尋日天氣非常非常非常之好呀...個人心情都勁靚呀...又 "了" 起我抹嘢條根喇...所以食完早餐番到屋企就即刻開稀漂白水抹窗抹柜抹門...好在之前拖咗地...小一樣嘢做...抹咗兩個幾鐘...真係幾攰...不過見到間屋咁乾淨真係辛苦都值得嘅
又到 tea time...但又未餓...同里奧大人求其食腸粉 + 燒賣 + 粉果 ($15) 算喇
但食開又想食喎...所以再買冷冷撈麵 ...$10 / 4 包...好貴呀...好多都係 $10 / 6 包咋...但想食就無辦法啦...我地企喺度食...10 分鐘唔夠已經有 8 個人去買...好似好好賺咁...如果我都做到就好喇...又可以賺錢...又可以食埋一份...幾 so 呀...
之後去萬寧買嘢...我想買 mascara...咁我好留心睇我想買嘅牌子嘅 mascara...但有個職員喺度彈我想買嘅牌子...我求其笑下就算...但心諗做咩萬寧職員會係咁彈嘅??再望...原來係 ultima II 嘅 sales...唔怪之得係咁彈啦...不過我都有幫佢買 mascara...因為我都想轉牌子...盛惠 $171...佢仲想要我買兩樣產品...因為買兩樣會送旅行套裝喎...但我直接同佢講我已經買哂護膚品...所以唔需要...佢就無 lur 喇
番到屋企幾大都抖下...睇埋報紙咁就 ready 煮飯喇...呢幾晚煮飯都好有心機...可能唔駛一下子買餸煮飯煲藥...可以分開慢慢黎做...所以個人都無咁緊張...煮嘢都煮得好味 d 呀
是日晚餐 - 金銀蛋菠菜 + 臘腸冬菇鯪魚鬆
金銀蛋菠菜 - 跟通少整嘅...我覺得味道同出面食嘅一樣...第一次整到有咁嘅水準真係好開心...我貧血...菠菜最啱我...又有皮蛋...所以仲更加啱我...
臘腸冬菇鯪魚鬆 - 臘腸切粒...東菇浸軟切粒同魚肉一齊醃...本來想成塊煎...但煎嘅時候唔記得落生粉...所以甩皮甩骨...同埋個樣白雪雪咁好核突...所以把心一橫求其炒...估唔到仲好味個鯪魚餅喎
搞掂所有嘢又跑步喇
呢 4 日假期過得好快...好似無放過假咁嘅...我覺得無出街玩嘅假期真係唔似一個假期呀
好在都無話唔願起身番工啫...如果唔係都幾難捱
今朝食芝蛋治烘底 + 咖啡 ($15)...又變番一個人食早餐...真係要調節番自己個心情先得
番到公司有 d 麻煩嘢...所以搞掂先可以安心 msn 同寫 blog...一次過寫咁多有 d 頭痛...
晏晝叮飯...悶上加悶呀
小事一則
醫 學 Online
餐 前 吃 蘋 果 可 減 肥
蘋 果 能 減 少 吸 收 熱 量 ， 美 國 賓 夕 凡 尼 亞 州 立 大 學 的 一 項 研 究 ， 將 體 重 正 常 參 加 者 分 成 三 組 ， 在 五 個 星 期 內 ， 一 組 人 在 午 餐 前 不 吃 任 何 東 西 ， 第 二 組 在 午 餐 前 吃 一 個 蘋 果 ， 第 三 組 則 吃 蘋 果 醬 或 飲 蘋 果 汁 ， 三 組 人 再 進 食 相 同 的 午 餐 ， 研 究 人 員 在 餐 後 15 分 鐘 為 各 人 進 行 熱 量 測 試 ， 結 果 發 現 餐 前 吃 蘋 果 的 人 熱 量 攝 取 少 187 卡 路 里 。 研 究 結 束 後 這 一 組 人 的 體 重 更 明 顯 下 降 ， 研 究 更 發 現 吃 整 個 蘋 果 的 減 肥 功 效 ， 遠 超 過 飲 蘋 果 汁 。
食蘋果好煩啫...又要批皮...又食到 shot shot 聲...飲水咪仲好...又肚脹又可以排毒...仲唔駛煩添呀 
沒有留言:
發佈留言