三色椒炒秀珍菇 + 蝦仁炒飯 ( 16-NOV-2009 )

( 16-NOV-2009  FRI )

一覺瞓到今朝 7 點 15 分醒咗   好難得呀   都費事懶床   即刻起身郁下   煲下水就已經用咗 10 分鐘   都唔敢再搞屋企嘢   唔係一陣做開有條路過哂鐘就煩 lu ~

今朝去食麵   飲咗杯咖啡   唔得熱囉   同埋可能太多奶   搞到個胃唔舒服   乜心機都無哂呀 ~

菇場氣氛一如以往咁平靜   好在我都有啲忙   唔係又要等收工咁   等嘅感覺真係好慘呀 ~

早餐太飽   所以 Lunch Time 行陣先去買嘢食   今次又係買大包   個包壓到扁哂   感覺好大個咁   我唔鍾意咁   因為未食已經令人有好飽嘅感覺咁囉 ~

依家飲緊啲中藥   希望每月一到無咁辛苦   今晚飲八珍茶   太耐無飲中藥   覺得特別苦呀 ~

是日晚餐 - 三色椒炒秀珍菇 + 蝦仁炒飯

三色椒炒秀珍菇 - 唔想浸菜 + 好想食椒   所以就整喇   用蒜頭豆豉炒好好味   我靜靜雞加咗一隻指天椒   無同里奧大人講   佢無啦啦話好辣   嚇得我吖   我已經特登唔同佢講家嘛   唔係佢會詐詐諦諦話辣唔食   但我覺得一啲辣味都無呀   點搞呀   咁都話辣 ~ 

蝦仁炒飯 - 我覺得整得好靚仔喎   啲飯一粒粒   蝦又切得靚   加埋啲脆蒜一齊炒就更香   真係好好食呢 ~

今晚好攰呀   所以無出街行   里奧大人知我好攰   所以 "北" 杯雪糕比我食   但唔知點解   呢兩晚食完雪糕都肚屙   唔通真係對啲奶類有敏感   不過我會食多次   如果真係再肚屙就唔食喇   因為真係好辛苦   同埋可能坐長途車關係   好怕肚屙嘅感覺囉 ~