凍凍凍 ♡ 武廣高鐵韶關丹霞山 3 天遊 DAY 1 (PART 1/2) ( 15-FEB-2013 )

( 15-FEB-2013  FRI )

今朝 5 點 45 分起身   梳洗之後就打的去尖沙咀嘅中港碼頭喇 ~



首先去麥當勞食早餐先   超多人呀   買完都 6 點 40 分   但 6 點 45 分要去莎莎門口報到   所以里奧大人就即飛去報到喇 ~

好耐無跟團喇   啲感覺都幾得意   最緊要唔駛諗去邊去邊嘛   啱啱病好   所以其實個人都好攰下   唔好叫我諗嘢 ~

7 點半準時開船   坐咗 2 個幾鐘就到廣州南站   之後再坐武廣高鐵去韶關   只需 45 分鐘咋   真係好快呢 ~

等船開


一個細喼搞掂

成架船 Full 哂


出境


之後坐 10 分鐘車去廣州車南站

又係周圍都起緊樓


灰灰的天   但完全無影響心情呀   哈哈   放假嘅心情係零舍唔同啲嘅


@ 廣州南站

鴨仔團

天幕都幾靚

閘口顯示屏



新年呀   所以好多人坐高鐵   好難買飛添呀


閘口   

入閘了   地方好寬敞

粒粒石頭   兒時回憶

和諧號

等開車了


最高時速係 304km   領隊話之前想係時速 400km   不過試車後話太快   所以最後改為時速 300km 喇


又係起緊樓


開始行得快喇   之後我都瞓着咗 lu


啲大陸人真係好奇怪   仍都係我非常之唔鍾意嘅一樣嘢   就係明明買咗車票   佢都可以若無奇事當個位係自己   我座窗口位   我去到時見到有個大陸男人坐咗   之後里奧大人同佢講呢個位係我   條大陸友話佢想同老婆坐   里奧大人話佢都想同老婆坐呀   所以叫佢比番個位我   到里奧大人個位係 3 人位嘅中間位   又係一去到已經有一家人坐咗喺度   妳話係咪黐線吖   不過里奧大人都無所謂   反正佢自己一個人坐嘛   真係對住佢哋真係乜 Mood 都無啦 ~

一到韶關   覺得超級超級超級凍呀   好在着咗夾棉褸   冷帽   大披肩同毛毛靴咋   唔係凍暈都似 ~

到韶關站喇   個天仍然係灰灰暗暗   感覺仲凍上加凍   不過感恩無落雨呢 

第今次個團有 21 人   1 圍枱係有小朋友嘅家庭 (11 人)   另 1 圍係無小朋友嘅家庭 (10 人)   咁 Fit 哂啦   我最開心係可以影到啲食物   好在啲團友又無咩嘢   可能個個都鍾意影相啦   雖然啲食物無咩特別   但都想做過記錄嘛 ~

第一餐都 OK 啦   唔知係咪太凍   所以好鬼餓   平時食麥當勞早餐可以頂好耐家嘛 ~

鴨定鵝呢 ?! - 幾好味   如果有埋酸梅醬更好   哈哈

魚腩 ?! - 無食呀

青瓜炒雞腎 ?!   食食下突然諗起門口寫住狗肉煲   好驚係食緊嘅係狗嘅內臟   所以即刻唔敢食

菜甫炒蛋 - 味道有啲怪

梅菜炒扣肉 ?! - 都幾惹味

客家豆腐 - 無食呀

茄子 - 好味呀

消咗毒嘅餐具   但一拻開膠袋係有水囉

唔知咩煲

首站係去南華寺   我就真係無咩興趣喇   但都要行下嘅   仲要係比妳由 2 點 20 分行到 4 點   我聽完 O 咀啦   唔駛咁耐呀嘛   最慘係之前落過雨   所以個地烏糟到不得可了   加上啲人真係好無公德心   煙頭周圍掉   食完啲柑皮又周圍掉   咬完啲蔗就掉去花槽   最大開眼界嘅就係放生池啲水係黑色   死水嚟㗎   我只能講一句   無一處地方係乾淨嘅   本來想行到最高處   諗住吸收下啲新鮮空氣   不過啲人係咁食煙   都真係幾難會有新鮮空氣囉   最後同里奧大人 2 點 50 分上車   喺車到抖下好過 ~

坐車嘅沿途會見到好多山   如果天朗氣清就好啦

唔記得咩廟


南華寺大門

領隊小琴詳細講解

呢日未完㗎 **