雲桂香米線專門店 (外賣) ( 8-FEB-2013 )

我嘅豬腩肉豬皮酸辣米線 (少辣 ) - 食完好好好好口渴   之前好好食㗎   依家就勁多味精

家姐嘅豬大腸酸辣米線 (大辣) - 家姐話唔辣   叫我飲啖湯   我飲完一啖   覺得勁辣呀   真係唔好信佢

( 8-FEB-2013  FRI )

過多 2 日就新年喇   幾咁快呀   大家都新年快樂   身體健康   蛇蛇如意 ~

今朝食雪菜肉絲米粉餐   不過要少米粉   今次仲要唔係肉絲   係肉片   心諗如果 8 卦黎食就好啦   點知無幾耐佢打嚟   實在太好喇   唔駛嘥嘢嘛 ~

菇場唔忙喇   老細放假唔喺度   個個又 Holiday Mood   真係咩都唔想做啦 ~

Lunch Time 同八卦出去食團年飯   點知 Order 完之後要等咗半個鐘   因為一次過等多啲先炒嘛   最唔鍾意咁   應該唔會再嚟呢間㗎喇 ~

味僧湯 / 沙律 / 豚肉生薑燒定食

特級牛柳粒定食

4 點幾先嚟有嘢做   好在放工前哂啫 ~

放工去荃灣表妹度剪髮   估唔到今次要等 20 分鐘車   差唔多 6 點 10 分先到荃灣 ~  

真係邪   里奧大人居然 6 點 45 分可以放工   平時我喺屋企煮飯又唔會咁早   所以佢次次都話我一去街   佢就會早放工 ~

仲諗住一路電頭髮一路等家姐   點知家姐 7 點嚟都仲未到我    咁我哋落去買零食   又買炸雞同梅子綠茶比表妹囉 ~

坐到腰骨痛   所以幫佢掃地   郁下真係好好多   同埋無咁悶 ~

終於 9 點就到我啦   差唔多落完藥水就叫家姐去買米線   搞掂就可以開餐呢 ~

家姐慘啲喇   等呀等   等到 11 點先剪呀   里奧大人打嚟話瞓覺唔等我添呀   真係無諗過咁夜   因為初初諗住剪完頭髮就同表妹食飯   最多咪 10 點   點知依家 11 點仲剪緊   剪完即走喇   驚無小巴番屋企呀 ~

第一次剪髮剪到咁夜   同家姐急急腳去坐小巴喇   差唔多 11 點 55 分上車   真係好在住九龍灣啫   10 分鐘就出到去   感恩家姐去到巴士站又即刻有車   咁可以早啲番屋企休息嘛 ~