海南雞飯 + 西冷扒拌意粉 (黑椒汁)

我覺得食 pizza hut 真係可以飽成日...所以都幾辛苦下...
由於呢排好乾燥咁...里奧大人又生 "飛滋"...所以就蘋果湯比里奧大人潤一潤下喇...去超市買豬展 ($20)...再去街市買六個蘋果 ($20) 就可以番屋企喇...
番到屋企已經五點...問里奧大人想幾點食飯...佢話六點半丫...我即刻話唔好呀...食咗 pizza 好飽...咁早食唔落...又要煲湯...唔好咁早喇...其實我遲早比佢丙...成日問完佢幾點食飯...佢答咗之後就話唔好...咁不如直接話幾點食飯好過喇...問完人又話唔好...好似講廢話咁

煲完湯已經七點半喇...又係好想食海南雞飯...但想食果間實會好多人...求其去椰林閣食算喇...平時呢個時候好多人排隊...但今次無人排...覺得有問題...本來想走...但睇到有 "正宗海南雞飯 "...所以就入去試下...
同里奧大人 share 食海南雞飯套餐 + 西冷扒拌意粉 (黑椒汁)...雞無味...飯係雞油飯...最特色係薑蓉係酸...甜酸醬係鹹...無黑豉油...極到失望...而個西冷扒仲攪笑...拌菜嘅意粉多到睇見到驚...黑椒汁鹹到甩肺...呢餐真係好難食...再問里奧大人呢餐 ok 嘛??佢都係話難食...埋單 $120...咁嘅價錢又難食...之得去大家樂好過呀...平幾十又好食...食完行一陣消化下就番屋企喇...
番到屋企就飲湯...里奧大人飲完一碗又一碗實屬小見...因為個湯實在太清甜喇...呢個湯都好方便...材料只不過係六個蘋果 + $20 豬展 + 適量南北杏 + 三粒蜜棗...煲兩個半鐘...但好甜好潤...下星期我會再煲黎飲

      

今朝番祟拜...十點三要起身...求其食 d 唔係咁飽嘅早餐...就係炒麵 + 燒賣 + 磨菇粟米粥 ($17) ...見未夠鐘...天氣又好...所以就同里奧大人行路去教會...當做運動...不過行到番教會就覺得好熱...真係有 d 唔慣有太陽呀...

祟拜完同里奧大人去熟食中心...諗住食馳名豬扒麵...但太多人...唔等...之後再諗住食馳名魚旦粉...又係太多人...里奧大人話唔好嘥時間等...唔等喎...好失望咁去魚旦粉隔離擋食炸醬麵 + 雲吞牛丸麵 ($31)...係平...但唔好食...最慘係望到隔離食緊魚旦粉 d 人嘛...有得睇無得食...嗚嗚...好在飲番杯至愛嘅胚牙珍珠奶茶...如果唔係真係會好唔開心架

食完去樓下街市買餸...因為我根鍾意去有冷氣嘅街市買嘢...我覺得好乾淨...d 嘢又唔係貴先好嘛...一大舊薑只不過係十蚊...有多雜嘢買...所以順便買咗木薯粉...酸薑...米粉...酸梅麵豉...之後再買排骨 ($15)...經過亞婆豆腐花...再買支豆漿同腐乳 ($25)...一大個環保袋裝到盤滿砵滿...好開心呀...不過真係難為里奧大人假期都要咁辛苦拎嘢啫...
亞婆腐乳 - 好滑...好正...

見到有個叫拯救遺棄動物嘅機構...所以就 $30 買咗個豬仔相架...雖然唔知幫唔幫到 d 小動物...但我覺得好過唔幫囉...

去到 A1 又買番上次食果個芝麻火腿芝士包 ($12)...今次差咗d...d 料小咗咁...唉...不過都好食嘅...

唔知點解...我唔係咁鍾意用酒醃嘢同煮嘢...咩酒都係...可能我次次飲得多酒就會周身痕...所以好怕酒...喺街市見到支迷你雙蒸酒就即刻買...最緊要係唔 "阻掟" 嘛...呢支我估坐底都可以用成年