齋滷味 + 炸魚皮角 + 炸魚皮 (外賣) ( 29-FEB-2012 )

( 29-FEB-2012  WED )

又係潮濕天氣   瞓幾多都會攰   真係飲完咖啡都無咩 Mood 想番工添 ~

9 點幾平安鐘又打嚟   媽咪又氣促頭暈入院   今次又係喺觀入察病房先   咁都好   代表無咩嘢嘛 ~

晏晝出去行陣再買嘢番菇場食   出去行下真係唔錯   不過我成日最驚就係亂咁買嘢囉 ~   

眼瞓都呢   我合埋眼真係可以瞓得着呀   之後家姐打嚟話媽咪出咗院   感恩呀   媽咪只係個腎唔太好   但唔駛食藥同洗腎   同埋胃脹影響   所以開咗啲藥比佢就番得屋企喇 ~

放工去九龍城睇中醫   本來想行去   不過太大風都係唔行   好易病   但搭的士又唔想   所以搭巴士喇 ~

去到九龍城買埋嘢先睇中醫   但我覺得呢個中醫好似麻麻哋咁   所以食埋呢幾劑唔睇 lu ~

番到屋企 7 點   即刻開機洗衫再煮晚餐   食完就熨衫   今晚里奧大人 9 點先收工   所以我煮埋麵比佢先沖涼 ~ 

唔知係咪未沖涼   覺得周身唔舒服   所以心情有啲唔好   同里奧大人講話   如果佢咁夜先食   叫佢自己洗埋碗   我唔會洗   我好攰呀   咩都分兩次做咁   佢話好   不過話完佢又覺得自己好衰咁   所以佢食完   我拎碗入廚房洗埋   佢以為我未洗   所以走入嚟廚房準備洗碗   佢估唔到我咁快洗好呢 ~

是日懶餐 - 齋滷味 + 炸魚皮 + 炸魚皮角

齋滷味 - $22/盒 (細)   我只係鍾意食酸齋 & 齋鴨腎   不過呢間麻麻   因為酸齋比較乾   齋鴨腎又好乾好硬   咬完一粒個口已經好攰喇 ~

炸魚皮 - $10/包   好脆呀   同埋我鍾意薄身炸魚皮 ~ 

炸魚皮角 - $56/斤   買咗 8 塊 ($23)   雖然唔腥   不過都幾鹹囉   但鍾意個口感   唔鍾意好似魚片咁薄身咁呢 ~

元綠壽司 + Yogurt Town @ 將軍澳 ( 28-FEB-2012 )

海老冷辣辣麵

蟹籽沙律豆腐皮

芥辣八爪魚壽司 / 鮮帶子壽司 / 太卷 / 醬油熱帆立貝壽司 / 蟹籽壽司 / 三文魚腩壽司 / 三文魚皮卷 / 中華沙律

炸墨魚軟骨

醬燒三文魚腩

帆立貝日式薄脆餅

味噌湯

@ Yogurt Town - 大杯裝原味 Yogurt ($24) (菠蘿 / 巨蜂提子糯米糍 / 爆爆珠 / 迷你棉花糖 / 芒果醬  合共 $18)

( 28-FEB-2012  TUE )

又落雨喇   真係凍上加凍呢 ~

呢排好鍾意食餐蛋治呀   好奇怪 ~

 

晏晝想郁下   所以陪 8 卦去買飯   之後先食 Lunch Box ~

今晚約咗家姐去元綠   本來諗住同埋里奧大人一齊食   不過佢又唔知幾時放工   所以就咁約家姐算 lu   放工即坐車去新都城   依家覺得坐半個鐘頭車係好耐好耐咁呀 ~ 

去到 6 點幾   自己周圍行陣先   差唔多 6 點 45 分就去元綠 lu ~

家姐差唔多 7 點 15 分到   食到 8 點 15 分就埋單走人   今次又係有 $100 Cash Coupon   所以覺得好抵食呀 ~

之後家姐無啦啦同我講   食完壽司   妳有無想食番啲好似雪糕啲甜嘢   哈哈   我話駛咩講咁多嘢呀   講食完鹹嘢要食甜嘢咪得囉   反正佢次次都係咁講嘅 ~

其實我哋都好飽   家姐話去聰嫂   我話好飽唔想食   佢話食乳酪   咁我問佢乳酪當唔當甜品先   唔係一陣話唔當食甜品   再要食真係甜嘅甜品   我唔會再陪妳食   好在佢話乳酪算係甜品啫 ~

食完就車我番屋企   原來里奧大人都食完嘢番咗屋企添呀 ~

蕃茄肉醬意粉 + 金菇粟米蛋花湯 ( 27-FEB-2012 )

( 27-FEB-2012  MON )

星期一喇   又係凍凍哋濕濕哋   個人真係好攰咁囉 ~

早餐食菠蘿包餐   不過今日真係好無 Mood   所以 Hea 到 9 點先番菇場 ~

天氣潮濕   個人已經攰   菇場無嘢做又悶   媽咪又未出院   真係無咩心機咁囉 ~

差唔多 12 點   家姐 SMS 比我   話媽咪晏晝出院   即時開心番哂呀 ~

Lunch Time 都未餓   所以行咗陣先買嘢番菇場食喇 ~ 

放工即走喇   去完超市買豬肉就番屋企 lu   之前天氣潮濕都唔敢拖地   今日雖然都幾濕   不過真係忍唔住要拖咗地先預備晚餐呢 ~

是日懶餐 - 蕃茄肉醬意粉 + 金菇粟米蛋花湯

蕃茄肉醬意粉 - 上星期五喺菇場附近嘅生果店買咗 2 磅百合茄   雖然唔太紅又細粒  同埋隔咁耐先食   都諗住乾哂   但估唔到仲係好多汁喎   又有茄味   所以里奧大人話好好味呀   話最好味係今次喎 ~

金菇粟米蛋花湯 - 包金菇係上次打邊爐食剩架   所以食埋佢喇 ~

和民居食屋 @ 九龍灣 ( 26-FEB-2012 )

燒餅風味炸鱆魚餅


刺身盛岡拉麵

牛肉火鍋 

天婦羅盛合

和民沙律


梅酒

( 26-FEB-2012  SUN )

今日我生日呀   祝自己生日快樂   身體健康   屋企人都一樣要身體健康   快快樂樂 ~

9 點半起咗身喇   里奧大人問我仲瞓唔瞓   我話唔瞓喇   叫佢自己瞓   不過佢知我想飲完茶探媽咪   所以佢都唔瞓 lu ~

本來想去翠園   不過搞掂哂已經 10 點 10 分   行去都要十幾分鐘   又唔知有無位   最後都係去鴻星飲茶   再買啲點心比媽咪食呢 ~ 

鮮蝦炸雲吞 / 越式脆蝦腸 / 胡椒咸菜豬肚 / 迷你臘味煲仔飯 / 懷舊馬拉糕 / 皇母大壽包 / 水晶蝦餃皇 / 鴻星燒賣皇 / 回味銀針粉 / 蜜味蛋散

媽咪話生日唔好去醫院探佢   其實我無咩所謂   因為之前有年都係咁啦   唔探又心掛掛嘛   反正夜晚唔探佢   又難得晏晝有時間就更探下佢啦 ~ 

1 點就要走人喇   家姐嚟車我哋   之後去佢新屋睇下   再去佢屋企住陣   差唔多 3 點幾出發食 Tea   食完就車我哋番屋企 ~ 

雖然今日生日   之前諗好同媽咪家姐打牌   不過媽咪入院   雖然無咩嘢   但心情都會有啲影響   所以我都真係無 Mood 想去任何地方   同屋企人簡簡單單過就算喇 ~   

里奧大人番到屋企瞓覺   起身就做公司嘢   咁快快手做完   夜晚可以 Relax 下睇下電視咁呢 ~

我就煲中藥   熨衫抹嘢囉   好快就到 6 點幾   又要出門口喇 ~

約埋家姐一齊去和民食飯   有生日 Coupon 嘛   食完飯就上屋企 Download Game   差唔多 9 點就走人 lu ~

好難得里奧大人夜晚可以睇電視呀   不過佢多數睇佢之前錄影咗嘅戲呢 ~  

明星海鮮酒家 @ 九龍灣 ( 25-FEB-2012 )

乳豬拚盤 (乳豬 / 油雞 / 燒排骨 / 燒鴨)

魚湯菜苗浸魚腐 (菜苗 / 魚滑條 / 魚腐 / 鮮菇片)


楊洲炒飯

( 25-FEB-2012  SAT )

今朝瞓到 7 點 50 分   勁爽呀 ~

8 點半電話響   嚇到以為咩事   原來係 8 卦打嚟話一齊食早餐   明明話今朝唔番家嘛   如果唔係我都無咁驚呢 ~

菇場無嘢做啦   悶到顛   好想快啲放工 ~

11 點半平安鐘打嚟   話媽咪氣速頭暈   所以入院   好在家姐星期六唔駛番   可以陪住媽咪囉 ~

放工行去九龍城睇中醫   1 點 40 分睇   等埋執藥都差唔多 2 點半   超耐呀 ~

餓到我呢   好在好快有巴士   約里奧大人去茶餐廳食 Tea   因為最緊要夠快呀   食完番屋企休息下先 ~

家姐話媽咪仲喺觀察病房   唔知入唔入得院   11 點半等到差唔多 4 點都未搞掂   因為要等驗血報告   之後驗血報告話白血球高咗少少   所以入內科 Check 下喎 ~  

5 點幾家姐打嚟話媽咪入得院   咁我晾埋衫就買嘢食比媽咪喇 ~

好感恩媽咪會話餓   因為次次入院第一日會好攰嘛   同埋好在今次唔駛聞貓鬚   咁我都安樂啲   但個頭仲係扯住痛囉   所以醫生安排星期一可能照腦掃瞄 ~

8 點走人   好想食中菜呀   所以叫里奧大人一齊去明星食晚飯呢 ~

住家飯 @ 媽咪屋企 ( 24-FEB-2012 )

煎立魚


白切雞

炒白菜仔

蓮藕瑤柱蠔豉豬展湯

大樹菠蘿

( 24-FEB-2012  FRI )

今朝唔係咁餓   所以食奶醬多士 ~

菇場無嘢做啦   11 點見到 Partner 已經中緊眼瞓喇   咁早就中   好心啦   比人睇到真係好肉酸囉   真係好唔明白佢咁大個人都可以咁   真係只能用不知所謂形容佢囉 ~

晏晝 8 卦請我去食生日飯   點知漏單   等咗好耐   之後碗麵一黎到   我多數將啲麵推散先食   點知比我發現到條長頭髮   即刻叫人換啦   佢話會掉咗碗麵   好在我睇到佢掉   妳知依家啲食物材料幾貴㗎啦   有啲真係就咁掉咗條頭髮再比番妳㗎 ~  

食完同佢行金行   佢想買金戒指同頸鍊同女朋友求婚   其實佢都覺得金好俗好娘   不過女朋友鍾意就無計   同埋話賣番出去值錢啲   我話你買金係好似諗住會賣番出去咁喎   唔係用嚟紀念嘅   咁嘅心態好怪囉 ~

里奧大人上咗大陸   所以我又番媽咪屋企食飯喇    今晚家姐唔番嚟食   所以 6 點半就食飯 lu ~

坐到 8 點半就走喇   番到屋企即開機洗衫   沖完涼再熨衫   難得有精神力氣做嘢   天氣實在太潮濕喇   好在有抽濕機   唔係成間屋濕濕立立咁   真係瞓都瞓得唔舒服呀 ~

里奧大人 10 點幾番到屋企   佢居然話唔想食麵   食到有啲悶   所以買麥當勞嘅新包套餐   咁我又可以食薯條做宵夜   正呀   食完睇陣電視就瞓 lu ~

鳳爪排骨飯 + 炸醬麵 + 蠔油生菜 (外賣) ( 23-FEB-2012 )

( 23-FEB-2012  THU )

今朝瞓到 7 點 45 分   比平時瞓多 20 分鐘   不過都有時間食早餐   同埋唔會遲到呢 ~  

有時喺菇場悶起上嚟會諗   其實自己喺度做咗 5 年幾   真係得 8 卦最 Frd   如果唔識到 8 卦   真係一個 Frd 都無   其實同 Receptionist 都 Frd   不過話題無咁廣嘛   同 8 卦真係咩都可以傾   啲時間過得好快㗎 ~

晏晝叮拿破崙意粉   細細盒最好呢 ~

放工即走   諗住買牛肉盅頭飯   點知要等 10 分鐘   我唔等 lu   所以買鳳爪排骨飯算數 ~  

沖埋涼先食飯   不過今次啲飯好腍囉   超難食   所以分開 2 次食   盡哂力都係食咗半盒   因為我實在好怕食咁腍嘅飯 ~

今晚精神番啲   所以用密實盒裝好阿 Mi 親手焗比我嘅曲奇   咁我懶得拎櫈   所以用麵粉棍撩個盒落嚟   成個盒飛落我鼻樑度呀   好鬼痛呀   痛到即按住個鼻   幾驚破相呀   之後一按就痛喇   做人真係唔可以咁懶呢 ~

好耐無見里奧大人咁呀   所以 8 點幾打比佢問佢幾點番   估唔到佢 8 點 45 分已經喺上水番緊嚟   咁我無啦啦打比佢   佢都應該知我掛住佢   想佢早啲番呢 ~

我想食菜   所以佢又買埋炸醬麵番屋企食   真係好多晚無同佢同枱食嘢咁喇 ~

泰屋 @ 佐敦 ( 20-FEB-2012 ) + ( 21-FEB-2012 ) + ( 22-FEB-2012 )

青木瓜沙律 - 我依家鍾意食呢啲沙律   酸酸甜甜又爽口   好開胃呀

黃咖哩雞 - 我覺得無咩味   唔知係咪食慣濃味嘢   但阿 Mi 話好鹹   叫我飲啖   就咁飲真係好鹹   但點包就唔覺囉

原味烤包 - 一上枱心知不妙啦   咁巨嘅   肯定食唔哂

蒜蓉烤包 - 聞就有好香蒜蓉味   但食落無咩味   同埋我覺得個包好厚   唔夠脆呢 

椰汁木薯 - 呢個甜品永世難忘呀   甜到打冷震   木薯又甜啲椰汁凍咗就更加甜   甜到好難頂   好在阿 Mi 食咗好多   知我唔想食嘛   幾驚話邊個叫邊個要食哂呀   哈哈  

阿 Mi 送嘅生日禮物   好在番到屋企無爛無穿   個盒同餅都完整無缺

( 20-FEB-2012  MON )

今朝又同 8 卦食早餐   佢有運行啦   因為我請佢食早餐   我仲咗大獎嘛   都好想同佢一齊分享下   同埋佢對我真係好好呢 ~  

潮潮濕濕   個人特別攰   到 Lunch Time 出去行陣再買飯盒番菇場食算喇 ~

終於每月一到啦   唔怪得今日無啦啦咁攰   原來如此 ~

今晚阿 Mi 請我去泰屋食生日飯呀   所以約咗 6 點15 分喺佐敦地鐵站等埋我   驚我唔識路呀 ~ 

阿 Mi Book 咗 6 點半   去到時間啱啱好啦   但居然要坐正門口位   無理由 Book 咗位會坐門口家嘛   所以我唔想坐呀   佢再安排我哋坐入少少囉 ~

一坐低阿 Mi 就比份禮物我呀   超驚喜呀   因為有飯食仲有禮物收喎   唔開心就假呢   真係客氣   係都要我記得妳 ~

之後就一齊睇 Menu 食咩   不過我每月一到   所以其實無咩胃口   最緊要唔好叫辣   其實真係第一次食泰菜唔食辣囉   超唔慣呀 ~

點完菜就傾喇   一路食一路傾   雖然平時都喺網絡上傾偈   但當面傾計都好多嘢傾喎   同埋我同佢背景真係好似   所以仲更加啱傾   真係唔駛講多句   佢都會好明白我咁 ~  

其實我真心朋友真係唔多   我已經唔會咁易講自己嘅嘢比人聽   好驚受傷害呀   因為之前試過係咁嘛   都係唔講咁多嘢好啲   要保護自己   所以識到阿 Mi 真係好開心   其一佢口密   其二同佢一齊唔駛造造作作   真係有咩講咩   佢會好 "用心" 聽妳講嘢   有咩問就即問   佢會好 "用心" 答妳嘢   咁大家自自然然就會了解多咗呢 ~

食呀食傾呀傾都差唔多 10 點   里奧大人又打嚟   阿 Mi 應該可能覺得里奧大人催我走呢   哈哈   所以阿 Mi 話走喇   我聽日要番工嘛 ~

一齊行去搭地鐵   轉車之後就各行各路喇   我無啦啦好想嘔呀   超勁好想快啲番到屋企   之後有啲暈   勁想叫里奧大人嚟接我   不過如果叫得佢嚟   其實我急步都好快番到屋企 ~

一番到屋企即除鞋   同里奧大人講好暈要抖陣   之後我瞓咗半個鐘就醒咗   見到里奧大人原來未沖涼   佢話驚我有事所以唔敢沖   我見到佢個對眼皮塌哂落嚟咁呀   個心好痛呀   之得唔話暈啦 ~

( 21-FEB-2012  TUE )

每月一到啦   所以請病假休息   我覺得沖完熱水涼再瞓覺係最好嘅止痛方法囉 ~

差唔多 5 點就去睇醫生   買咗包熱嘅蜜瓜豆奶   飲完個肚好暖好舒服呀 ~

番到屋企又沖熱水涼   之後睇電視   睇下瞓下咁囉   之後有啲 餓   食咗個芒果   又甜又多汁   好好味呀 ~ 

里奧大人差唔多 10 點先番到   佢番嚟我都即入房瞓 lu ~

( 22-FEB-2012  WED )

今朝瞓到 8 點半起身   沖個熱水涼   其實個肚唔痛架喎   但唔知點解一出門口就開始痛 ~

真係邪   好日唔搭的士   一搭就大塞車   平時 $3x 就番到菇場   今朝要 $5x ~

買咗腿治同咖啡   不過無胃口   諗住飲啖咖啡精神啲   點知飲完超反胃   嘔咗幾次   咩力都無呀 ~

個肚又痛   又攰   所以晏晝再請病假番屋企休息 ~

好在醫生 1 點前都可以睇   放工即搭的士   睇完就番屋企沖完瞓覺   一瞓就瞓到 6 點   之後唔敢再瞓 lu ~

覺得有啲餓   食埋今朝嘅腿治   覺得勁口渴   所以食埋個梨   咁就超級飽喇 ~

坐喺梳化真係好易瞓着   里奧大人差唔多 11 點先番到屋企   真係開完門比佢   望咗佢一眼我就要入房瞓喇   雖然兩個人住埋同一間屋   但真係唔係好多相處時間咋 ~  

大快活 @ 九龍灣 ( 19-FEB-2012 )

( 19-FEB-2012  SUN )

今朝食完早餐就番教會喇   今年係第一次番教會咋   真係好耐無番咁呢 ~

崇拜完畢就番屋企喇   里奧大人又做公司嘢   我就熨衫   熨完就 Hea 下睇下報紙咁喇 ~

早餐食粥唔夠飽呀   所以差唔多 3 點就出去食 Tea   里奧大人要買件褸   所以去商場行陣   點知見到教友   傾咗陣就番屋企 lu ~

今晚決定唔煮飯   諗住去德福牛陣   點知無咗   咁里奧大人又有 Urgent 嘢未做   我又想打邊爐   所以去大快活算喇   如果食得太耐   唔係佢會心掛掛公司嘢呢 ~

食完又去商場   今次係我要買褸   因菇場實在太凍喇   要買件厚褸先得呢   之後再食埋龜苓膏就番屋企 lu ~

初初以為因為情人節關係   所以整心型芒果添

公司春茗 ( 18-FEB-2012 )

( 18-FEB-2012  SAT )

今朝 9 點半起咗身   見到里奧大人覆 Email   佢話有 Urgent 嘢要覆   之後諗住瞓番   但我又醒咗   佢話食完早餐番嚟再瞓過 ~ 

番到屋企佢有佢瞓   我就做家務   好想抹廚房呀   終於今日可以抹到乾乾淨淨   好開心呀 ~

之後沖涼   睇下報紙雜誌都已經 2 點幾 lu   好想食薯條   所以去食麥當勞喇   食完之後里奧大人就話好驚食麥當勞   我問點解   佢話食咗 3 餐   咁我咪話囉   唔想食可以出聲嘛   佢話知道我好想食所以陪我食   其實我食咩都無所謂呢 ~

食完去商場行下   番到屋企已經 4 點半   我坐多 15 分鐘就出門口喇   因為約咗同事一齊去佐敦   點知佢遲咗 10 分鐘 ~

之後我哋再約埋另一個同事一齊去   原來我哋最早到   咁同埋另一個同事一齊打麻將囉   時間過得快好多呢 ~

今晚差唔多 6 點 45 分就開始   之後一路食一路玩   今晚超幸福感恩   因為我抽到大獎   我同細老闆啲分數相差好少咋   我哋玩拎銀紙   好似華麗明星賽咁   大老闆話要抽 60 張   我拎咗 82 張   細老闆拎咗 88 張   另一個同事拎到 4x 張   所以佢出局   之後再揀福袋   如果福袋入面嘅食物價錢係細就係贏喇   我好似 $49.8   細老闆 $52.x 呀   我玩兩個遊戲都係險勝佢咋   所以真係非常之幸運   非常之感恩呢   之後 Line 里奧大人話我中大獎   佢居然唔信我呢   真係呢 ~

差唔多 10 點就走 lu   我同同事一齊番九龍灣   傾開偈就同佢講   我教友同佢住同一座樓   咁傾下傾下   原來佢係我教友鄰居   世界真係細呀   所以第時約教友可以順便約埋佢一齊食晚飯呢 ~

里奧大人又喺九龍灣站接我   之後我陪佢食龜苓膏就番屋企 lu ~

住家飯 @ 媽咪屋企 ( 17-FEB-2012 )

白灼蝦
梅菜蒸鯇魚

炒菜心

燒鴨 (半隻) / 燒肉 (半斤)

紅棗山斑魚湯

大樹菠蘿

( 17-FEB-2012  FRI )

終於又到 Happy Friday 喇   今朝食吉列魚柳餐   好好味呀 ~

菇場一如以往咁靜英英啦   好想好想快啲 Lunch Time 囉 ~

唔知食咩好   所以又食番燒賣炒米粉 ~ 

放工即走喇   去媽咪屋企食飯   媽咪又作感冒   所以我買燒味做餸喇 ~

今晚差唔多 8 點半就走喇   姐夫車我哋番屋企 ~ 

里奧大人今日無番大陸   不過都差唔多 9 點幾先番到屋企   所以我就煮麵比佢食喇 ~

什豆極辛出前一丁 + 煎薄撐 + 蓮子陳皮紅豆沙 ( 16-FEB-2012 )

( 16-FEB-2012  THU )

今日開始轉飲檸茶   不過假期又會飲下咖啡過心癮呢 ~

忙咗陣就 Hea 喇   個人一攰   覺得好有渡日如年嘅感覺 ~

晏晝有 Lunch Box   其實之前都講過話菜唔好叮   不過我都會照叮菜囉   我唔可能有肉無菜   我次次如果食啖啖肉   我會覺得周身唔舒服咁 ~

好難先等到放工   真係有時悶到咩 Mood 都無哂 ~
  
里奧大人要見客   又係唔知幾時番   所以我自己食麵先   之後做埋家務   今晚終於頂唔順喺房開抽濕機   抽濕完成間房爽哂   真係好怕啲嘢噏噏濕濕咁 ~

是日懶餐 - 什豆極辛出前一丁 + 煎薄撐 + 蓮子陳皮紅豆沙

什豆極辛出前一丁 - 估唔到都有少少辣喎   不過點都唔夠辛辣麵辣囉   其實就咁加什豆已經好好食   不過里奧大人就肯定唔制   佢唔鍾意食青豆   但各種蔬菜都有唔同益處家嘛 咩都要食啲先得呢 ~

煎薄撐 - 其實想清埋包 200g 低粉   跟食譜做法   不過原來煎出嚟好厚身   完全無薄撐 Feel   咁個底部都煎到金黃哂   但上面仲係漿   我剷起之後完全一舊舊散哂   我又唔識拋鑊   大佬   五層鑊好重嘛   之後唔想浪費   所以轉用 Grill Pan 再煎未熟嘅部份   本來又想拋個 Pan   不過都係好鬼重   同埋有糯米粉關係   黐住哂好難煎   下次都係分開 2 份嚟煎先   咁難得我煎薄撐   賣相唔掂都留番少少比里奧大人試呢   佢話味道 OK   不過就濕咗啲喎 ~

蓮子陳皮紅豆沙 - 之前驚咗食紅豆沙   但呢排又好想食喎   所以自己煲   不過無起沙囉 ~

今晚里奧大人 9 點幾就番到屋企   不過我無煮到飯   所以叫佢買麥當勞   再陪下佢傾下偈   一齊食薯條   咁樣我已經好滿足㗎喇 ~

釀尖椒 + 韭菜炒麵 ( 15-FEB-2012 )

( 15-FEB-2012  WED )

天色又係灰灰暗暗同落毛毛雨   好想見到太陽呀 ~

早餐食奶醬多   呢間餐廳真係無咩必要唔會再去   佢哋實在太煩   今朝個地好跣   有個客差啲跣到   阿 A 同 阿 B 講好驚   咁阿 B 又唔知講咩又一輛咀   之後阿 A 又同阿 C 講   阿 C 又同番阿 A 講   總知佢哋好鍾意將一個話題沒完沒了咁講   講咗幾分鐘   黐鬼線   咁之前 8 卦同我講   另一個同事喺度食早餐   阿 ABC 唔知講咩講好耐唔停   比客鬧呀   叫佢哋收聲   咁又真係抵鬧喎   地方唔係大   仲要幾把煩厭女人聲係咁嘈   大佬呀  咁樣真係好影響人囉 ~

菇場靜到我想瞓   好在 Hea Hea 下又到 Lunch Time   尋晚食唔哂啲餸   我之前又剩咗啲飯   所以今日就有 Lunch Box 喇 ~

放工即走喇   今晚去街市買餸   因為要買麵餅同韭菜同鯪魚肉   本來想買芽菜   不過幾檔都無哂   得番一檔有   但呢一檔就係上次態度極衰嗰檔   所以我就算點想食都唔會幫襯佢囉 ~

里奧大人又唔知幾時放工   所以我都煮咗先   估唔到都煮咗一個鐘   唔怪得咁攰啦   煮完洗哂所有嘢就沖涼   舒舒服服乾乾淨淨咁食飯就最開心呢 ~

是日晚餐 - 釀尖椒 + 韭菜炒麵

釀尖椒 - 之前剩咗 2 個細青椒   肯定唔夠食   所以再買多 5 隻尖椒   再買 $14/半斤鯪魚肉   份量啱啱好   今次落咗好多油呀  同埋好有心機煎   所以好靚仔   今次真係人生第一次煎咁靚嘅魚肉呀   又無黐底   好開心呀   里奧大人都話就算放咗喺暖盒入面都好好食呀 ~

韭菜炒麵 - 唔想食飯   所以簡簡單單炒個麵喇 ~

好在自己食咗先咋   里奧大人差唔多 10 點先番   不過我依家都會等佢食埋   幫佢洗埋啦   見佢咁辛苦嘛 ~

漁米之香 @ 九龍灣 ( 14-FEB-2012 )

鳳城蝦多士

回味菠蘿咕嚕肉

漁米小炒皇

薑蔥豆卜燜枝竹

清補涼糖水 (免費)

( 14-FEB-2012  TUE )

今日情人節呀   不過對我黎講真係無咩意思囉   因為我同里奧大人都唔係一個浪漫之人嘛 ~  

天氣又潮濕   又落毛毛雨   最鬼驚咁嘅天氣 ~

架巴士居然 7 點 56 分就到   所以今朝 8 點 10 分左右已經番到菇場附近喇   咁多時間   所以食麵   點知今次啲麵好腍   我最唔鍾意呢   所以一定要快快食   唔係腍上加腍呀 ~

菇場無嘢做   同 8 卦 M 到差唔多 Lunch Time   之後我出去買嘢番菇場食 lu ~

又等放工 lu   今晚里奧大人要見客   所以我約咗媽咪同家姐一齊去漁米之香食晚飯喇 ~

食完送埋媽咪坐車就同家姐一齊去萬寧買嘢   我要買洗頭水   但原來買 3 件個人護理產品滿 $99 就送一樽好立克   咁我支洗頭水都 $54.9   咁家姐就買多 2 件個人護理產品   點知 3 件又唔夠 $99 喎   咁家姐又話買藥買牙膏就得   我話爭幾蚊   買筒糖咪得囉   點知家姐話買糖唔得喎   我話我咪買咗 3 件囉   家姐話但係 3 件唔夠 $99 喎   成日唔記得添   所以最終都買咗牙膏喇 ~  

之後我話買 Cream   一樽 $149 又有一樽好立克   因為肯定過咗 $99   之後家姐話妳買一件咋喎   人哋係要 3 件滿 $99  咁妳咪蝕   哈哈   好在家姐喺度   唔係我真係買咗㗎   到比錢嘅時候   我話碌卡   家姐話妳儲分咩   我話唔係   問我有無 Cash Coupon   話唔係儲分梗係用 Coupon 啦   係喎   我完全唔記得有 Coupon 呢回事呀 ~

買完之後   家姐就上我屋企傾下偈   佢無啦啦問我仲要唔要廁紙   我話唔駛   因為我仲有 5 條   問佢係咪想要廁紙   佢話唔係   佢屋企仲有 7 條   之後講開沐浴液   我話我依家有 4 支大 3 支小   洗手液又有 4 支   問佢要唔要   佢又唔要   之後佢話係咪因為儲印花先咁多   我話梗係啦   唔係唔會有咁多   因為我多數開咗 1 支就會買支新   咁唔駛用哂都唔知嘛 ~ 

同家姐傾開偈   先知佢同事超級賤格   呢個同事之前已經衰啦   自己做錯嘢又做得耐   咁家姐叫佢改番   佢無啦啦坐喺度喊話家姐鬧佢   黐鬼線   之後家姐嗰晚番媽咪屋企食飯   食食下飯係度飲泣   媽咪問佢咩事   佢話比同事屈好唔開心   之後個同事扮無嘢   又同家姐玩番埋   去家姐屋企打牌咁 ~   

估唔到今次又係呢個同事整到唔開心   條友仲好攻心計添呀   不過家姐好好彩   整唔到佢   我話呢啲人妳唔駛理佢   最緊要妳唔好周圍同人講呢個人點點點   因為咁樣做就等如妳講人是非   佢個人咁衰   遲早實有人知囉 ~

里奧大人差唔多 9 點半先番到屋企   咁都好   因為初初諗住要陪客食飯嘛   肯定好夜囉 ~

Pre-Valentine's Day @ 鐵匠 (九龍灣) ( 13-FEB-2012 )

什錦魚生飯

北海道味僧拉麵 / 鹽燒秋刀魚 (大條)

( 13-FEB-2012  MON )

天氣又潮濕   最唔鍾意咁呢   好似好多菌咁   最慘啲衫九年都唔乾嘛   但屋企無人又唔想開住部抽濕機   但屋企有人又開唔到   煩呀 ~

今朝又想食鹹鹹甜甜   所以又係菠蘿包餐   我上次星期一又係好似食菠蘿包餐喎 ~

忙咗陣又 Hea 喇   今日真係有啲攰   諗住食完 Lunch Box 會瞓陣   不過都係瞓唔到 ~

放工即走喇   去超市買嘢   番到屋企再打比里奧大人   話今晚唔煮   因為佢聽日情人節要見客   可能食埋飯都未定   所以今晚要 Pre-Valentine's Day   其實我係唔想煮飯搵個藉口   哈哈   我哋其實都唔會慶祝 Valentine's Day 呢啲節日嘅   我哋唔係一對浪漫戀人   所以呢啲節日都係同平時一樣咁過咋   同埋唔好同我食情人節餐同埋送花比我   我覺得真係明比人搶囉   我好實際呢 ~

好感恩里奧大人 8 點放工   本來想去板長   不過佢其中一面卡位位置 Close 咗   同埋一入到好鬼焗   所以都係轉去鐵匠   食完傾下就番屋企 lu ~

糖醋魚柳 + 炒油麥菜 + 飛天禽蟧川貝湯 ( 12-FEB-2012 )

( 12-FEB-2012  SUN )

尋晚半夜起身   見里奧大人仲未瞓   我望下鐘   原來係 3 點   好在里奧大人都話瞓   不過其實仲未做完嘢 ~

我又攰喎   所以我哋瞓到 11 點 45 分   創新高呀   我好少瞓到咁晏呢 ~

今次好感恩   瞓咁多都無頭痛   之後同里奧大人出去食早餐   行緊嘅時候   里奧大人問我係咪好精神   我話真係好精神喎   點解你會咁講嘅   佢話我拖住佢行得好快喎   平時係佢拖住我行  同埋行得快會比我話囉 ~

鮑魚片通粉 / 油占多 / 火腿奄列 / 鮮茄鮮牛通粉

食完我就自己去街市買餸   里奧大人又要做公司嘢 lu   1 點幾買餸真係好開心   因為好多檔口都無開   無咩人行呀 ~

今日可以好 Hea 咁睇報紙   差唔多 3 點幾再煮麵食   之後煲埋湯   咁又可以繼續 Hea   差唔多 5 點就同里奧大人去德福整嘢   再行多陣就番屋企喇 ~

其實我仲未餓   不過唔想太晏食飯   所以 7 點半開始煮飯   差唔多 8 點幾先食   但我只係食湯渣同少少魚就算數 lu ~

是日懶餐 - 糖醋魚柳 + 飛天禽蟧川貝湯

糖醋魚柳 - 今次唔記得用豉油調色添   如果唔係   我覺得賣相會靚好囉 ~

炒油麥菜 - 反正切開薑   所以就炒埋菜喇 ~

飛天禽蟧川貝湯 - 加咗一條粟米 & 紅蘿蔔 & $30 唐排一齊煲   真係最鍾意煲湯包   超級方便呀 ~

打邊爐 @ 屋企 ( 11-FEB-2012 )

丸類 &  安格斯肥牛

 

雲吞 / 水餃 / 墨魚滑 / 響鈴 / 紀文蟹柳 /金菇 / 唐生菜 

鴛鴦湯底 (辛辣 / 沙爹) - 辛辣湯底係家姐個 Frd 話見到個 "赤"   所以比佢   我都以為會超勁辣   點知一啲辣味都無 

( 11-FEB-2012  SAT )

今朝 Shopping 完再去大家樂食早餐   差唔多 10 點就番到菇場   超爽呀 ~

做下嘢又上下網   又 MSN   所以好快就到 1 點放工 lu ~

晏晝同里奧大人 & 姑奶一齊去海寶飲茶   因為佢比生日利是 & 蠔豉比我呀   飲到 3 點就同佢去睇電話   佢咁啱想要部 Spare 電話   咁我就送比佢喇   買完就各自歸家 lu   原來已經 4 點半 ~

鹹水角 / 雞扎 / 紅油炒手 / 山竹牛肉 / 羅漢齋粉包

今晚叫咗家姐嚟打邊爐   所以里奧大人要買啤酒   咁佢就同我一齊去惠康買嘢   本來之後想去街市買菜   平啲嘛   但里奧大人話一次過買喎   唔想我周圍滕咁辛苦   好在佢知道我辛苦啫 ~

家姐負責買乾貨類   佢差唔多 6 點幾就到我屋企樓下   叫里奧大人落去交收   佢再去板長買壽司比媽咪食   買完比媽咪再嚟打邊爐呢 ~

差唔多 8 點先開始   打到差唔多 9 點 45 分   之後我洗埋嘢   家姐坐多陣就走 lu ~

里奧大人又開始做公司嘢喇   我陪到佢 12 點   我頂唔瞓先喇 ~

Ruby Tuesday @ 九龍灣 ( 10-FEB-2012 )

Nachos ($118)

Build Your Own Sampler (Regular $158) - Orion Rings / Breaded Shrimp / Fried Mozzarella / Potato Skins   

Colossal Burger ($188)

Ribs & Wings (Full-rack $288)

Salad ($78)

仲有 Mango Smothies & Stawberry Smothies & Ice Tea   不過無影到

( 10-FEB-2012  FRI )

Happy Friday 喇   真係好 Happy 呢 ~

菇場呀   靜英英無啲生氣 ~  

晏晝有 Lunch Box 呀   本來想食完出去行下   但最後都係上網 Hea 下算喇 ~

放工同家姐拎中藥   之後就去媽咪屋企坐陣   差唔多 7 點 45 分就走喇   約咗家姐一齊去萬寧買嘢   佢去到地鐵站 Send SMS 比我   話 "唐記包點等"   我覆 "好"   之後打嚟喺度笑   話妳知 "唐記包點" 喺邊度咩   我話低能   我有時放工都搭地鐵家嘛   懶醒   超無聊呀 ~

之後就同埋糟糟兩姐妹一齊去 Ruby Tuesday 喇   因為我同糟糟家姐都係 2 月生日   所以糟糟 & 家姐就請我哋食生日飯喇 ~

Book 咗 8 點半   差唔多 8 點 45 分先有位   今晚超多人   應該係 Member 居多啦   因為以前無咁多人食家嘛 ~

食下傾下   差唔多 10 點半就走人喇   最鍾意喺屋企附近食嘢   咁樣可以好快番到屋企咁呢 ~

里奧大人差唔多 9 點半先喺大陸番嚟   番到嚟到 11 點幾   傾幾傾都差唔多 12 點   我要瞓覺喇 ~

行年宵 + 別府 @ 九龍灣 ( 9-FEB-2012 年廿九 )

七味炸三文魚骨

芥辣墨魚壽司 / 蟹籽壽司 / 甜蝦壽司 / 吞拿魚壽司 / 帶子壽司 / 三文魚壽司

九洲拉麵

( 9-FEB-2013  SAT )

尋晚成 1 點先瞓   如果唔係約咗 8 卦食早餐   我會瞓到 8 點半先起身番工呀 ~ 

  好多餐廳都收爐喇   我哋仲要開工   顯得份外悽慘 ~

番到菇場真係無嘢做   老闆又唔喺香港   感恩另一高層話大家都無嘢做   11 點半可以放工   實在意外收獲呀   因為下星期六我去旅行   所以我同 Partner 調假   我賺咗呀   哈哈 ~ 

正想打比里奧大人   點知佢打嚟   原來等緊早餐   係咪衰吖   平時叫佢一起身就打比我   如果佢一起身打比我   咁就唔駛嘥咗啲時間嘛 ~

我叫佢唔駛趕頭趕命食早餐喇   我去大班買蘿蔔糕先番屋企   之後一齊坐 619 去銅鑼灣好過 ~ 

去到銅鑼灣都係 12 點幾   所以去 Smartone 整整部電話先   之後就去里奧大人最愛嘅南記食嘢喇   估唔到食完早餐唔夠 2 個鐘都可以食到南記   真係好勁呀 ~

鴛鴦湯河 - 之前好似 $19 咋   依家 $22 lu

豬腩肉春卷小鍋米線 - 買嘅時候無問我辣唔辣   我都無為意   之後里奧大人話唔辣   係噃   以前會問妳要大中小辣㗎噃

凍咖啡 - 都 OK 喎

食完再去康泰交錢   估唔到 Counter 個女仔就係上次喺德福 Counter 個女仔   唔怪得咁熟面口   又幾有緣噃 ~

搞掂哂就去維園喇   2 點幾都一樣咁多人   焗到想瞓覺   最黑人憎就係啲人逆線嚟行   其實九萬人同一方向行   妳零零舍舍幾個人咁行都知道自己行錯方向啦   就係呢啲咁嘅人   塞住哂條路囉 ~

我鍾意嘅海棉寶寶   因為夠樣衰   哈哈

超勁想食糖蔥餅呀   $10/2 件   里奧大人食咗 2 啖話好飽   話比埋我食   仲好   我正想話買多 2 件食嘛 ~

脆卜卜好好味  

行到 4 點走喇   臨走再買金桔   之後有 Red Bull 派呀   慳番唔少呀   因為里奧大人話好口渴   想去買嘢飲呢   我最後再買多 2 件糖蔥餅   不過只係要一塊皮   因為我只係鍾意食果塊糖啫 ~

2 塊糖包埋一齊食   超正   不過勁甜   但算啦   又唔係成日食   放縱一下先

食完超級飽呀   行去 Times Square 同誠品   香港嘅誠品真係好有香港 "特式"   同台灣誠品完全係兩回事 ~

喺希慎買完 2 盒曲奇餅就坐 619 走喇   對腳好痛呀 ~

番到九龍灣都 7 點幾   去別府食嘢   之後番屋企抖陣就去影藝睇 "Die Hard 5 " 喇   9 點 45 分睇到 11 點 15 分   我覺得西片 90 分鐘都算短   不過咁都好   可以早 d 番屋企沖涼休息呢 ~

我一向對呢啲柑桔無咩興趣   但見好似幾好味咁就拎粒試試   估唔到幾好味喎   好消滯咁   所以買 2 樽同屋企人 Share 呢  
呢個糖果盒   好似拎過一次出嚟   之後都無用過 lu   今年突然好想擺番啲糖果   覺得咁先有新年氣氛咁呢
年糕同桔係擺嚟應節㗎咋

放自己鍾意食嘅朱古力

第一次見咁新嘅人民幣   里奧大人要派利是比大陸同事   無理由派港幣   派港幣慳番唔少   哈哈

豆豉鯪魚炒油麥菜 + 香煎司華力腸 ( 9-FEB2012 )

( 9-FEB-2012  THU )

好凍呀   我以前唔怕凍㗎   可能因為甲狀腺影響   但依家好感恩好番哂   終於有凍嘅感覺   所以我屋企人同里奧大人成日都會話   如果我覺得凍就真係好凍㗎喇 ~  

好餓呀   又食麵餐   仲諗住食五香肉丁麵   原來無咗喇   咁又係   依家五香肉丁罐頭咁貴   唔入貨都正常嘅   我都唔買啦   我真係覺得唔抵囉   罐頭嚟咋 ~

番到菇場忙到頂點   做到 Lunch Time 呀   今日食 Special k + 鮮奶   真係好鬼怕飲鮮奶   但又唔想飲朱古力奶喎 ~

諗住買齋滷味做餸   點知原來自家素食執咗喎   打亂哂我嘅陣腳 ~  

里奧大人上咗大陸又無咁早番   所以我就去超市慢慢買嘢喇   因為要買獨立包裝蛋糕比里奧大人   佢每次上大陸   我都會放蛋糕入佢 Backpack   咁如果好夜放工   都叫做有啲嘢落肚   佢又煩喎   又話餅乾熱氣   又話唔好買有朱古力面嘅蛋糕   唔係食到好污糟   我次次都係買同一牌字嘅朱古力蛋糕比佢咋   真係佢食唔厭我都買到悶呀   今次買咗朱古力味同藍莓味   因為無理由買兩個唔同牌字嘅朱古力味嘛 ~ 

番到屋企都唔駛預備餸菜   所以就拖地    之後開機洗衫   咁打比里奧大人問佢走未   佢又話未走得   所以我都煮飯自己食先 lu ~

是日懶餐 -豆豉鯪魚炒油麥菜 + 香煎司華力腸

豆豉鯪魚炒油麥菜 - 之前食剩嘅油麥菜   又唔想蒜蓉炒   所以就諗起用豆豉鯪魚炒喇 ~

香煎司華力腸 - 好在突然間諗起冰格仲有啲咩嘢未清咋   唔係佢又唔知幾時先出場 lu ~

食完飯好鬼飽   所以又熨衫當做運動喇   里奧大人差唔多 9 點幾先番到屋企   見我煲緊嘢好開心   以為食麵   我話豆豉鯪魚點送湯麵呀   同埋我話妳知唔知煮飯又煮麵係好煩   我都有番工㗎   我都好攰㗎   之後佢笑笑口無再出聲   哈哈 ~