手信 From 台中 ( MAY 2013 )

OPEN! 遊台灣造型明信片 (NT$60) @ 7-11 清境 - 想買啲清境紀念品

OPEN! 遊台灣明信片 (NT$60) @ 7-11

20 個粟餅 (5 個綠茶 / 5 個芋頭 / 10 個黃金地瓜) (NT$180) @ 小瑞士商場 - 個餡煙煙韌韌好食呀   比咗 5 個家姐   其他我食哂啦   因為里奧大人唔記得食

綠茶味粟餅

薑糖 & 白糖蔥 @ 埔里酒廠 - 我由細到大都鍾意食薑糖   所以買啲嚟食


白糖蔥 - 即係我哋食嘅糖蔥餅   我唔鍾意食塊皮㗎   所以見到就咁買塊糖就好開心呢

黑糖嫩薑糖 - 開咗嚟食   但無試食嘅時候咁煙韌囉
客家老薑糖 - 係硬糖嚟嘅   不過無得試食   同埋我仲未食

毛王爺靈芝丸 (NT$13,800) - 我依家每日早晚各一粒   食咗又真係好似瞓得幾好咁呢

 

Nina 朱古力 65% 焦糖夏威夷 (NT$300) @ 小瑞士商場 - 純粹係因為鍾意個罐先買呢

富里台稉九號 (NT$189) @ 楓康超市 - 未食呀   見到抵先買呢


池上多力有機 (NT$239) @ 楓康超市 - 買嘅時候係真空㗎

Gummy 義美草莓巧克力 (NT$22/盒) - 煙煙韌韌勁正呀
森永抹茶牛奶 / 森永大牛奶糖 / 森永岩鹽牛奶 (NT$12/盒) - 平過香港   所以買啲比媽咪同家姐喇

張君雅點心麵 (NT$22) - 墨西哥辣雞味嘛   點知一陣 "格甩底" 味   食到我嗌救命   
紅燒烤肉味豆乾 (NT$30) - 未食   見抵就買包試下呢

堤瑪露去角質凝露 110ml (NT$169) @ 7-11 - 去小瑞士花園要蓋印喺手背   所以威廉就叫我哋用呢支嘢嚟捽   估唔到 7-11 都有得試用   捽完隻手又白又滑   所以又買支嚟用喇


李錦利八仙果 (NT$170/包) - 威廉幫我哋訂㗎

誠品環保購書袋 (NT$29) @ 誠品 - 不織布嚟㗎   所以里奧大人話買 3 個   裝文件啱啱好喎


(NT$480) @ 誠品 - 里奧大人仲買咗 2 本攝影書 (NT$680 & NT$399)   喺誠品總共用咗 NT$1,568   而觀光優惠就有 5 % Discount   不過我哋多數簽卡比錢   唔想用哂啲 Cash   因為兌換錢地方唔多呀


牛舌餅 (NT$60) @ 鹿港老街 - 仲未食  

南瓜子 (NT$180/罐) @ 鹿港老街 - 比咗一罐媽咪同家姐 Share

焦糖爆米花 (NT$120) @ 維格 - 留番喺屋企睇戲先食


依蕾特布甸 (NT$550/12 杯) - 買咗 6 杯鮮奶味 / 3 杯芒果味 / 3 杯杏仁味   雖則好滑好味道   不過食 1 杯真係好漏呢

鮮奶味

杏仁味

笑笑笑 ♡ 台中清境農場。美好回憶記錄 ( MAY 2013 )

今次去台中   其實都算即慶   事緣 2 月尾同 CC 一齊食飯   傾開原來大家都鍾意影相   咁不如一齊去旅行啦   大家就諗好地方   一係緬甸   一係越南   一係台中 ~
 
於是嗰晚之後   我哋個個即做嘢啦 ~

CC 好怕熱   話唔去緬甸   咁無問題   我都覺得貴呀 ~

好喇   到越南啦   上哂網搵資料   又去埋旅行社拎資料   CC 都有咁做㗎   咁樣可以一齊喺電話傾   不過最後 CC 話熱   因為越南起碼 38 度   又話唔去越南喇   但其實越南都仲係好貴   5 日 4 夜晚機早返   連埋簽証都要接近 $8,000   之前又話淡季 $3xxx   呃人 ~

咁目標清晰啦   一定係台中㗎喇   因為清境好靚嘛   好喇   日子都揀好㗎喇   5 月 9 日 or 12 日出發   因為避開五一勞動節   點知 CC 又話 12 號係母親節   要同媽咪正日食飯   佢哋慣咗正日喎   所以唔同我哋去喇 ~

就係咁   里奧大人話唔等喇   因為佢同上司分別都想喺 5 月請假   佢上司好好啦   叫里奧大人揀先   咁都唔好拖住人嘛   咁我哋最後決定 5 月 12 日出發去台中喇 ~

其實如果自由行都好煩   我買咗 2 本台中書   如果要去台中   清境同日月潭   要 Book 3 間唔同酒店   唔似台北咁方便   里奧大人驚我 Plan 唔掂呀   而我 Plan 嘅時候真係好頭痛   因為初初諗住同埋 CC 兩公婆去嘛   好多嘢都要諗埋佢哋   唔似得我同里奧大人兩個去咁簡單   雖則坐高鐵係快   但要計到啲時間好準   因為走咗一班車   可能又要等 1 個鐘   所以就算真係去   大家共識都係話跟團好啲   我有種如釋重負嘅感覺 ~

去到台中   天陰陰㗎   個心當然有啲唔開心啦   因為里奧大人想用新機影相嘛   不過里奧大人話落雨又唔同 Feel   呢點我都好認同   今次影下落雨 Feel   夠詩意呀 ~

陰天

晴天

台中比我感覺好舒服   無台北咁多人   但如果無強國人就更好   有佢哋到過嘅地方真係特別嘈   特別污糟   好得人驚 ~

跟團好處係坐車唔駛煩   一落車就到景點   一落車就係到餐廳   其實我最鍾意係導遊會介紹所有地方嘅特色同由來   真係識唔少嘢㗎   最最最感恩係我哋個導遊又超級爆笑   無悶場架   佢講嘢我無瞓㗎   佢叫我哋休息我先瞓㗎   之後同佢道別   佢好多謝我喎   我 "R" 哂頭   佢話我係佢忠實 Fans   全團得我一個無瞓   好留心聽佢講嘢   唔怪得啦   我個頭俟左俟右都會見到佢望住我   真係想瞓都唔得啦   哈哈 ~

今次導遊爆笑好玩之外   團友又夠互動   我哋食飯係 10 人一枱   我真係講明話唔好意思   我要影食物相做記錄   點知我一影   個個團友都一齊影   勁開心呀   一齊影一齊食一齊傾   好快就食完一餐飯咁呀 ~

第一次住民宿   感覺好 Raw   唔駛開冷氣都覺凍   凍得嚟好舒服    正到不得了    同埋第一次咁近見到雲海   好震撼   影完唔夠 5 分鐘就無   之後行下呢   又見到雲海    太好喇   如果唔係要去食飯   我唔捨得走添呀   我超勁鍾意睇雲嘛   喺香港陽光普照天氣都叫做啲見到   但眼前一大片雲海   仲要喺自己腳下喎   真係無咩機會見   因為我唔會咁早起身   同埋我好驚行山 ~

雲海 @ 清境


今次我最期待係清境農場   親親錦羊嘛   不過去到清境農場嗰日   都係有啲雨同埋好大霧   感恩落一陣細雨就停   之後企喺草原   睇住啲綿羊喺霧中走埋嚟   我真係覺得好得意   感覺似真又似假    呢一刻我開始鍾意台中大霧嘅天氣呢   令整個畫面都好有詩意   哈哈 ~

@ 清境農場


食物方面   我最開心係食到鹽酥菇呀   不過最有驚喜嘅係團體餐   真係餐餐食到飽   我餐餐食 2 碗飯呀   因為啲飯好似珍珠米   依稀記得啲米好似叫蓬萊米   我第一次覺得跟團啲餸同飯係咁好食呢   妳知啦   跟團唔好有任何要求同期望   就唔會失望   反而有更大驚喜呢 ~

鹽酥菇

山地風味餐


總括嚟講   雖然今次去台中天氣唔係太好   但導遊同團友都好玩得   真係好難得   同埋都好感恩   大霧落雨同陽光普照都見到   我自己求其影影咗千幾張相咋   里奧大人就影咗 6GB   勁呀 ~

團費: $2,099.00 x 2
機場稅: $238.00 x 2
代收機票徵費服務費: $40.00 x 2
燃油附加費: $428.00 x 2
保險: $84.00 x 2

笑笑笑 ♡ 台中。台灣 ( 清境農場 4 天團 ) DAY 4 ( PART 2/2 ) ( 15-MAY-2013 )

( 15-MAY-2013  WED ) - PART 2/2

我哋搭 2 點 05 分機   所以 11 點 15 分要準時出發   咁我哋都預早番酒店 Double Check 有無漏嘢嘅   同埋真係唔鍾意咁趕 ~

一中隔離係住宅

門面真係好細   我哋企喺出面集合

準備走喇   今次買咗好少嘢咋

11 點 15 分準時開車   威廉又要講下嘢咁啦   順便收小費嘛   佢仲喺車度唱日文歌   內容係道別之類咁喎   最驚聽到道別離別呢啲字眼   雖然同佢相處咗幾日   但都有啲唔捨得佢呀   因為佢真係令成個團好互動   同埋講嘢好好笑   笑到流眼水呀 ~

掛住聽威廉講嘢   完全唔記得飲杯珍珠奶茶   之後聽到安娜話就到機場   我就拿拿聲飲哂去喇   因為要拖喼   拎住杯嘢好麻煩 ~

臨上機前我哋去維格試食   啲團真係一批走一批入   唔怪得做到上市啦   但我食鳳梨酥食到驚   我一定唔會買   但估唔到佢哋出嘅爆谷又好味喎   所以買咗 1 包焦糖味呢   威廉又派埋布甸同八仙果   所以要快快手入機場開喼擺嘢呢 ~

維格 - 最出名係鳳梨酥   不過我無買   真係食到好驚好驚   最後只買咗包爆谷

好多人   不過試食真係好開心呢   所以好多時真係食到唔記得影相做記錄添呀 


維格對面就係台中機場喇

真係要番香港喇   同威廉道謝   佢話我係佢忠實 Fans   話全團得我一個無瞓   聽佢講嘢喎   不過我都覺得佢講嘢真係好好笑   我先唔瞓嘅   佢真係陪埋啲團友 Check-in   幫手拎行李去輸送帶度   等到我哋搞掂哂先走   勁好人呀 ~

都幾多人 Check-in 噃

真係要走喇

UO803   14:05pm On time

台中機場真係超級細   好在里奧大人頭先食咗漢堡包打底   唔係要 2 點幾先可以食嘢呢 ~

一眼睇哂


一入去   枱頭一望   見到有 7 個 Sales   我 O 咗咀


我個特區護照又比人問話   又係問點解出生地 HONG KONG 呢 2 個字化開咗   大佬   本護照用咗好耐啦   之前去台灣 2 次都無問題   但台中反而 Check 得咁緊要   又放大鏡 Check 啲字   又要 Check 埋我身份証 ~

細機

唔知係咪準時起飛   但一上機就好似即刻開機   無耐又飛機餐   無耐又話到香港   真係好快喎 ~

坐 Window Seat   不過喺機翼隔離

起飛喇

今次我會寫意見書呀   因為威廉真係好好人   令到我哋成團人都開心   值得鼓勵 

魯肉飯   都 OK 呀

專注望雲喇

到香港喇

終於向上望雲 lu

 

差唔多降落

行程完畢 ^^

因為有布甸   想快啲番屋企   因為 4 個鐘頭之內要放番入雪櫃嘛   所以都係打的   點知塞車   好在好快都暢通咋 ~

番到屋企第一時間洗衫   連洗 2 機添呀   之後放好啲手信   就約家姐喺巴士站等   因為我要比噂布甸同手信比佢同媽咪   我唔駛特登去媽咪屋企呢 ~

今次里奧大人兌換多啲錢   諗住用唔哂就留比家姐去台北用   點知家姐又話唔去台北   咁我就留番自己用啦 

7 點幾去 MCL 換飛   順便去 Piago Food Court 食嘢   食完行陣就番屋企喇 ~