衝瘋鴨仔團 ♡ 張家界。美好回憶記錄 ( FEB 2015 )

今年我初五 (23/2) 就要開工喇   但里奧大人就初九 (27/2) 先開工   仲要講明呢日一定要番公司開年   所以又係有時間所限   唔可以去咁耐旅行喇 ~

依家番工真係覺得好攰   哈哈   所以我都好想新年去旅行 Relax 一下囉 ~

時間所限只去東南亞   里奧大人唔想去泰國   我又唔想去台灣   咁諗住去韓國   不過個團唔多啱玩   我又唔想 Plan   所以又去大陸囉   呵呵 ~

咁其實去大陸都 OK 嘅   因為我覺得啲景真係好靚好靚   唔係親眼見到呢   真係好難形容   嗰種震撼真係好難用筆墨形容   但我其實又真係好驚去大陸   春節期間實係好多人   景點更加唔駛講   但無計啦   張家界行程又幾吸引我哋   所以就報團喇   原來報初三出發   不過最後唔成團   所以改為初二出發 lu ~

團友有 24 人 (1 家 5 口 + 1 家 4 口 (香港人 & 台灣人)  + 1 家 3 口 + 2 對母子 (一對係香港人 & 一對係四川人) + 1 對夫婦 + 我同里奧大人   我哋喺大陸坐架旅遊車真係非常之舒服   因為係由 51 座位改為 39 座位   唔怪得我咁好瞓啦   哈哈 ~

@ 旅遊車



今次主要旅程都係 "等 " 同 "坐"   因為春節期間   好似初一至初六   公路係唔收費   所以呢好多人真係穿州過省㗎   沿途見到好多川 /鄂 / 贛 / 貴 / 滬嘅車牌   所以度度都係車   我哋架旅遊巴又大架   有啲地方直頭唔比駛入去添㗎   但司機叔叔好好人   盡量會泊喺近我哋嘅地方   唔駛我哋行咁耐呢 ~

因為可以同啲團友一齊傾偈   傾下傾下又到 lu   每去一個景點   最小係 45 分鐘 (唔塞車)   最耐係兩個鐘 (唔塞車)   其實我係預咗要坐好耐車   不過無諗過真係咁耐   第 5 日由中午 1 點坐車   坐到夜晚 8 點 45 分   中途去咗 1 次廁所咋   但好感恩一件事係   司機叔叔搵到條新開嘅公路   不過就要走多 200 公里   佢話呢 200 公里嘅油錢由佢負責   但最緊要係會避開塞車   因為如果跟行程嘅路線   保守估計都可能要 12am 先落車   我哋行新公路都有塞車   好在都會行下停下   唔係就慘咯   今次架車行咗接近 1,400 公里呀 ~

今次主要係去睇景   可惜無上到天子山   因為真係接受唔到同人身貼身迫住排隊   但都有其他地方係值得去嘅 ~

@ 龍王洞



@ 紅石林

@ 鳳凰古城



天氣方面   我覺得勁凍啦   最低得 6 度  最高好似得 12 度咋   我又無帶厚頸巾   只係帶咗條薄絲巾   因為我無諗過咁鬼凍呀   加上又陰陰天   感覺係寒上加寒   但就無落雨   只係 22/2 呢日落雨   所以我同里奧大人唔上天子山囉   其餘幾日天氣都係陰陰天   不過好多人話落雨嘅時候   影袁家界係最靚   但天氣變幻莫測嘛   導遊話佢同事喺佢哋遲一個鐘到袁家界   大霧到咩都睇唔到呀 ~

食物方面   真係一般啦   發展中嘅地方嘛   唔好有要求   有得食已經好好㗎喇   基本上好多餸都係以菜為主   都好吖   清淡啲   因為正宗湖南菜係好辣好油   所以導遊次次喺我哋用餐之前就打去飯店   要求 "小辣小油"   真係好細心   我真係好感恩好感恩呢團有個好好嘅導遊呢 ~

@ 野山菌湯

住宿方面   都 OK 啦   唔敢有要求   不過最尾住嗰間酒店就真係超正喇   夠乾淨同光猛 ~

@ 皇冠假日酒店 (長沙五星標準)

團友方面   好感恩所有團友都好好呀   好似朋友一齊 Join 埋一齊去旅行咁   同每個 Party 都有傾有講   好開心呢   希望次次跟團啲團友都係咁好玩啦   哈哈 ~

我哋圍埋一齊就會傾偈   真係好開心

呢次旅程其實真係相當之攰   基本上日日都係 6 點 Morning Call   除咗最後果日係 7 點 Morning Call   咁好在坐嘅時間真係好多囉   可以瞓番夠本   哈哈 ~

我最深刻就係坐一程車要接近 8 個鐘   同埋就係啲團友   包括我哋自己   一上車就食零食   瞓醒就食嘢   食完又瞓   瞓完又食   可能天氣太凍   要熱量呀 ~

老實講   每個景點都要 一個鐘   咁梗係喺車瞓嘛   即係一醒就要落車食嘢   其實無咩胃口   加上啲餸真係唔啱胃口囉   同埋天氣凍   啲餸又好快凍   我唔係咁想食   所以一上車就食番自己鍾意食嘅零食   里奧大人話零食變糧食   我帶咗好多好多零食架   有 4 包蟹餅 + 1 大包夾糖 + 1 大包軟糖 +  8 條魚肉腸 + 1 磅豬肉粒 + 2 包童星點心麵 + 10 包大發魷魚絲 + 半磅話梅薑   所以我成個背囊都係裝零食   錢唔跟身都唔緊要呀   最緊要有零食   唔係餓暈都似 ~

去大陸有樣好   就係無咩嘢買   今次買咗 2 盒黑茶同辣椒   民族手飾都無買   因為我一定要洗   但洗完實會甩色   咁就無哂意義咯 ~

@ 黑茶   RMB800 有兩盒   我哋簽信用卡比錢嘛   點知收到 Statement 係接近 $1,100   下次都係帶多啲錢跟身好啲

       
@ 買 2 盒送呢個壺

蒜蓉辣醬同七星花剁椒   每樽 RMB10   曲奇餅 RMB38

薑糖   唔記得係 RMB30 定 RMB35/包

今次影咗差唔多 5,000 張相   好似 17GB   如果上天子山   可能有 20GB   不過都係里奧大人影多啦   我又攰又凍   真係無咩 Mood 影   好在里奧大人鍾意影相咋   唔係真係無得留念㗎喇   雖然酒店有 Wifi 我都唔想上網打機呀   只係同家姐 Whatsapp 幾句   問佢同媽咪有無嘢就唔傾喇   反而里奧大人就有同朋友呀屋企人 Whatsapp   佢仲時不時 Send 相比家姐睇   我話靠佢喇   哈哈 ~

雖然今次旅行真係好攰   同埋係去大陸玩   但我都好開心   因為我真係好鍾意睇啲天然景色呢 ~

團費 : HK$3,999 X 2
保險費 : HK$192 X 2
領隊導遊司機服務費 : HK$480 X 2
利是 :HK$300

衝瘋鴨仔團 ♡ 張家界。湖南 ( 6 天武廣高鐵路團 ) DAY 6 ( PART 2/2 ) ( 25-FEB-2015 年初七 )

( 25-FEB-2015  WED  年初七 ) - PART 2/2

仍然係喺長沙市簡牘博物館   但我唔覺得悶   因為好多嘢都無睇過   我好鍾意睇古代文物   我覺得好得意 ~

(備料) 過程係由備料開始到書寫

(片解與刮削)

(杀青)

(編聯)

(書寫)

簡牘嘅制作工具   好似手術刀   哈哈

中間支筆好大支呀

唔同區別有唔同嘅講解員

我好鍾意睇人哋寫啲字

金幣

銀幣

上圖介紹

我以為做咩擺部 Gameboy 喺櫃入面添

上圖介紹

上圖介紹

上圖介紹

上圖介紹

大家好   仍然係我為大家介紹

                         

上圖介紹

我覺得好似塊餅乾

呢兩塊似餅乾同月餅

                  

走人 lu

睇到 10 點 10 分就坐幾分鐘車去 "白沙古 " 再坐幾分鐘車去 "湘江風光帶"   旅程就會完畢喇 ~

好多人都有架戰車



阿 Man 講咗地下勁跌㗎   我真係跣親呀   好在夠大份企得穩   無跌落地下咋   之後里奧大人話聽到阿 Man 叫人小心啲   原來係叫我喎   呵呵

自家製工具

個角度好似我喺度倒水咁   哈哈

@ 湘江風光帶

後生版毛澤東

里奧大人話頭先阿 Man 話去呢個景點   唔講時間   任妳哋睇   哈哈   影 5 張相都嫌多啦

10 點 40 分開車   車程暢順   呢個時候   又係導遊領隊講多謝說話啦   哈哈 ~

阿 Man 話好多謝大家咁合作   咁老實講   我哋大家都真係好合作   同埋個個都好有禮貌   又尊重導遊決定   跟團靠導遊嘛   阿 Man 又真係好緊張我哋   成日驚我哋食得太油   又驚我哋唔識路   又驚我哋聽唔明普通話   真係好多嘢都親力親為呢 ~

佢話呢幾日行程   行車係 1300 公里   我唔知多唔多呀   我估都應該多啦   因為坐車多過行 (我無去天子山   所以更加感覺到坐多過行   哈哈) ~

11 點 10 分就要到車站   因為阿 Man 驚多人排隊   唔捨得阿 Man   居然喊咗添 ~

阿 Man 仍然好緊張我哋   所以睇住小麥點搞

同我哋逐一講再見   肥仔仲同佢握手   勁搞鬼   真係人細鬼大   哈哈

都好多人排隊

11 點 40 分到康師傅   因為我想食呀   里奧大人問我點解咁想食   真係唔知點解   哈哈 ~

依家喺大陸食嘢真係唔平喇

坐喺度齊齊等上車

真功夫都幾出名   同埋最緊要乾淨   里奧大人上深圳就會去真功夫食   基本上去大陸做嘢嘅人都識   上次我懶醒問 8 卦食過 "真師傅" 未 ?!   佢話 "真功夫" 呀嘛   哈哈

有藍色同紅色車票   不過無留意係咩分別

全團得我同里奧大人坐另一車廂   可能知我哋有電話   所以有咩事即打比佢都得   哈哈

開緊車喇

個個都好忙

話咁快行李位 Full 哂喇

其實咁樣托個喼上去都好危險   好易整親條腰囉   我咁矮   都應該托唔到上去添呀

仍然陰天

3 點 50 分到廣州喇    一出車站就已經 Feel 到潮潮濕濕   立黐黐呢   勁想番番去張家界呀   哈哈

4 點 10 分開車   6 點 10 分 到香港   好感恩唔塞車呀 ~

仍然係 5 日前嘅 22 同 90

最鍾意寫呢啲意見調查表   不過我只會寫好嘅   好有鼓勵作用嘛   同埋真係好感激佢哋嘅照顧   但如果唔好嘅就唔會寫呢張表   懶得寫呀   哈哈

我覺得咁樣睇好靚咁呀

感恩呀   全程車程暢順   所以 5 點 40 分到深圳灣口岸喇

仍然仲係團友   哈哈

鹹蛋黃

到香港唔知邊度喇

呢日行程完畢 ^^

我哋打的番屋企   抖到 8 點先去大快活食嘢   我好飽呀   所以同里奧大人 Share 食煲仔飯   講明佢要食 8 成先叫㗎 ~

沖埋涼就執嘢   好在去大陸無嘢買   所以就咁執衫就搞掂   不過整依樣整嗰樣   差唔多 12 點幾先瞓   好在聽日唔駛番工   哈哈 ~