梅菜蒸鯇魚 + 節瓜紅衫魚湯 ( 31-OCT-2018 )

( 31-OCT-2018  WED )

尋晚瞓得唔係咁好   所以又 7 點 45 分起身   瞓多 10 分鐘真係差好遠呢   如果瞓到嘅話 ~

早餐食奶醬多   太耐無食   覺得好鬼甜 ~



菇場唔忙   可以拼命 Load 相 ~

家姐今日 BL Leave   咁佢 11 點 Whatsapp 話同我食 Lunch   咁梗係好啦 ~

Lunch Time 一到就即飛去麻布茶房   頭先叫家姐叫定嘢食先   咁去到等咗陣就有得食 lu ~

豪華定食 ($88)
冷蕎麥麵 (迷你) + 和味牛肉飯 (迷你) + 湯 & 前菜 - 家姐話牛肉飯好味呀   可惜我呢排唔食牛啦   不過我都好鍾意食冷蕎麥麵 



沖繩燒紫蕃薯霜淇林 (紅豆汁) - 好味呀   但勁飽肚



吉列豬扒蛋包飯 ($72) - 啲吉列豬扒比咖哩汁整到腍哂   我最驚係咁囉    

甜品居然係 Dryer's 甜筒   正呀   因為我同家姐都鍾意食有 Nuts 嘅雪糕



熱咖啡



話咁快已經 1 點 25 分   咁我帶埋家姐去銀行先走   因為我唔識講點去呢 ~

估唔到好快搞掂   所以我等埋家姐   之後佢去惠康買嘢   我就番菇場喇 ~

仍然 Load 相   集中精神整相呢   真係零舍攰 ~

放工即走   今晚里奧大人拎埋淘寶先番屋企   所以我預備好啲湯   仲有時間拖地呀 ~

蒸埋魚就淥米粉比里奧大人   其實我好憎淥麵   因為要用多啲時間呢 ~

是日懶餐 - 梅菜蒸鯇魚 + 節瓜紅衫魚湯  

梅菜蒸鯇魚 - 芋絲居然又擺到過期   聞過味道正常   所以用嚟墊底   但叫里奧大人唔好食囉 ~ 

節瓜紅衫魚湯 - 今晚啲湯無咁腥   落咗薑片果然好啲   哈哈 ~

洗埋碗就開機洗衫   之後沖涼   已經 9 點喇   抖陣就做功課了 ~

電視賣 M&M's 廣告   咁里奧大人咁啱喺背囊拎嘢   之後又好開心咁問我鍾唔鍾意食 M&M's ?!   我好開心話鍾意食㗎   你買咗比我呀 ?!   因為依家出咗薄荷黑朱古力味道嘛   哼   以為比驚喜我囉   點知佢話: 無呀   真係無呀   我話咁就唔好咁開心咁問我啦衰 ~

今日都好攰下   所以睇多陣電視   11 點唔夠都瞓喇 ~

龍蝦丸炒腸粉 + 節瓜木棉魚湯 ( 30-OCT-2018 )

( 30-OCT-2018  TUE )

感恩一覺瞓天光呀   里奧大人起身之後都醒一醒   諗住瞓到 7 點 45 分起身   不過 7 點半都想起身沖涼了 ~

涼咗好多呀   不過就勁乾燥   相對濕度 27% 咋   真係要厚搽 Cream 呢 ~

早餐食吞拿魚治   好味道 ~

番到菇場坐低無耐   西瓜叫我入佢房   之後比個白信封我   我拎咗之後佢先話老闆調整咗啲人工   感恩呀   無諗過有人工加嘛 ~

我即話比家姐同里奧大人知   佢哋問我加咗幾多 ?!   我話唔知喎   因為我真係唔記得本身幾多錢人工   菇場幾號出糧其實我都唔知㗎   佢哋不定期會有張 Slip 比我   知道入咗數就得啦 ~

終於的起心肝做 Fling   張枱啲文件少咗起碼 1 尺   哈哈 ~

今日有高層 Farewell Lunch   同啲同事一路食一路傾真係好開心呢 ~





食到 2 點就番菇場喇   成堆人一齊出 Lift   我同阿花講好似喪屍出籠咁   笑死佢   哈哈 ~

仍然做 Filing   應該做埋聽日就搞掂 lu   開心開心 ~

4 點幾食散水餅   居然係 Lady M   高層散水餅果然係唔同啲 ~



里奧大人今日去會展   所以早番屋企過我啦   本來想出去食   但我又唔想囉   想飲魚湯   所以放工去街市買餸喇 ~

番到屋企都 6 點 15 分   最搞笑里奧大人話我咁遲   我話唔駛買餸咩 ?!   佢話以為啲餸係屋企已經有喎   我都暈暈哋 ~

煮完都 7 點 15 分   即開飯喇   今晚想徑步呢 ~   

是日晚餐 - 龍蝦丸炒腸粉 + 節瓜木棉魚湯

龍蝦丸炒腸粉 - 今日飲茶見到有 XO 醬腸粉   所以整腸粉食啦   等里奧大人易入口啲 ~

節瓜木棉魚湯 - 1 份木棉魚 $35   再買 2 個節瓜   呢啲有營養嘅湯水   晚晚飲都唔錯㗎   如果有時間煲嘅話 ~

洗埋碗就抖 10 分鐘   都已經 8 點半喇   要出去徑步喇 ~

徑咗 15 分鐘   里奧大人話腳痛要番屋企先   原來佢今日喺會場行咗 3 個鐘   咁我話一齊番屋企啦   我都有啲攰 ~

沖埋涼就休息   佢 10 點半都瞓喇   我就 11 點先瞓呢 ~

辣椒沙甸魚撈麵 ( 29-OCT-2018 )

( 29-OCT-2018  MON )

今朝里奧大人請病假   我都瞓到 7 點 45 分先起身 lu ~

早餐食芝腿治   今次好多芝士咁   所以好飽 ~



菇場超勁忙   但勁開心   因為忙好過 Hea 嘛   時間過得快好多呢 ~

Lunch 食 K 餐   估唔到都飽喎 ~



仍然忙爆   好在 4 點幾搞掂咋   衝完一輪   個人特別攰咁   哈哈 ~

放工即番屋企啦   本來諗住去街市買魚   點知里奧大人頭先同佢家姐食 tea   話好飽喎   麻鬼煩   又話陪我出去食都得㗎   我話唔啦   咪等如我一個人食   我喺屋企食好過 ~

6 點幾煮 2 個撈麵   因為過咗期 1 星期啦   快快食埋去   咁順便煮多個丁比里奧大人食   驚佢半夜餓就慘了 ~

搞掂哂都 7 點半   今晚的起心肝抹廚櫃   里奧大人好驚訝話我做咩抹嘢   我話我唔抹嘢你先驚啦   之後佢話覺得奇怪嘛   好少見我平日做   多數星期六日先做   佢又講得啱喎   我話尋日想抹   不過好攰   今晚咪要還囉 ~

沖埋涼就休息喇   睇多陣電視   11 點 15 分都瞓了 ~

米線陣 @ 官塘 ( 28-OCT-2018 )

( 28-OCT-2018  SUN )

感恩一覺瞓天光   不過唔知點解仍然有啲攰咁噃   咁沖埋涼就出發食早餐喇 ~   





抖陣就番學   之後崇拜   今日聽道又有得着   因為我都記得牧者曾經教過我哋   向神禱告係求神帶領我哋點行   而唔係我哋要求神要咁咁咁   患難當中更加會依靠神   因為靠着耶穌得勝 ~

同埋負面多數係主觀   呢點都認同   因為負面嘅人好多都係自身感受而要妳認同   好多嘢唔會尋求方法解決   只係怨天怨地   好似我細舅父咁   成日話自己病要人探佢   大家都知咩事   不過個個心軟都會探佢   探佢有鬼用咩   帶佢睇醫生仲好啦   所以等我番完學   我都會入去睇下佢咩情況   因乜事咁多年都係咁   真係要佢自己解決   唔係人地幫佢解決囉 ~

崇拜完畢就去食啲嘢   順便行下 ~



本來想買餸   但突然好攰   所以都係番屋企 ~

番到屋企都 2 點   里奧大人就瞓晏覺   我就睇下電視   睇到 4 點半就瞓着   瞓到 5 點幾   又精神好多喇   感恩感恩 ~

我拎啲蕃鬼荔枝出嚟   之後我話有個唔健全嘅   里奧大人笑住話係咪人名   哈哈   超級爛 ~



6 點幾去米線陣   食完行 APM   因為好飽要行陣消化下 ~

番到屋企即開機洗衫   之後沖涼   抖陣就熨衫   搞掂哂就休息喇 ~

睇多陣電視   今晚 11 點左右都瞓喇 ~

泰華粥麵 @ 官塘 ( 27-OCT-2018 )

墨魚丸河粉   



碎牛粥



( 27-OCT-2018  SAT )

今朝同家姐食早餐   好似好耐無同佢食早餐咁   哈哈 ~



傾呀傾   完全唔記得望時間   原來已經 8 點 50 分喇   要搭車番工喇 ~

菇場其實忙   做哂啲 Urgent 就 Load 相   因為難得船頭 Off   所以我想 Load 相囉 ~

放工即走   搭巴士去紅磡   但記錯 15 號去落山道   點知原來係新山道落車   好在我都識行   因為以前都成日嚟紅磡呢 ~

咁叫里奧大人搵嘢食先   之後影張相食店嘅相比我    再講附近有啲咩   咁我去搵   唔想再嘥時間一齊搵呀   我去到都已經 1 點 40 分喇   佢 Book 咗 2 點剝智慧齒   所以佢食完都走先   唔可以遲到㗎 ~

順化街頭香芽豬扒撈檬 ($56) - 豬扒勁入味呀   好味道 



扎肉蒸粉包 ($22) - 都幾多材料   唔錯唔錯



鹹桔水 (+$3)



呢支是拉差辣醬都好辣   諗住買番支   但番到屋企執櫃   原來我已經喺泰國買咗支



咁我繼續慢慢食   差唔多 2 點 20 分都走喇   餐廳勁凍   要出去曬下太陽 ~

周圍行又買下嘢   2 點 40 分去診所等里奧大人   姑娘同我講佢已經剝完   依家休息緊 ~

差唔多 3 點就走人   感恩一去到車站有車呢 ~

叫里奧大人番屋企休息先   成口血好恐怖呀   我幫佢去買蒸餾水同豆漿   如果食唔到嘢   飲豆漿都好啦   飽肚啲 ~

番到屋企就即開機洗衫   之後到我抖喇   7 點左右出去食嘢 ~

食完就行陣   當做運動咁啦 ~

大清潔廁所之後就沖埋涼    之後睇下電視   里奧大人 9 點幾已經瞓   我就 10 點半都瞓喇   今日滕來滕去好攰呀 ~

大門食堂 @ 九龍灣 ( 26-OCT-2018 )

吉列豬扒定食 ($52) - 個麵豉湯係咪 1 開 72 碗水呀 ?!   淡到好似水咁   吉豬都 OK   咁炸嘢好難話唔好食嘅



大門拉麵 ($52) - 我試咗淡   呢碗絕對係人生當中最難食嘅一碗拉麵



和風沙律 ($28) - 得菜同 2 粒車厘茄

( 26-OCT-2018  FRI )

今朝一覺瞓天光   實在感恩   因為依家里奧大人早我 35 分鐘起身   所以佢醒我又醒   不過我會瞓番囉   但唔係話瞓就瞓到嘛 ~

佢今朝 11 點尖沙咀見客   所以同我食早餐 ~





菇場勁忙   樣樣趕到呢 ~

Lunch Time 出去食   順便去萬寧買嘢   今日想買嘅嘢仲係大出位價   比平時平咗 $11.8 呀   最感恩係我尋日唔買   諗住今日買   估唔到今日買就大出位價   開心開心 ~



買完番菇場喇   好似有啲熱咁 ~

仍然忙爆   里奧大人 5 點去九龍灣見客   所以我放工都即走 ~

我同阿花一齊搭車去九龍灣   平時我教佢搭平車   佢今晚想搭㗎   所以諗住同我一齊搭平車   但我話今晚趕時間   咩貴車都搭呀   哈哈   最搞笑佢又陪我一齊搭貴車 ~

諗住去 Food Court 食   但我經過間日本嘢好似幾好味咁   所以去食喇 ~

又要我坐近門口位   我話唔坐囉   入面仲有位   同樣都係 2 人枱之嘛 ~

呢間嘢唔會再嚟㗎喇   拉麵超級難食   里奧大人好鍾意食拉麵   佢都食到好似誓願咁   仲要食唔哂   真係好少會有咁情況發生囉 ~

食完行陣 Piago 同馬莎   買咗支香水就走喇 ~

去麥記食雪糕   食完就番小組喇 ~



今晚小組主題係 "默想"



10 點散會   之後我哋成班又企喺條街度吹水   實在太多嘢傾   傾咗差唔多 20 分鐘先去搭車番屋企 ~

沖埋涼睇埋新聞都要瞓覺喇   我聽日要番工呢 ~

豆漿大王 @ 九龍灣 ( 25-OCT-2018 )

上海栥飯 ($15) - 里奧大人鍾意薄餈   所以細細條好快食哂 lu



煎餃子 ($20) - 得少少韭菜餡咁   我睇唔到有肉囉



酥咋雲吞 ($20) - 我好想食炸嘢   呢個真係新鮮熱辣脆卜卜



上海排骨麵 ($34) - 無啦啦勁想食炸豬扒   今晚好想食炸嘢   哈哈



( 25-OCT-2018  THU )

呢排又好似無咁涼咁噃   但就唔係叫做熱 ~

我依家都作感冒   頭重重先最辛苦 ~

早餐食吞拿魚治烘底   今次都幾多吞拿魚醬呀   開心開心 ~



菇場勁忙呀   話咁快又到 Lunch Time ~

想食啲開胃嘢   所以買酸辣米線   今次啲米線好腍啦   真係唔駛咬都吞到落肚   離哂譜 ~

仍然忙忙忙   聽日都會繼續忙   所以做到 5 點 20 分都抖下等放工了 ~

今晚唔趕   喺菇場 Hea 到 5 點 45 分先走 ~

去九龍灣等里奧大人放工   我周圍行啦   今晚佢搭快車出嚟   所以 6 點 45 分就到九龍灣喇 ~

食完再去麥記食朱古力雪糕   我話好熱氣要食雪糕   里奧大人好認真咁問係咪有用 ?!   我話老作啫   之後佢話學埋家姐咁喎   亂蹹當秘笈   哈哈哈哈 ~

今晚我做組長   所以 8 點前要到喇 ~

9 點幾散會   即搭車番屋企 lu ~

沖埋涼就休息   睇埋晚間新聞先瞓   11 點 45 分呀   感覺好夜呀   哈哈 ~   

豉汁蒸鯧魚 + 油麥菜 + 芫茜皮蛋魚片湯 ( 24-OCT-2018 )

( 24-OCT-2018  WED )

今朝臨醒之前發咗個夢   夢見里奧大人兩手 Fing Fing 番工   好記得當時係 7 點 50 分   但佢要搭 8 點班車   我喺窗口大聲同佢講   你背囊同電腦呢 ?!   之後我鬧鐘響啦   但起身都渾渾噩噩咁   好似頭先已經醒咗咁   哈哈 ~

頭重重   似乎真係作感 ~

早餐食腿蛋治   要食啲濃味嘢 ~

菇場唔太忙   所有大粒唔喺度   可以抖下 ~

Lunch Time 出去食呀   想食完周圍行陣呢 ~

咁去萬寧買嘢   今次又好感恩   我諗住買 2 樽 Cream   因為買滿 $100 可以用指定嘅 $50 Coupon   咁我比錢嘅時候   Cashier 話買夠 3 件共 $188 就送 3 支洗潔精   咁我仲差十幾蚊   所以求其買盒喉糖   啱啱好 $191   實在太好喇   之後拎住 3 支洗潔精   真係好有買完番屋企 Feel 咁呀   哈哈 ~

菇場無啦啦勁忙   做極唔完   好在可以留番聽日做 ~

放工去街市買餸   突然諗起 Uncle 話叫屋企人煲魚湯比我飲   令我好掛住媽咪   因為媽咪次次都會蒸魚或者煲魚湯我飲嘛   我當堂勁想大喊   嗚嗚嗚嗚 ~

買完即番屋企預備   但無咩 Mood 了 ~

是日懶餐 - 豉汁蒸鯧魚 + 油麥菜 + 芫茜皮蛋魚片湯 

豉汁蒸鯧魚 - $35/條   都好厚肉   最搞笑里奧大人話今日同事先講蒸鯧魚好易   另一個同事話都唔係易喎   我就覺得易啦   唔係我都唔會整啦 ~

油麥菜 - 買咗半斤   只係 $5 咋   勁抵 ~   

芫茜皮蛋魚片湯 - 好在尋晚開雪柜拎嘢咋   如果唔係就唔記得仲有芫茜剩囉   所以今晚清埋佢喇 ~

洗埋碗就沖涼   之後熨 2 機衫   其實好攰   不過唔想又堆哂啲衫喺度 ~

今日成日都頭重重呀   所以 10 點 45 分都瞓覺喇 ~

上海一品香菜館 @ 官塘 ( 23-OCT-2018 )

小籠包 



煎鍋貼
 


上海粗炒麵 ($48)



( 23-OCT-2018  TUE )

今朝又涼涼地咁   呢排啲天氣都唔係咁穩定   時涼時熱咁 ~

早餐食丁米   唔記得扣底   所以勁飽 ~



菇場唔太忙   頭先搞笑   我一坐低阿龍就打比我   問我今日唔係放假咩 ?!   我話下午 Off 之嘛   阿後寫錯囉   之後阿花見到我   又問我今日唔係放假咩 ?!   啲人梗係以為我番錯工   哈哈 ~

一到 12 點半就即走   好感恩去到巴士站即有機場巴士   如果走咗班車又要等 20 分鐘呢 ~

去到只係 1 點 40 分   叔叔佢哋話 3 點先到   咁我都周圍行下 lu   當做運動   哈哈 ~

諗住去美珍香買豬肉乾   但見到 $230 半公斤真係買唔落手   上年會捨得買   因為唔記得鯉魚門豬肉乾價錢   但之前去完鯉魚門買豬肉乾   即燒即 Pack 都只係 $35/半磅咋   所以我最後去咗 MUJI 買咗 8 包零食蛋糕比佢哋上機食囉   咁都只係 $100 左右咋 ~

2 點 20 分   點知差唔多 3 點到   但 Counter 要 4 點 35 分先開   所以去食嘢先喇   又係翠華   所以頭先嬸嬸都叫我去食嘢嘅哋方等   哈哈   年年都去翠華   但機場呢間真係幾好味道呢 ~

嬸嬸話點解咁少薯條 ?!   我話因為呢度係香港   哈哈

豬扒麵 + 秋葵炒蛋 & 牛油脆豬 + 飲品   只係 $49   真係好抵   所以叫咗 2 Set





魚片頭河都 OK



嬸嬸感冒   佢今次番嚟真係成日頻頻樸樸   佢上星期六直頭喺屋企瞓足一日呀 ~

不過叔叔都話次次番嚟香港   個鼻一定好唔舒服   只係前前後後   我話無計啦   香港空氣好差   點似加拿大吖   吸啖空氣都清新過人啦 ~

Uncle Y 一見到我   就話我面色好青   同埋黑眼圈好深   上幾次見唔係咁   叫我好好保養下   又教我煲魚湯   哈哈 ~

呢排真係瞓得唔好囉   里奧大人早起身   我又醒一醒   我又唔可以即刻瞓得番   其實諗過不如做下運動   但未食嘢又無力喎   一陣暈埋仲煩   哈哈 ~

差唔多 4 點半去 Check-in   之後我同嬸嬸去優之良品買魷魚絲   因為堂妹好鍾意食   嬸嬸一見我伸手入手袋   佢已經攬住包魷魚絲   知我會比錢   我話我一定要比啦   難得妳嚟香港嘛 ~

好快又到 5 點幾   叔叔嬸嬸要離港喇   估唔到 Uncle C 又喊   嬸嬸又眼濕濕   搞到我當堂又眼濕濕   我話下年又會見啦   唔好喊 ~

我搭 A22 出官塘   里奧大人要等我囉   所以佢去行陣馬莎   之後再喺官塘 Join 我囉 ~

里奧大人成日問我喺邊   我都話唔知都仲要問   之後我影呢張相比佢睇   叫佢話番我知我喺邊



佢話想食上海粗炒   咁去官塘廣場啦 ~

食完即番屋企   到我覺得頭痛同流鼻水   所以即食粒傷風 Panadol   抖陣先沖涼 ~

我 11 點左右都自己瞓先喇   我唔想病囉 ~