榨菜肉丸蒸玉子豆腐 + 芥蘭 ( 12-NOV-2009 )

( 12-NOV-2009  THU )

今朝遲咗呀   所以去另一間食早餐   咁就唔駛見到老闆佢哋   食都食得舒服啲呀 ~

飲下水睇下嘢終於放飯   咁去媽咪屋企附近酒樓飲茶   飲完真係好想番媽咪屋企瞓覺   唔想番工呀   哈哈 ~

放工去街市買餸   途經菜檔   見到有個女人咬住條菜心   生㗎喎   好得人驚囉   咁都擺落口嘅    我以為佢有問題   原來係菜檔嘅人嚟   不過好恐怖囉   無啦啦拎條生嘅菜心出嚟咬 ~

是日懶餐 - 榨菜肉丸蒸玉子豆腐 + 芥蘭

榨菜肉丸蒸玉子豆腐 - 呢個餸係跟 卡卡  學整嘅   呢個餸超平呀   玉子豆腐 $1/條   買咗 2 條   即食榨菜 $ 1.5/包   豬肉 $12   不過覺得啲玉子豆腐同榨菜咁平就有啲驚   里奧大人話榨菜有啲怪味   講講下又覺   有啲驚   不過好在唔係臭囉   可能我哋食唔慣自家煮嘅榨菜啦 ~

芥蘭 - 里奧大人話啲菜好老又有渣   樣樣彈咁   麻煩到呢 ~   

尋晚整親個菠蘿蓋   所以隻腳好痛   一坐得耐就痛   佢終於識做啦   自動自覺話洗碗   不過呢  我要 Double Check 先得   唔係又洗少個煲㗎喇   點解可以咁論盡㗎   仲要駁咀話我無講

添   真係吖   自己唔識睇嘅咩   得人憎 ~

唔駛洗碗真係好嘆   但我間唔中都要提下里奧大人   我隻腳痛咁囉   如果唔係佢唔記得㗎   佢做做下功課突然記得我腳痛   出嚟幫我按摩   等咗好耐啦   不過比佢按完真係舒服好多呢   算佢啦 ~