Fame Deli @ 紅磡 ( 30-SEP-2021 )

前菜有沙律

個包好味道

呢杯係牙簽桶   勁似拉花咖啡呀  

香煎美國自然豬肉眼扒 ($78) - 肉質唔錯呀   同埋薯蓉都好多   真係夠哂飽   

拿破崙意粉 ($58) - 我記得之前食過嘅拿破崙意粉係有腸仔架   但呢個無   可能係正宗啦   雖然無料   但個汁都好好味   我煮到就好   哈哈

份量都唔少

朱古力 & 綠茶雪糕

好滑   但兩款都無味道嘅

( 30-SEP-2021  THU )

雖然呢排好攰   但到咁上下時間都會醒   今朝個人開始醒醒哋   之後鬧鐘響   就嚟好似啲老人家咁   晨咁早就醒   哈哈 ~

天氣真係涼咗   但一做伸展就會出汗   咁都好架   唔駛行咁耐就有汗出 ~

早餐食奶醬多   突然間好想飲咖啡 ~

菇場忙呀   勁開心   因為時間過得勁快㗎 ~

飲完咖啡真係有啲反胃   下次飲凍啡好啲   因為無咁濃 ~

今朝有人嚟整廁所燈   感恩里奧大人番晏晝   咁唔駛特登請假 ~

Lunch Time 出去行下   之後買紅腸酸辣米線   我要食酸辣嘢呀 ~

菇場仍然忙   差唔多 5 點就搞掂   準時放工 ~

放工喺里奧大人公司附近行陣先   一路行一路買下嘢   所以個袋好重呀   諗住去里奧大人公司   點知有人拍我個袋   原來喺阿妹   佢話見到個衰仔袋   哈哈 ~

之後企喺條街度傾下偈   一傾傾咗半個鐘   之後里奧大人打嚟話去食飯呢 ~

真係整定見到阿妹   佢話平時行另一邊   因為要整嘢先行我呢邊架 ~

食完都 8 點幾   里奧大人要番公司   我就番屋企喇 ~

本身諗住徑步   但番到屋企都 9 點幾   里奧大人都差唔多放工   所以我做家務算喇 ~

開機洗衫再拖埋地   最後大清潔廚房   汗水比徑步嘅多   我最鍾意咁   哈哈 ~

沖埋涼   里奧大人都番到屋企喇   佢以為我徑完步番嚟   我話徑步就無時間清潔屋企   所以唔去 lu ~

睇咗一陣劇   11 點半都瞓覺   聽朝要早起身呢 ~

美國穀飼安格斯牛仔骨 + 紅油青瓜 & 麻油海蜇青瓜 + 粟米蛋花湯 ( 29-SEP-2021 )

( 29-SEP-2021  WED )

尋晚發好多夢   有好有唔好   所以瞓得唔係咁好   唉 ~

鬧鐘響咗   諗緊徑唔徑步好 ?!  懶床 2 分鐘之後都係醒咗   咁去徑步啦 ~

早餐食腿蛋包   依家開始唔知食咩好添 ~

菇場唔忙呀   所以執 File 櫃   好想郁下   呢排個人真係比較攰   希望快啲正常番啦   哈哈 ~

Lunch Time 出去行   差啲以為星期一   仲想去一田買嘢添 ~

咁喺附近行個大圈   買埋鯪魚球米就番菇場喇 ~

4 點幾又開始忙   但放工前肯定搞掂   嘻嘻 ~

放工即走   里奧大人今日放假   所以我都會即刻煮飯呢   不過今晚 6 點 45 分先食得 ~

是日晚餐 - 美國穀飼安格斯牛仔骨 + 麻油海蜇青瓜 & 紅油青瓜 + 粟米蛋花湯

美國穀飼安格斯牛仔骨 - 家姐喺 Aeon 買比我㗎   話好食咁佢一定再買   話唔好食佢一定唔開心   哈哈   不過肉質真係好嘅   里奧大人話唔駛大力扯喎   因為我次次煮牛仔骨都好 "鞋"   佢話食牛肉出街食啦   我心諗以為佢驚我煮得辛苦   點知佢下一句話: 唔駛咬到牙都軟   笑死我呀   正衰人   哈哈哈哈 ~

麻油海蜇青瓜 & 紅油青瓜 - 里奧大人唔食辣   所以開包即食麻油海蜇比佢   我就食紅油青瓜   里奧大人話咁分開兩碟最好   因為成日話佢唔食菜   我話樣樣分兩份要洗多幾隻碟呀   麻鬼煩就真啦 ~

粟米蛋花湯 - 我覺得唔夠蔬菜   所以開罐粟米湯呀 ~ 

洗埋碗再清潔廚房   今晚比較攰   所以唔去徑步喇 ~

食埋生果   差唔多 9 點半先睇劇   不過我睇到 10 點半都瞓覺 lu ~

雞翼套餐 & 素餃子拚腐皮卷 (外賣) ( 28-SEP-2021 )

( 28-SEP-2021  TUE )

今朝瞓到 9 點半自然醒   但其實我 7 點 20 分已經醒醒哋咁   不過就唔去徑步呀   想繼續瞓 ~

梳洗之後就等里奧大人買早餐番嚟食   食完抖陣先沖涼 ~

11 點左右出發去覆診   差唔多 12 點半睇   今次叫埋里奧大人入去醫生房一齊聽呀 ~

上次驗胸   全部都正常   但就有粒 3cm 淋巴結   之後醫生再幫我摸   話已經無咗喇   感謝神 ~

咁我順便問埋醫生   我上次每月一到接近二十日   醫生話呢啲係 Reaction   所以唔駛咁驚 ~

其實今次感受到神嘅保守帶領   因為我做婦檢之後再驗胸   又每月一到好耐   之後又淋巴腺結   感恩係我想知結果嘅時候   就正正要去覆診   如果唔係我要額外再要見醫生   仲要約期   唔係話想快就可以   我都係最早係日咋   否則要等到10月呢 ~

我同里奧大人講   其實我由 9 月 11 日收到電話已經好驚   仲諗如果做手術   我最驚係番唔到學囉 ~

放下心頭大石   個人都真係精神番哂呀 ~

去 Cotton On 買咗 2 件 Tee 比家姐   送比佢嘅生日禮物   希望佢鍾意啦   哈哈 ~

本身諗住去佐敦   但我話嗰邊好似無咩嘢好食   所以喺旺角周圍行下先 ~

之後行去花園街   里奧大人話去鐵板世家食午餐呀 ~

咁已經 1 點 40 分   我話 2 點先去食下午茶吖   份量唔駛咁多嘛   估唔到里奧大人居然話唔好呀   佢好餓呀   佢好少會話好餓㗎   所以我話咁即刻去食喇 ~

開餐

羅宋湯

今次我試凍奶茶   都唔錯呀   但見人地杯凍咖啡仲正   所以我話下次要再嚟飲凍咖啡   哈哈  

肉眼牛扒配薯菜 ($58) - 我覺得抵食過自己煮   哈哈

香煎豬扒拚魚柳配薯菜 ($58) - 呢個都好味道   可能我想食魚柳

食完就行花園街   買咗件 One Piece 同小丸子嘅單行簿   之後去買波子提子   咁檔主比兩袋我揀   但我覺得無包裝嘅兩抽最大粒嘅   所以我最後係買無包裝嘅   原來都接近 3 磅   要 $110   不過我懶去街市   如果唔係應該會平啲 ~

里奧大人好搞笑   佢都話無包裝嘅大粒好多   仲話驚檔主唔比我咁買   我話唔比買咪走囉   駛咩驚呀 ?!   笑死我 ~

想買啲小食番屋企做晚餐   所以行埋 T.O.P.   喺大力水手買咗個雞翼餐   只係 $45 都抵 ~

買完坐小巴番屋企   司機開得好慢   但我哋覺得好安全   因為我哋坐車頭   真係唔想佢快呀   哈哈 ~

放好啲雞翼   之後即沖涼   休息到 6 點左右就預備晚餐 ~

是日懶餐 - 雞翼套餐 + 素餃子拚腐皮卷

雞翼套餐 - 好在比我見到雞翼套餐   因為我只係想買少少   里奧大人本身話買個炸雞套餐   又薯蓉又薯條   我話太多   因為晚餐仲有其他嘢食嘛 ~

素餃子拚腐皮卷 - 尋日買㗎   所以我想今晚食埋去呀 ~

8 點 15 分一齊去徑步   今晚只徑 25 分鐘   因為我行行下有啲攰呀 ~

沖埋涼就抖陣   9 點幾開始睇劇   睇到 11 點都自己瞓先 lu ~

燒汁辣醬焗排骨 + 酸齋拚齋鴨腎 (外賣) + 菜心苗 ( 27-SEP-2021 )

我今朝喺大家樂用積分換嘅細份炒麵

( 27-SEP-2021  MON )

感恩一覺瞓天光   天氣真係涼咗呀   徑步好舒服 ~

早餐食吞拿魚包   今朝要食飽啲 ~

菇場忙咗陣   之後又做下 Filing   咁樣無咁悶   哈哈 ~

Lunch Time 去一田買嘢   家姐鍾意芝麻醬   想買支比佢   之後又買啲齋菜   再去韓印紅買埋迷你秀珍菇   最後買埋腸粉燒賣就番菇場喇   已經 12 點半   今日行咗好耐 ~

仍然唔忙   安安樂樂等放工 ~

今晚 7 點 15 分先開餐呀   里奧大人應該好餓   哈哈 ~

是日晚餐 - 燒汁辣醬焗排骨 + 酸齋拚齋鴨腎 (外賣) + 菜心苗

燒汁辣醬焗排骨 - 食蒸排骨食到悶   所以試下焗排骨   仍都係迷你秀珍菇做配菜   再加韓國燒汁 & 辣椒醬 & 排骨一齊焗   勁好味呀   里奧大人都鍾意食   咁就最開心   因為我煮嘢唔叻嘛   唔係話樣樣都覺得鍾意食同好味呢 ~

酸齋拚齋鴨腎 (外賣) - 最鍾意食呢兩樣   依家一田有素食檔口   所以買呢啲就好方便呢 ~

菜心苗 - 呢期又鍾意食菜心苗   可能突然鍾意蘸麻油食嘅味道呀 ~

洗埋碗抖陣就同里奧大人去徑步   今晚都涼涼地   但都會流汗   咁先正呀   哈哈 ~

沖完涼就食月餅   因為難得我記得食呀 ~

家姐比我嘅貓山王月餅   要解凍 25 分鐘   我正想放入口嘅時候   家姐打嚟   係咪咁邪呀   哈哈

之後我就自己睇劇   因為里奧大人已經睇咗呢集   叫我睇完先一齊再睇   因為劇情開始好緊張喎 ~

不過我睇到 11 點鬆啲都瞓   雖然聽日放假   但都唔想咁夜瞓 ~

韓式上湯小籠包 + 荸菜豬肉水餃 + 金銀蛋紅莧菜 ( 26-SEP-2021 )

( 26-SEP-2021  SUN )

今朝 8 點 15 分起身   今朝唔徑步喇   所以沖埋涼就出發去食早餐 ~

番完學就抖下   之後就番崇拜 ~

完畢就同教友傾下偈   之後就等里奧大人放工   今日阿妹好 Free   所以陪我等里奧大人放工 ~

之後佢教我哋拉筋   幾個人圍埋一齊做運動勁搞笑 ~

里奧大人 1 點 45 分放工   咁食埋午餐先番屋企 ~

依家里奧大人好搞笑   佢平時食麵剩嘅湯一定唔飲   依家用嚟送飯   成日話韓國人係咁食㗎   不過佢本身碗麵都好少湯嘅

有年糕有雞蛋

飯焦勁好味   最緊要唔係燶   哈哈

我要去買菜   所以又忍唔住行咗幾個圈   我覺得食完飯要行下好啲   哈哈 ~

番到屋企即開機洗衫   之後即沖涼休息 ~

我 5 點瞓到 5 點 40 分   里奧大人就瞓到 6 點   我好少咁眼瞓   呢排個人比較攰 ~

6 點幾都預備晚餐   不過今晚好簡單   就咁蒸同灼   我最鍾意咁  嘻嘻 ~

是日懶餐 - 韓式上湯小籠包 + 荸菜豬肉水餃 + 金銀蛋紅莧菜

韓式上湯小籠包 - 我好鍾意食小籠包架   蘸醋食真係一流呀 ~

荸菜豬肉水餃 - 家姐買比我   咁今晚都食埋去喇   因為我唔想煮麵 ~

金銀蛋紅莧菜 - 好難得見到紅莧菜   所以買 1 Pack   加埋金銀蛋真係好鬼正   哈哈 ~

食完飯   我同里奧大人講話好攰   今晚都係唔徑步呀   我覺得今日係超級勁攰 ~

沖埋涼就食水晶梨   里奧大人話好食   問我幾錢 ?!   我話接近 $60   佢唔信咁貴呀   我話家姐之前比我㗎   其實都可能有 3 星期   但仍然超甜超多汁   怪不得家姐成日話好食啦 ~

里奧大人話我今晚唔徑步   就陪我睇劇喎   8 點幾睇到差唔多 11 點   但我要瞓喇   佢仍然繼續睇呢 ~

金飯館 @ 牛頭角 ( 25-SEP-2021 )

XO 醬海皇炒飯 ($68) - 份量唔算好多   一個男人食可能係緊緊夠飽

有辣菜甫調味   哈哈

都幾多料

椒鹽雞翼 5 隻 ($35) - 好惹味

雞翼都算大隻

( 25-SEP-2021  SAT )

尋晚發好多夢呀   所以今朝鬧鐘響   我都要諗下係咪真係鬧鐘響呢 ~

個人攰攰哋   本來想繼續瞓   但都知道自己瞓唔番㗎喇   咁照去徑步 lu ~

今朝食腿蛋治   諗住食另一間沙爹牛肉麵   點知無開   嗚嗚 ~

菇場唔忙呀   做下自己嘢   好快又放工 lu ~

放工即走   去完超市買嘢   之後番屋企抖陣就同里奧大人去食午餐喇 ~

番到屋企即做大清潔   搞掂哂再大清潔廁所   沖埋涼就休息   咁就已經 5 點 ~

差唔多 6 點就同里奧大人出去食飯   食完之後我番學喇 ~

放學去買咗 4 支乳酪 + 3 支咖啡   所以個袋越大   就會買更多嘢   嘻嘻 ~

即番屋企   原來里奧大人 8 點要開會   好在佢同事提佢咋 ~

今晚攰呀   沖埋涼都休息   里奧大人就 9 點幾先開完會 ~

食埋生果又睇陣 Youtube   我 11 點都自己瞓覺先喇 ~