苑記粉麵茶餐廳 @ 大埔 ( 26-NOV-2009 )

( 26-NOV-2009  THU )

朝早嚟料啦   即刻去超市買黑糖薑母茶   希望有啲效   唔駛咁辛苦啦 ~

口淡淡   要食啲濃味嘅早餐先 ~

 
晏晝去對面餐廳買火腿通粉   食完就休息   不過硬係瞓唔到   因為鼻塞瞓得好辛苦呀 ~

放工即去睇醫生喇   個人攰到濛查查   入到診所見到個人好熟面口   原來係里奧大人嚟   仲以為佢仲未到添 ~

又係傷風   真係好煩呀   呢排天氣成日轉   又夜咗啲瞓   咁就仲招真係慘 ~

    
個人好攰   所以去食粥算喇 ~   

沙爹王滋味世界 @ 旺角 ( 25-NOV-2009 )

( 25-NOV-2009  WED )

今朝一起身打噴嚏索鼻涕   里奧大人問係咪傷風   我話唔係   就算係都話唔係啦   因為今晚有約會呀   番工前去超市買盒 Hot Lemon   希望搞得掂啦 ~   

早餐食三文治   因為有塊芝士感覺健康啲 ~

番到菇場唔理三七二十一走去沖咗杯 Hot Lemon 先   唔係一陣無水   又要等煲好煩呀 ~ 

晏晝再食薑蔥麵 + 薑菜蜜   飲完嗰下好掂   通哂個鼻   但之後又一樣鼻塞塞 ~

幾辛苦先捱到 5 點半呀   今晚我約咗 卡卡 同 木木  去旺角沙爹王食飯呀   食呢餐飯真係一波三折   唔係貴得滯   就係限時限刻   好在可以一路上網搵地方一路傾   咁就可以知道大家 OK 唔 OK 嘛 ~   

因為木木比較遲放工   所以就同卡卡出旺角先   陪佢買啲嘢再去沙爹王搵位   早啲去好啲   可以揀啲位   坐得舒服啲嘛 ~  

第一次見木木咋   不過都知道大約會係點嘅樣   呵呵   平時喺 Blog 度咀 Jel Jel   估唔到又幾怕羞喎   同埋卡卡太多嘢講喇   機關槍咁   係人都怕咗啦   哈哈 ~

今次又有見面禮   係木木親手整嘅 Jam 曲奇同玻璃曲奇   仲印埋字呀   好有心機好靚呀   至於卡卡就送咗元朗特產蛋卷比我囉   好在我都買咗兩包百力滋比佢哋咋   唔係真係唔好意思呢   呵呵 ~

去到嘅時候樣樣都好想食   所以係咁叫嘢   但估唔到係一次過嚟哂囉   好趕咩   不過出面真係好多人等位   諗住影完就食   點知又嚟另一樣喎   總之不斷影不斷嚟   好似 15 分鐘內嚟哂所有嘢食   影完想食第一樣嘢嘅時候   都唔覺得熱咯 ~ 

一路傾一路食又過咗兩個幾鐘   快到呢   如果番工啲時間過得咁快就好喇 ~

番到屋企影埋啲禮物  再比曲奇里奧大人食   佢話好好食   話呢啲就係曲奇喇   咁我之前整嗰啲唔係咩 ~

XO 醬西蘭花炒帶子 + 蝦仁燒肉粒炒飯 + 冬蟲草燉雞湯 ( 24-NOV-2009 )

( 24-NOV-2009  TUE )

又暖番   時冷時熱真係好辛苦   最麻煩係要拎啲衫出嚟   又要收番啲衫入去囉 ~

今朝又遲咗   好在早一晚拎定啲衫出嚟   唔係更遲 ~

又等 Lunch Time   同媽咪飲茶   因為媽咪煲咗兩大樽豬腳薑醋比我呀   唔拎唔得啦   希望我唔會咁快食厭啦   其實我之前貪得意食   本身都鍾意食嘅   但少食多滋味嘛   無意間同媽咪講下咁啦   點知佢又整   我係唔想佢辛苦整咋   但媽咪話出面用哥士的整㗎   所以整比我囉 ~

終於放工   一早諗好整咩   所以唔駛咁趕喇 ~ 

是日晚餐 - XO 醬西蘭花炒帶子 + 蝦仁燒肉粒炒飯 + 冬蟲草燉雞湯

XO 醬西蘭花炒帶子 - 今次味道唔錯   煮嘢真係要煮得多先好味   但成日食又驚悶喎 ~

蝦仁燒肉粒炒飯 - 將尋晚剩咗嘅燒腩粒粒   再整多幾隻蝦又係切粒   加蔥花 蒜粒同黃薑粉   簡簡單單已經好好味 lu ~

冬蟲草燉雞湯 - 姑奶特登嚟教里奧大人煲㗎   勁感動   雖然一番到屋企有得飲   但一入廚房就要洗到暈呢   佢哋一個 "撈教"   一個粗心大意   整到個煲蓋全部都係油   爐邊又係   又唔即刻洗同抹喎   抹手巾又唔知放咗喺邊   明明有個勾可以掛家嘛   妳知啦   入廚房如同入戰場家嘛   要嗰樣無嗰樣   一係唔知比佢放咗邊   激到我火都嚟   面都黑哂   語氣重哂   真係好掹好掹   咁下次點敢要你燉呀   樣樣要我執手尾   我真係覺得好討厭超討厭勁討厭   我話下次唔好整   我唔飲好過   大佬   飲完都補唔番呀 ~

又同里奧大人出去散步喇   但佢行得好急咁囉   佢腳長行得快嘛   一步等如我兩步   都唔理人感受嘅 ~

燒腩肉 (外賣) + 辛辣麵 + 西蘭花 ( 23-NOV-2009 )

( 23-NOV-2009  MON )

今朝本來想坐得舒服啲食早餐   但裝到老闆佢哋喺度   所以即去隔離喇   食都食得安樂啲呢 ~  

菇場突然超級忙呀   樣樣都趕嘅   真係搞到個人都緊張起嚟呀 ~

  
晏晝同里奧大人去 Pizza Hut 食 Lunch   因為佢啱啱見完工   我依家叫里奧大人見工要早少少   咁就可以同我食 Lunch 啦   我無咁悶嘛 ~  

忌廉雞湯 / 意大利蔬菜湯 / 蒜蓉包 / 超級至尊 / 豬扒蕃茄天使麵 / 凍檸檬茶

番到去仲忙過朝早添   全日都咁忙   真係好少見呀 ~

 
太攰啦   今餐一定求其同要快   想多啲時間休息 ~

   
是日懶餐 - 燒腩肉 (外賣) + 辛辣麵 + 西蘭花

燒腩肉 (外賣) - $40 一條腩分兩餐食   食剩就切粒粒留番聽晚炒飯   唔錯㗎 ~

  
辛辣麵 - 啲麵又彈牙又辣辣哋   超正呀 ~   

西蘭花 - $8/3 棵抵啦   所以買嚟食呀 ~  

整哂嘢又同里奧大人去商場散步   真係無啲定力都唔得   所以依家順便訓練自己 Window Shopping 喇 ~  

MSN名句精選

樹多必有枯枝，人多必有白癡。

君子報仇，三年不晚。小人報仇，一天到晚。

醫生叫我行光合作用別熬夜 。

帥有個屁用！到頭來還不是被卒吃掉！

騎白馬的不一定是王子，可能是唐僧；帶翅膀的不一定是天使，也可能是「鳥人」。

就算是Believe中間還是有個lie 。

就算是 Friend 最後還是會有個 end

就算是 Lover 最後還是會 over。

就算是 forget 也要先get才行。

就算有個 wife 心裡也要假設if。

不是隨便一個地球人就可以學會火星話的。

樹不要皮，必死無疑。人不要臉，天下無敵。

『在塞納河畔哭泣』『在濁水溪旁哭夭』這兩者揪~~~~竟有什麼不同呢？

人生，不過比當歸長一點。

懷才就像懷孕，時間久了才能讓人看出來。

客戶是神，因為客戶不是人。

前程四緊就是：手頭緊、眉頭緊、衣服緊、時間緊。

青春就像衛生紙。看著挺多的，用著用著就不夠了。

幸福離我們很近，但，我們都忘了靠近。

能者多勞，疲勞的勞！

問君能有幾副肝，恰似一串鞭炮爆不完。

男人過了五十歲只剩下一張嘴，過了六十歲就只有兩個地方會變硬……後頸部的筋脈和不會喊痛的肝。

福利不是問題，問題是沒福利。錢不是問題，問題是沒錢。

今日事今日畢，過了今日就不必。

皮夾裡的發票永遠比鈔票多。

既然上了賊船，就要做個成功的海盜。

明新焗飯小廚 @ 大埔 ( 22-NOV-2009 )

( 22-NOV-2009  SUN )

今朝同里奧大人出去教會附近食埋早餐   再等埋媚媚就一齊番教會喇 ~

崇拜完同 Ivy 兩公婆飲茶   又傾咗兩個幾鐘   好在可以不斷飲水   所以傾極都唔口乾呢 ~    

同里奧大人行陣淘大   因為想買衫   點知又唔啱心水   反而去到屋企附近又買到喎   仲要里奧大人送比我添   我好開心㗎   因為佢係一個慳自己唔慳老婆嘅人嚟呢 ~

之後再去 Jusco 買嘢   無啦啦又有連續 3 日嘅感謝日   今日仲係 Last Day   我最開心係買到 Unsalt 牛油   減到 $25.8 再有 95 折   真係好抵囉   因為次次都係 $29.9 嘛   買咗 2 Pack   下年先到期   慢慢玩都未遲   再買埋其他嘢   其實好多嘢有時計埋折都係平過幾毫子   但唔知點解一睇見 95 折就覺得乜都好平咁嘅呢 ~

本來想煮   不過都 5 點幾啦   里奧大人話今日頻樸   所以話出去食   當然好啦   事實呢幾日成日出街都好攰下 ~

食完飯又行下   呢啲生活確實唔錯呢 ~  

星林居雲南米線餐廳 @ 尖沙咀 ( 21-NOV-2009 )

豬軟骨腐竹酸辣米線 / 豬腩肉魚腐油麥菜酸辣米線

( 21-NOV-2009  SAT )

星期六要番工   不過半日都好易過嘅 ~

放工約咗里奧大人一齊去拜爸爸   雖然爸爸走咗 11 年喇   我一樣係咁傷心   又話時間會沖淡一齊嘅   我真係唔覺囉   點解呢 ~ 

之後同埋里奧大人朋友一齊去 Pizza Hut 食 Tea   呢次短聚係里奧大人今朝約咋   估唔到又成事喎 ~

一傾就 4 個鐘   差唔多 3 年無見喇   點會唔多嘢傾   見番老朋友啲感覺真係好舒服   暢所欲言    依家真係好難可以對人暢所欲言嘛 ~  

同里奧大人去尖沙咀影燈飾   絕對無料到啦   不過帶咗腳架出嚟   但都乜都影下啦 ~

唔知點解   次次去尖沙咀都好想食米線   所以又去星林居食米線喇 ~

坐嘅時候我無為意里奧大人將腳架放咗喺我隔離   點知隔離枱嘅女仔將腳架放喺張枱附近   我就一路拎一路話里奧大人   仲乜擺咁遠   一陣唔記得拎   見個女仔好驚望住我   里奧大人個樣又好驚   我先知拎咗隔離女仔嘅腳架   超樣衰呀 ~

   

食完行陣就番屋企喇   好耐無出去   所以今日好開心呢 ~   

魚香茄子 + 金寶字母湯 ( 19-NOV-2009 )

( 19-NOV-2009  THU )

今朝又係咁凍   真係唔願起身   要懶床 3 分鐘先捨得起身   因為一諗起洗頭沖涼就好凍呀 ~

  
凍凍哋食早餐就最舒服   真係好怕夏天   食到熱辣辣   但無夏天又唔鍾意喎   咁一年有四季無咁悶嘛 ~

菇場某啲同事真係好唔掂   同高層講嘢就烚熟狗頭   同啲新嘅同事講嘢就好似命令咁   點得咁㗎   好在另一個同事都咁覺得咋   第時想人幫妳都幾難啦   到時唔好話人衰呀   要自己好好反省以前點對人   先至好話人點對妳呀 ~

  
晏晝買牛筋麵番菇場食   同 8 掛同我一陣買牛筋麵   但食唔哂啲牛筋   會比啲佢   因為上次有好多牛筋好漏呀   點知今次得 5 小件咋   比 2 件佢   我唔夠飽啊    真係好唔想比呀 ~

諗好夜晚煮乜   所以放工慢慢行都得 ~ 

是日懶餐 - 魚香茄子 + 金寶字母湯

魚香茄子 - 第 2 次整   今次上色好多  味道又好味好多咁   好開心呀 ~

金寶字母湯 - 覺得得一個餸好少咁   所以加個罐頭湯呢 ~

飯後果食石榴   又甜又多汁   雪凍之後非常之好食㗎 ~  

麻婆豆腐 + 蒜頭豆豉炒脆肉瓜 + 鵝掌翼 (外賣) + 紅棗黑豆雞腳湯 ( 18-NOV-2009 )

( 18-NOV-2009  WED )

今朝仲係好凍   所以食麵暖身   食完麵都唔出汗真係好爽呀 ~

又係勁忙   覺得啲時間過得好快   快到有啲得人驚呀 ~

 
Lunch Time 又去大榮華買點心   今次食叉燒包 + 紅豆沙   本來諗住唔要叉燒包驚太飽   不過好在有叫咋   因為紅豆沙得幾粒豆   無料到嘅   飲水咁   但又唔好意思叫多豆喎   下次唔食喇 ~

忙多陣終於做完   有啲失落咁呀 ~

  
是日晚餐 - 麻婆豆腐 + 蒜頭豆豉炒脆肉瓜 + 鵝掌翼 ( 外賣 ) + 紅棗黑豆雞腳湯

麻婆豆腐 - 個汁係跟食譜整   第一次整唔錯啦   但里奧大人話唔夠味   唔係嘛   辣豆板醬喎   又話驚辣喎   早知落多啲啦   

蒜頭豆豉炒脆肉瓜 - 菜心要 $13/斤呀   太貴啦   食瓜算喇   4 條都係 $5   平好多啦   又好味喎 ~ 

鵝掌翼 (外賣) - 突然好想食呀   所以買咗兩隻   里奧大人又唔鍾意食   獨食真係好爽呀 ~

紅棗黑豆雞腳湯 - 媽咪煲㗎   勁好味呢   整完哂又同里奧大人散步   我又唔覺凍   可能用熱水洗完碗啦   但里奧大人一路行一路話凍   我買雪糕食   佢話喺商場入面等   我話唔想行咁快   佢話咁佢行入商場先   我話不如自己行啦   不過佢又好怕凍嘅   早講嘛   可以唔行家嘛   又係都要陪我 ~

打邊爐 @ 大家樂 ( 17-NOV-2009 )

穀飼肥牛 / 穀飼肥牛雜錦 / 泡菜湯底 /  沙爹湯底

( 17-NOV-2009  TUE )

今朝都幾凍呀   不過可能趕住出門口   所以無想像中咁凍囉 ~

晏晝同媽咪飲茶   唔出街真係唔覺咁凍呀   好在有條頸巾   最怕吹到條頸 ~

炸雲吞 / 鹹肉糭 / 順得煎魚餅 / 齋粉包

夜晚同里奧大人打邊爐   自己整都係差唔多價錢   雖然有啲食物可以留番   但洗嗰下麻煩嘛   出去食完一起身就走得   幾爽呀   同埋大家樂嘅打邊爐份量唔係太多   樣樣有啲就最好   唔駛諗食乜咁煩呀   唔錯唔錯 ~ 

三色椒炒秀珍菇 + 蝦仁炒飯 ( 16-NOV-2009 )

( 16-NOV-2009  FRI )

一覺瞓到今朝 7 點 15 分醒咗   好難得呀   都費事懶床   即刻起身郁下   煲下水就已經用咗 10 分鐘   都唔敢再搞屋企嘢   唔係一陣做開有條路過哂鐘就煩 lu ~

今朝去食麵   飲咗杯咖啡   唔得熱囉   同埋可能太多奶   搞到個胃唔舒服   乜心機都無哂呀 ~

菇場氣氛一如以往咁平靜   好在我都有啲忙   唔係又要等收工咁   等嘅感覺真係好慘呀 ~

早餐太飽   所以 Lunch Time 行陣先去買嘢食   今次又係買大包   個包壓到扁哂   感覺好大個咁   我唔鍾意咁   因為未食已經令人有好飽嘅感覺咁囉 ~

依家飲緊啲中藥   希望每月一到無咁辛苦   今晚飲八珍茶   太耐無飲中藥   覺得特別苦呀 ~

是日晚餐 - 三色椒炒秀珍菇 + 蝦仁炒飯

三色椒炒秀珍菇 - 唔想浸菜 + 好想食椒   所以就整喇   用蒜頭豆豉炒好好味   我靜靜雞加咗一隻指天椒   無同里奧大人講   佢無啦啦話好辣   嚇得我吖   我已經特登唔同佢講家嘛   唔係佢會詐詐諦諦話辣唔食   但我覺得一啲辣味都無呀   點搞呀   咁都話辣 ~ 

蝦仁炒飯 - 我覺得整得好靚仔喎   啲飯一粒粒   蝦又切得靚   加埋啲脆蒜一齊炒就更香   真係好好食呢 ~

今晚好攰呀   所以無出街行   里奧大人知我好攰   所以 "北" 杯雪糕比我食   但唔知點解   呢兩晚食完雪糕都肚屙   唔通真係對啲奶類有敏感   不過我會食多次   如果真係再肚屙就唔食喇   因為真係好辛苦   同埋可能坐長途車關係   好怕肚屙嘅感覺囉 ~

雜丸辛辣麵 + 粟米 ( 15-NOV-2009 )

( 25-NOV-2009  SUN )

今朝早啲起身   因為同里奧大人番自己教會   出去先食早餐   唔想啲時間教到咁趕   星期日喎   難得輕鬆嘛 ~  

真係好多謝里奧大人對我嘅忍耐呀   因為我次次都會影好耐   佢都唔會出聲   但對手會話妳知其實好心急等開餐囉   呵呵

崇拜完要即走喇   因為約咗里奧大人姐夫傾功課   所以順便食埋 Lunch 喇   去到見到成枱係小菜   真係以為食晚飯呢 ~

食完上里奧大人姐夫屋企傾功課   我就同貓貓玩   隻貓貓嗲到呢   超級無敵勁可愛呀   我唔鍾意貓貓都好鍾意佢㗎   抱佢時好似無骨咁   放軟哂伏喺妳度   公仔咁樣   里奧大人幫我影相時都話成隻公仔咁呀 ~

又未餓   又唔想成日出街食   所以都係煮啲簡單嘅嘢算喇 ~

   

是日懶餐 - 雜丸辛辣麵 + 粟米

雜丸辛辣麵 - 尋晚食剩嘅丸   加埋辛辣麵真係超正   不過買辛辣麵有啲係 Made in China   所以次次都要等 Jusco 韓國節先入貨呢   再唔係就去尖沙咀入貨   啲麵彈牙啲㗎 ~

粟米 - 就咁淥就算喇   懶得整呀 ~

住家飯 @ 家姐屋企 ( 14-NOV-2009 )

墨魚膠 / 鯪魚滑釀尖椒 / 釀豆卜 / 煎魚 / 美極煎蝦 / 滷水鵝 (外賣) / 灼菜心 / 飯後果

( 14-NOV-2009  SAT )

終於都等到每月一次嘅星期六喇   今朝 9 點起身   同里奧大人去銀行整嘢   之後再食早餐   再去超市買嘢就出發去家姐屋企 lu ~

好怕坐啲巴士   一望出面周圍都係村屋   因為好似間間一樣   好難認到係邊度嘛   雖然架車係有指示   但如果壞咗就慘喇 ~

坐車期間同里奧大人傾下偈   自己又影下相   咁就覺得坐車都唔會覺得好耐咁囉   今次媽咪話想食壽司   所以又去番田中喇   好在今次啲嘢食都新鮮   4 個人食咗 $204 真係好抵   又飽喎 ~  

途經家姐附近住嘅親戚隻拉布拉多呀   對於我嚟講係好巨囉   我唔摸佢㗎   佢哋仲有一隻古代牧羊   一隻牧羊狗   三隻玩具貴婦   住村屋真係可以養好多狗呀 ~

食完就去家姐屋企開枱喇   不過多數會周圍影下先   又要幫佢啲狗仔影下相   因為佢唔會影呀  

打到半路又食 Tea   家姐買咗呢個伊滕家芝士蛋糕   一定要幫手食   唔係佢又唔知擺幾耐喇 ~  

無幾耐又話食飯   呢日好似全日係坐同食咁   哈哈 ~

打邊爐 @ 屋企 ( 13-NOV-2009 )

魷魚 - $13 好大隻   原隻咁切有啲恐怖  

牛柏葉 - 好耐無食   但好韌呀   下次都係唔買喇 

肥牛 - 買嘅時候無認真睇   點知原來超級肥

雜丸 - 最鍾意食蟹籽丸同黑椒牛丸   買定多啲   可以留番煮麵時食 

百福豆腐 - 依家打邊爐都想食呢啲滑滑豆腐呢 

唐生菜 - 其實想買油麥菜   不過賣哂   唯有唐生菜啦  

蒜蓉 + 指天椒 + 頭抽 - 超鹹   但我鍾意呢     

芫茜皮蛋 / 沙爹湯底 - 最鍾意鴛鴦湯底 

( 13-NOV-2009  FRI )

星期五喇   食豐富啲啦   好耐無食吉列魚柳   不過我其實係想食他他醬多啲 ~

番到菇場勁開心   因為聽日 Off 嘛   真係好羨慕啲人只係番 5 日工呢 ~

晏晝同 8 掛同事去海皇粥店食 Lunch   諗住今日唔會曬同唔會出街   所以無搽防曬   點知又要出街又要曬到呢 ~

今晚會凍   所以打邊爐   估唔到里奧大人都想出街打邊爐   我話屋企打就得啦   食得又唔多   食唔哂又可以留番喎   唔識計數嘅   佢仲主動話去車站接我   再去街市買餸   難得難得   不過好在真係陪我買餸   唔係真係拎唔到呢   下次都係出街食好啲   因為洗嘢都幾煩 ~

榨菜肉丸蒸玉子豆腐 + 芥蘭 ( 12-NOV-2009 )

( 12-NOV-2009  THU )

今朝遲咗呀   所以去另一間食早餐   咁就唔駛見到老闆佢哋   食都食得舒服啲呀 ~

飲下水睇下嘢終於放飯   咁去媽咪屋企附近酒樓飲茶   飲完真係好想番媽咪屋企瞓覺   唔想番工呀   哈哈 ~

放工去街市買餸   途經菜檔   見到有個女人咬住條菜心   生㗎喎   好得人驚囉   咁都擺落口嘅    我以為佢有問題   原來係菜檔嘅人嚟   不過好恐怖囉   無啦啦拎條生嘅菜心出嚟咬 ~

是日懶餐 - 榨菜肉丸蒸玉子豆腐 + 芥蘭

榨菜肉丸蒸玉子豆腐 - 呢個餸係跟 卡卡  學整嘅   呢個餸超平呀   玉子豆腐 $1/條   買咗 2 條   即食榨菜 $ 1.5/包   豬肉 $12   不過覺得啲玉子豆腐同榨菜咁平就有啲驚   里奧大人話榨菜有啲怪味   講講下又覺   有啲驚   不過好在唔係臭囉   可能我哋食唔慣自家煮嘅榨菜啦 ~

芥蘭 - 里奧大人話啲菜好老又有渣   樣樣彈咁   麻煩到呢 ~   

尋晚整親個菠蘿蓋   所以隻腳好痛   一坐得耐就痛   佢終於識做啦   自動自覺話洗碗   不過呢  我要 Double Check 先得   唔係又洗少個煲㗎喇   點解可以咁論盡㗎   仲要駁咀話我無講

添   真係吖   自己唔識睇嘅咩   得人憎 ~

唔駛洗碗真係好嘆   但我間唔中都要提下里奧大人   我隻腳痛咁囉   如果唔係佢唔記得㗎   佢做做下功課突然記得我腳痛   出嚟幫我按摩   等咗好耐啦   不過比佢按完真係舒服好多呢   算佢啦 ~

焗叉燒 + 豉油皇炒飯 + 鯊魚骨姬松茸滋補湯 ( 11-NOV-2009 )

( 11-NOV-2009  WED )

今朝遲咗 5 分鐘出門口   見到巴士站打蛇餅   真係好驚又要塞車呀   好在車程都好順   唔係又要趕頭趕命食早餐都幾慘 ~

   
早餐食奶油多呀   好耐無食   但又唔覺特別好食喎 ~

番到菇場心情唔錯   焗杯圓肉杞子飲啦   飲咗一杯即胃痛   無哂心機呀 ~  
Lunch Time 買腸粉燒賣   其實買一樣都得   但又覺得好悶咁喎   幾經辛苦先食哂呀   因為腸粉真係幾滯咁 ~

前一晚醃定咗啲餸   今晚連街市都唔駛去   實在太開心喇 ~

 
是日晚餐 - 焗叉燒 + 豉油皇炒飯 + 鯊魚骨姬松茸滋補湯

焗叉燒 - 第 2 次整   但都係想要深色啲   好後悔無加到老抽醃呀   如果唔係應該會靚仔好多呢   同埋下次再整會買肥啲嘅梅頭肉或者柳梅   咁就應該更好味啲呢   靚肥叉   等我呀 ~  

豉油皇炒飯 - 蔥粒 + 薑粒 + 蛋 + 豉油炒   就咁已經好好味呢 ~   

鯊魚骨姬松茸滋補湯 - 呢個係湯包   所以叫里奧大人煲   我之前一日買定豬肉   粟米同紅蘿蔔   咁佢就唔駛煩啦   教佢煲嘅時候   佢話原來咁煩㗎   真係唔係你估呀   叫你煲南瓜粟米栗子仲煩呀   等你成日咁天真   以為煲湯將所有嘢掉哂落煲咁簡單吖嗱 ~

明新焗飯小廚 @ 大埔 ( 10-NOV-2009 )

啫啫雞煲 - 熱辣辣唔錯   啲雞走過油   脆卜卜好味   不過我覺得辣啲會更好 

涼瓜枝竹炆倉魚 - 拎上枱嚇瓜我啦   我最怕成條魚咁上㗎   仲要 "動" 到好似標本咁添   真係好得人驚   我第一個感覺已經好唔想食   但出街為咗食魚家嘛   所以一路同自己講無嘢嘅   食魚有益   先至可以無咁驚咁食咋   下次會叫佢哋將條魚瞓得先上枱會好啲囉

( 10-NOV-2009  TUE )

今朝有啲熱咁呀   11 月仲熱   但坐巴士又好鬼凍   真係慘 ~

   
早餐都唔敢食丁丁呀   食完熱辣辣好辛苦   雖然有冷氣   但都覺得熱囉 ~

整咗一陣嘢已經 11 點   咁都好   仲有個半鐘就 Lunch Time   可以抖下 ~

   
買車仔麵番菇場食   雖然平   但其實份量唔多   唔係咁飽   但又唔想叫得太多餸喎   眼闊肚窄浪費食物呀 ~

終於等到放工   無啦啦好攰   又勁想食魚   所以同里奧大人出街食喇 ~

其實一路行都諗住不如自己買條魚番嚟仲好啦   不過我又唔識揀   仍都知道整完條魚之後   我會完全唔食   所以都係出街食好啲 ~

今晚買咗個好巨嘅蕃鬼荔枝呀   $10/磅   呢個 $24   足足兩磅幾   第一次見咁大個咋   所以即買呢   希望甜啦 ~

蝦醬蒸豬肉 + 菜心 + 豬腳薑醋 (外賣) ( 9-NOV-2009 )

( 9-NOV-2009  MON )

尋晚食飯食得好開心   興奮過頭瞓唔着呀   今日仲星期一添   好在又唔係話好眼瞓   不過精神就唔多集中咁囉 ~  

去麥當勞食早餐真係幾 Relax   不過我都唔會話好 Hea 咁食   因為唔想太遲番菇場呢 ~

番到菇場無耐就同 Partner 過隔離執嘢   整咗個幾鐘   熱到呢   之前凍嘅時候又唔執   掛住中眼瞓   依家熱番少少就嚟執   真係吖 ~

  
今日 Lunch Time 非常之開心啦   因為里奧大人要見工   所以見完就同我去 Pizza Hut 食 Lunch 呀   估唔到無乜人   唔錯唔錯呢 ~  

雞蓉忌廉湯 / 雜菜湯 / 蒜蓉包 / 香蒜肉絲意粉 / 豬扒蕃茄湯天使麵 / 凍檸檬茶

番到菇場嚟料啦   有啲攰   可能朝早體力勞動比較大   又出咗去食 Lunch ~

放工即走   好在諗定好食乜唔駛煩呀 ~

 
是日懶餐 - 蝦醬蒸豬肉 + 菜心 + 豬腳薑醋 (外賣)

蝦醬蒸豬肉 - 好耐無食   同埋真係最緊要可以做 Lunch Box 囉   見里奧大人食到 Jep Jep 聲    我覺得好開心呀   因為代表佢鍾意食   如果唔係佢會對住碗飯係咁撩係咁撩囉 ~

  
菜心 - 又大條又甜   唔買唔得呀 ~

     
豬腳薑醋 (外賣) - 百佳買㗎   但今次無咁深色   不過一樣咁好味喎 ~

  
整完哂所有嘢又同里奧大人落街散步   佢話想食甜嘢   所以買咗啲糕點番屋企食   無啦啦想食甜嘢   咁應該係啲餸比較鹹   因為平時佢好少會咁呢 ~

忠誠茶座 @ 大埔 ( 8-NOV-2009 )

蝦醬鮮魷炒通菜 - 居然無馬拉盞通菜   所以試下呢碟囉   味道唔錯噃

鹹魚泰式炒飯 (走豬肉) - 我無食到  睇個樣都 OK

咖哩角 - 個汁好好味   

咖哩炒蟹 - 我只係食咗啲汁   好味呀  不過如果辣啲仲正

辣椒膏炒青口 - 個汁又係好好味

炸蝦餅 - 最鍾意食炸蝦餅   不過如果我得同里奧大人就唔會叫   因為覺得食完都飽咁囉  

煎薄餅 - 都唔錯   唔係好油 

烤薄餅 - 見到隔離食   再問影子要唔要   佢話要   咁就即叫啦  呵呵 

石榴子冰 - 我飲咗兩啖   不過印象中都幾濃椰汁味   

( 8-NOV-2009 sun )

今朝喺教會附近食早餐呀   咁都好方便 ~   

崇拜完畢就去附近買靈修書同禮物比朋友   咁就用咗一個鐘時間 lu    之後番到屋企已經兩點    但唔餓   三點先去食 Tea ~

今日好熱呀   所以喺屋企唔想郁   只想睇下雜誌睇下電視   原來好舒服㗎   第時都係星期一至六做哂所有家務   留番星期日盡情抖抖呢 ~

今晚好開心   因為會同 流浪影子 & 小寶一齊食晚飯   呢次見面只係用留言方式相約   無通過電話   唔知對方嘅樣貌   所以里奧大人都替我擔心   驚我比人放飛機呀   哈哈 ~

早啲去到相約地點   咁唔駛咁趕   其實我好緊張㗎   因為去咗好多次洗手間   嚇到里奧大人以為我有病呀 ~

終於等到啦   相認嘅感覺真係好特別呀   好興奮好緊張又好似好親切感呀 ~

實在愧對影子   因為我唔知大埔有乜好食   只係覺得大尾督嘅忠誠茶座泰國菜算係有水準   見得下人   所以一齊坐小巴入去食嘢喇 ~

呢次飯局好開心呀   一路傾一路食   雖然唔知影子係咪都習慣咁樣   但都唔理喇   要珍惜每分每秒   因為好難得見面嘛 ~

話咁快就十點幾 lu   所以埋單走人   因為里奧大人聽朝要見工呀   如果唔係可以夜啲呢 ~

呢次一聚   唔知幾時又可以見呢   道別嘅時候都係有啲傷感唔捨得添 ~

 
今次又有手信 我最愛食嘅榴槤特產   里奧大人番屋到屋企睇啲手信   發覺係全部都係榴槤   話影子好有心呀   駛乜講   似你就慘啦   無心肝 ~

元綠壽司 @ 大埔 ( 7-NOV-2009 )

鮮帶子壽司 / 鱆紅魚壽司 / 石恆貝壽司 / 蟹籽沙律腐皮壽司 / 甘蝦壽司 / 三文魚壽司 / 素魚翅海蜇壽司 / 螺肉壽司 / 蟹籽壽司 / 醬燒三文魚腩

( 7-NOV-2009  SAT )

今朝無約媽咪食早餐啦   媽咪唔舒服   我驚惹到我呀   同埋又想比佢多啲休息咁啦 ~

唔好講笑   雖然番半日   但根本人在心不在   就算上網都無乜心機咁囉 ~

  
好在放工趕到搭車   唔係又要等多十五分鐘喇   其實仲未話好餓   不過又唔想話太晏先食喎   所以又食開胃啲嘅酸辣米線喇 ~

今晚同埋家姐一齊去元綠壽司   因為有 Coupon   食滿 $200 平 $100   所以叫埋家姐一齊食   我哋 3 個人原本要 $250   依家 $150 埋單真係好抵呀 ~

途經栗子檔   又忍唔住又買一磅嚟食   Share 食真係好開心呢 ~

番到屋企又食下雪糕   其實我鍾意人哋同我食飯   要食到有好飽嘅感覺   咁我就會好開心咁囉  ~

譚仔 (三哥) 雲南米線 @ 大埔 ( 4-NOV-2009 )

( 4-NOV-2009  WED )

今朝有太陽又有凍凍哋   呢啲天氣最舒服   我好鍾意㗎 ~

病開真係有條路   一唔夠瞓好易就嚟料呀   好在飲番杯美占熱檸檬舒服好多呢 ~ 

Lunch 穩陣啲食腐竹白果粥 + 叉燒包   個粥好有腐竹味呀   希望自己都可以煲到咁好味啦 ~

越坐越凍   又無 Panadol   非常之唔老嚟呀   好在差唔多放工   唔係都幾難捱 ~

  
都話唔老嚟啦   坐巴士上層最後   我又唔想坐地盤佬隔離喎   但坐最後嗰排又吊腳   出風位又喺腳度喎   凍到呢   最後都係坐番喺地盤佬隔離   無計 ~

  
今晚仍都係唔煮飯   唔舒服煮飯   煮出嚟連自己都覺得唔好食㗎   無謂浪費食物   所以同里奧大人去譚仔食米線   凍凍哋食麻辣真係好暖胃暖身呢 ~

  
今次又係食過橋米線   因為兩碗米線太多   一碗又唔夠食   叫過橋米線就份量啱啱好   去親譚仔都係食嗰啲影嗰啲   里奧大人衰衰咁喺度笑   話影嚟影去都係嗰啲   叫我 Copy & Paste 咪得囉   但我覺得雖然食嘅嘢係一樣   但心情唔同家嘛   所以覺得張相都唔同啲咁㗎   佢又唔明喎   真係吖 ~

稻香超級漁港 @ 大埔 ( 3-NOV-2009 )

豬骨鍋湯底 - 1 蚊雞抵啦   之前食過一次好多豬骨   今次得兩個豬骨筒   同埋覺得個湯底唔夠濃

墨魚滑 - 好滑㗎   所以次次都叫呢

珊瑚蚌 -  好爽呀   不過我鍾意食炒貴妃蚌多啲  

珍珠蚌 - 第 1 次叫嚟食   又係好爽

美國肥牛 - 雪到飛起哂   但食落唔錯喎   無想像中咁肥 

油麥菜 - 食菜真係好唔抵   但唔食又唔得   呢籃菜 $18   不過估唔到份量都唔少

涼拌海蜇 - 麻麻哋啦   期望太大喇   定係因為無點白醋呢   依家都係覺得海蜇頭好味啲   

忌廉 - $10/3 支   兩個人飲就真係唔夠囉   但叫 6 支又好似好唔健康咁   我飲咗一啖已經無咗半支   但飲一罐又覺得有排飲咁㗎噃   不過支裝真係好飲啲

杏仁糊 (免費) - 都 OK 啦   有杏仁味又唔太甜   食完濃味嘢食番啲甜品會好好多呢 

芝麻糊 (免費) - 里奧大人食㗎   都 OK 啦   唔係太甜就得㗎喇

Open Kitchen - 一覺得啲嘢食咁耐未到就望一望   無就即追 Waiter   唔錯㗎 

( 3-NOV-2009  TUE )

今朝凍咗好多好多呀   真係要着厚啲嘅外套先得呢   仲諗住脂肪可以禦寒唔駛着外套   但原來係唔得嘅   等我仲儲咁多添 ~

  
早餐想食吞拿魚治烘底   點知佢哋整錯咗餐蛋治烘底喎   好在有杯凍檸茶   咁就無咁漏呢 ~

番到菇場超忙呀   忙到抖唔到氣 ~  
晏晝其實無胃口   但又想食熱嘢暖胃   所以又食咖哩烏冬   唔想食要食   真係好難食 ~

仲諗住晏晝無咁忙   點知無啦啦仲要有 Urgent 嘢喎   但我 Partner 居然瞓着咗   都唔明點解可以瞓得着   除非我好唔舒服   如果唔係開工時間瞓覺好有壓力嘛   同埋覺得好邪   唔瞓就無人搵   一瞓就好多人搵妳咁囉 ~

 
終於放工啦   今晚都係要抖抖   唔會煮飯呢 ~

    
里奧大人話難得天氣咁凍   不如打邊爐喎   絕對好添啦   我正想食濃味嘢 ~

  
等食期間   望到對面枱一家大細打邊爐   佢哋成家居然生食黃金脆竹卷   好大條嗰啲腐竹卷喎   食到卜卜聲   嚇得我吖   之後又再淥一淥再食 ~

今次簽 DBS 卡有糖水送   所以揀咗杏仁糊同芝麻糊   無期望真係有啲驚喜 ~

食完同里奧大人行半個鐘先番屋企呀   因為真係好飽呢 ~