑊喇...咁啱美亞做特價...所以就買咗隻有炳鑊 ($249)...不過好鬼重...但唔想再買易潔鑊...因為我唔想一刮花咗就唔要得...其一影響健康...其二要就住就住好辛苦啫

又唔駛煮飯喇...因為約咗里奧大人姐夫上我屋企整水喉...所以順便同埋佢地一家一齊食晚飯...去豆漿大王食酸辣米線...我食淨酸辣韭菜餃...平時一 d 都唔辣...唔知做咩鬼今次辣到一路食一路流鼻水...下次都係咪攪我食喇...因為食緊中藥要戒口嘛

我終於 "的"起心肝做運動喇...就係去跑步...又徑步又跑步咁...做運動要慢慢黎...所以跑半個鐘頭就算喇...真係好耐無做運動...跑完對腳好痛...要用按摩機 "練" 下對腳先舒服 d 咋

唉...本來十一點想瞓...但見直播德甲...拜仁對 xxxx...拜仁喎...梗係要捧場啦...可能會喺鏡頭到見到 klinsmann 睇波嘛...最重要係要重燃我睇波嘅火...因為 klinsmann 7 月會執教拜仁....要慣性睇波...咁就唔會唔記得啦

      

十點半起身...但瞓極都唔夠咁...又想又唔想番祟拜咁...但見里奧大人又沖哂涼 ready 哂...所以都係番啦...今朝好健康...因為食即沖麥皮做早餐...我就加一滴煉奶...里奧大人就一定要加煉奶...話無味食唔落口喎...但我就無咩問題...唉...空肚一杯中藥再食麥皮再飲小小咖啡...唔係飽...係脹...都幾辛苦下...食完就打的番教會 lu

祟拜完同里奧大人去街市買餸...豬展 ($20) + 枚頭 ($10) + 兩條粟米 ($10) + 一條紅蘿蔔 ($4)  + 兩個有機木瓜 ($20)...之後就去食鍋貼做午餐....食九隻鍋貼 + 蒸麥鏝頭 + 生煎豬肉包 + 蒸腸粉 + 豆漿...$35 咋...又飽喎...真係邊到搵丫

一心諗住買電飯煲...但無貨...可惜...唯有番屋企啦