手信 From 首爾。南韓 ( MAY 2023 )

家姐鍾意食糖   所以乜都買啲比佢   有啲就係佢自己揀嘅

好似幾好味   所以同家姐每人 1 包

睇包裝以為好辣   但一啲都唔辣   哈哈

買埋比阿花同阿齋

里奧大人鍾意食嘅曲奇餅

呢過開咗嚟食   我同家姐都覺得好味道呀

同家姐 Share

呢個買比家姐嘅   因為唔知好唔好食   所以買 1 包算喇

里奧大人真係好鍾意食   哈哈

香港唔見有浣熊拉麵   所以買 Pack 嚟試下

我鍾意食鹹嘅多啲

士多啤梨乾

我同家姐都覺得好味呀

家姐同里奧大人又唔食   我一個人要食哂一包   係好味嘅   但唔想食咁多啦   哈哈

魷魚脆片

辣辣哋好味

里奧大人送比同事嘅手信   因為我成日話韓國紫菜好食   哈哈

我班寶貝 ASTRO   一定要買嚟留念

膠布好得意   所以買喇   好似 1,000W 一盒

超級鍾意呢個銀包仔   只係 1,000W 咋

家姐嘅船襪

我同家姐 Share 嘅船襪

其實唔捨得用   哈哈

Lotion 同剃鬚膏都抵

買 1 支大送 1 支 Hand Cream   香港係咁就好啦

呢支好香㗎   同埋都幾潤   如果用完都會再買   但就一定無喺韓國買咁平 lu

TONYMOLY 嘅 Mask 真係好抵

噴廁所㗎   見 1,000W 咁平就買嚟嚇下

比家姐嘅手信   叫佢同埋工人一齊食   哈哈

慢慢行 ♡ 首爾。美好回憶記錄 ( MAY 2023 )

3 月左右   有件好感恩嘅事   所以里奧大人話去旅行   不過之前佢部門啲同事已經攞哂假   只係得番 5 月同 10 月可以請假   咁就揀 5 月去旅行喇 ~

今次事出突然   咁我想揀去東南亞 ~

韓國 3 月中前仲要整 K ETA   所以都唔諗住唔去 ~

泰國 5 月撞正大選   上次經歷過紅衫軍事件   所以肯定唔會去 ~

台北去到悶   所以更加唔會去   哈哈哈哈 ~

之後阿花話韓國唔駛再整 K ETA   所以同里奧大人決定去首爾喇 ~

4 月 15 日即訂機票同酒店   原來都好 Full 下 ~

雖然我都有睇首爾遊嘅 Youtube   但好多都係 3 年前   咁變化都應該大啦   所以由決定到出發前   其實瞓得唔係咁好   始終我對首爾好陌生嘛 ~

里奧大人驚我 Plan 行程辛苦   直頭叫我唔好 Plan 添呀   話行到邊食到邊   知到大站就可以   但我覺得好無安全感呀 ~

咁阿齋好鍾意韓國   所以我叫佢幫我 Plan 行程   仲幫我寫埋出嚟   今次去首爾   真係感恩有佢幫手呢 ~

今次去首爾   最遺憾係去唔到 Fantangio   本來我係 Plan 去的   但因為 Binnie 嘅離去   我會覺得帶住傷感去參觀   我好肯定自己會喊囉 ~

住宿方面 - 酒店位置一流   可能我鍾意小區位置   比較無咁多人同嘈   同埋其實酒店去地鐵站都好方便   加上機場巴士直頭喺酒店對面   所以覺得仲方便   始終我鍾意搭機場巴士多啲嘛   一落車就到酒店   唔駛拖喼行萬里長城   感覺真係差好遠㗎 ~

天氣方面 - 出發前睇首爾天氣   29 日號係雷雨   30 日落雨    31 日多雲   6 月 1-3 日先開始天晴   我預咗頭幾日行 Shopping Mall 咋   但好感恩去到首爾   完全無落過雨   仲好天到不得了呢 ~

不過天氣真係好乾燥呀   我真係日日飲好多嘢又搽哂 Cream   我都覺得內外都乾咁呀 ~

住喺首爾啲人成日話早晚溫差比較大   夜晚會涼好多   但我又唔覺喎  不過臨番香港前嘅一日   真係感受到朝早好凍囉   其他日子真係覺日夜都咁熱   哈哈 ~

食物方面 : 我都好鍾意食嘅   但就唔會話有驚喜咁呢   同埋好多食物嘅份量都好多咁   搞到好多嘢都唔敢試   依家知道份量約莫咁上下   下次再嚟就知道點食法 lu ~

手信唔會買太多   我個人覺得韓國零食比較伏   所以我喺香港都好少買韓國零食 ~

29/5

最開心同里奧大人食到部隊鍋   因為話去首爾嘅時候   我問佢有咩想食 ?!   佢答部隊鍋   哈哈

30/5

KAKAO FRIENDS   我 Plan 行程都一定要去呢度㗎   所以住弘大真係好方便

去荒謬的生肉食正宗韓燒   哈哈

明洞行街

31/5

南怡島一定要去啦

晨靜樹木園都係

好掛住呢 3 隻狗仔   哈哈

1/6

韓屋都一定要去睇

我鍾意食呢啲韓餐   因為有好多涼拌菜小食

@ piggy bank   喺韓國真係食咗好多肉   但豬肉係好味嘅   完全無羶味呢

2/6

橋村炸雞   喺韓國唔食炸雞   就好似無去過韓國咁呀   哈哈

今次去旅行經歷最深刻就係搭地鐵喇   自問都算行得   加上去旅行要行就更加無問題   因為開心嘛   但首厭啲地鐵站好焗   次次一入去就有缺氧嘅感覺   真係想行快啲都唔得   再加上又唔熟   真係搵個站都好耐   第一日已經行到腳痛呀   哈哈 ~

喺首爾呢幾日   我發覺當地人真係比較 Cool   就算係服務性行業都係咁   所以我有時都唔敢周圍影相   始終文化又唔同嘛   一陣令到佢有誤會就唔好啦 ~

我覺得今次玩得唔夠盡慶   同埋唔太滿意今次行程嘅安排呢 ~

May 29, 2023  07:15am (HKG) --> 11:50am (仁川國際機場 T1) - 20 Kgs

Jun 03, 2023   12:45pm (仁川國際機場 T1) --> 15:30pm (HKG) - 25 Kgs

HK Express 機票: HK$5,406

9BRICK Hotel (6D5N): HK$4,730

亞太區 7 日抵玩套餐 ($78x2)

保險費好似每人 HK1xx