雙丸印尼撈麵 ( 4-OCT-2016 )

( 4-OCT-2016  TUE )

尋晚瞓得都 OK 啦   不過半夜起咗身去廁所   唔係就瞓得更加好喇 ~

早餐食腿治   如果可以半份就好   第一平啲   第二唔駛咁飽   哈哈 ~

菇場仍然忙到甩碌   真係好驚對數字   如果狀態唔好   真係會越 check 越錯架   好在今日都狀態都 OK   哈哈 ~

Lunch Time 出去食粥   有個大陸女人勁自私   將袋魚放喺枱   咁唔緊要   因為我係坐佢隔隔離   但我隔離係無人坐嘅   之後條友係咁話碗生滾粥好熱好熱   奇奇怪怪   食得粥都預咗碗粥係熱㗎啦   之後佢同阿姐話要拎走   佢一拎起個膠碗就係咁 "鄧" 係咁吹   頂佢   向住我嗰邊吹呀   我忍唔住 "摺" 佢同啤住佢   咁佢倒粥入碗啦   阿姐嚟抹枱順便就幫佢將碗粥入膠袋   但原來個蓋係蓋唔實   阿姐一拎起碗粥就倒瀉咗啲出嚟   之後阿姐話 : 妳都未蓋實嘅   要蓋實啲嘛   依家淥到我呀   我好想笑出來   整瀉人地啲嘢   對唔住都無聲   仲好話人整到你   真係咩人都有 ~

食完行陣就番菇場喇   好攰呀 ~

忙到 5 點終於忙哂喇   清哂所有嘢   真係鬆一口氣呢 ~

放工即走   今晚里奧大人同惠州嘅表哥表姐食飯   不過我好攰   都係唔去食喇   自己靜靜哋好過 ~

佢哋問我要唔要雞 ?!   我唔要啦   佢哋星期一到香港   咁隻雞咪已經 3 日 ?!   期間放喺邊㗎 ?!   雪凍之後拎出嚟   比我哋之後又室溫幾個鐘   之後又放番入雪櫃   食嘅時候隻雞已經擺咗 4 日   聽見都驚 ~

番到屋企抖陣   之後拖地再熨衫   搞掂哂都已經 7 點   沖埋涼先煮麵食 ~

乾乾淨淨咁食麵真係好鬼爽   所以今晚一定唔會食湯麵   唔係就唔可以沖涼之後食咯 ~

睇下旅遊書   9 點半即睇 "律政強人"   里奧大人好似 10 點幾番到屋企 ~

今晚又係 11 點唔夠就瞓 lu   我估因為天氣涼涼地   所以好鬼想瞓覺呢 ~