開年飯 @ 姑奶屋企 ( 11-FEB-2013 年初二 )

冬菇生菜鮑片 - 無食

茄汁蝦 - $120/斤都係霉嘅

白切雞 / 豉油雞 / 滷水鴨 / 羊腩煲 / 冬菇髮菜蠔豉 - 無食

蒜蓉蒸帶子 - 食咗幾粒   賣相唔得   所以唔想食

蒸魚 / 臘腸 / 鴨潤腸 / 臘鴨餅  - 食咗少少

菜心 - 食咗幾條
豬腳薑 - 飲咗啖醋

( 11-FEB-2013 MON )

今朝同里奧大人 9 點半起咗身 lu   所以就去大家樂慢慢嘆早餐呢 ~

番到屋企沖涼洗頭   之後就等大食表妹嚟拜年喇   佢差唔多 11 點嚟到呢   我指定要花街   佢都好好   肯買比我 ~  

傾咗半個鐘就出發去媽咪屋企喇   途經美心西餅   大食表妹話我同姨媽同一日生日   不如買過蛋糕一齊慶祝咯   哈哈   當然好啦   好難得佢主動話請食嘢 ~

去到媽咪屋企食瓜子   等埋家姐同姐夫嚟到就開飯喇 ~

新年菜式真係千篇一律   魚呀   雞呀   南乳齋呢啲   尋日食完今日又食   今晚仍都係食呢啲 ~

龍吐珠 - 媽咪話加幾粒丸咪龍吐珠囉   搞笑   不過條魚好大條   我好驚

鴨舌 - 無咩汁   所以婆婆好味啲   哈哈
白切雞 - 食咗 1 件咋   成日有得食   所以唔會特登夾嚟食   但大食表妹就好鍾意食   啱喇   幫手食哂佢最好

燜豬手 - 無食呀   早餐未落格   食唔到咁多嘢

臘腸 - 工人切薄片   無哂口感   都係厚切好味啲

荷蘭豆炒鮑片蝦丸 - 我鍾意食巨型荷蘭豆

髮菜蠔豉豬骨湯 - 我最鍾意飲湯
車厘子 / 芒果 / 雪梨

旋粟 Mini @ 美心西餅

差唔多 2 點半   糟糟 2 姐妹帶埋隻狗一齊拜年呀 ~

傾到 4 點走人喇   佢哋工人放假   所以家姐陪佢地去超市買餸   里奧大人睇飲食節目見到人哋食西多士   佢又想食   大食表妹又話想飲咖啡   咁去大家樂啦   之後家姐都嚟埋一齊食 ~

食完就送表妹搭小巴   之後就同里奧大人去姑奶屋企喇 ~

7 點開飯   所以 5 點 15 分去到   其他姑奶 6 點就到 lu   點知 7 點半先開飯   啲餸凍哂好難食囉   同埋因為分咗 3 圍枱   如果逐碟再整熱   9 點先有得食咯 ~

太多人又無開窗   有啲焗咁   Feel 到喉嚨有啲唔舒服同頭痛   所以叫姑奶買盒 Hot Lemon   希望飲完好啲啦 ~

番到屋企占寒占凍   沖完熱水涼仲覺得好凍   又嚟年初二發燒   比里奧大人知又依依哦哦   又要我探熱   不過原來已經 39.8 度喇   即食 Panadol 即飲水即瞓覺喇 ~