遇見小麵 @ 紅磡 ( 18-JUL-2026 )

豬骨丸子小鍋冒菜套餐 ($51) - 今次大家都係食豬骨丸子   但食剩 5 粒同埋啲魚腐再加一碗半飯   又要留番聽晚了

( 18-JUL-2026  SAT )

感恩瞓得都唔錯   瞓到 6 點半去廁所   好在都好快瞓得番咋 ~

今朝同里奧大人去食早餐   佢尋晚臨瞓前好興奮咁話要食豬扒麵   但今朝又食兩餸   佢話因為豬扒麵太飽都係唔想食呀 ~

食完就去里奧大人公司坐陣先番工   星期六唔會咁早番菇場呢 ~

菇場唔忙啦   家姐 Whatsapp 買咗包忌廉味粟米捧   話幾好味比啲我   我話妳好耐之前唔鍾意食比過我喎   佢話因為喺 HKTVmall 買咗 $990 唔夠錢送貨   所以買呢包嘢喎   我話真係好邪   尋日船頭又係講諗住喺 HKTVmall 買油   但懶懶閒擺喺購物車無理到   到想買就已經無咗特價   佢話即刻 Delete 成架購物車   哈哈 ~

放工即走   里奧大人仲開緊會   所以我有時間去買衫喇 ~

原價 $189 & $199   依家減到 $79 & $89   仲要買 3 件減 $20   真係超過抵呀   同埋質料唔錯㗎

買完就去買午餐去里奧大人公司   佢都係啱啱開完會咋 ~

百芳豬扒便當 & 台灣鹽酥雞便當 - 因為飲完杯奶茶真係好鬼飽   只係食哂啲餸   所以有個飯要留番聽晚食 lu

里奧大人仲未走得   咁我都番屋企先喇 ~

番到屋企即熨衫   之後燜牛肋條   搞掂就執下嘢   本身想做大清潔   但又唔人里奧大人幾時放工   費事做到一半又話走嘛   所以都係抖下先   留番聽日先做 ~

其實都已經 5 點   咁睇 "人肉叉燒包" 嘅故事   但睇咗一陣都係唔睇喇   因為一陣仲要食嘢 ~

依家最鍾意睇 Shorts   咩題材都有真係無咁悶㗎 ~

里奧大人 5 點 45 分放工   所以一齊去黃埔食嘢喇 ~

諗住食 Jollibee 炸雞   不過我最後都係想食濕濕哋嘅嘢 ~

食完就行奇趣天地   想買 Baby Yoda 盲盒   但有兩款唔鍾意都係唔買 lu ~

KYOWA 濕紙巾 ($15/2 包)   買咗 7 包   只係 $105   職員問我試過未 ?!   我話頭先試咗先再嚟買   佢話買咁多要試咗先好買   頭先里奧大人又係咁講   哈哈

依家真係要番到公司再抹臉同搽 Cream   成個人真係爽好多㗎   所以我都會比 2 包比船頭   里奧大人話當然好啦   一齊 Share 開心啲嘛 ~

我話要去 AEON 買炸餃子   咁順便同里奧大人睇下背囊   睇完就去超市喇   咁我睇緊意粉   但唔見里奧大人喺隔離   之後打嚟叫我拎購物車   原來佢又第一時間去睇啤酒位置   感動感動 ~

TV BP CHU-HI 有汽酒 蘋果白葡萄味 / 菠蘿芒果味 ($15/2 罐) 再 95 折 - 里奧大人話買夠 12 罐啦   最正係 2027 年 1 月先到期

行到一半先醒起無買到餃子呀   不過一定唔會翻轉頭買囉   呵呵 ~

里奧大人要番公司做少少嘢   咁我都番屋企先喇 ~

沖埋涼就休息   今晚出咗成身汗   真係要抖下   哈哈 ~

里奧大人 9 點先到屋企   第一時間問雪咗啤酒未 ?!   我話雪櫃無位呀   要聽日先雪呀 ~

睇多陣 Youtube   今晚 11 點先瞓覺 ~

咖哩雞 + 菜心 ( 12-JUL-2026 )

大前晚食剩嘅梅子鴨   尋日食剩嘅柚子蜜雞翼超好味呀

( 12-JUL-2026  SUN )

今朝里奧大人早啲起身番工   咁我都一齊起身 lu ~

Berry 見到我背面就扯住 U 姐過嚟   家姐話快到佢都睇唔切我已經到咗   哈哈 ~

我今朝早咗但家姐遲咗   所以可以陪 Berry 女行 15 分鐘喇 ~

送埋佢哋番屋企就去食早餐   開心開心 ~

原條炸魚柳+阿活脆邊煎雙蛋+英式多士 ($42) - 家姐見隔離個姐姐食普通嘅炸魚柳   之後強調話多 $3 就有原條好抵   我話係好抵   但都要食得哂先得㗎

阿活脆邊煎雙蛋+黑椒牛扒 ($40.50) - 基本上同家姐 里奧大人 Share 食嘢   有得食牛嘅就必定叫牛   非常感恩佢哋咁錫我

家姐話之前去驗眼   依家散光多咗 100 度要換眼鏡   之後再講睇眼科幾錢   講講下我又講里奧大人好似 Claim $200   我就 $380   家姐話突然間話加咗咁多度嘅 ?!   我話係 Claim 錢唔係度數呀   佢都笑咗出嚟   哈哈 ~

食完就去惠康睇嘢   之後經過見到阿根廷入球   我睇到踢咗 9 點 5X 分   我以為係加時添   因為船頭成日話半夜先開波   我以為場場都係嘛   所以無諗過咁早有得睇呀 ~

一入屋   Berry 又好熱情怪叫我撲我   真係令到我好開心   哈哈 ~

家姐用氣炸鍋整腰果   再加啲蜜糖

上次我着黑色襪   Berry "胡胡" 聲想咬我腳趾咁呀   今次我都係着黑色襪   我同家姐講話好驚 Berry 咬我腳趾呀   家姐話唔驚啦   之後將我隻腳"隊"落 Berry 嗰度呀   不過就無貼近個口嘅   雖然 Berry 無咬落嚟   但嗰下好驚啦 ~

好眼瞓

肥腿

咁樣都幾似細個嘅樣

次次近距離望佢   就好自己會錫佢

咁樣睇仲似細個嘅樣呀

講開做生意   家姐話細 K 唔開舖喇   我話牽涉到錢銀   真係最好唔同人夾份   不過佢今次仲衰過比人呃錢囉   好在無辭咗份工咋 ~

尋晚瞓得唔係咁好   加上又早咗起身   真係有啲眼瞓   之後應該瞓着咗   因為我一開眼就 12 點 15 分呀   我問家姐我有無瞓着 ?!   佢話有呀   我話有無鼻鼾聲 ?!   佢話有但好細聲   我話里奧大人成日話我好大聲   所以成日唔敢喺公司瞓覺呀 ~

傾下傾下又 12 點 45 分都要走喇   家姐就送我搭車 ~

次次我走先出去廳

飛機耳

買埋隻貴妃雞就番屋企   咁唔駛特登醃雞下髀喇 ~

貴妃雞 ($100)

番到屋企即刻沖涼洗頭   抖陣就預備午餐 ~

今次都係蝦餃拚馬鮫魚肉燒賣   想快啲清哂去呀

芋蓉麻糬布甸 - 好食呀   但其實就咁食 1 個做午餐都夠哂飽

開心果麻糬布甸 - 呢個都好食

差唔多 3 點有啲胃痛就諗住食先   點知里奧大人打嚟話番緊嚟   咁我等埋佢先食喇 ~

食完就煮咖哩雞   之後睇陣 Youtube   睇到 4 點半都入房瞓喇   瞓得快過里奧大人   哈哈 ~

瞓到 5 點半就起身   當堂精神哂 ~

里奧大人抖陣就去做機   我就預備晚餐 ~

咁我將尋晚嘅鰻魚蛋包飯放喺枱   咁剩咗 2 件鰻魚   我見到里奧大人裝我個碗啲餸   又望下自己個碗啲餸   之後又撩開我啲餸睇下   再比件鰻魚比我   佢話我無得食呀   我話尋日食咗呀   其實估唔到佢會咁做   都幾窩心嘅   哈哈 ~

是日晚餐 - 咖哩雞 + 菜心

咖哩雞 - 都係用田師傅咖哩雞即煮醬料   所以覺得煮咖哩真係好方便   哈哈 ~

菜心 - 之前買咗吔喇   今晚要食埋去 lu ~

洗埋碗就沖涼   咁又已經 8 點   同里奧大人一齊睇 "中年好聲音 4" ~

杜拜開心果脆皮牛油年糕 & 鹹蛋黃牛油年糕

就咁凍食嘅口感都好好呀   個餡脆脆哋年糕又煙韌   開心果就好好食喇   但鹹蛋黃牛油年糕就完全唔夾

睇多陣 Youtube   今晚 11 點先瞓覺 ~

譚仔雲南米線 @ 紅磡 ( 11-JUL-2026 )

雖然我都大食   但今次我只係食咗芽菜同豆卜   我真係好飽食唔落其他呀

( 11-JUL-2026  SAT )

尋晚瞓得都 OK 呀   瞓到 8 點 20 分先起身呢 ~

早餐食 Flakes 加豆漿   番到菇場先沖咖啡飲喇 ~

本來諗住買粉果套餐   咁唔駛自己沖咖啡   但佢得 1 隻粉果+4粒燒賣   不過我只係想食粉果囉   所以唔買 lu ~

菇場唔忙   所以第一時間沖杯咖啡先   家姐問係咪咖啡機 ?!   我話公司係有但我唔用啦   我唔想洗嘢呀 ~

我上緊網睇嘢   家姐打嚟話見到我識嘅人   我以為係陳老二   之後我話係 CC 啦   家姐話係佢叫 CC 添   佢哋真係好有緣呀   因為家姐見惠康有折先去買榴槤   本身行去藥房先㗎 ~

之後就收到 CC Whatsapp 話見到家姐   佢哋以前成日喺巴士站見到   但家姐 WFH 之後就少見好多喇 ~

一陣會同家姐食晏   佢話阿莊會過嚟陪我哋   我話無問題啦   我都好耐好耐無見過佢呀 ~

家姐問佢記唔記我阿妹咩樣 ?!   佢話記得    因為好似媽咪個樣   家姐話咁妳係咪都記得我媽咪咩樣先 ?!   哈哈 ~

放工即走   出去花園街行下先   經過八珍甜醋就睇下啲涼果   但都幾貴所以都係唔買住喇 ~

咁即去 Boutique 睇裙啦   點知執咗   所以去奇趣餅家買埋紅豆燒餅就走 lu ~

又經過八珍甜醋   最後都係買咗包薑比里奧大人   同埋其實依家涼果都係貴   咁就買包試咗先   里奧大人覺得好食先再買   哈哈 ~

梅薑粒 200 克 ($88)

買完再去龍豐行下   因為我一定要行有冷氣嘅地方   之後家姐打嚟話到咗附近   咁約埋佢一齊行去食店喇 ~

估唔到家姐都買咗甜品   又會咁啱嘅   呢刻真係覺得心靈相通呀   哈哈 ~

見到布甸包就好開心   因為我想食好耐呀   之後家姐話做咩唔同佢講   我話唔會講囉   唔係妳又一定特登去買嘛

芋蓉麻糬布甸 ($25/2 個) / 開心果麻糬布甸 ($25/2 個) / 朱古力麻糬布甸 ($25/2 個)

黑芝麻麻糬布甸 ($25/2 個) / 法式布甸包 ($16/個)

阿莊拎件無餡嘅年糕   我話拎件有餡啦

杜拜開心果脆皮牛油年糕 & 鹹蛋黃牛油年糕 ($50/4 件)

芝士吐司好似 $29   家姐同我每人 1 條

家姐話其實布甸包係買埋比阿莊嘅阿哥同阿媽   點知阿哥好糖尿前期   阿媽呢排又食得清   之後家姐話呢個包係藍莓橙皮合桃嚟㗎   阿莊話阿媽都鍾意食健康嘢   家姐即刻比哂佢   唔係佢會覺得無嘢比阿莊阿媽係唔好意思咁呢

家姐好搞笑   佢話買咁多嘢   不過姐夫又唔鍾意食呢啲   無買比姐夫好似好衰咁   所以買個紙包蛋糕比姐夫   之後我話好邪呀   頭先我睇咗八珍啲薑好貴就唔買比里奧大人   但覺得佢鍾意食薑又唔買好似好衰咁   所以就番轉頭再買呀 ~

家姐話買咗 $282   我話上次船頭先講依家買麵包都唔平   最慘係有啲仲係空氣包   所以佢依家又自己焗麵包 lu ~

分好哂啲嘢就叫嘢食喇   主要都係我同家姐食   因為阿莊已經食咗飯   旨在傾下偈呢 ~

阿莊話我真係好似媽咪   其實個個見過媽咪再見我   都話我好似媽咪㗎 ~

日本柚子茉莉花抹茶 - 好飲呀   之後家姐話我鍾意飲橙C咖啡咁   哈哈

青嵐草莓綠茶拿鐵 - 呢杯又係好飲   啱哂家姐嘅口味

烤雞咖哩蛋包飯 ($85) - 我話塊雞扒好好味呀   因為我從來覺得雞扒係無味可言   之後家姐話佢就係覺得好味先叫呀   但佢叫嘅時候無講   所以佢碌大對眼話妳都覺得好味呀   哈哈

原條蒲燒鰻魚蛋包飯 ($128) - 家姐見到原條呢兩個字覺得好吸食   又問我食唔食鰻魚 ?!   我話食呀   不過我哋食咗 2/3 條鰻魚咋   蛋包飯同柚子蜜雞翼要打包呢

綠茶 / 黑糖蕨餅 - 都幾煙韌   但我唔係咁鍾意黃豆粉

抹茶卷北海道十勝紅豆 ($58) - 抹茶卷好味呀   之後家姐食粒小丸子   再話妳最鍾意食呢兩粒嘢   咁我真係好鍾意食小丸子㗎   但里奧大人 CC 同阿濤就好嫌棄   話唔明點解咁鍾意食   我話因為夠煙韌囉

抹茶芝士蛋糕 ($65) - 呢個又係好味呀   因為我鍾意食芝士蛋糕

食下傾下又已經 3 點 45 分   家姐要去做嘢   所以都要走喇 ~

比錢嘅時候   收銀機喺我隔離   家姐話用手機支付寶   但就將部手機比我   咁我就拎銀包嘟八達通   職員笑住話點好呀 ?!   我話梗係八達通啦   因為我將家姐部手機擺喺我銀包下面 ~

家姐話做咩妳要請食飯 ?!   我即刻話咁妳又做咩要請食飯 ?!   佢個樣呆咗呀   哈哈哈哈 ~

感恩 2 分鐘後有巴士   番屋企放低哂嘢   再去買酥皮蛋撻比里奧大人啲同事   佢唔知我會嚟呀   所以佢都好愕然   哈哈 ~

買咗 10 個酥皮蛋撻

抖陣就去惠康買嘢   買完就番屋企放低啲嘢   再去里奧大人公司   佢話一陣 7 點半要開會   我同阿妹都以為聽錯   原來係臨時開嘅   咁無辦法啦   解決問題要緊   同埋最緊要咁啱約齊人呢 ~

鮮家煮意雞中翼 ($48) / 荷蘭豬梅頭扒 ($39.90) / 袋裝南非臍橙8個 ($20.50) / 菜 ($5)

今晚 6 點半去食米線   里奧大人食完就番公司   我就番屋企喇 ~

家姐特登拎比我㗎   我話聽日都去妳屋企   妳拎比我做咩呀 ?!   佢話好輕之嘛   我話輕都係咁話啦   我聽日拎咪得囉   依家妳拎完比我   我又拎番屋企   妳輕輕鬆鬆出嚟就得啦

開埋機洗衫就沖涼    抖陣就熨 2 機衫   里奧大人頭先叫我留比佢熨   我仲以為話我熨得皺   原來佢話叫我休息下好過   不過我梗係唔會啦   佢呢排咁忙   寧願佢多啲休息好過 ~

里奧大人 10 點番到屋企   沖埋涼聽陣歌   佢 11 點都瞓覺   但我就可能 3 點先飲杯綠茶   所以唔眼瞓   差唔多 11 點 50 分先瞓呀 ~

繆氏川菜 ♡ 深圳 DAY 2 ( 26-MAY-2026 )

( 26-MAY-2026  TUE )

尋晚瞓得麻麻哋呀   個人好熱咁   之後里奧大人話半夜要開番大冷氣添呀   可能尋晚食燒烤燥熱呢 ~

今朝天陰陰   所以無咁熱

沖埋涼就出去麥當勞食早餐   但樓上比較焗   所以我話買番酒店食喇 ~

我無戴眼鏡呀   所以叫里奧大人開大屏幕比我睇啲字   但唔係間間食店都可以放大睇㗎   買咗兩份早餐只係 RMB45.50 (約 HK$47.74)

@ 麥當勞

買完就番酒店   其實只係喺隔離街口   所以住呢間酒店真係去邊都方便   哈哈 ~

我想食鮮肉干蒸燒賣 (RMB7 約 HK$8.16)   所以里奧大人就即刻買   次次去旅行都係咁㗎   之後仲會問係咪鍾意食 ?!   如果鍾意食就一陣再買嚟食

@ 桃園灌湯包

我最鍾意酒店有張圓枱仔   擺喺邊都得嘛   咁樣食嘢真係方便好多㗎 ~

開餐

熱辣辣嘅鮮肉干蒸燒賣嘅   估唔到就咁食都好食   因為無陣豬羶味呀

火腿扒早安營養卷套餐 (RMB18.50)  - 呢個好味呀

牛肉蛋沙拉叠叠卷套餐 (RMB27) - 呢塊卷餅嘅口感比較乾   之後里奧大人話夾埋薯餅一齊食   咁又真係好食啲喎

本身個喼都有啲重   但放咗袋米就超級重喇   辛苦里奧大人了

食完抖陣   差唔多 11 點就去按腳喇 ~

希望唔好落雨啦

酒店係國貿站 E 出口位置

對於我哋嚟講   11 點按腳真係好早㗎   但因為要 12 點前先有特價 RMB59/位 X 2 (約 HK$109.34) ~

望住出面都幾舒服   好個望住牆嘛   哈哈

藍天白雲   哈哈

抽煙移步室外   長得帥也不行

今朝都有 2 個客人按腳

今次大家都食水餃   里奧大人知我鍾意蘸醋   所以特登去拎比我呀   我同佢講雖然咁短時間又食   但我真係食得落同覺得好味道呀   放假心情真係特別唔同㗎   哈哈

按完就去金光華行陣   順便睇下一陣午餐係咩好 ~

又見到細細架嘅公車

我好記得瑞幸咖啡係樹岸對面   但兜咗個圈以為轉位啦   點知原來瑞幸係 "煥新升級中"   哈哈

里奧大人話今日可以去睇戲呀   咁我之前上網見到有套 "消失的人" 係懸疑片   所以即去買飛喇   但係睇 4 點 10 分嘅   咁就睇完食埋飯先番香港 ~

上次喺呢間 "南國影城二期" 睇戲   但呢間無 "消失的人" 套戲

新南國影城

危坐

呢間南國影城係舊啲嘅   所以有 "消失的人" 套戲喇   哈哈

買完就去食川菜啦   但入面好焗就唔食喇   連里奧大人都話焗呀   我話不如買午餐番酒店食吖   又可以試下其他嘢食嘛 ~

仍然係買花魁楊梅蓮霧冰1公升 (RMB33 約 HK$38.43)   但要等 30 杯   所以我哋可以周圍睇下有咩嘢食喇

脆皮厚巧燒係吸引   但太大個一定食唔哂呀

提拉米蘇花撻 (RMB12/枚) - 我對呢個甜品無咩興趣   可能唔鍾意呢啲口感

我買咗孜然里脊煎餅 RMB15.90 (約 HK$18.53)

我離遠睇隻公仔   以為係青蛙

配料

睇到佢整到咁   我心諗唔通係啱啱入行 ?!   之後佢就掉咗塊餅皮   我估咁做係用嚟開鑊

開始整餅喇

我好想飲咖啡   所以去 KFC 買喇 ~

RMB10.90 (約 HK$11.54)

我同里奧大人研究緊個 Apps 點樣點餐   呢個女職員整完嘢就即刻過嚟問有咩幫到我哋 ?!   仲幫我哋點埋飲品   我真係覺得好窩心呀   因為佢係可以唔理我哋嘅

@ KFC

里奧大人唔想我周圍行   所以佢自己去拎飲品   之後我企喺度見到混果汁位置   即刻打比里奧大人教佢點行   因為好多時我哋都兜咗個大圈先上到嚟呀

買完都走喇   經過今朝間食店   里奧大人問買唔買點心 ?!   我話得蒸包咋   所以唔想食呀   佢真係好搞笑   我話鍾意食就會成日問食唔食   哈哈 ~

原來我哋喺金光華買午餐嘅時候   出面係落過雨

我要買牛肉粿條   尋日見到已經想食㗎喇   咁今日一定要買嚟食啦 ~

好大鍋牛骨湯

今次早午餐都喺酒店食   我覺得好正呀   因為食完可以即刻上床抖下   哈哈 ~

細心嘅設計   因為唔撕開條膠   啲湯唔會漏出來

開餐

招牌牛肉粿條 (超大份) (RMB30 約 HK$34.97) - 頭先見到個客人叫咗碗牛肉粉   真係成個碗都係牛肉   所以里奧大人問佢食邊款 ?!   佢話係招牌牛肉呀

最欣賞係裝辣椒油同蔥嘅膠兜   分開兩格真係好好多啦   同埋容量都唔少㗎

孜然里脊煎餅都好味呀

一路食一路睇桌球

感恩酒店可以 3 點 45 分交房   所以里奧大人食完都瞓覺   我睇睇下電視都瞓咗 10 分鐘呀   好記得係 3 點 25 分瞓到 3 點 35 分   瞓醒真係精神哂呀 ~

臨走嘅時候先醒起無戴手錶   但個袋又無   我話唔知係咪跌咗   但里奧大人話尋晚見我放喺枱   奇怪今朝我唔戴   咁即係見過啦   原來佢放咗喺個袋入面   好在幫我放咗   其實唔係突然間醒起   我真係會唔記得戴隻錶囉 ~

放低行李就去睇戲   時間啱啱好 ~

酒店有 Locker 放行李就安全好多

行李卡

消失的人 (RMB39.90 X 2 約 HK$109.34)

我哋坐中間位置   全場好似得 10 個人睇咋   因為已經 5 月 1 日上畫   好在未落畫咋   哈哈

我哋覺得套戲好緊張   真係最後先知答案   哈哈 ~

睇完都 6 點幾   咁都要去食嘢喇   因為已經係晚飯時間   如果再遲啲食   我驚要排隊等位呀 ~

日長夜短   所以 6 點 45 分仍然好光

@ 繆氏川菜

古色古香嘅裝潢

繆氏一直陪伴您左右

成日講咗電動餐車做機械人

餐前小食

超值雙人餐 (RMB108 約 HK$125.89)

肥腸豆花魚 (大份) / 辣椒土豆炒肉 / 烚鍋包菜 / 燒椒溏心皮蛋 / 老成都冰粉 (2 份) / 米飯 (2 份)

燒椒溏心皮蛋 - 里奧大人食 1 件咋   好在啲汁係酸酸咪咪   咁樣食完無咁滯   哈哈

老成都冰粉 (2 份)

電動餐車真係好幫手

辣椒土豆炒肉 - 我無食呀   里奧大人話好味道

烚鍋包菜 - 食咗一半要打包

肥腸豆花魚 (大份) - 如果辣啲就更好

肥腸好食   最緊要無陣味

土豆幾乎無食過   所以一定要打包啦   膠盒係 RMB1/個

食完已經 8 點   本來想去永輝買花茶   但最後都唔買喇   都係想早啲番屋企 ~

夜晚嘅金光華廣場就靚好多喇

我哋要去羅湖站買鍋盔   之後我又買咗啲糕點   真係滿載而歸喇   哈哈 ~

依家買嘢食番香港真係好方便   起碼唔駛早一晚買定嘛

里奧大人必買嘅手信   買咗 3 塊紅糖豆沙鍋盔 (RMB9/件 約 HK$31.47)

不斷咁烤   個場又熱   所以職員都好辛苦

脤卜卜嘅鍋盔

因為啱啱出爐   所以唔可以蓋實   里奧大人就拎多幾個獨位紙袋   將鍋盔逐個蓋住

虎皮粘粘糕 (RMB28.8/4 塊) - 我心算係 RMB8/件   但覺得咁貴係咪計錯   所以拎部電話再篤多次   之後里奧大人過嚟話買啦   我話好貴呀   佢話又唔係成日嚟   之後就叫職員比 4 件

合桃養生糕 (RMB22.8/4 塊) - 我話都想買呢個   之後里奧大人又話買啦   咁我唔客氣喇

買咗 HK$60.15

@ 華北川鮮糕點

往香港

居然有 4 連位呀   真係第一次見咁情況

9 點 39 分   如里奧大人所料係 9 點 45 分會番到屋企   哈哈

開埋機洗衫就沖涼   之後焗熱鍋盔比里奧大人   點知佢話食少少咋   之得唔焗啦 ~

放入雪櫃   可以放兩日㗎

試咗合桃養生糕   口感係超級煙韌呀

睇埋新聞   今晚 11 點半先瞓 ~