Babymama: 肥在遊胡志明篇

顯示包含「肥在遊胡志明篇」標籤的文章。顯示所有文章

2015年7月1日星期三

胡志明市 ♡ 越南。美好回憶記錄 ( JUN-2015 )

2015 年 6 月 27 日終於去到越南胡志明市啦實在太滾動喇 ~

上年撞正示威去唔到嘛飲恨呀所以我同里奧大人講如果今次都去唔到以後唔會去越南哈哈 ~

好在今次去南越咋因為北越 (河內) 打風呀唔係咁邪邪邪呀嘛 ~

其實今次原本唔係去越南嘅係諗住去山西嘅懸空寺仲係玩足 8 日添咁當然又係要成日坐車啦我都預咗會係咁反正上次去張家界都坐過 8 個鐘頭車 2-3 個鐘頭車真係碎料啦 ~

之後諗諗下又想去大板京都因為里奧大人叫咗我幾次去日本呢咁自由行我又唔願 Plan 跟團 5 日要接近 $9,000 團費加埋什費同導遊費即係要 $10,000 我又覺得唔值喎同埋我對日本真係無乜興趣可能好耐之前去過東京覺得都係好多人好急趕咁但北海道又太 Hea 所以無乜原動力令我想去日本囉 ~

最後我話去越南實在想去耶穌山我預咗熱架但千奇唔好落雨就得喇始終越南 6 月開始係雨季呢 ~

今次里奧大人醒喇 Last Minute 先做簽証不過我都係驚去唔成哈哈哈哈哈哈 ~

當我去到越南賓尼兔第一件事係叫我哋千其唔好拎手袋出街同埋拎相機出嚟影相因為電單車黨好猖獗當下我非常之感恩我無自由行哈哈因為我之前懶勁話會夜晚帶里奧大人出街周圍食周圍影呢 ~

但越南人其實都好友善嘅起碼次次我影相啲人都會對住妳笑一係好熱情咁笑一係好怕羞咁笑特別係啲小朋友真係揮哂手㗎好可愛呢 ~

停車嘅時候我影佢啦佢就笑哂口之後開車佢仲同我揮手 Bye Bye 添呀

天氣方面 - 感謝主天氣真係非常之好里奧大人喺越南 Last Day 問賓尼兔 27 號前嘅天氣係點佢話係日日落雨呀雖然我哋去到都有落過雨但我哋非常之感恩次次都避到一次係一到越南食第一餐飯之前落一次係第 4 晚食完飯番酒店之後落一次係 Lucky Plaza 超市入面同埋喺越南登機之前落有數得計有時坐車沿途都有落雨但其實無影響因為係番酒店呢哈哈 ~

食物方面 - 100 分嘅話真係有 85 分因為我覺得團餐多數唔好食呢連同枱團友都話好食呀但最最最好味嘅食物一定係賓尼兔幫我哋買嘅法包呢 ~

喺頭頓食嘅海鮮午餐燒大頭蝦真係好鮮甜好彈牙正呀

HotPot 又係好味道

呢個法包係自費嘅真係超級好味

有奶嘅凍咖啡 (自費)

無奶嘅凍咖啡 (自費)

住宿方面 - 比我想像中好呀因為我覺得越南係好落後地方應該好污糟估唔到都乾淨起碼房間無塵我好奇怪吔次次會睇埋啲燈後面有無塵而兩間酒店都無塵㗎所以覺得佢哋真係好用心咁清潔呢同埋我去旅行其實最驚係去洗手間因為好驚唔乾淨但估唔到佢哋所有嘅洗手間都好乾淨讚讚讚呀 ~

@ Winsor Plaza Hotel (胡志明市五星級)

@ Imperial Hotel (頭頓五星級)

團友方面 - 同我哋同枱嘅夫婦 + 1 對女性朋友都好啱傾夫婦仲好主動叫領隊幫我哋 6 個人一齊影相一食特色餐就影合照佢影我哋又影好開心呀所以呢 5 日好快過呢之後到機場原來同其他團友都好啱傾個個都鍾意去食去玩妳介紹我去邊我介紹妳去邊咁所以我成日話跟團食咩住咩都無咁緊要團友先係最緊要呀因為妳點都會對佢哋幾日每日一定一齊食兩餐飯我唔想似搭枱 Feel 呀 ~

今次最開心係當然去到耶穌山啦但令我最震撼反而係戰爭博物館因為見到啲相覺得佢哋好慘打仗實在太可怕喇 ~

@ 耶穌山 (頭頓)

@ 戰爭博物館

今次呢團總共得 14 人所以坐細車迫係迫啲但我同里奧大人分開坐所以無咩影響呵呵 ~

次次去旅行最開心嘅就梗係可以日日夜夜黐住里奧大人啦佢點避都避唔到哈哈 ~

去完越南之後我覺得自己真係好幸福起碼無經歷過打仗同埋三餐溫飽而越南經歷過可怕嘅戰爭所以佢哋嘅生活態度係 "天跌落嚟落被冚水浸眼眉當酒飲" 衷心希望越南國家繁榮經濟穩定每個人都生活得開開心心呢 ~

團費 HK$3,499 x 2
保險 HK$96 x 2
簽証費 : HK$700 x 2
代收機票徵費服務費 : HK$40 x 2
香港離境稅 HK$333 x 2
燃油附加費 HK$94 x 2

早報名優惠 : -HK$200 x 2
東亞東南亞優惠 : -HK$40 x 2
週末激減 : -HK$100 x 2
會員 : -HK$50 x 2

自費節目 : HK$510 x 2
越式熱石腳底按摩 HK$150/人
順化皇帝餐 HK$110/人
頭頓海鮮餐宵夜 HK$250/人

即係 HK5,392 x 2

兌換率 HK$100 (VND260,000 - based on 旅行社兌換率)