手信 From 馬來西亞 & 阿表 ( JUL 2012 )

即食魚餅 by 阿表 - 阿表家鄉吉蘭丹州出產嘅   KL 都無得買   所以阿表特登買比我   咁阿表爸爸知道後   又特登比咗好多我哋   總共 16 包   一個箱仔呀   仲幫我哋分配埋   我同里奧大人   媽咪同家姐   每人各 4 包   多謝阿表 & 阿表爸爸

Colek 醬 (Colek 為吉蘭丹州點魚餅醬料) by 阿表 - 係都要我點嚟食   哈哈哈哈  

新鮮 Asam by 阿表 - 之前我見到媽咪食 Asam   所以話比阿表知   估唔到媽咪都會食 Asam   佢又特登喺家鄉買比媽咪食   因為 KL 無得買   同埋家鄉都唔係成日有得買新鮮 Asam   真係好感恩   同埋阿表真係好有心   媽咪都有份   哈哈


榴槤白咖啡 by 阿表 - 阿表話呢包咖啡係小寶見到   所以即買比我呀   多謝小寶諗起我   哈哈  

Old Town 白咖啡 by 阿表 - 話促銷喎   咋咋啼啼又買嘢比我
 

米粉 by 阿表 - 阿表話佢食開呢隻係幼身米粉   所以又買 2 包比我試  

辣吞拿魚 by 阿表 - 阿表買咗 2 罐比家姐食   真客氣啦   又買埋比家姐   另外兩罐我喺 Tesco 買比自己嘅   因為平過香港 ( RM4.69/罐 )


九鼎香茶王 (RM39.90 兩盒) @ Jusco - 買兩盒送一個隔茶杯   抵呀   同埋茶味都好濃   好飲呢


Twisties (BBQ Curry & The Big Cheese) (RM3.29/包) @ Tesco - 最鍾意細細包   雖然一包唔夠喉   但好過大包食唔哂   又或者要格硬食哂咁辛苦   嘩哈哈

媽咪麵 (BBQ & 雞肉味) (RM3.29/包) @ Tesco - 已經係第 4 次食喇   都一樣咁好味   頭 3 次都係阿表買比我   媽咪麵 = 阿表   所以我覺得媽咪麵好代表馬來西亞   哈哈哈

榴槤餅乾 (RM2.09) @ Tesco - 阿表講咗個口感比我知   所以我想試下

Crispy (橙味) (RM2.99/包) @ Tesco - 我同家姐每人一包   估唔到家姐已經開咗嚟食   佢話好好味呀   不過 6 塊太少喎   哈哈

BOH 金馬崙茶包 (RM6.99/包) @ Tesco - 我之前無咩點飲   但里奧大人自己已經飲咗半包   咁我今次認真啲飲   真係好飲   唔澀   正呀   同埋金馬崙嘅茶好出名   所以一定要買  

花生餅乾 (RM11.79) @ Tesco - 為咗個意粉盒先買

喉糖 (Honey Lemon & Lime) (RM1.29/包) @ Tesco - 之前香港好似有呢個牌字   但依家好少見   定係我無留意呢

100 Plus @ 大炒  - 買咗 4 支咋   驚爆呀   唔敢買咁多   所以依家里奧大人當佢係珍品嚟㗎   無咩必要都唔開嚟飲 

朱古力威化 (RM1.79) @ Tesco - 睇個樣好味   所以就買喇   家姐食咗啦   話好味呀

Bubble Gum (RM5.99) @ Tesco - 兒時回憶呀   不過都唔係印水紙嚟嘅   但味道同細過食嘅係一樣㗎   好開心呀

蔬菜鮮味素 (RM29.9) @ Tesco - 阿表話比時煮麵就係落呢啲調味   所以我都買啦   好過清水煮  

Seri-AJI 醬料 (RM0.49/包) @ Tesco - 買醬料係去 Tesco 首要目的

Maggie 醬料 (RM1.00/包 & 1.50/包) & Alif 醬料 (RM1.00/包) @ Tesco - 大包圍買醬料   係因為阿表可以即時話我知邊啲好味   我就即買     

蜜糖 @ 榴槤果園 Raub - 原來要 RM79   我覺得唔平呀   不過里奧大人話老闆推介   所以幫襯下佢喎

貓山王 @ SS2 超勁感恩同幸運   可以買到貓山王比媽咪同家姐食呀   買咗 3 Kgs (RM28/Kg)   番到嚟香港完整無缺   太感恩喇   如果無阿表   我都無可能買到貓山王番香港 lu



江魚仔 @SS2 (RM5.0/包) - 想整椰漿飯嘛   因為香港買唔到即食嘅江魚仔   可能有嘅   但我唔知   仍都懶得搵

印度人整嘅炸花生 @ SS2 (RM5) - 阿表話好食   我就買啦   同家姐一齊試咗  好脆呀   停唔到口   所以好快食咗 1/3 包

脆脆 (米米) @ SS2 (RM6.00/300g & RM19.00/1 Kg ) - 特登去買㗎   本來買 4 包 300g 就算   不過諗諗下又驚唔夠食   所以再買 1 Kg  



海鮮脆 @ SS2 (RM19.00/1 Kg) - 索性買一包 1 Kg   問老闆拎膠袋同紅繩   番到香港自己再分仲方便



兩包已經裝滿一個細喼

超幸運感恩 ♡ 馬來西亞。吉隆坡。美好回憶記錄 ( JUN 2012 )

今次能夠喺 6 月 30 日朝早 9 點如期出發去吉隆坡   真係非常感恩   確實知道神對我嘅保守看顧   感謝神 ~

6 月 29 日已經知道 6 月 30 日肯定會掛 8 號風球   我仍都打定去問航空公司   如果掛 8 號風球應該點做   好明顯心裡面已經作好最壞打算 ~

同事又話會朝早 8 點打到正一正   家姐同里奧大人又打嚟咁講   連阿表都緊貼風向   都係知道會打到正一正   我個心真係沉到不能再沉呢   只有密密的急切禱告 ~

夜晚 10 點 20 分終於掛 8 號喇   即 Line 阿表知啦   唔係到時佢準時到機場接我哋機就有排等喇   風球一掛一般係 12 個鐘   所以都預咗夜晚先到吉隆坡呢   因為航空公司話如果 Delay 要睇下班有無位   有先可以上   無就要再等下一班   等到有位為止 ~

我雖然係預咗夜晚先到吉隆坡   但都好唔開心嘛   難得見面   咁就無咗一日時間   之後又急切祈禱   我又瞓下醒下   醒咗又祈禱 ~

之後家姐 4 點幾打嚟話落咗 8 號呀   家姐仲問我係咪祈禱 ?!   我好開心家姐咁問我   我好希望佢都相信主嘛   可以如期出發   我同里奧大人都確實感受到神嘅保守帶領   感恩感恩 ~

講番點解又去吉隆坡先   事緣係因為里奧大人 Annual Dinner 抽中咗中旅社 $2,200 Cash Coupon   但 8 月中到期   所以我哋 6 月中一定要諗去邊   我就諗住去澳門或者長隆   因為咁樣唔駛自己貼錢   諗住 Book 啦   點知 Full 哂   諗住去泰國平啲嘛   但又係 Full 咗 ~   

之後走啦   諗住番到屋企再諗去邊囉   點知里奧大人就問我去唔去探阿表 ?!   係佢提出㗎   我當然好想啦   所以即番轉頭攞資料呀   因為我哋都要問埋阿表得唔得閒先可以做決定呢 ~

最後決定揀 6 月尾去   因為 7 月 2 號放假   咁可以請少一日假   同埋我又係剛送走每月一到   真係 Perfect 到呢   非常之感恩樣樣都有好安排呀 ~

今次真係同阿表講明係要 Hea 同傾偈   因為我同里奧大人覺得上次阿表安排得啲節目太豐富喇   根本無時間傾偈囉 ~

我又係略略講比阿表知   我想食啲咩買啲咩   不過舊地重遊   無咩話特別想食想買   真係最主要係傾偈 ~

之前阿表日日同我講話 KL 好熱勁熱爆熱   要有心理準備   因為佢知我非常怕熱   所以我聽到嘅時候都幾驚   因為我真係好憎立黐黐嘅感覺㗎 ~

但去到天氣非常之好喎   雖然無藍天白雲   但起碼唔係爆熱   同埋無落雨   所以超感恩呀 ~

今次住 Novotel Hotel   位置又好   我覺得好過 Corus 好多   因為對住 Pavilion  好易認   我呢個路痴都認到路喎   又旺中帶靜   同埋呢間服務態度都好好   做嘢快手   一入房又覺得好光猛   好舒服   所以我好鍾意呀 ~

我哋今次主要去好多 Local 地方食嘢   我同里奧大人最愛也   因為咁先感愛到當地文化嘛   某啲人可能覺 Cheap 覺得地方污糟   講真   好唔好食係其次   因為一分錢一分貨   我唔會妙想天開咁諗住 RM50 可以食到 RM200 水準囉   我哋又唔係食家   同埋好唔好食真係好主觀嘛 ~

我個人認為   如果每次用自己食開嘅味道黎比較   又或者用香港嘅水平黎比較   咁對每個國家都好唔公平   每個國家都有特式之處嘛   同埋我覺得如果咁嘅心態去旅行   咁不如唔好去喇   一輩子留喺屋企煮啱自己口味嘅食物算喇   (之前睇飲食節目   要個食家評另一個國家食物味道   佢試完就話佢食慣自己國家口味   咁樣評分其實唔公平   我絕對認同佢講法)   好在里奧大人唔鍾意食都唔會係咁彈   我最憎呢啲百彈齋主   同埋我覺得同朋友一齊食嘢   真係旨在相聚   如果食物好食就更加錦上添花啦   不過   好感恩好多 Local 食物我覺得都好味   同埋我哋心態唔係嚟食   如果唔好味   我哋都覺得係一個體驗   已經值得 ~

今次餐餐都超巨飽   因為去到邊度   如果見到啲咩想食就即買嚟試   好開心呀   而今次小寶同里奧大人都好主動話要食咩食咩   好飽都要食喎   所以我睇見佢哋咁   我都好開心呀   同埋我覺得一齊食嘢真係好開心呢 ~

呢個旅程又係阿表同小寶悉心安排啦   我同里奧大人真係咩都無做過㗎   好感恩識到佢哋   唔係我都唔知原來馬來西亞係咁多嘢食   哈哈哈哈   阿表 小寶  Terima Kasih ~

超幸運感恩豪食貓山王榴槤忙玩飽飽飽探親遊 ♡ 吉隆坡。馬來西亞 DAY 5 ( PART 2/2 ) ( 4-JUL-2012 )

( 4-JUL-2012  WED ) - PART 2/2



行程 : Jalan Petaling Ikan Bakar (燒魚) --> Bestari @ Soho KL --> KLIA

今日要番香港喇   好唔捨得添 ~ 

今朝又係 10 點左右起身   出去兌換錢就番酒店 Lobby 等阿表喇 ~

阿表帶我哋去食燒魚   馬拉人檔口   其實真係好感恩   因為呢度係大排檔   12 點到大排檔喎   可想而知會幾咁熱   不過今朝個天好暗   所以就完全唔覺熱呢   感恩感恩   個老闆娘仲好好人  叫我哋坐另一張無咁熱嘅枱   又加多張椅比我哋擺袋添呀   勁好人   因為當時已經好多人嘛 ~

刨冰中   我覺得個肥妹仔好為食咁呀   望到實一實   唔知以為個冰係佢添呀   哈哈

好多都帶埋小朋友出嚟看檔 

燒魚中   我睇見都熱呀

自助形式 - 我影嘅時候先知阿表原來排緊隊拎嘢食   又唔叫我陪

排隊拎嘢   當中有唔少 Office 嘅人   着哂長袖裇衫西褲黎食   又係睇見都熱


 燒蝦 & 燒 Sotong

燒蝦 - 好香好好味呀  



燒 Sotong - 又係好香   又爽   燒嘅真係特別好味

燒浦魚 - 點埋醬汁   一流呀

(左) 燒浦魚 / (右) 燒 Kembong 魚 - 印象中 Kembong 比較多骨  








Sambal Belacan 炒豆角 + 白飯 - 我鍾意食呀   但阿表知我唔鍾意食淺色嘅豆角   所以唔敢拎咁多   所以我話鍾意食   佢好愕然呢   呵呵


椰菜炒 + 白飯 - 阿表架   佢之前去泰國好多時都食呢 D 椰菜炒   所以我親眼見到覺得似曾相識   其實我好想試   不過食下食下又唔記得試


(左) 凍奶茶 / (右) 椰水 - 阿表話嚟呢啲馬拉檔係飲椰水   奶茶係 Mamak 先好飲   但我飲完凍奶茶   真係飲唔落杯椰水   所以無試   小寶要負全責呀   雖然奶茶無咩味   不過試咗無妨   但下次一定唔飲   因為無咩味   其實應該係我飲慣香港好濃嘅凍奶茶呢   

醃生果 - 我以為樣樣係酸   原來唔係   因為香港好多都係酸嘛

Buah Ciku - 小寶係都要人試   不過又好味喎   好似梨仔呀   同埋好多水份   所以食完就飽到上喉嚨囉

里奧大人影㗎   話黑白好有 Feel 喎

食完就去 Soho KL 嘅 Bestari 食 Roti Tissue 作 Farewell Lunch 喇   之後再番阿表屋企拎榴槤就去 KLIA 喇 ~

馬版益力多 - 阿表話記得我尋晚無試到呀   所以特登帶比我試   真係連想喺車度抖下把口都唔得添   好在呢枝嘢食酸酸哋咋   可以幫助消化   相對香港嘅益力多就真係好甜喇

Roti Tissue - 又甜又鹹又脆   真係好正

終於等到雙子塔喇   哈哈   因為腍咗唔好食   同埋最大問題係會塌落嚟呀   本來諗住等唔到雙子塔咁影㗎喇   正想食嘅時候   另一個又啱啱到   感恩感恩   所以要快手快腳影   因為真係驚之前嗰個會倒塌咗落嚟呀

(前) Sirap Ice - 終於飲番原味   正呀

ABC - 飽嘅時候食呢個 ABC   真係好似食咗一年都食唔完咁呀

溶咗好多喇   但根本食唔切   因為好凍呀

話咁快就結束 5D4N 幸運感恩遊   一樣好唔捨得佢哋啦   雖然阿表沿途都好多嘢講   分散下我注意力   等我唔駛咁多嘢諗   哈哈   不過我無咩心機傾   見到指示去 KLIA 嘅牌真係好唔捨得佢哋囉   落車放完行李   影相之後攬下就要走喇真係   諗住喺車喊完唔會喊   不過當真係要講再見時   真係好難唔喊囉   好唔捨得呀   小奧仍都係話好心酸   不過我無喊得上次咁嚴重   因為我知好快又會見面呀 ~

今次早過上次一個鐘頭番香港   其實唔開心囉   少咗一個鐘頭見面呀   不過網上 Check-in 又可以只雖開機前 45 分鐘到機場   咁即係見面時間同上次一樣   所以真係好開心呀 ~

入到機場即 Check-in   估唔到超重 3 Kgs   但明明買嘅嘢無上次咁多㗎喎 ~

我哋 17:40pm 起飛   但 17:05pm 己經要到閘口   因為我哋坐機尾   所以我哋要上機先 ~ 

再見喇   吉隆坡   好快再見


一上機覺得好焗   開機之後先無咁焗咋   我好似未開機已經瞓咗添呀   瞓咗成個鐘先起身   之後喉嚨好痛   所以我好無儀態咁丫大個口瞓呀   之後起身食飛機餐   因為想食魚呀 ~

之前同坐喺前面個小朋友玩   2 歲未到   又肥嘟嘟好得意   就咁比隻手指同佢玩咋   佢已經笑到格格聲   又成日裝我   撩我玩   又撩隔離個叔叔玩   之後我瞓咗   個叔叔同里奧大人話個小朋友望咗我好耐呀   好鬼搞笑 ~

9 點半準時降落   今次又係 2 喼 3 箱番香港   所以又要打的喇 ~

呢 5D4N 真係好鬼開心同好鬼巨飽   嚴重嘅飽   聞食色變   呢次 Trip 又係阿表小寶安排行程   又管接管送   我覺得自己只係負責上車落車食嘢講好飽   上車落車食嘢講好飽   不斷重覆咁做呢個動作 ~   

今次最開心係可以有好多時間傾偈   唔係食完就即去另一個地方   同埋今次大家都無乜影相   我實在太享受當下相聚嘅時刻喇   今次個個都玩得好放   無話驚依樣驚嗰樣   特別係小寶   所以啲時間過得好快好快   阿表話行程已減去一半   有啲再減咗   但都覺得時間完全完全唔夠囉 ~

多謝妳哋呀   阿表同小寶   好快又再見㗎喇 ~  

超幸運感恩豪食貓山王榴槤忙玩飽飽飽探親遊圓滿結束   再次多謝阿表 & 小寶熱情捨命款待 Terima Kasih