敍苑粉麵茶餐廳 @ 九龍灣 ( 30-APR-2012 )

( 30-APR-2012  MON )

放咗 2 日假   番埋今日   聽日又放假   真係好爽   但之後要等到 6 月尾先有假呢 ~

早餐食芝士豬柳漢堡包   好耐無飲拉茶   個胃好似有啲唔舒服咁 ~

菇場靜呀   耳鳴又出現了 ~  

好開心終於 Lunch Time 喇   咁都好   時間過得快啲   可以快啲放工 ~

放工去尖沙咀睇中醫   Book 咗 6 點半   差唔多 7 點半先有得睇   醫師話我脾胃太虛喎   所以吸收唔到而貧血喎   吸收唔到都咁肥 ~

8 點鐘就搞掂走人   估唔到今晚里奧大人 7 點幾就喺 Office 等我 Call 就即放工   平時我喺屋企又唔見佢 7 點幾可以放工   係咪咁邪呀 ~ 

同佢喺九龍塘地鐵站一齊番屋企   佢話餓到暈喎   所以同佢去食粉麵算喇 ~

腐皮鮮蝦卷 + 腐皮墨魚卷 ( 29-APR-2012 )

( 29-APR-2012  SUN )

今朝 10 點自然醒   梳洗就去大家樂食早餐   食完番屋企抖陣就番教會 lu ~

崇拜完畢就番屋企   Hea 到 2 點幾就去食 Tea   星期日通常就係咁過㗎喇 ~

里奧大人做公司嘢   我就睇雜誌   之後抹廚房   最鍾意乾乾淨淨 ~  

6 點 15 分開始預備   7 點有得食   因為就咁焗熱就食得呢   超爽呀 ~  

是日懶餐 - 腐皮鮮蝦卷 + 腐皮墨魚卷

腐皮鮮蝦卷 + 腐皮墨魚卷 - 尋日喺深水埗嘅牛丸哥哥度買   $40/磅   所以每款買半磅   蘸泰式辣雞醬   不過呢兩款卷都應該有唔少味精   因為食咗第 2 件   里奧大人就話要飲嘢呢 ~

今晚食榴槤   見里奧大人做完哂嘢   又沖好涼   咁我就叫佢坐梳化睇戲啦   之後我拎盒榴槤比佢食   佢話妳咁好嘅   好好招呼咁   黐線咩   平時都係咁㗎啦   不過平時啲語氣就粗咗少少咁之嘛   鬼咩   放工攰嘛 ~  

麥當勞 @ 九龍灣 ( 28-APR-2012 )

( 28-APR-2012  SAT )

又假期喇   真開心   今朝瞓到 10 點就起身 lu   一齊去 Delifrance 食早餐 ~

加 $8 有呢個羅宋湯長通粉   好在都好味   唔係會鬧爆里奧大人   因為我比咗 $60 Cash Coupon 佢買早餐   佢話兩份早餐就 $53.x   所以加多 $8 長通粉就唔駛找   真係呢   錢來㗎   同埋好在食得哂   唔係嘥錢之餘又浪費食物 ~

食完就去百佳買生果   之前里奧大人話想食榴槤   所以就買個番屋企喇   行下見到檸檬茶又平   又幫家姐買 2 Pack   自己又買 Pack   又買多 2 盒蛋糕   之後里奧大人問有無帶環保袋   我話無   佢話又話入嚟買生果   買下買下又咁鬼多   同埋次次無諗住買嘢就反而買好多嘢   邪呀 ~

番屋企 Hea 陣再沖涼   今日出深水埗   因為想食維記豬潤麵呀 ~

差唔多 2 點半就去到深水埗   去完睇 I-pad 就去維記   我哋知道地址   但唔知點去   咁啱里奧大人傾電話   我企喺度等佢   點知比我一望就就到維記   好感恩呀 ~  

開始有啲餓   但見到維記又多人排   所以去周記食咗油渣麵先   之後再食豬潤麵   不過食完都飽   所以周圍行下 ~

油渣麵 - 油渣都唔香嘅   但麵嘅口感又幾好噃

辣菜甫 - 好鹹   唔香又唔辣

生炸韭菜餃 / 北京水餃 - 呢個最有驚喜   估唔到隻隻都脹卜卜   同埋新鮮炸真係好好味   同埋餡料都好多   唔係淨係肥豬肉   醬汁少少甜少少酸   蘸埋一齊食好好味囉

行下睇下   之後里奧大人又講電話   我又喺附近周圍行   比我見到公和豆腐   所以等里奧大人傾完就帶佢食喇 ~

凍豆漿 / 凍豆腐花 / 雙拚煎釀 - 豆漿夠凍   都有豆味   不過都幾甜   而里奧大人就話豆腐花唔滑   但我無試

釀豆卜 - 口感唔似食開嘅炸豆卜   不過無咩豆味

釀豆腐 - 豆腐好滑   不過好多油   好驚啦   

食完就更加飽   再兜過大運就去買 New I-pad 比姑奶   佢想買多部比我   講咗幾次   但我真係唔想要   番工成日對住電腦   對眼真係好攰   同埋手機又可以上網   番屋企又有大屏幕睇嘢   最大問題係好重   我個袋已經夠重啦   我坐車時間又短   幾個站   都唔知睇得啲咩   所以真係唔想要囉 ~

買完再去牛丸哥哥買腐皮卷就走人   開始想落雨喇   同里奧大人坐小巴番屋企   10 分鐘左右到喇   $ 9 抵玩啦   其實有巴士嘅   不過應該有排兜   都係咪搞 ~

好攰呀   番到屋企佢整 I-pad   我就睇電視   食下糕點   總之超勁唔想郁啦 ~  

8 點開餐   其實仲未餓   但里奧大人話其實已經餓暈喎   咁拿拿聲出去食   諗住去板長   但要等 30 張枱   唔等啦   轉食意粉又無位   最後去麥當勞   因為最緊要快呀 ~

住家飯 @ 媽咪屋企 ( 27-APR-2012 )

煎立魚

酸梅麵豉蒸排骨

炒通菜

辣魚蛋 $18 (外賣)  / 牛什 $25 (外賣)

豆腐梭羅魚湯

泰國金枕頭

紅豆糕 x 4 / 綠豆糕 x 2 / 芝麻糕 x 4 / 桂花糕 x 4 / 砵仔糕 / 眉豆 / 花生茶粿

( 27-APR-2012  FRI )

聽日又紅假   所以今日番工都番得特別開心呢 ~

早餐食奶醬多   唔知食咩好呀 ~  

Lunch 又食叮意啦   拿拿聲食埋佢 ~  

今晚家姐同姐夫都去媽咪屋企食飯   所以我放工去官塘買糕點   再去媽咪屋企   不過無話比媽咪聽   因為我都係諗住坐下   同埋買啲小食上去食   Hea 到 8 點就番屋企咁呢 ~

我一入屋   媽咪見到我個人又驚又喜   好搞笑   之後又拎湯我飲   其實我真係唔想飲   因為尋晚啲湯仲未飲嘛 ~

食下傾下又到 8 點   我又跟家姐車一齊走 lu   番到屋企又抹下櫃   洗一機衫   之後 Hea 喇 ~

里奧大人就差唔多 9 點放工   本來我諗住煮麵一齊食   不過我真係食唔落   就咁飲湯   但就淥水餃薯仔麵比里奧大人食就算喇   佢又無啦啦買咗個 Pizza Pie 比我食   不過我話好飽   食咗少少咋 ~

住家飯 @ 媽咪屋企 ( 26-APR-2012 )

鹹酸菜炒鮮魷

蒸立魚

白切雞

炒韭菜花

清補涼唐排湯

芒果

( 26-APR-2012  THU )

終於似番個人喇   好開心 ~

早餐想食甜包   試下咖央脆脆豬   甜到呢   難食到頂點   我食咗半份   真係食唔落   越食越反胃   咪搞 ~

菇場靜啦   Hea 下 Hea 下咁過   到 Lunch Time 就食番尋晚食剩嘅廈門炒米 ~  

放工番屋企拎廁紙   之後家姐再車我去媽咪屋企一齊食飯喇   家姐放假   所以可以早啲食飯 ~

今晚 8 點鐘就走喇   因為家姐要去我屋企拎廁紙去佢屋企   好在工人幫手拎   唔係我又要分兩轉 ~  

里奧大人今晚 8 點就放工   難得咁早呀   佢買 KFC 番嚟食   食得幾咁滋味   又係嘅   香口嘢嘛   好在佢都鍾意食香口嘢   唔係我就慘 lu   無人陪我食 ~

肉絲炒麵 + 節瓜鹹蛋肉片湯 ( 22-APR-2012 ) + ( 23-APR-2012 ) + ( 24-APR-2012 ) + ( 25-APR-2012 )

( 22-APR-2012  SUN )

今朝居然 11 點15 分先醒   番唔到教會喇   我問里奧大人點解唔校鬧鐘   佢話平時多數瞓到 10 點幾就自然醒   所以無校鬧鐘   估唔到會瞓到咁晏 ~

咁晏都無早餐食   所以我煮麵喇   好耐無煮   間唔中喺屋企煮早餐真係唔錯   感覺唔駛咁趕   食幾耐都得 ~

洗完碗又做下家務啦   反正里奧大人做公司嘢   我做完就 Hea 下喇   每月一到呀   所以都唔比自己咁攰喇 ~

里奧大人個肚有啲唔舒服   所以去大快活食 Tea   本來佢話陪我買餸   好似好耐無陪我咁喎   不過我話唔好喇   一陣肚痛仲煩   叫佢快快番屋企呢 ~

差唔多 6 點佢就去跑步   我就預備晚餐喇 ~

是日懶餐 - 肉絲炒麵 + 節瓜鹹蛋肉片湯

肉絲炒麵 - 今次醒喇   買一個麵餅算喇   $3.5 一個麵餅真係幾抵食   再加埋滾湯嘅肉片嚟炒   咁就有碟肉絲炒麵   平靚正又方便   最緊要唔好浪費嘛 ~ 

節瓜鹹蛋肉片湯 - 我覺得自己真係好耐無滾湯咁呀   里奧大人又成日咁夜番   都唔會飲湯嘅   我都懶得滾   好在媽咪屋企有煲湯   唔係真係好 Dry 都似   我覺得湯水好緊要   因為我做女時晚晚有湯水飲   結婚初期就唔識滾湯煲湯   又懶去媽咪屋企飲湯   所以係完全無湯水   楂 Lift 阿姐話我塊臉好黃好乾呀   嚇得我即刻請問糟糟點滾湯   好記得一生人第一個滾湯就係節瓜鹹蛋肉片湯   因為夠簡單 ~

( 23-APR-2012  MON )

早餐諗住食奶醬脆脆豬呢啲甜包   點知居然無   所以轉食腿蛋治 ~

菇場又靜到耳嗚   又超眼瞓   好彩朝早啲時間過得快啲   唔係真係幾難頂 ~

Lunch 又食叮意   今次買咗日清嘅拿破崙蕃茄意粉   超難食呀   我仲買咗 3 盒   有排捱喇 ~

個肚唔多舒服   不過比平時好好多   不過就有啲怪怪哋咁   所以放工即睇醫生   好彩無嘢 ~

無胃口呀   瞓咗陣就食個芒果算喇   里奧大人差唔多 11 點先番到屋企   同佢傾陣計就瞓覺 lu ~

( 24-APR-2012  TUE ) 

無啦啦差唔多 7 點先肚痛   所以最後都無番工   喺屋企休息 ~

瞓到 4 點幾打去診所問有無得補假紙   有就去拎   無就 A/L 算   真係好感恩有得拎呀 ~  

都無無胃口食嘢啦   里奧大人 10 點半仲見緊客   所以我就入房瞓先喇 ~  

( 25-APR-2012  WED )

個肚都有少少痛   不過都 OK   但一番到菇場就扯住扯住痛又嘔   真係好難頂   9 點半食粒超勁止痛藥   家姐話呢粒藥好勁   食完可以跳舞   不過就應該勁傷胃啦   一定要食 2 粒胃藥   我又無食到嘢   所以其實真係驚胃痛   不過唔理喇   食 2 粒胃藥算數   但 10 點半仲痛喎   所以頂到 11 點 15 分就請假番屋企喇 ~

睇完醫生就番屋企沖涼瞓覺   1 點半醒咗   一啲都唔痛呀   咁即係要 3 個鐘頭先有料到   下次早啲食先   咁就應該可以番工喇 ~

又煲碟   又頭暈暈   應該餓啦   所以即叫外賣廈門粉米   估唔到 4 點 50 分叫外賣   都要 5 點 20 分先送到 ~

食咗少少咋   仲有大半盒可以留番聽日做 Lunch Box ~

食完又煲碟   今晚好好喇   里奧大人 9 點放工   所以叫佢買碟菜比我食   食啲熱嘢舒服好多呢 ~

泰北美食 @ 九龍城 ( 21-APR-2012 )

牛肉泰式冬蔭功湯河粉 (加辣) ($ 40 淨湯粉) - 人哋明明叫牛丸嘛   佢比錯牛肉   不過里奧大人話唔換喎   當試新嘢   我覺得個湯辣喎   但里奧大人話唔辣   要加辣椒粉   好堅呀

馬拉盞炒通菜 ($42) - 好濃味   我鍾意   再仔細望望啲馬拉盞醬汁   有好多蝦米仔   超級恐怖   雖然我知用蝦米仔整嘅  

拚盤 (炸蝦餅 / 扎肉 / 蝦片 / 雞卷) ($89) - 之前好似 $7x 咋   同埋係豬頸肉唔係蝦片  不過我都無咩所謂   因為啲蝦片超好味呢   但覺得豬頸肉應該貴過蝦片   反而價錢就加咗   唔係咁合理囉     

泰式青檸梳打 ($15) - 無青檸味嘅

( 21-APR-2012  SAT )

終於每月一次嘅 Off 喇   超勁開心 ~  

同里奧大人差唔多 10 點半先起身   所以梳洗之後就落去大快活食早餐   諗住食完早餐去超市買廁紙   咁問家姐買唔買   估唔到佢都要買   所以就約埋一齊去超市買嘢喇 ~

好感恩可以買到廁紙呀   因為咁平唔係成日有嘛   好在今日我 Off   唔係等我放工先買就實無 lu ~  

本來諗住走   不過又想行下買下   所以叫里奧大人番屋企先   我同家姐可以慢慢行   慢慢計數   買下買下都滿咗 3 架車   本來諗住送貨   但又唔想等   所以叫埋里奧大人落嚟幫手拎喇   我負責看車   佢哋每人分兩轉嚟拎   管理員問啲廁紙係咪好平   仲駛問嘅   唔平都唔買咁多啦   不過我哋又買埋比媽咪   其實都唔係好多囉 ~

家姐上我屋企坐   食下零食傾下偈   我哋差唔多 2 點半就出發去德福嘅 Delifrance 食 Tea 喇 ~

阿表喺馬來西亞買比我嘅   話越食越辣   叫我同家姐一齊食   終於等到家姐嚟食   真係越食越辣

食完就各自歸家   平時我 Off 都可能會諗煮咩   唔知點解今日居然無諗   係一心一意諗住出去食喎 ~

我煲碟   里奧大人就做公司嘢   差唔多 6 點就搭車出九龍城食泰菜喇 ~

又係去泰北美食   好感恩裝修咗呀   坐得舒服啲嘛   同埋居然開冷氣   所以真係份外感恩呢   好記得之前食果次係無咩冷氣咁   熱到暈呀 ~

食完行一陣就搭車番屋企 lu   里奧大人都唔做公司嘢   睇之前錄咗嘅電視劇   咁先係嘛   日日咁做個腦都實哂   適當時候真係要等佢休息下呢 ~  

煎立魚 + 黑蒜油出前一丁 ( 20-APR-2012 )

( 20-APR-2012  FRI )

終於感受到星期六 Off 嘅振奮喇   早餐又食腿蛋治   正呀 ~

午餐又食叮叮   落雨懶得出街呀 ~

放工唔駛買餸   去商場行下   番屋企就開機洗衫再拖地   之後就預備晚餐喇 ~

是日懶餐 - 煎立魚 + 黑蒜油出前一丁

煎立魚 - 媽咪尋晚比我㗎   叫我煎香之後點沙律醬   真係好奇怪   媽咪煮嘅一啲都唔腥   但我覺得自己整得好腥   同一條魚嚟㗎噃 ~

黑蒜油出前一丁 - 懶得煮飯嘛   所以又煮丁   呢隻味都唔錯 ~

里奧大人差唔多 9 點先喺大陸放工   番到嚟都 10 點幾 lu   又係煮丁比佢   聽得出佢好開心   不過又係嘅   咁夜食真係唔想食飯   我自己都係咁呢 ~

住家飯 @ 媽咪屋企 ( 19-APR-2012 )

蒸鯧魚 & 立魚

鹹酸菜炒肉片

滷水乳鴿 (外賣)

炒油麥菜

蓮藕唐排湯

泰國榴槤 (青尼)

( 19-APR-2012  THU )

依家里奧大人朝早上大陸   咁我就多數遲啲先起身   因為佢 7 點就起身   而我平時 7 點 25 分起身   但因為我好醒瞓   可能 7 點醒一醒要 7 點 15 分先瞓得番   但瞓得 10 分鐘又醒   個人仲攰   所以我多數 7 點 50 分先起身 ~

咁一開房門見到里奧大人坐喺梳化度瞓   嚇得我吖   無啦啦有個人嘛   之後即刻問佢係咪唔舒服   佢話香港太多嘢搞   所以都係唔番大陸   但着好哂衫就費事上床瞓   驚整皺件裇衫喎 ~ 

今朝得 15 分鐘食早餐   所以食奶醬脆脆豬   其實呢間脆脆豬唔掂   不過想飲拉茶   同埋唔想食蛋先嚟囉 ~

菇場靜 lu   8 卦直頭話真係靜到瞓着咗添呀 ~

終於到 Lunch Time 喇   今日又買叮叮   鳳爪排骨飯   超多飯喇   下次都係唔買喇 ~ 

靜呀靜呀   又終於等到放工喇   今晚番媽咪屋企食飯   不過家姐開 OT 就唔番黎食 lu ~

坐到 8 點半就走   番到屋企即沖涼   之後熨衫   差唔多 9 點半就搞掂   里奧大人就啱啱番到屋企   佢食麥當勞餐   又係食唔哂薯條   又要我食   不過香口嘢都可以幫口食   飯同麵就咪搞喇 ~

馬拉盞雞絲炒飯 + 素翅粟米蛋花湯 ( 18-APR-2012 )

( 18-APR-2012  WED )

星期三喇   又涼咗咁噃   雖然天陰陰   好在無落雨 ~ 

早餐食奶醬多 + 咖啡   齋齋哋都唔錯 ~

忙咗陣又等食飯 lu   家姐今日都係病假休息   所以陪我食 Lunch 喇   食完再去一田行陣 ~

沙律 / 麵豉湯 / 特級牛柳粒定食 / 吉列豬扒飯定食

我諗住買呢啲餅乾比里奧大人食   拎咗 3 款唔同味   咁知道里奧大人鍾意綠茶味   所以買多筒   因為都好抵嘛   $6.2/筒   之後家姐細細聲問我係咪拎住 3 筒唔好   所以買 4 筒   我話有咩唔好   之後我知咩事啦   以為好似拎住 3 支香咁呀   黐線咩   我覺得真係好抵買   所以買 4 筒囉   其實想買多啲   不過無帶環保袋咋 ~

我之前買過一包唔同味   脆卜卜超正   但其他味就未試過喇

食到好飽啦   做咗一陣嘢都好啲   但做完就嚟料啦   超眼瞓呀 ~  

尋晚食剩啲雞   咁當然唔好浪費啦   最正係唔駛買餸嘛 ~

里奧大人見客   所以今晚 7 點就番到嚟喇   同佢一齊食飯超開心呀 ~

是日懶餐 - 馬拉盞雞絲炒飯 + 素翅粟米蛋花湯

馬拉盞雞絲炒飯 - 用馬拉盞炒真係好惹味   依家我最愛嘅醬料就係馬拉盞喇 ~

素翅粟米蛋花湯 - 加啲素翅無咁悶   不過次次加咗素翅嘅粟米湯都好似好杰咁嘅 ~

茶香蒜花雞 (外賣) + 油麥菜 ( 17-APR-2012 )

( 17-APR-2012  TUE )

唔知係咪尋日頻頻樸樸   今日瞓醒都有啲攰 ~

今朝好彩啦   搭到 7 點 55 分班車   又可以大把時間嘆早餐呢 ~

10  點幾無啦啦好忙啦   最怕啲嘢番轉頭做   做到 Lunch Time 都未做完 ~  

Lunch 食 7-11 買嘅香蒜肉絲意粉   因為唔想落雨出街   買嘢食番菇場叮好過 ~

食完又要忙過啦   忙到 3 點幾終於搞掂 ~

諗住煮排骨   不過同阿表 MSN 講豬肉類   講到我唔想食   呢個話題仲令到我超反胃   所以決定唔買排骨喇 ~

放工去牛頭角買嘢   之後去美心買茶香蒜花雞   再去街市買菜   比我見到米奇老鼠   嚇到我行錯出口 ~  

番到屋企浸定米   之後就拖地   食完飯就熨衫同抹櫃   做完哂嘢都差唔多 9 點   咁啱里奧大人都差唔多番到屋企   咁開埋飯比佢   陪下佢食   洗埋碗就沖涼 lu ~

是日懶餐 - 茶香蒜花雞 (外賣) + 油麥菜

茶香蒜花雞 (外賣) - 美心買㗎   $54/隻都抵食   因為我分兩餐食嘛   食唔哂啲雞就用嚟聽晚炒飯 ~

油麥菜 - 唔知買咩菜好   求其買油麥菜算喇 ~ 

Riso Café @ 九龍灣 ( 16-APR-2012 )

莓子雜薈

法蘭克福香蜜腸

蘑菇粟米火腿腸蕃茄汁意大利粉

西班牙辣肉腸意式燴飯

( 16-APR-2012  MON )

今日星期一   加上好好瞓   真係好唔願意起身番工 ~

早餐食奶醬多 + 咖啡   好耐無食   覺得好好味   我次次食奶醬多或者奶油多就覺得好開心   因為以前同媽咪 家姐 朱仔食早餐   多數都食奶油多   同里奧大人食 Tea   佢又多數食奶醬多   所以會令我覺得食早餐無咁孤單咁呢 ~

好快手做完嘢   所以可以好 Hea 咁過喇 ~ 

今日家姐照腸同胃   所以我請半日假啦   佢 1-2pm 先照   咁姐夫又陪佢   所以我同媽咪飲完茶就探家姐喇   飲到 2 點 15 分家姐話照完   又話唔攰唔暈唔眼瞓   咁我都覺得佢好勁㗎   話哂麻醉全身喎   係咪先 ~  

羅漢齋粉包 / 荔芋鴨腳扎 / 山竹牛肉 / 燒肉燒鴨飯 / 糖不甩

其實家姐話要照腸時   又唔知姐夫請唔請到假   咁又話要全身麻醉   咁我自己都試過麻醉後個人會溫溫燉燉嘛   所以驚佢無人喺身邊   我咪請假囉   我呃佢話自己要覆診所以請假   唔係佢實唔比我嚟㗎 ~

同媽咪飲完茶都 3 點   之後家姐 Send SMS 問我係咪覆診   我話唔係   無理由 3 點覆診 3 點先走嘛   無計啦   唯有講真話佢聽囉 ~

咁我打比佢問路嘛   之後佢話原來打嘅唔係麻醉藥   係鎮定劑咋   佢話之前姐夫都照過腸   話打完支針就瞓着咗   咁我哋咪話係因為佢眼瞓囉   我話家姐自己要問醫生照腸情況家嘛   咩都唔知都有嘅   仲衰過我   雖然我未必記得   但都會問嘢 ~

去南記買咗兩碗鴛鴦河粉比佢哋食   之後姐夫無耐就走   我就陪家姐到 7 點   一齊挨喺床度傾偈   又睇下餐牌   好鬼貴啦   早餐要 $50-$70 呀   晚餐一個星洲炒米都要 $70   食水好深啦   可能知道好多人住私家醫院有得 Claim 啩   但都唔好咁離譜嘛 ~

走嘅時候又落雨   又黑媽媽   完全唔記得自己邊個方向嚟呀   最後都問咗個後生仔   佢話佢都係去 Sogo   佢教咗我點行   叫我跟住佢   不過我行得快過佢   因為佢同朋友一路行一路傾   差唔多到 Sogo   佢又行得快過我   佢向後望一望我   話我知 Sogo 喺前面   我覺得佢好好人呀 ~  

我真係超唔鍾意搭地鐵   所以堅持搭巴士  咁問家姐除咗 619   仲有咩車到九龍灣   佢話仲有架 671   咁好啦   等咗 20 分鐘   有架 619   有車就上啦   好在都有位企   之後 Send SMS 比家姐   話佢知我搭咗 619   但後面有架 601   不過睇唔到有無位   所以都係搭 619   之後家姐話 601 唔啱   都話 671 咯   用得都話 xx 咯   即係講過啦   好在無搭 601 咋   如果唔係我就會話家姐教錯 ~

我 8 點上車嘅時候   里奧大人又咁啱放工   所以去 Riso Café 等喇   其實呢間嘢食真係麻麻   但勝在近   又唔駛過馬路   我好鍾意食完行兩步就番屋企嘅感覺 ~

煎餃子．專門店 @ 九龍灣 ( 15-APR-2012 )

( 15-APR-2012  SUN )

同里奧大人一齊 10 點半起身   梳洗之後就食早餐喇   再番屋企沖涼就番教會 lu ~

番到屋企就睇下電視   差唔多 3 點先出去 Piago 食 Tea   順便去中旅社問資料   間間旅行社都有人排隊   唯獨係中旅同新華無人排   咁都好   唔駛等   問下又 Check 下都要好多時間   所以番到屋企都差唔多 5 點 lu ~

家姐今日入院 Body Check   咁啱工人又放假   所以叫我買嘢食比媽咪   陪下媽咪   因為平時佢星期日多數係咁   我又無乜所謂嘅   反正咁近 ~  

5 點半就出發買嘢食比媽咪   喺媽咪屋企坐到 7 點半就走 lu ~  

諗住同里奧大人食意粉   不過無位   所以食煎餃子喇   但呢間服務態度真係唔掂   我要韭菜餃   但就比錯芝士餃   我問佢呢碟咩嚟   佢居然夠膽話係韭菜餃   唔好意思都無聲   仲笑哂同另一個同事講話佢比錯   之後我都忍唔住話黐線 ~  

食完行陣再買埋 keyboard 就番屋企喇   咁就過咗一日 lu ~

魯一居利寶閣宴會廳 @ Mega Box + Häagen-Dazs (九龍灣) ( 14-APR-2012 )

馬來沙爹鍋 - 完全無味   仲衰過一包包果 d 汾爹湯底

跳出地獄鍋 - 聞落好似好辣   不過一樣無味

一人一鍋


美國安格斯牛肉 - 都有牛肉味   叫咗 3 碟呢個嘅份量   好離奇囉   我地分開 3 次叫   次次唔同份量   2 份 3 份 4 份咁叫嘛   但次次都係呢碟 size 囉   妳話幾求其呢 

 手打鯪魚球 - 口感完全唔掂  同埋無味嘅

魚皮餃 (左 ) /  韭菜豬肉餃 ( 右 ) - 全宇宙最難食嘅餃   非佢地莫屬   淥咗好耐 d 餡都係一pat 漿糊咁   咩黎架 @.@

秀珍菇 / 雞肶菇 / 豬紅 / 白蘿蔔 / 鯇魚片 - 無特別

芝士丸 / 龍蝦 / 牛丸 / 豬肉丸 - 無特別   係未解凍完就拎出黎嘅 

西洋菜 / 油麥菜 / 白菜仔 - 無特別

雞肶菇 / 腐竹 / 豬潤 / 芋絲 / 豆卜 / 魷魚 / 豬皮 - 無特別

炸魚皮 - 唔脆嘅

竹串海蝦 - 無特別

 黑豚肉片 - 以為送架   因為好肉酸   不過睇番原來應該係里奧大人叫嘅  

本地肥牛 - 一上枱嚇暈啦   肉酸到丫   幾驚以為係佢口中嘅安格斯牛肉呀   我話咁肉酸應該係送啦   原來又係里奧大人叫嘅

 細可口可樂 $15/3支

任添醬料 - 我地一 "不" 完就即拎走   感覺好似成間酒樓得一個醬料格咁

( 14-APR-2012  SAT )

今朝 8 點起身   再去樓下超市 Shopping 先番菇場附近食早餐   10 點番到菇場   爽到爆 ~

星期六好少有嘢做啦   所以都係 hea 住等放工   同埋唔係得我咁樣   Shipping 同事話船公司星期六都唔開   所以佢都話唔知番嚟做咩 ~

約咗家姐同里奧大人拜爸爸   所以放工即走喇   約里奧大人喺官塘地鐵站等   再約家姐喺鯉魚門廣場等   因為夜晚打邊爐   所以都係食完 Lunch 先拜爸爸   多啲時間消化下 ~

叉燒火腿炒蛋意 (黑椒汁) / 蟹籽雲吞河 / 豬軟骨米線

食到差唔多 3 點   之後搭 14S 上去   逗留咗好似 20 分鐘左右就走 lu   再搭巴士番屋企   番到屋企都 4 點   去麥記買咗杯凍焦糖鮮奶咖啡番屋企 Share 飲   正呀 ~

家姐 5 點 40 分就去買嘢比媽咪食   再喺媽咪屋企樓下坐的士 Join 埋我哋一齊去 Mega Box 喇  ~

我之前同 8 卦一齊團購咗魯一居打邊爐 ($98/位)   安格斯牛肉任食   好似好抵咁   所以訂埋家姐個位呢 ~

6 點 40 分去到   都 Full 咗大半個場   個 Waiter 一路帶我哋入去一路話要快啲 Order 湯底   講嘢又快   都黐鬼線   講到好似好多人嚟食   趕住比枱人咁 ~

 之後排隊拎嘢食   食物一啲都唔吸引   牛柏葉有啲黑色咁   大佬   第 1 輛咋噃   好恐怖啫   啲人夾完 1 轉   都好少翻兜 ~   

一人一鍋   我覺得都幾好   夠衛生   同埋可以試 3 個唔同款湯底   不過我同里奧大人一樣湯底   家姐就另一款   不過大家一樣出哂事   湯底完完全全係無味嘅 ~

無味湯底   咁唔加指天椒都唔得啦   呢間做法似稻香咁   一定要成枱要   唔可以一個要   所以我哋就每人加 $6   無限添加醬料 ~

咁打邊爐實口渴啦   所以叫咗 $15/3支細可樂   咁樣好似稻香抵啲   因為加 $8 包埋嘢飲 ~ 

食到咁上下   家姐直頭用嘥時間嚟呢度食添呀   可想而知幾難食   不過坐下 Hea 下都 8 點半走喎   呢下勁呢 ~

去到 Mega Box 咁當然行下 Ikea   一齊睇廚房呀   超勁開心   睇完再去 H & M   都差唔多 9 點 45 分喇   係時候要坐 Shuttle Bus 番德福喇   因為我哋要去 Häagen Dazs 食雪糕   之前家姐比咗 3 張 Coupon 我   咁 4 月尾到期喇   難得又 3 個人一齊最好啦   食完家姐去我屋企拎番個袋就走人喇 ~