元綠壽司 @ 旺角 ( 28-FEB-2013 )

燒明太子雞翼 

日式煎雞軟骨餃子


豆腐皮壽司


三文魚籽壽司 / 鮮帶子壽司 / 燒玉子壽司 / 迷你加洲反卷 / 皇帝蟹捧壽司 / 鰻魚壽司 / 北寄貝壽司 / 榮螺壽司 / 甘蝦壽司 / 魷魚鬚壽司 / 三文魚壽司 / 味僧湯

( 28-FEB-2013  THU )

話咁快 2 月又過哂 lu   不過 2月又真係過得好快嘅   新年放下假   又得 28 日   如果個個月都係得 28 日都唔錯 ~

又食奶油多喇   其實如果 Lunch 食飯或者麵   早餐多數食齋包   唔想咁滯呀 ~

呢排天氣勁潮濕   所以買咗支雞骨草   勁利尿呀   去廁所去到腳軟 ~

今日有 Lunch Box   真係好耐無帶過 Lunch Box 咁呀   原來我 2 月只係煮過 2 餐飯咋   好在新年食咗幾餐住家飯   有啖湯飲下   年紀大真係覺得湯水好緊要呢 ~

喉嚨有啲唔舒服   但唔理喇   要同自己講身體健康   身體健康   身體健康 ~

里奧大人上大陸   我就約咗家姐去元綠喇   其實上年係去新都城嗰間㗎   近大家嘛   不過上次去新都城無咗元綠啦   所以揀去旺角囉 ~

我買完低粉就去元綠喇   落毛毛雨好鬼凍呀   好在家姐差唔多 6 點 45 分到   因為我勁肚餓呀 ~  

我有 $100 Cash Copon   同家姐計錯數呀   因為我哋食 $5 碟迴轉壽司   又加啲正價壽司   計埋 Coupon 同又元綠卡 88 折   所以埋咗單之後   個經理話唔夠最低消費   又要再食   終於食夠數喇   8 點 45 分可以埋單走人 ~

無啦啦好凍呀   家姐又係咁話好凍   之後我叫佢唔好講   佢話咩都唔準人講   肚餓又唔比人講肚餓   哈哈   我係㗎   因為越講越會諗嘛 ~ 

同家姐一齊坐巴士   佢就喺九龍城再轉車   之後打嚟同我講   攝咗 $200 喺我細袋   激死   佢係都要請我食 ~   

差唔多番到屋企嘅時候   估唔到里奧大人打嚟話啱啱番到屋企   好難得早過我喎 ~

茄汁洋蔥豬扒 + 紹菜 + 髮菜蠔豉乾瑤柱雞腳湯 ( 27-FEB-2013 )

( 27-FEB-2013  WED )

又係潮濕天氣   個天又灰灰暗暗   心情無咩影響   只不過係個人好攰咁囉 ~

今朝去到小巴站即有車   6 分鐘就到餐廳附近   所以今朝去另一間食早餐   難得無咩人   其實之前食過㗎喇   咖啡好飲   不過我唔太鍾意長高櫈    但突然好想食碎蛋吞拿魚治   所以就去呢間喇 ~

菇場靜 lu   一粒聲都無呀 ~

今日去龍皇酒家食 Farewell Lunch   因為 Account Manager 唔做喇   做咗起碼 7 年都唔做   真係估唔到呢 ~

放工即走喇   懶得去街市   所以去超市買餸 ~

番到屋企浸菜醃豬扒   之後開機洗衫   里奧大人 7 點半先放工   所以我自己食先 lu ~ 

是日晚餐 - 茄汁洋蔥豬扒 + 紹菜 + 髮菜蠔豉乾瑤柱雞腳湯

茄汁洋蔥豬扒 - 尋晚家姐話整茄汁豬扒   咁我都跟啦   懶得諗   同埋屋企仲有 3 個洋蔥   係時候要食埋去喇   今次求其整啲汁   估唔到里奧大人話好好食   我好開心㗎   因為我想佢食哂我煮嘅餸嘛 ~  

紹菜 - $6.9 一大條   就咁加薑同雞粉淥咋   最緊要方便 ~

髮菜蠔豉乾瑤柱雞腳湯 - 媽咪煲㗎   食埋渣都飽   仲驚唔夠飽   所以煮個菜   之得唔煮個菜啦 ~ 

等埋里奧大人食完飯   洗埋碗就沖涼喇   之後再熨衫   最怕潮濕天氣   因為開冷氣又凍   開哂窗又無風   熨到我出汗   所以叫里奧大人自己熨佢啲褲   我唔想再沖多次涼呀 ~

和民居食屋 @ 九龍灣 ( 26-FEB-2013 )

札幌海鮮拉麵沙律 - 媽咪見到就話要撈起   食過撈生   果然見嘢就撈呀下   

家姐最鍾意嘅沙律汁


 天婦羅盛合 - 麻麻哋


黑椒糖脆雞翼 - 柚子蜜糖 + 黑胡椒   甜甜辣辣唔錯   仲要係單骨   食落好方便呢  


和民拉麵 (照燒雞 / 叉燒) - 必食   但無以前咁好味 lu


和民拉麵 (豬骨湯) - 里奧大人獨享   因為佢生痱滋   唔食炸嘢同辣嘢喎

鐵板燒一口餃子 - 兩個字 "唔掂"

脆脆炸薯條 - 好味   不過份量好少

枝豆 (熱) - 媽咪要熱食   滑潺潺咁   下次凍食好啲  

紫薯雲厘拿奶昔 - 好香蕃薯味   好飲

( 26-FEB-2013  TUE )

今日係我同媽咪嘅舊曆生日   好難得係同一日呢   所以覺得今年好特別咁呀 ~

祝自己同媽咪生日大快樂   身體超健康   日日都開開心心   咁樣已經好足夠㗎喇 ~

早餐食沙爹牛肉炒蛋長壽公仔麵   平日好少食麵   所以覺得好飽   但假期嘅早餐食麵又 OK 㗎   瞓多 2 個鐘   真係唔同啲喎 ~

菇場靜 lu   呢排天氣潮濕   個人有啲攰 ~ 

Lunch 出去食粥   知足常樂也   呢間係舊式粥舖   依家好難搵喇   好有舊時嘅味道呢   所以食得好開心呀 ~

艇仔粥 + 炸兩

今晚同媽咪 家姐 里奧大人一齊去和民食生日飯呀   媽咪同工人 6 點左右已經到咗和民   媽咪又煲咗湯比我   所以我番上屋企拎盒就即去和民 lu ~

家姐 6 點 45 分到   感恩里奧大人 7 點 10 分都到埋   因為無預佢今晚會到嘛   公司咁多嘢做   所以我又好開心呢 ~

食完差唔多 8 點半喇   媽咪同工人就番屋企   咁我叫家姐一定要上嚟我屋企   幫手食蛋糕呀   佢食咗半個   勁呀 ~

佢打埋機   10 點先走   我睇多陣電視   11 點就瞓喇   呢啲潮濕天氣   成日瞓唔夠咁   所以都係早啲瞓好啲 ~

Green Monday 豆豉炒甜豆秀珍菇 + 菜心 + 芫茜馬蹄皮蛋湯 ( 25-FEB-2013 )

朱古力蛋糕 @ Italian Tomato - 超勁多 Cream 不過好滑   都唔錯  

( 25-FEB-2013  MON )

估唔到尋日晏晝 3 點幾飲完杯凍咖啡之後就超級精神   所以唔係喺眼瞓情況下瞓覺   係會瞓得唔好呢   今日仲係星期一添 ~

今日係 Green Monday   希望我可以維持落去啦 ~

早餐食奶油多   多士真係無咩好選擇 ~ 

番到菇場都有啲嘢做   想抖嘅時候又有嘢做咁囉    不過居然有眼瞓嘅感覺   因為我好耐都無試過咁呢 ~

Lunch 食炒米粉   平時多辣油又唔覺辣   今次多辣油   食到個胃有啲痛添   太耐無食辣喇 ~

又係做下抖下   但無啦啦 3 點幾有啲餓   好在有朱古力頂住 ~  

放工即走喇   去街市買餸   好耐無買餸喇   即代表好耐無煮飯   里奧大人真陰公呢 ~

諗住煮菜呀豆呀呢啲唔駛咁多時間   但浸呀出水呀都用咗唔少時間   搞掂哂再開機洗衫   好攰呀 ~  

是日懶餐 - 豆豉炒甜豆秀珍菇 + 菜心 + 芫茜馬蹄皮蛋湯

豆豉炒甜豆秀珍菇 - 我覺得豆同菇就咁用蒜頭炒好齋咁   所以加啲豆豉醬同辣豆板醬一齊炒   惹味好多   最緊要里奧大人肯食   因為我都想盡量唔好食咁多肉呢 ~

菜心 - 菜檔趕住收檔   所以 $9/斤減到 $7/份   超抵不過唔甜 ~

芫茜馬蹄皮蛋湯 - 里奧大人話尋晚打完邊爐   喉嚨有啲唔舒服   咁我即做嘢啦   呢個湯夠哂清熱氣㗎 ~

諗住自己食飯先   點知里奧大人 7 點半打嚟話放工   咁我就等埋佢一齊食啦   見佢拎住個 Italian Tomato 盒   即係買咗生日蛋糕比我   算佢啦 ~

搞掂哂就即沖涼喇   之後里奧大人去沖涼啦   拎個手提入廁所   仲鎖埋門   唔知搞咩 ~

到 10 點半喇   見佢無表示   咁我就話我刷牙喇   原來佢已經拎咗臘燭入廚房   捧住個生日蛋糕   再播埋生日歌   原來頭先佢拎電話入廁所係 Download 生日歌   真係估唔到佢有心思   百年難得一見   佢話驚聽日正日陪唔到我食生日飯   所以今晚同我提早慶祝呢   好感動呀 ~

德興火鍋．海景軒 @ Mega Box (九龍灣) ( 24-FEB-2013 )

頸脊肥牛肉

牛柏葉 / 手打蝦丸 / 手打麻辣牛丸 / 豬潤 / 花枝片 / 墨魚滑 / 牛展 / 鮮海帶扎 / 鮮木耳 / 白菜苗 / 塘萵菜 / 粟米 / 薑汁炸魚片頭 / 獅子狗

牛坑腩 - 賣相好似啲湯渣咁樣   但其實好味道   好腍呢

羊肉片 / 牛展 / 黑豚肉卷
脆鯇魚片 - 兔兔話有泥味喎   好在我無食   呵呵

帶子片 - 刀功非常之好   薄到飛得起呀

手唧魚蓉麵 - 口感唔得囉

菜肉雲吞 - 口感唔得   一 Pat 嘢咁

黑柏葉 - 兔兔話好似咬緊布碎   係都要我試   但又真係幾似噃   哈哈

芝士腸 - 唔駛錢咁   無諗過 1 碟咁多條囉

炸魚皮 - 唔夠脆

鴛鴦湯底 (沙爹 / 清湯) - 無厘味道的

調味架 ($9/位)

( 24-FEB-2013  SUN )

今朝 9 點半起身   梳洗之後就去食早餐呢 ~

鐘點又黎幫手   我同里奧大人抖陣就番教會 lu ~

里奧大人朋友番教會   之後佢哋一齊食飯傾偈   咁我又未餓   自己番屋企休息算喇 ~

估唔到里奧大人 3 點就傾完   所以叫佢陪我食 Tea 呢 ~

今晚約咗 CC 兩公婆去 Mega Box 德興打邊爐   難得里奧大人又唔駛做公司嘢   咁 5 點就出發 lu ~

行下行下都差唔多 6 點  CCc 打嚟話一齊去同 Mickey 影相   好耐無咁樣影相   好在唔多人啫 ~

Book 咗 6 點半   任食 2 個鐘   傾下食下   估唔到佢哋又鍾意影相   所以又計劃下一齊去旅行   如果成事就好喇   唔驚唔覺已經 9 點半   要走人啦   今餐 CC 佢哋係都要請我哋呀   話生日飯   咁好啦   下次就輪到我哋請番   每人一次最好   可以多啲機會見面 ~

佢哋坐小巴番屋企   我同里奧大人梗係坐 Shuttle Bus 番屋企啦   免費喎 ~

中午 3 點幾飲咗杯凍咖啡   其實無睡意   不過 12 點幾無可能唔瞓啦 ~

西貢半天遊 + 海港酒家 @ 將軍澳中心 ( 23-FEB-2013 )

漁香海鮮燒豆腐煲 - 嚟緊 10 年都應該會食呢個餸

鮮果咕嚕黑豚肉 - 我叫㗎   要叫啲佢哋眼中所謂嘅新嘢
四川口水雞 - 一日有呢個餸   一日都會叫呢

上湯腐竹菜心苗 - 呢個都係 10 年不變
滷水掌翼 - 我叫㗎   不過唔好食   同埋居然無人食   唔通真係要次次叫同一樣嘢先食

意式煙鴨胸 - 佢哋叫㗎   唔知之後會唔會再出現呢

竹蔗茅根 / 紅豆沙 - 我同里奧大人都覺得苦   但姑奶佢哋話唔苦喎

( 23-FEB-2013  SAT )

今朝瞓到 8 點 15 分先起身呀   8 卦 8 點半打嚟約我食早餐   不過我唔去啦   我仲喺屋企   點趕得切喎   我去到佢肯定已經食完   我唔想又要好趕好趕咁食囉 ~  

早餐食麵餐   唔好食嘅 ~

阿 Head 無番   超級 Free 呀   可以勁 load 相   啲時間過得幾咁快呀   Load 完都 12 點 45 分   坐多陣可以放工 ~

里奧大人唔駛做公司嘢   所以想陪我出去行下   咁我就話去西貢啦   因為想食泰國菜呀 ~

一齊喺德福坐小巴入西貢   去到都差唔多 2 點幾   超級勁餓呀 ~

去泰旺特食   原來里奧大人之前同朋友嚟過   雖然我哋 2 點幾先食   諗住無咩人   不過估唔到都好多人入嚟食   味道真係唔錯嘅   最緊要又唔嘈嘛 ~

泰式拚盤 (春卷 / 魚餅 / 沙爹 / 蝦餅) ($140) - 好巨呀   都幾好食嘅   新鮮熱辣嘛   但件件都好巨   最後食唔哂啲魚餅同春卷  
蝦餅 - 唔係太彈牙噃 

沙爹 - 沙爹汁唔夠惹味   唔係就更加好味呢

魚餅 - 加咗啲香草呢   泰式魚餅實會有嘅香草   但我唔太鍾意

春卷 - 新鮮炸起實好味   不過我唔係咁鍾意係芋頭絲   哈哈  

泰式海南雞飯 ($50) - 為咗個汁先食咋   但我都係鍾意馬來西亞嘅燒魚汁多啲

冬蔭海鮮 - 細 ($70) - 酸辣適中   好味道

椰青 ($30) - 好清甜   難得難得

食到好鬼飽呀   一定要行下   周圍行周圍影下相咁囉   難得里奧大人得閒   又咁好天   唔想咁快走 ~

行行下條巷   發覺有間旺泰   咁應該係我本來想去嗰間   因為導遊話喺巷仔入面嘛   同埋同事話小巴總站落車就見到條巷   但我哋落車行咗另一個方向   唔係望住條巷囉   咁唯有等下次再試巷仔呢間啦 ~

買埋珍珠奶茶就走喇   坐小巴去新都城行下 ~ 

呢期超勁想飲珍珠奶茶   離遠見到仲寫住 Buy 1 Get 1   咁我見到就即刻同里奧大人講話買嚟飲   點知去到其實係 Buy 8 Get 1   唔係 Buy 1 Get 1   真係唔知自己睇咩   最慘係間珍珠奶茶極度難飲   無咩嘅   里奧大人飲果杯薄荷珍珠   完全無薄荷味添呀 

去到新都城   經過 City'store 買咗 2 個污衣籃就走喇   因為要去將中同水姑食飯    之前由新都城去將中坐 shuttle 係唔駛錢   依家要有購物收據先可以上車   好在我哋咁啱有買嘢咋   如果唔係真係唔會特登去新都城囉 ~

又係去海港   7 點食到 9 點   特登去將中   係因為想請水姑食生日飯   點知佢靜靜雞比咗錢 ~ 

本來諗住去商場洗手間   不過頭先講咗鬼怪嘢   所以我唔敢去呀   要上去水姑屋企呢 ~

傾咗陣就番屋企喇   沖埋涼又睇下雜誌   拆埋利是   又 12 點喇   要瞓 lu ~ 

源發潮州粉麵 @ 牛頭角 ( 22-FEB-2013 )

( 22-FEB-2013  FRI )

尋晚半夜超辛苦   吞口水好痛呀   我簡直唔想吞添呀   所以食完早餐就睇醫生   10 點半番到菇場   唔想請病假呀 ~

好在無咩嘢做   因為 6 粒藥丸當中有 3 粒藥都會令人昏昏欲睡   睇見都驚 ~

好在又唔係好眼瞓   所以 Lunch Time 就慢慢食個粟米沙律   食凍嘢舒服好多呀 ~

4 點幾好鬼餓呀   所以勁想瞓覺   放工即去源發食蝴蝶腩銀針粉   佢哋依家搬咗去牛頭角   咁我都去幫襯下啦   不過無咁好味 lu ~

食到好飽又周圍行陣   差唔多 6 點半就番到屋企   見好耐無拖地喇   真係幾攰都忍唔住要拖   之後再開機洗衫   沖埋涼就休息喇 ~

里奧大人 8 點半先喺大陸放工   10 點番到屋企   不過我好攰   11 點就瞓 lu ~ 

星悅鮮廚 @ 官塘 ( 21-FEB-2013 )

茄子牛仔骨煲

菠蘿生炒骨

( 21-FEB-2013  THU )

放咗 11 日假   不過其中病咗 3 日   唔係呢個假期就更加 Perfert 呢 ~

無咩胃口   所以去 KFC 食早餐   之後打的番菇場喇 ~

好攰呀   有啲嘢做   但唔算忙   不過真係無 Mood  做嘢呀 ~

諗住 Lunch 食埋早餐個鬆餅   不過食咗一半真係食唔落 ~

媽咪 3 點出院   姑娘寫咗啲唔需要食嘅藥比媽咪   咁媽咪都唔識睇啦   所以我放工同媽咪食嘢   食完嘢   去媽咪屋企坐到 8 點再同工人去醫院對資料呢 ~

真係好在有去醫院啫   唔係肯定食錯藥   因為盒嘅名同姑娘寫嘅名係唔同   但其實係一樣 ~

打的番屋企喇   實在太攰   喉嚨又痛   個肚無啦啦又谷住痛   好在沖咗熱水涼好啲咋 ~

里奧大人 7 點先喺大陸放工   好在佢 9 點番到屋企   叫佢即刻幫我沖杯鹹柑桔呀   我實在太攰   好唔想郁呢   睇多陣電視   10 點半就瞓覺 lu ~

板長壽司 @ 九龍灣 ( 18-FEB-2013 ) + ( 19-FEB-2013 ) + ( 20-FEB-2013 )

燒玉子 (溫)

蝦天婦羅壽司 / 加洲卷 / 花之卷 / 飛魚子軍艦 / 珍珠廣島蠔壽司 / 芥辣墨魚軍艦 / 帆立貝壽司 / 三文魚壽司 / 火灸醋鯖魚壽司 / 赤鮭壽司

( 18-FEB-2013  MON )

為咗陪里奧大人   我放假放到 20 號   原來係連放 11 日假   都幾爽喎 ~

差唔多 11 點先起身   去金姆指食早餐   之後就番屋企抖陣喇 ~

之前同 8 卦一齊團購咗 Fat Angelo's 商務午餐   兩位都係 $138 咋   但要星期一至五嘅 1:00 - 3:00pm   所以就揀呢日食喇 ~

新鮮麵包 - 外脆內軟   但好大個   真係食完都飽 7 成 

雜菜湯 - 無咩味噃

紐西蘭西冷扒配秘製香草牛油 - 有牛味   但啲香草牛油超級鹹   唔係咁啱我

香草脆烤羊架 - 里奧大人食咋   我食咗一啖   仲未接受到羊羶味呢

意式雪糕 / Movenpick 咖啡 - 無特別

食完去旺角睇相機   買埋 2 碗芝麻糊就坐小巴番屋企 lu ~

好攰呀   瞓咗 20 分鐘   原來已經 6 點   要去探媽咪喇 ~

探完媽咪就番屋企坐陣   等到 9 點就去板長   因為壽司半價   最低消費 $88/位   好似好抵咁   家姐又鍾意食壽司   陪佢食呢 ~

每月一到   唔怪得咁攰啦   好在有 2 日時間休息啫 ~

( 19-FEB-2013  TUE )

預咗會肚痛㗎喇   之前咁忙   都無好好休息   又病埋   唔痛先奇   每月一到之前一星期   如果多啲休息   真係會無咁痛 ~

無胃口呀   又嘔喎   又探唔到媽咪   又派里奧大人做代表呢 ~

( 20-FEB-2013  WED )

今日都有啲痛呀   同埋一樣無胃口   但里奧大人煮咗麵   食咗 2 啖覺得好鹹   唔想再食囉 ~ 

里奧大人開始做公司嘢 lu   我可以安心瞓   6 點佢去探媽咪   家姐去到佢就走喇   想快啲番屋企做公司嘢呀 ~

之後家姐嚟我屋企拎 Gas 爐   傾咗半個鐘就走喇   我又繼續瞓 lu ~

凍凍凍 ♡ 武廣高鐵韶關。美好回憶記錄 ( FEB 2013 )

今次新年堅持去旅行   係里奧大人真係好想出去 Relax 下   去邊度都好   最緊要唔喺香港 ~

本來諗住再去番泰國   住番 Marriott   但要成 HK$3xxx 一晚呀   點住呀   咁諗住跟團去越南啦   5 日 4 夜要 $9000   仲要夜機去早機返   咪得 3 日   平時去只不過係 $3xxx 咋   又唔駛去啦   好喇   終於揀咗去台中自遊行   我 Target 係每人 HK$7,000   打去旅行社熱線   問哂資料    計埋哂所有附加費   都係 $5,500   咁我覺得 OK   放工即時去旅行社報名啦   點知職員話機位每個加 $4,000 呀   所以總數係每人 $9,000   仲要話得 2 個機位   要我即刻決定   我唔去啦  第一 Over Buget   第二我唔鍾意咁趕決定一件事囉 ~

見里奧大人咁想去旅行   咁睇下大陸長線團   東北 8 天團啦   都係 HK$8xxx   但好凍囉   又要買裝備   無理由着波鞋去嘛   凍薑都似   買呢買 lu 又係錢   之後又着唔番喎   咁又唔去啦   緬甸又貴   好似 5 日 4 夜   但未加附加費都要 $7xxx   加埋咪 $10,000   咁我仲更加唔會去   因為 $10,000 喺平日去   我可以去 2 次泰國啦    雖然緬甸同泰國玩法唔同   不過我覺得都係可以去 2 次旅行好啲 ~

里奧大人純粹想影下相啫   咁大陸最多景啦   所以佢自己上網睇資料囉   見到去丹霞山 3 天遊   咁第日即報名啦   不過未成團   所以我話最壞打算就自己去珠海澳門囉 ~

果然不出所料係唔成團   旅行社職員建議另一個團   都係丹霞山嘅   但就初六出發   咁無問題啦   最緊要有得去啫 ~ 

其實好感恩   病完先去旅行   唔係真係去又唔係   唔去又浪費咯 ~

3 日 2 夜嘅旅遊真係好快過   我真係好怕坐咁耐船同車囉   但呢程最開心係坐到高鐵呢 ~

和諧號



高鐵嘅時速 300km


"被列入為世界地質公園的丹霞山風景區   丹霞山被列入為嶺南第一奇山   其山石由紅砂礫岩構成   以赤壁丹崖為特色   景區內大少石峰   石牆   石柱 680 多座   座座造型奇絕   似人似物   似禽似獸   令人驚嘆大自然造物的奇妙   而有天下第一奇石的陽元石   其鬼斧神工   奇特有趣的外型   保證令您發出會心的微笑"   又寫得無錯噃   親眼見到真係覺得好震撼   但可惜天氣比較灰灰濛濛   唔係就睇得更加清楚呢   最感恩係無落雨   如果唔係咩都影唔到   同埋會超級凍呀   哈哈   所以其實呢個地方都係值得去嘅 ~

丹霞山 - 我其實覺得好似幾架船咁呢


陽元石


其實呢個 Trip 嘅住同食都 OK 啦   因為我唔會抱任何期望嘛   同埋感恩領隊   導遊同團友都好好   無人遲到   唔駛等人真係差好遠㗎 ~

@ 韶關麗宮國際旅遊度假區


呢碟係梅菜茄子   但其實每餐都有炒茄子   我個人認為喺大陸食蔬菜係最穩陣   哈哈


我真係好怕啲大陸人   鍾意點就點咁   唔守規矩   周圍都污糟邋塌   太唔衛生喇   同埋綠草如茵嘅地方   佢哋都要食住煙嚟行嘅   嚴重影響人呀 ~

今次旅行唯一一樣嘢令我擔心嘅就係媽咪入咗院   但仍都好感恩家姐放假   幫我餵魚之餘   呢 3 日又可以早晚睇媽咪   之後會打比我講媽咪情況   咁我會放心好多嘛   而呢 3 日最開心呢   就係里奧大人無收到任何公司電話   又無帶電腦 Check Email   真係純粹去 Hea 同狂影相   好好享受自己放假嘅時間嘛 ~

凍凍凍 ♡ 武廣高鐵韶關丹霞山 3 天遊 DAY 3 (PART 2/2) ( 17-FEB-2013 )

( 17-FEB-2013  SUN ) - PART 2/2

又坐車喇   有一個家庭嘅爸爸要喺中途嘅巴士站落車   可能佢喺廣州做嘢   第日要番工   所以無跟大隊坐船番香港   佢坐我後面㗎   差唔多臨落車前講咗幾次   叫個仔小心啲   要聽媽咪話   之後佢落車   企定定同個仔拜拜直到架車開為止    嗰一刻我忍唔住喊呀   好在無人睇到   我真係好怕見到離愁別緒嘅情境呢 ~

差唔多 4 點 15 分去到碼頭   5 點半先開船   所以又去醫醫肚喇   唔係唔知做咩好呢 ~

AMOY 75  "淘大 75 "


到碼頭喇

等領隊派船票

坐 17:30pm 船


大良雙皮奶 (RMB13) - 超級甜

星洲炒米 (RMB16) - 味道 OK 呀

茶位 (RMB2/位) & 10% Charge


遲咗 15 分鐘先有船呀   估佢唔到囉   今次終於同到里奧大人一齊坐船喇   領隊坐喺隔離   開船傾到落船   知道好多搞笑嘢呀 ~

落船都 8 點幾   里奧大人話好餓   所以去埋星林居食嘢就坐地鐵番屋企呢 ~

蟹子丸豬潤小鍋米線 (小辣) - 蟹子丸超難食

紫菜豬腩肉小鍋米線 (小辣)

話咁快就玩咗 3 日   第一次無買手信   其實係無嘢買   同埋里奧大人真係好 Enjoy 呢個 Rrip 咁   我見到真係好開心呢   平時番工日子係乸口乸面家嘛   哈哈哈哈哈哈 ~

凍凍凍 ♡ 武廣高鐵韶關丹霞山 3 天遊 DAY 3 (PART 1/2) ( 17-FEB-2013 )

( 17-FEB-2013  SUN )

今朝 8 點 Morning Call   但 10 點先集合   可以他他條條落去食早餐   點知去到餐廳   簡直晴天霹靂   完全接受唔到呀   不過都要照食啦   唔係無嘢食囉 ~

炒河粉加豆辣醬都好味   但實在太油喇   腸粉好鞋   後面紅色嗰 2 粒係腸   口感完全唔似腸   好驚呀   唔知點解   我成日一食咗啲唔知咩肉就好驚囉

天氣凍呀   要食白粥取暖   粟米超乾又無味呀   經此一役   日後再有機會去大陸   一定要買杯麵   咁就唔會餓親呢

2 煲

得 5 樣食物咋   好似仲有饅頭同蕃薯

快快食完就走喇   番上房可以睇多套戲   天氣凍   真係一捲入被窩就好想瞓呢 ~

10 點 10 分開車喇   去完華美達接其他團友之後就去食飯喇   11 點咁早   點食飯喎   根本食唔落啦   領隊勁呀   再三強調話呢餐係最有 "特色" 嘅一餐   一聽就知咩事啦   不過都無辦法嘅   因為驚塞車   所以早啲食   如果趕唔到搭船仲煩呀 ~

對面啲屋都貴


華美達酒店


10:29am 到酒樓喇


酒樓大門口

室內凍過室外


炸腐皮卷 - 好耐無食炸嘢   覺得好好味

炸魚仔 - 好好味呀又   實在太香口喇   不過唔敢食咁多   因為里奧大人昅實   一夾咋   就話唔好食咁多

豬腳仔 - 無食呀   但賣相超勁恐怖

雞煲 - 無食呀


腐竹雲耳 - 無厘味道咁   哈哈

唔知咩羹 - 無食呀


梅菜茄子 ?! - 個汁甜甜哋好味呀

蒸鯇魚 - 見埋呢餐   唔駛再見

炒椰菜 - 其實餐餐都有椰菜   不過啲人夾得太快   所以無影   我同里奧大人講   真係唔知佢哋大食   定我哋細食   佢哋真係由頭食到尾喎   一樣餸夾幾次   同埋次次都會再添飯咁呢


坐咗 2 個鐘頭車   真係腰骨痛   之後去到加油站   有半個鐘頭落車行行   我哋就去麥當勞食嘢抖陣喇 ~

真係好多車 - 所以真係好感激領隊改行程   唔係真係半夜先番到香港咯

加油站

Big Mac @ 麥當勞 - 無張紙包住個包   最離奇啲人拎住個包一路行一路食   所以個地下係好污糟呢

呢日未完㗎 ^^