蠔油燜冬菇蠔豉 + 魚香茄子 ( 7-SEP-2026 )

 

尋晚食剩嘅滷水鴨同紅腸

( 7-SEP-2026  MON )

感恩一覺瞓天光   但 6 點 55 分醒醒哋   不過我最後都瞓到 7 點 20 分呢 ~

早餐食 Flakes + 乳酪   食完就會覺得好凍   哈哈 ~

菇場超級忙呀   咁都好㗎   時間過得快好多呢 ~

Lunch Time 蒸完飯去買茄子同三色椒   難得見到豆角又買埋   加埋都幾重   所以都唔想再行   直番菇場開飯 lu ~

仍然忙呀   好在 4 點半搞掂 ~

放工即走   番到屋企就即刻煮晚餐   里奧大人話啱啱做完機   所以想沖埋涼先熨衫   我話無問題啦   都未咁快食得   哈哈 ~

是日晚餐 - 蠔油燜冬菇蠔豉 + 魚香茄子

蠔油燜冬菇蠔豉 - 第一次燜蠔豉   估唔到好好味呀   冰格好似仲有包蠔豉   咁下次再咁樣煮先 ~

魚香茄子 - 依家清下啲醬料包喇   咁我再加啲豆板醬   諗住惹味啲嘛   但里奧大人話辣呀 ~

洗埋碗就開機洗衫   之後沖涼休息喇 ~

擺咗個幾星期嘅樂淇珍寶蘋果   估唔到仲好甜好爽脆喎

同里奧大人一齊睇 "卿卿日常"   不過只係睇咗 2 集半咋   因為已經 10 點 45 分   係時候瞓覺 lu ~

滷水鴨 (外賣) + 紅腸 (外賣) + 菜心苗 ( 6-SEP-2026 )

紅腸 - 呢度只係一半嘅份量

( 6-SEP-2026  SUN )

里奧大人開燈   我就用被蓋住對眼   佢嚇到即刻熄燈   仲好驚話點解妳喺度嘅 ?!   佢以為我喺廳等佢一齊食早餐呀   我話幫你焗熱咋   佢話佢自己焗得啦

里奧大人揀咗藍莓味   其實本身我想食㗎   不過比佢揀咗先囉   最搞笑佢話鍾意食朱古力味多啲   我話知啦   但嗰日無哂朱古力味呀 ~

7 點半開始再瞓過   瞓到 9 點 42 分都起身   我校咗 9 點 45 分㗎   其實我多數呢啲時間都會醒呢 ~

刷完牙就燜餸   之後就食早餐喇 ~

早餐食合桃 Muffin   仍然覺得好味道 ~

食完抖陣就沖涼   今朝居然唔駛開冷氣呀   真係好難得呢 ~

10 點 45 分出發番自己教會事奉   散會就即刻去買午餐   因為班車啱啱走咗   但 20 分鐘後有車   所以去南記買午餐啦   尋晚里奧大人話南記魚肉春卷好食啲嘛   買完再去零食物語買檸檬飲品就搭車喇 ~

買完即睇 Apps 顯示 1 分鐘到達   之後過緊馬路就顯示已到達   但我唔理照行去巴士站   感恩巴士要等埋紅綠燈先開車   否則我趕唔到架喇 ~

魚肉春卷拚辣豬肉酸辣米線 (小辣) - 好耐無食   所以里奧大人見到好開心   哈哈

椒鹽酥炸魚腐 ($24) - 好油   同埋係食空氣囉

榴槤送比我同里奧大人嘅月餅

食完就幫手做嘢   里奧大人仲未走得   但我都走先喇   我要番屋企沖涼之後就去針灸呀 ~

滷水鴨 ($78 半隻)

3 點半針到 4 點   番到屋企都做唔到家務   咁就睇 Youtube 啦 ~

醫師幫我針一下隻手   但我唔記得有咩好處添

MUKUMI 檸檬飲料 6 支 ($30) - 我買咗 2 排   呢期又突然鍾意飲酸嘢

特濃可可飲料 ($23) - 里奧大人鍾意飲   所以又買比佢喇

今日頻頻樸樸都幾攰   所以我 5 點瞓到 5 點半呀   里奧大人就瞓到 6 點先起身   咁我都要煮晚餐 lu ~

是日晚餐 - 滷水鴨 (外賣) + 紅腸 (外賣) + 菜心苗

滷水鴨 (外賣) - 味道都唔錯呀   下次可以再買嚟食 ~

紅腸 (外賣) - 里奧大人鍾意食   所以買 1 條 ($20)   以前鍾意煎紅腸   但凍肉舖嗰啲好大條呀   好似食極唔完咁就唔買 lu ~

菜心苗 - 今晚點都要食哂喇   始終係星期五買   唔想留咁耐 ~

頭先針完隻手   我覺得食完嘢無反胃呀   因為呢三個星期成日食完嘢好反胃呢 ~

洗埋碗就開機洗衫   之後抖多陣先沖涼   我想敷夠 5 個鐘呀 ~

里奧大人去做機   咁我又熨衫啦 ~

等埋里奧大人沖涼就睇 "卿卿日常"   睇到第 6 集又已經 11 點半   我要瞓覺喇 ~

1 人蜂盛套餐 (Jollibee) (外賣) ( 5-SEP-2026 )

1 人蜂盛套餐 X 2 ($60/份) -  2 件樂脆雞+蘑菇飯+薯條+香芒蜜桃批+汽水   我再加配 $10 蒜香牛油雞翼

( 5-SEP-2026  SAT )

今朝同里奧大人出去食早餐   我食完就番屋企 lu ~

食完麵有哂氣力   所以傾盡全力執嘢抹嘢喇 ~

1 點終於搞掂哂想執嘅嘢   但其實仲有個食物櫃要執   不過真係有有啲攰要抖下囉 ~

本身想去食點心   但又唔係好餓   所以都係食番乞朝剩嘅早餐就算喇   因為啲份量唔湯唔水   都係快啲清哂好啲   哈哈 ~

里奧大人 2 點 15 分番到屋企   可能即刻食午餐喇 ~

食完都沖涼休息下先   里奧大人沖完涼就瞓晏覺 ~

我睇 Youtube 又打下機啦   里奧大人瞓到 6 點   之後等佢處理埋公司啲嘢   差唔多 6 點半先出去呢 ~

諗住去成興隆買牛仔骨   不過已經 Closed   之後我話去 Jollibee 買晚餐   里奧大人好愕然呀   因為我唔行 AEON   哈哈 ~

買完諗住買糖水   不過無開舖   咁都即刻番屋企 lu ~

沖埋涼先開餐   感覺真係舒服好多㗎 ~

食完就同里奧大人一齊睇 "卿卿日常"   其實無線播過   但我只係睇咗幾分鐘   咁啱就係睇殺豬女偷食嗰 Part   同埋咁啱男主角係白敬亭   所以都想睇喇  ~

睇咗 3 集又已經 11 點 15 分   係時候瞓覺 ~

魚肉春卷日式拉麵 + 菜心苗 ( 4-SEP-2026 )

 

( 4-SEP-2026  FRI )

尋晚 12 點幾去完廁所都好快瞓得番   不過半夜又醒醒哋咁   所以瞓得唔係咁好   但感恩起身都精神呀 ~

今朝同里奧大人出去食早餐   基金上每個星期五都係咁呢 ~

我同里奧大人講話雖然我都鍾意曬下   但最怕曬到出斑   佢話我天生麗質唔駛怕曬啦   我話咁都係啫   之後佢喺度大笑   話估唔到我咁答佢   哈哈 ~

菇場唔忙   阿齋問我有無食蛋 ?!   我話食咗碎蛋治   之後船頭話妳做咩成日人啫   阿齋話關心下人吖嘛   再話覺得啲蛋好可憐   黐鬼線   哈哈 ~

Lunch Time 蒸完飯就去買菜   買完再行陣就番菇場開飯 lu ~

船頭去買 Muffin   所以叫佢幫我買 2 件   我要藍莓同核桃味道   因為無哂朱古力味呀

唔忙就做自己嘢   好快就放工 ~

番到屋企即預備晚餐   里奧大人今晚 7 點半先番到屋企呀   好在我唔駛做機咋 ~

是日晚餐 - 魚肉春卷日式拉麵 + 菜心苗

魚肉春卷日式拉麵 - 簡單又好味   所以星期五先整   因為唔駛帶飯   哈哈 ~

菜心苗 - $16/斤都唔知算唔算貴   但船頭話呢間菜檔啲菜有菜味   果然真係喎   下次見到會再買嚟食 ~

洗埋碗就開機洗衫   搞掂就沖涼   之後抖陣先熨衫 ~

馬來西亞香烤工坊炭燒豬肉乾真係好味道   不過唔係成日有貨

因為想清埋包梳打餅   所以即刻整麥芽糖餅乾喇

睇下 Youtube   今晚 11 點 10 分先瞓覺 ~

銀蝦 XO 醬炒翠玉瓜 + 芝士辣椒煙燻腸 ( 3-SEP-2026 )

( 3-SEP-2026  THU )

感恩瞓得都唔錯呀   可能天氣涼涼哋 ~

今朝里奧大人去買早餐   之後就一齊去佢公司喇 ~

估唔到阿妹今朝好早番   咁又好喇   好耐無傾偈嘛 ~

阿妹送比我嘅日本手信   原來之前想比我   不過佢換咗袋唔記得拎

我提家姐用 Coupon 買嘢   點知佢問我係咪有嘢想買 ?!   其實我好感動㗎   佢成日都係咁囉   一有嘢提佢買或者覺得抵買   佢就以為我要佢幫我買咁呢

菇場忙到 10 點就搞掂   可以做自己嘢喇 ~

Lunch Time 蒸完飯就去 OP 買香氛身體噴霧   買完再去 360 買薯片   搞掂就番菇場開飯 lu ~

HETRAS Double Shot 香氛身體噴霧 ($59) - 我買咗 Hotel Wood 雅舍木調同埋 Bombshell 晨曦牡丹嘅味道

Red Rock Deli 甜椒酸忌廉味薯片 ($29)   買 1 包喺公司食   再買多包比家姐同里奧大人

唔忙就做自己嘢啦   里奧大人 Whatsapp 話阿笑特登入佢房   之後話啲餸好香呀   係咪咖哩 ?!   10 分鐘後又到 MM 入佢房話佢啲餸好香   佢話佢老婆聽到實開心死   但其實都係現成咖哩醬功勞之嘛   哈哈 ~

因為佢哋會有聚餐   阿妹今朝都講咗   里奧大人話頭先小米問我嚟唔嚟 ?!   再話每次一關於食嘅呢   佢哋就會諗起我喎 ~

船頭請我同阿齋食完士多啤梨   但真係好酸   阿齋話要食啲鹹嘢   咁我話同佢去 Pantry 食豬肉乾啦   之後佢食完又食抹茶餅   船頭話佢食酸嘢食到開咗個胃呀

放工即走   番到屋企都即刻煮晚餐 lu ~

之前喺一田買嘅芝士辣椒煙燻腸

是日晚餐 - 銀蝦 XO 醬炒翠玉瓜 + 芝士辣椒煙燻腸

銀蝦 XO 醬炒翠玉瓜 - 加咗 3 條魚肉春卷   煮出嚟又幾好味噃 ~

芝士辣椒煙燻腸 - 里奧大人話好辣   我話就係聽到船頭話辣先買咋   哈哈 ~

洗埋碗就煮蕃薯糖水   之後即刻沖涼 lu ~

里奧大人話唔做機   咁可以食糖水喇 ~

睇下 Youtube 又打下機   今晚 10 點 50 分先瞓覺 ~

日式咖哩燜南瓜雞下髀 ( 2-SEP-2026 )

 

南瓜餅 - 里奧大人話想食南瓜餅   我就試下整啦   口感煙韌但味道就淡咗啲   因為加咗少少糖咋   但里奧大人話好食呀   都唔知係咪真嘅   哈哈

( 2-SEP-2026  WED )

尋晚去咗 2 次廁所   但感恩好快瞓得番同埋起身都精神呀 ~

早餐食鄉村軟法包   唔想咁齋就加塊芝士喇 ~

菇場忙呀   咁我同阿齋講話去一田   順便幫佢買筆   之後佢話都要去一田買蘆筍   再問船頭去唔去 ?!   佢又話一齊行下 ~

馬來西亞香烤工坊炭燒豬肉乾 - 船頭請我同阿齋食嘅

Lunch Time 一到即去一田   我就真係無咩嘢特別要買喇   但我話下次大減價會買牛肉乾   家姐話南瓜好食又要買比佢   姐夫話豆漿好飲又要買埋   弟兄姊妹話無花果好食又要買啦   不過最緊要係下次都有呢啲貨先得呢 ~

船頭問我食咗啲腸未呀 ?!   我話煮飯好少食腸   佢話究竟妳平時夜晚食啲咩餸㗎 ?!   哈哈 ~

阿齋話買蘆筍同螢光筆   但我哋見到豆漿 $8/支咋   仲平過之前特價   所以每人買 4 支

佢哋買下買下又一堆

買完又已經 12 點半   要番菇場叮飯食喇 ~

我想買碟仔蘸醬汁   所以就買呢隻喇   只係 $8 咋

仍然忙呀   做到 3 點先搞掂 ~

西瓜請食下午茶   本身我同阿齋都係要炸雞髀   之後船頭話炸咁多隻好油   佢食瑞士雞髀   我哋又即跟佢   哈哈 ~

3 點半食下午茶   但只係食到件西多   雞髀要留番今晚食 lu ~

好在跟船頭食瑞士雞髀   因為西多已經好多油   食埋炸髀真係唔掂呀

放工即走   今晚煮出前一丁   因為我想食濕嘢   同埋想襯記得有就快啲食呀   哈哈 ~

是日晚餐 - 日式咖哩燜南瓜雞下髀

日式咖哩燜南瓜雞下髀 - 要清埋個南瓜呀   用咖哩煮都好好味呢 ~

洗埋碗就煎南瓜餅   搞掂就開機洗衫   之後沖涼休息喇   里奧大人就去做機   我話下星期都想做番呀   不過睇下醫師話得唔得先囉 ~

咁我熨衫啦   但熨剩 4 件要里奧大人熨呀   佢話做咩唔叫佢熨哂 ?!   我話佢呢排好忙   想佢抖下囉 ~

里奧大人 10 點半瞓覺   我睇 Youtube 睇到 10 點 45 分先瞓覺呢 ~

蒜鹽味燒肉汁燜牛肉片 + 茄子燜牛腩 ( 1-SEP-2026 )

( 1-SEP-2026  TUE )

尋晚半夜去完廁所又睇下個鐘   因為好似就嚟天光咁   但原來只係 4 點 14 分   咁當然繼續瞓啦 ~

今朝 7 點 15 分醒咗   懶床 5 分鐘都起身   里奧大人問幾點 ?!   我話瞓多陣先啦 ~

早餐食脆皮麻糬+開心果麻糬+朱古力麻糬   味道普通啦   下次唔駛再買   但里奧大人話朱古力 Muffin 好味   我會叫阿齋幫我買   咁我唔駛行咁遠   哈哈 ~

菇場忙呀   咁就好喇   時間快過啲㗎 ~

幾快又到 9 月呀

Lunch Time 蒸完飯就出去買菜   橫風橫雨好似打風咁   所以買完都即刻番菇場開飯喇 ~

船頭叫我戒買蛋啦   阿齋話佢買咗蒸蛋器喎   之後問我用咗未 ?!   我話未呀   佢話都唔明點解蒸隻蛋咁難   唉   我覺得佢唉嗰下好好笑   哈哈 ~

終於清哂船頭嘅綠茶蕨餅   3 個人食總好過 1 個人食嘅   因為都幾甜呢

忙下停下   好快就放工 ~

番到屋企即刻預備晚餐   始終煮茄子係比較耐呢   所以里奧大人 7 點番到屋企   係啱啱好可以開飯呢 ~

是日晚餐 - 蒜鹽味燒肉汁燜牛肉片 + 茄子燜牛腩

蒜鹽味燒肉汁燜牛肉片 - 里奧大人話好味呀   咁真係要多謝牛角汁喇   哈哈 ~

茄子燜牛腩 - 尋晚食剩嘅蘿蔔牛腩用嚟做汁   同茄子一齊食都好夾㗎 ~

洗埋碗就煲蕃薯糖水   之後沖涼   里奧大人去做機但無位   我話咁都好吖   可以早啲食糖水嘛 ~

睇多陣 Youtube   今晚 10 點半都瞓 lu ~