泰式聖羅勒辣椒醬焗雞翼 ( 31-MAY-2026 )

今朝早餐嘅雞蛋+腸仔+餐肉   仲有 2 塊牛油多士   咁可以變為晚餐喇   里奧大人就食雞扒+楊州炒飯

( 31-MAY-2026  SUN )

今朝同里奧大人一齊起身食早餐   我食完就番屋企抖下 ~

加腸仔同餐肉只係 $4   所以我話加呀   最後我哋只係食咗沙爹牛肉麵   其他嘢要打包呀

抖到 8 點 50 分就出去買急凍雞翼同金沙骨   買埋菜就番屋企 lu ~

執完嘢就燜鎮江骨   點知唔夠醋   所以即刻落樓買   咁順便買埋麵包就番屋企喇 ~

搞掂就沖涼休息   之後靈修 1 個鐘   再睇下 Youtube 又已經 1 點半 ~

今日約咗水姑一齊食午餐   估唔到要等位   好在水姑到咗先   到我哋有位嘅時候   里奧大人就啱啱到喇 ~

楊州炒飯 ($60) - 我同里奧大人唔係咁餓   所以食剩大半碟   咁打包留番今晚食

蔥油雞扒撈麵 - 水姑食嘅   但食唔哂啲雞扒同蛋   咁都打包埋喇

因為食唔哂   所以里奧大人要拎番屋企先   本來諗住搭巴士去搞啲嘢   但最後都係搭的士   咁唔駛咁趕呢 ~

搞掂哂已經 4 點   又唔知邊度搭巴士   所有都係搭地鐵番屋企喇 ~

里奧大人沖完涼就瞓晏覺   我就睇 Youtube   不過睇睇下都瞓咗   我估應該瞓咗起碼 20 分鐘呀 ~

今晚唔做機喇   咁大家又唔餓   所以 7 點 15 分先開餐 ~

是日晚餐 - 泰式聖羅勒辣椒醬焗雞翼

泰式聖羅勒辣椒醬焗雞翼 - 諗住里奧大人食   不過最後都無食到   所以留番聽日午餐 ~

好似 BBQ 食剩咁   哈哈

洗埋碗就開機洗衫   之後沖涼休息   里奧大人就熨衫 ~

今晚都係睇 "中年好聲音 4"   但越嚟越唔好睇咁   哈哈 ~

睇多陣 Youtube   今晚 11 點先瞓 ~

涼瓜肉片拚生炒骨飯 (外賣) ( 30-MAY-2026 )

涼瓜肉片拚生炒骨飯 - 里奧大人以為我就咁買涼瓜   我話個盤有肉片㗎   但阿姐無比到囉

( 30-MAY-2026  SAT )

今朝同里奧大人瞓到 9 點 40 分起身   等埋里奧大人沖埋涼就去食早餐喇 ~

食完就番屋企執嘢   又係之前買買埋埋太多嘢要執   所以今次都用咗個半鐘執嘢呀   好在可以收納得哂咋   哈哈 ~

沖埋涼就休息   里奧大人 1 點就出發番公司 lu ~

我 2 點左右買埋午餐就去里奧大人公司   今日試下另一間車仔麵   叻叻果然無介紹錯呀 ~

食完就參加 LA 活動   今日得我同黑珍珠咋   感恩順順利利   我哋 De-briefing 到 4 點 40 分   之後佢講過好消息比我知   實在太開心啦 ~

去里奧大人公司坐陣   咁我同里奧大人講個好消息啦   佢話今次參加值得啦   哈哈 ~

今晚要去自己教會事奉   所以里奧大人話我今日好忙   我話雖然頻樸   但感恩今日唔攰呀 ~

散會之後就買兩餸飯   因為 10 分鐘後先有車呀   感恩感恩 ~

里奧大人早我 10 分鐘番到屋企   所以我一番到屋企就可以即刻開餐喇 ~

沖埋涼就一齊睇 "低智商犯罪"   咁飲咗幾啖象啤咋   但 9 點 40 分已經想瞓喇   里奧大人話我其實已經瞓着咗   哈哈 ~

夾心海苔脆片都好食   呢啲真係要快啲食   因為驚啲紫菜好快腍呀

之後 10 點 10 分左右又醒哂   好在睇到 11 點都眼瞓   如果瞓唔着就慘喇 ~

煎釀三寶 (外賣) ( 29-MAY-2026 )

( 29-MAY-2026  FRI )

感恩一覺瞓天光呀   終於恢復元氣喇 ~

今朝同里奧大人出去食早餐   之後我突然同佢講點解呢兩日咁攰喇   可能去完旅行要即刻番工   無得黐住你呀   佢話黐黐哋線   哈哈 ~

菇場唔忙   咁就好喇 ~

Lunch Time 蒸完飯就出去藥房幫家姐睇啲嘢   之後買啤酒比里奧大人   原來行咗差唔多半個鐘   咁要番菇場開餐啦 ~

唔忙又做自己嘢   依家坐個位真係勁開心   因為成日可以同船頭傾偈   哈哈 ~

里奧大人今日放半日   佢又做埋機   所以我放工買埋煎釀三寶先番屋企喇 ~

今晚焗科學麵   份量真係好少   不過咁又唔錯   因為我今晚要食零食呀 ~

我洗埋碗抖陣就做機   依家做到半個鐘真係好開心   之前腳痛   真係忍住痛做 15 分鐘   感恩無傷到咋 ~

沖埋涼就熨衫   搞掂就同里奧大人睇 "低智商犯罪" ~

里奧大人自己焗㗎   依家佢識用焗爐   真係幫到我唔少㗎   哈哈

現烤豬肉脯都好好食呀

蒸熱食真係好煙韌   好在里奧大人提我咋

仍然係睇 2 集   因為我太集中精神睇會好攰   所以 10 點 45 分要瞓覺喇 ~

泡菜炒豬梅片 + 黑毛豬午餐肉 + 超甜粟米 ( 28-MAY-2026 )

( 28-MAY-2026  THU )

尋晚去完廁所   感恩好快瞓得番呀   同埋瞓得都唔錯呀   今朝 7 點 20 分都起身 lu ~

早餐食菠蘿油   食完就去里奧大人公司坐陣先番工 ~

菇場忙下停下   好快又到 Lunch Time ~

今日同船頭 阿齋飲茶   尋日阿齋話星期五飲茶   點知夜晚 Whatsapp 話今日   因為西瓜上工廠   可以晏啲先番   哈哈 ~

我同阿齋去酒樓先攞位先   揀咗兩樣點心先   等埋船頭嚟先再揀 ~

我哋見到鴛鴦炒飯   話依家好少見到呀   之後佢話細個同屋企人飲茶實會食雪菜火鴨絲窩米   我話我都係呀   真係咁啱都有嘅   再話仲有叫錦滷雲吞   我話同妳係咪坐隔離枱呀   食嘅嘢一樣嘅   哈哈 ~

傾完就見到船頭   我哋揀咗 6 樣點心   唔夠先再叫 ~

鮮蝦炸雲吞 ($28)

鮑汁鳳爪 ($45) - 呢個好入味   我哋仲叫咗囍盈蝦餃皇 ($35) + 鮮竹牛肉球 ($28) + 蜂巢炸芋角 ($31) + XO 醬炒腸粉 ($48)

一路食一路傾   咁啱阿齋屋企有啲麻煩嘢   好在船頭有啲提醒   希望可以幫到阿齋啦 ~

講開我依家做緊嘅嘢   佢話阿爽本身唔係醒   請個人番嚟頂溫總   蠢嘅又驚自己要做埋佢嗰份   叻嘅又可能有威脅到連工都無埋   所以佢好無奈咁留溫總算喇   咁就死得啦   所以佢哋部門零舍多古靈精怪嘢出現囉 ~

阿齋話佢成隻櫃無入資料都可以覺得無嘢   仲叫阿齋唔好咁惡   佢最鍾意叫人唔好勞氣   但接觸呢個人真係好難唔勞氣   幫佢跟嘢又唔知自己講咩呢下慘嘛   表達能力真係有問題   唔係點會個個對住佢都咁火滾吖 ~

之後阿齋同船頭講話濕疹唔可以咁忙   船頭即刻叫佢退休   話唔會叫妳將啲嘢比人哋做咁衰格   哈哈哈哈 ~

今日傾到 1 點 20 分先走   好在船頭望下幾點咋 ~

飲茶埋單 $276   阿爽知我哋飲茶   仲話茶位係十二蚊   真係佢唔講都唔知   呢間係阿齋想去嘅   之後佢話下次去另一間試下 ~

菇場唔忙   好快放工 ~

放工即走   里奧大人話去做機先   咁無問題啦   我番到屋企預備晚餐   之後佢都番到屋企   我叫佢沖涼先   反正未食得   同埋我煮越南河粉   佢沖埋涼先煮就啱啱好喇 ~

是日晚餐 - 泡菜炒豬梅片 + 黑毛豬午餐肉 + 超甜粟米

泡菜炒豬梅片 - 奇怪點解份量咁少   原來之前我分開咗 2 包   好在有泡菜充撐下   哈哈 ~

黑毛豬午餐肉 - 唔想得一樣餸咁悶但又唔想去買一個餸   所以就焗午餐肉 lu ~

超甜粟米 - 好在尋日買咗粟米   咁今晚就有蔬菜食喇 ~

洗埋碗抖陣就去做機   依家起碼做半個鐘呢 ~

沖埋涼就開機洗衫   里奧大人熨 2 機衫用咗個半鐘   佢真係好有心機熨㗎   我真係求其到爆   哈哈 ~

等佢熨完衫就睇 "低智商犯罪"   都係睇 2 集就夠   因為已經 10 點 45 分要瞓覺喇 ~

五指毛桃雞 (外賣) + 辣椒土豆炒肉 ( 27-MAY-2026 )

 

里奧大人話點解用呢個不鏽鋼碗嘅 ?!   我話快熱呀   佢真係唔鍾意不鏽鋼碗㗎   不過今次係我懶   如果唔係會擺落另一隻碟度嘅   哈哈

( 27-MAY-2026  WED )

感恩一覺瞓天光呀   今次無請多一日假休息   真係有啲唔慣   哈哈 ~

今朝同里奧大人一齊去買早餐   買完就去佢公司   咁就可以他他條條食   食完坐一陣先番工 ~

菇場唔忙   又可以做自己嘢喇 ~

Lunch Time 出去超市買香蕉同檸檬   之後買埋粟米都已經 12 點 25 分   但唔知食咩好   所以食杯麵 lu ~

船頭話我塊臉紅哂   我話出面超級熱呀   佢話佢老公唔怕熱都話熱   仲話依家仲會行山   我話行路都熱啦   仲要行山   唔係自己行都覺得熱呀   哈哈 ~

唔忙就繼續做自己嘢   放工去大家樂買雞   最後買埋麵包就番屋企 lu ~

里奧大人 6 點 15 分番到屋企   不過未有咁快食得呢 ~

是日晚餐 - 五指毛桃雞 (外賣) + 辣椒土豆炒肉

五指毛桃雞 (外賣) - 雖然只係 $50   但真係好細隻呀   可能 1 斤重係咁上下啩   不過我都係買比里奧大人帶飯嘅   我拻咗 2 隻雞髀同雞胸肉   其他部位真係無咩肉可以拻囉   所以連里奧大人都話份量好少呀   我話初初買嘅時候唔係咁細隻㗎 ~

辣椒土豆炒肉 - 尋晚食剩嘅辣椒土豆炒肉   我尋晚無食過   估唔到係咁好味道 ~

洗埋碗就沖涼休息   里奧大人去做機   我話好攰唔做喇 ~

8 點 50 分先睇 "低智商犯罪"   因為我完全唔記得有呢套劇要睇呀   哈哈 ~

我今晚特登留肚食甜品   我要襯新鮮食埋去呀 ~

虎皮粘粘糕 (RMB28.8/4 塊) - 食嘅時候有啲部份係酸   第一時間諗係職員話可以擺雪櫃 3 日   無理由咁快壞   之後睇番張相   原來成份係有沙拉醬

核桃養生糕 (RMB22.8/4 塊) - 尋晚食就煙煙韌韌   今晚焗熱食就無咁煙韌   聽晚試下蒸先

如果無葡萄乾就好喇

里奧大人最鍾意食嘅紅糖豆沙鍋盔   尋晚番屋企焗熱比佢食   佢食咗少少咋   所以今晚再食埋去

薜記鹿角脆係加錢換購嘅   明明話唔買   但最後都有買   因為真係好好食   哈哈

睇咗 2 集都夠喇   因為我好眼瞓   所以我 10 點半都瞓覺先 lu ~

繆氏川菜 ♡ 深圳 DAY 2 ( 26-MAY-2026 )

( 26-MAY-2026  TUE )

尋晚瞓得麻麻哋呀   個人好熱咁   之後里奧大人話半夜要開番大冷氣添呀   可能尋晚食燒烤燥熱呢 ~

今朝天陰陰   所以無咁熱

沖埋涼就出去麥當勞食早餐   但樓上比較焗   所以我話買番酒店食喇 ~

我無戴眼鏡呀   所以叫里奧大人開大屏幕比我睇啲字   但唔係間間食店都可以放大睇㗎   買咗兩份早餐只係 RMB45.50 (約 HK$47.74)

@ 麥當勞

買完就番酒店   其實只係喺隔離街口   所以住呢間酒店真係去邊都方便   哈哈 ~

我想食鮮肉干蒸燒賣 (RMB7 約 HK$8.16)   所以里奧大人就即刻買   次次去旅行都係咁㗎   之後仲會問係咪鍾意食 ?!   如果鍾意食就一陣再買嚟食

@ 桃園灌湯包

我最鍾意酒店有張圓枱仔   擺喺邊都得嘛   咁樣食嘢真係方便好多㗎 ~

開餐

熱辣辣嘅鮮肉干蒸燒賣嘅   估唔到就咁食都好食   因為無陣豬羶味呀

火腿扒早安營養卷套餐 (RMB18.50)  - 呢個好味呀

牛肉蛋沙拉叠叠卷套餐 (RMB27) - 呢塊卷餅嘅口感比較乾   之後里奧大人話夾埋薯餅一齊食   咁又真係好食啲喎

本身個喼都有啲重   但放咗袋米就超級重喇   辛苦里奧大人了

食完抖陣   差唔多 11 點就去按腳喇 ~

希望唔好落雨啦

酒店係國貿站 E 出口位置

對於我哋嚟講   11 點按腳真係好早㗎   但因為要 12 點前先有特價 RMB59/位 X 2 (約 HK$109.34) ~

望住出面都幾舒服   好個望住牆嘛   哈哈

藍天白雲   哈哈

抽煙移步室外   長得帥也不行

今朝都有 2 個客人按腳

今次大家都食水餃   里奧大人知我鍾意蘸醋   所以特登去拎比我呀   我同佢講雖然咁短時間又食   但我真係食得落同覺得好味道呀   放假心情真係特別唔同㗎   哈哈

按完就去金光華行陣   順便睇下一陣午餐係咩好 ~

又見到細細架嘅公車

我好記得瑞幸咖啡係樹岸對面   但兜咗個圈以為轉位啦   點知原來瑞幸係 "煥新升級中"   哈哈

里奧大人話今日可以去睇戲呀   咁我之前上網見到有套 "消失的人" 係懸疑片   所以即去買飛喇   但係睇 4 點 10 分嘅   咁就睇完食埋飯先番香港 ~

上次喺呢間 "南國影城二期" 睇戲   但呢間無 "消失的人" 套戲

新南國影城

危坐

呢間南國影城係舊啲嘅   所以有 "消失的人" 套戲喇   哈哈

買完就去食川菜啦   但入面好焗就唔食喇   連里奧大人都話焗呀   我話不如買午餐番酒店食吖   又可以試下其他嘢食嘛 ~

仍然係買花魁楊梅蓮霧冰1公升 (RMB33 約 HK$38.43)   但要等 30 杯   所以我哋可以周圍睇下有咩嘢食喇

脆皮厚巧燒係吸引   但太大個一定食唔哂呀

提拉米蘇花撻 (RMB12/枚) - 我對呢個甜品無咩興趣   可能唔鍾意呢啲口感

我買咗孜然里脊煎餅 RMB15.90 (約 HK$18.53)

我離遠睇隻公仔   以為係青蛙

配料

睇到佢整到咁   我心諗唔通係啱啱入行 ?!   之後佢就掉咗塊餅皮   我估咁做係用嚟開鑊

開始整餅喇

我好想飲咖啡   所以去 KFC 買喇 ~

RMB10.90 (約 HK$11.54)

我同里奧大人研究緊個 Apps 點樣點餐   呢個女職員整完嘢就即刻過嚟問有咩幫到我哋 ?!   仲幫我哋點埋飲品   我真係覺得好窩心呀   因為佢係可以唔理我哋嘅

@ KFC

里奧大人唔想我周圍行   所以佢自己去拎飲品   之後我企喺度見到混果汁位置   即刻打比里奧大人教佢點行   因為好多時我哋都兜咗個大圈先上到嚟呀

買完都走喇   經過今朝間食店   里奧大人問買唔買點心 ?!   我話得蒸包咋   所以唔想食呀   佢真係好搞笑   我話鍾意食就會成日問食唔食   哈哈 ~

原來我哋喺金光華買午餐嘅時候   出面係落過雨

我要買牛肉粿條   尋日見到已經想食㗎喇   咁今日一定要買嚟食啦 ~

好大鍋牛骨湯

今次早午餐都喺酒店食   我覺得好正呀   因為食完可以即刻上床抖下   哈哈 ~

細心嘅設計   因為唔撕開條膠   啲湯唔會漏出來

開餐

招牌牛肉粿條 (超大份) (RMB30 約 HK$34.97) - 頭先見到個客人叫咗碗牛肉粉   真係成個碗都係牛肉   所以里奧大人問佢食邊款 ?!   佢話係招牌牛肉呀

最欣賞係裝辣椒油同蔥嘅膠兜   分開兩格真係好好多啦   同埋容量都唔少㗎

孜然里脊煎餅都好味呀

一路食一路睇桌球

感恩酒店可以 3 點 45 分交房   所以里奧大人食完都瞓覺   我睇睇下電視都瞓咗 10 分鐘呀   好記得係 3 點 25 分瞓到 3 點 35 分   瞓醒真係精神哂呀 ~

臨走嘅時候先醒起無戴手錶   但個袋又無   我話唔知係咪跌咗   但里奧大人話尋晚見我放喺枱   奇怪今朝我唔戴   咁即係見過啦   原來佢放咗喺個袋入面   好在幫我放咗   其實唔係突然間醒起   我真係會唔記得戴隻錶囉 ~

放低行李就去睇戲   時間啱啱好 ~

酒店有 Locker 放行李就安全好多

行李卡

消失的人 (RMB39.90 X 2 約 HK$109.34)

我哋坐中間位置   全場好似得 10 個人睇咋   因為已經 5 月 1 日上畫   好在未落畫咋   哈哈

我哋覺得套戲好緊張   真係最後先知答案   哈哈 ~

睇完都 6 點幾   咁都要去食嘢喇   因為已經係晚飯時間   如果再遲啲食   我驚要排隊等位呀 ~

日長夜短   所以 6 點 45 分仍然好光

@ 繆氏川菜

古色古香嘅裝潢

繆氏一直陪伴您左右

成日講咗電動餐車做機械人

餐前小食

超值雙人餐 (RMB108 約 HK$125.89)

肥腸豆花魚 (大份) / 辣椒土豆炒肉 / 烚鍋包菜 / 燒椒溏心皮蛋 / 老成都冰粉 (2 份) / 米飯 (2 份)

燒椒溏心皮蛋 - 里奧大人食 1 件咋   好在啲汁係酸酸咪咪   咁樣食完無咁滯   哈哈

老成都冰粉 (2 份)

電動餐車真係好幫手

辣椒土豆炒肉 - 我無食呀   里奧大人話好味道

烚鍋包菜 - 食咗一半要打包

肥腸豆花魚 (大份) - 如果辣啲就更好

肥腸好食   最緊要無陣味

土豆幾乎無食過   所以一定要打包啦   膠盒係 RMB1/個

食完已經 8 點   本來想去永輝買花茶   但最後都唔買喇   都係想早啲番屋企 ~

夜晚嘅金光華廣場就靚好多喇

我哋要去羅湖站買鍋盔   之後我又買咗啲糕點   真係滿載而歸喇   哈哈 ~

依家買嘢食番香港真係好方便   起碼唔駛早一晚買定嘛

里奧大人必買嘅手信   買咗 3 塊紅糖豆沙鍋盔 (RMB9/件 約 HK$31.47)

不斷咁烤   個場又熱   所以職員都好辛苦

脤卜卜嘅鍋盔

因為啱啱出爐   所以唔可以蓋實   里奧大人就拎多幾個獨位紙袋   將鍋盔逐個蓋住

虎皮粘粘糕 (RMB28.8/4 塊) - 我心算係 RMB8/件   但覺得咁貴係咪計錯   所以拎部電話再篤多次   之後里奧大人過嚟話買啦   我話好貴呀   佢話又唔係成日嚟   之後就叫職員比 4 件

合桃養生糕 (RMB22.8/4 塊) - 我話都想買呢個   之後里奧大人又話買啦   咁我唔客氣喇

買咗 HK$60.15

@ 華北川鮮糕點

往香港

居然有 4 連位呀   真係第一次見咁情況

9 點 39 分   如里奧大人所料係 9 點 45 分會番到屋企   哈哈

開埋機洗衫就沖涼   之後焗熱鍋盔比里奧大人   點知佢話食少少咋   之得唔焗啦 ~

放入雪櫃   可以放兩日㗎

試咗合桃養生糕   口感係超級煙韌呀

睇埋新聞   今晚 11 點半先瞓 ~