Cheese Chicken (外賣) ( 7-APR-2012 )

大胃 B 餐 - 情迷辣肉腸批 (薄批) - 太耐無食呢   覺得好似好多芝士咁   家姐話呢個名好衰   確實係幾衰嘅  

招牌肉醬意粉 - 酸酸咪咪好開胃   唔錯唔錯

吞拿魚蘑菇螺絲粉 - 賣相勁似白汁雞肉   食落先記得係吞拿魚   又係唔錯唔錯  

蒜蓉包 - 無咩特別   但都幾多牛油   因為 Pizza Hut 蒜蓉包無咩牛油

( 7-APR-2012  SAT )

婆婆又 10 點鐘打嚟啦   又搵唔到媽咪同家姐   其實佢搵唔到   我都搵唔到㗎啦   我又要再強調話媽咪假期唔會打比我   我多數醒咗先會打比媽咪呢   嘈醒我都算   不過我唔想嘈醒里奧大人嘛   同埋好驚有咩事嘛   咁早打嚟 ~

今朝去麥當勞食早餐   唔太多人啦   一來就嚟 11 點   二來好多人去哂旅行啦   請 3 日就連放 9 日喎   幾咁爽呀 ~

食完番屋企 Hea   本來約咗里奧大人姐夫 12 點嚟打牌   點知原來佢 10 點打比里奧大人   不過教震機聽唔知嘛   佢打比家姐   話改 2 點半囉   家姐就慘啦   特登早起身買早餐比媽咪   如果尋晚講話改 2 點半   咁家姐又可以瞓晏啲嘛   同埋明知約咗人   唔係應該以我哋為先嘅咩   如果唔係咁約嚟做咩 ~

Hea 到 2 點就約埋家姐去食 Tea   陪埋佢買手提電話   里奧大人姐夫 2 點半就到屋企附近   不過我哋要 3 點先搞掂   要佢感受下等嘅滋味 ~

原來里奧大人姐夫遲咗係因為要同兒甥女溫書   但先甥女 12 點先起身   但明知約咗人   係咪好應該叫佢起身呢   雖然係同親人打牌啫   但都唔應該咁囉   如果佢 4 點先起身咁點呢下   終於我咃 3 點就開始打   打到 8 點   食完再打   打到 11 點半   爽呀   喺自己屋企打就最舒服啦 ~