茶樹菇姬松茸豬骨湯 ( 8-APR-2012 )

呢個 Pan 超級抵呀   $20 咋   我超勁鍾意 Colorful 嘅廚具   但嗰啲好鬼貴   買唔起   買啲 Cheap 嘢玩下都唔錯   而呢個 Pan 好勁㗎   因為可以明火煮   不過我當然唔會啦   廿蚊貨仔   一陣裂開咗就咩都無啦   最慘係有排抹嘛   依家里奧大人跟得我睇廚具多   知道某啲款係某個牌字嘅廚具   人哋好留心揀緊其他筍嘢   佢無啦啦走過嚟陰陰咀笑   話我知有個廚具係扮某牌子嘅廚具   懶醒

( 8-APR-2012  SUN )

今朝 10 點起身沖涼   食完早餐就番教會喇 ~

家姐要搵里奧大人 Set 手機   所以崇拜完畢即番屋企   整完都已經 2 點半 lu   一齊出去食 Tea 喇   家姐話一定要請   因為尋晚佢贏錢呀 ~

同家姐講開婆婆呢兩日朝早打嚟   不過今日無打嚟   係咪搵到妳同媽咪呀   家姐話唔係呀   因為佢同婆婆講話唔好咁早打比我哋   因為我醒咗好難再瞓番   同埋我其實真係好怕啲人咁早打嚟囉 ~

食完就各自歸家   本來我同里奧大人去街市買餸   不過我突然肚痛   所以要番屋企先呢   我真係好驚去商場同埋公眾洗手間   除非有人幫我睇下乾唔乾淨   如果唔係我都會忍呀忍呀忍呀 ~

明明有人幫手拎餸   但無啦啦肚痛要番歸   依家又要自己一個買餸啦   命苦 ~

番到屋企即煲湯同熨衫   再拖地執嘢   因為做哂就聽日唔駛做   要好好享受 Last 一日嘅假期呀 ~

是日懶餐 - 茶樹菇姬松茸豬骨湯

茶樹菇姬松茸豬骨湯 - 本來想煮多個餸   唔食湯渣   不過睇緊 "天下為家"   啲人為咗飲水要行 3 日   所以我同里奧大人講話食哂啲湯渣當飯   真係唔想浪費   食哂煲湯嘅材料都真係夠飽   2 條粟米 + 3 條甘筍 + $35 西施骨   湯包又有眉豆同花生 ~  

洗完碗   沖哂涼   又陪里奧大人睇電視同食零食   爽呀  因為好耐無試過嘛 ~