新哥廚坊 @ 官塘 ( 30-SEP-2026 )

蜆芥鯄魚球 ($48) - 呢個真係百食不厭呀

蒜蓉手拍青瓜 ($48) - 無諗過咁辣

招牌 2 人套餐 ($288)

四川水煮牛肉 (小辣) - 呢個又係好辣

啖啖口水雞

脆皮咕嚕肉 - 里奧大人同媚媚都話食咕嚕肉   之後媚媚都笑住話又食呢個   哈哈

豉椒炒蟶子 ($128) - 都幾大隻   本身要米底   不過佢哋漏咗

檸檬梳打 (+$13) - 無咩檸檬味

( 30-SEP-2026  WED )

一覺瞓到 6 點 20 分   但都係繼續瞓到鬧鐘響先起身 ~

里奧大人以為我咁早起咗身係瞓得唔好   我話係熟睡狀態呀   即係其實我瞓 8 個鐘就夠   其實 11 點瞓最好   但我 10 點半就開始眼瞓囉 ~

今朝里奧大人去買早餐   買完就去佢公司喇 ~

我同里奧大人講話買開嘢就想買   如果一排無買就會唔想買嘢咁   佢話唔覺囉   覺得我成日會買嘢   哈哈 ~

菇場忙下停下   咁就最好   啲時間過得快好多㗎 ~

Lunch Time 同船頭 阿齋去薩利亞食午餐   食下傾下啲時間過得勁快   一望手機已經 1 點   要即刻埋單走喇 ~

甜蝦沙律 ($30) / 中華海草 ($10) / 水牛芝士伴蕃茄 ($20) / 飲品 X 3 (+$13/人)

歐陸風烤焗香腸 ($20) - 船頭負責將條腸仔切粒

香草牛油焗田螺 X 2 ($30/碟) / 原味雞翼 ($20) / 煙肉菠蘿薄餅 ($34)

仲有黑椒煮肉蜆 ($20) 同埋明太子海鮮意粉 ($40)

意大利咖啡凍餅 ($20) - 船頭話食完鹹要食甜

我要去 DIASO 買嘢   好在已經鎖定目標   但番到菇場已經 1 點 15 分喇 ~

買咗 9 條零食+1個盒仔

番到菇場睇番張單   原來無比 9 折  我又要即刻去番 DIASO 呀 ~

唔忙就做自己嘢啦   放工同里奧大人去行下 APM   之後就去菜仔舖頭坐下先   媚媚差唔多 7 點半去到食店   不過菜仔仲有嘢搞   所以我哋出發先 lu ~

今次媚媚講咗好多嘢   真係令到我同里奧大人眼界大開呀   呢個世界真係咩人都有   但無諗過會係我認識嘅   哈哈 ~

菜仔差唔多 8 點先到   咁啱啲嘢食嚟齊哂 ~

食完又已經 9 點   媚媚想食甜品   但附近舖頭又 Closed   所以都係去麥當勞喇 ~

我好飽唔食喇   菜仔話食蘋果批蘸雪糕好好食㗎   不過無人理佢   得佢自己係咁樣食   哈哈

又傾到 12 點呀   本身媚媚諗住搭 10 點半巴士   但佢話難得咁好傾   所以繼續傾就搭的士走呢 ~

我哋就再轉場去菜仔舖頭傾   菜仔話因為我喺度   里奧大人先咁夜走   我話因為佢無飲啤酒   唔眼瞓咪可以傾耐啲囉 ~

不過傾到 1 點 45 分都要走喇   我同里奧大人講話今晚傾得好盡慶呀   所以好開心呢 ~

番到屋企即沖涼   差唔多 2 點半先瞓呀 ~

Foodeli @ 九龍灣 ( 29-SEP-2026 )

@ 古早台居 - 肉燥飯配珍珠奶茶 ($59) + 甜不辣 (追加 $13)

@ Pepper Lunch - 黑椒牛肉飯 (LL) ($57)

( 29-SEP-2026  TUE )

今朝瞓到 6 點半就起醒咗   之後再瞓到 7 點 10 分   但等到鬧鐘響先起身 ~

早餐食鄉村軟法包   我搽咗藍莓果醬同花生醬   里奧大人就鍾意食喇 ~

菇場忙下停下   船頭話以前 SUPERSANDWICHES 嘅焗薯好好食   我話係呀   嗰時仲係家姐帶我去食添呀   好記得佢加錢換咗杯 Cappuccino  不過我話我唔鍾意飲   之後我搭巴士番屋企   佢比埋散紙我坐車   如果無散紙就會比佢張八達通比我   但其實我係有錢搭車㗎喎 ~

尋日船頭先講細個食珍珍薯片覺得好好食   我話我都係由細食到大   但依家就越嚟越難食 ~

我話聽日唔帶飯   船頭話佢又係唔帶喎   之後問阿齋   佢話佢都唔帶啦   妳哋都講到明唔帶喇 ~

我哋再講話聽日要食啲咩   我話要食中華沙律   阿齋話要食腸   船頭話佢好似帶兩個女出街咁   要食呢樣嗰樣   哈哈 ~

Lunch Time 同船頭一齊去 OP 買嘢   之後再去一田   睇到悅和醬園嘅豉油 $19 都抵   但上次 $16 更抵   船頭話原來屋企支就嚟食完   上次 $16 無買真係激氣   我咪話囉   上次叫妳買又唔買   買 2 支已經慳番六蚊雞呀 ~

本身唔推車   之後船頭話要推車呀   所以我話每次唔推車反而會買到嘢   哈哈 ~

日本九洲產華味鳥雞肉丸 ($65.90) - 船頭話好食㗎   但我話 1 包太多   所以迫佢同我 Share

油漬鮪魚 5 罐裝 (會員價 $32 原價 $40) - 會員價 $32 (原價 $40)   船頭買咗 2 筒   我話平八蚊呀   梗係買多筒啦   反正妳個仔又鍾意食   我都忍唔住買咗 1 筒   哈哈

買完都已經 12 點半喇   好在我叮飯啫 ~

頭先船頭喺 OP 買嘅大眼蝦嘅海苔蝦餅 ($28)

忙下停下   好快放工 ~

今晚同里奧大人去德福訂嘢   搞掂就去食晚餐喇 ~

食完就搭 Shuttle Bus 去 megaBOX   因為要去 IKEA 買嘢呀 ~

曾經鍾意嘅 ONE PIECE

儲物組合 (再創低價 $49.90 原價 $59.90)   質料好實正呀   所以買咗 3 個   IKEA 啲嘢一係好貴又唔值   但有啲平得嚟又好雞   所以今次呢個層架真係又平又質料好呀

$24.90 (3 件) - 我鍾意綠色同紫色   最後忍唔住要買呀

掛牆鐘 ($49.90) - 里奧大人買番公司用嘅

行行下聽到廣播   話剩番半個鐘就關店   所以要快快腳行喇 ~

買完就搭 Shuttle Bus 去德福再搭巴士番屋企   里奧大人拎咗銀包出嚟   因為佢係想嘟八達通   哈哈 ~

9 點半番到屋企   即刻沖涼   之後再同里奧大人一齊睇 "開端" 大結局   估唔到係咁感人 ~

睇多陣 Youtube   今晚 10 點半都瞓覺 lu ~

茄汁洋蔥豬扒 + 魚肉春卷 + 菜心 ( 28-SEP-2026 )

( 28-SEP-2026  MON )

感恩一覺瞓天光呀   但鬧鐘未響繼續瞓   不過我就唔望個鐘   真係無咁大壓力㗎   所以之後其實又係瞓番   瞓到鬧鐘響先起身呢 ~

早餐食紅豆麻糬   我覺得黑芝麻好味啲 ~

菇場超級忙呀   實在太好喇 ~

船頭一番到嚟就同我講話唔記得我上星期五請假   奇怪我點解咁晏仲唔番到公司   哈哈 ~

Lunch Time 蒸完飯就出去行下   行夠半個鐘就番菇場開餐喇 ~

仍然忙呀   差唔多 4 點先搞掂 ~

放工即走   番到屋企都即刻煮晚餐喇 ~

是日晚餐 - 茄汁洋蔥豬扒 + 魚肉春卷 + 菜心

茄汁洋蔥豬扒 - 尋晚剩咗半個洋蔥就煮呢個餸啦   反正里奧大人都鍾意食茄汁嘅餸 ~

魚肉春卷 - 陳記出㗎   味道都唔錯呀 ~

菜心 - 喺惠康買 $5/份   但都有菜味㗎 ~

洗埋碗就開機洗衫   之後沖涼休息喇   里奧大人已經熨 2 機衫   所以今晚好快可以睇 "開端" 喇 ~

睇到 11 點 15 分先瞓覺呀   睇埋聽晚就睇哂 lu ~

焗三文魚扒 + 芝士香草煙燻辣腸捲捲粉 ( 27-SEP-2026 )

 

( 27-SEP-2026  SUN )

今朝同里奧大人一齊起身   但我沖埋涼就去家姐屋企嘅 ~

離遠見到 Berry 女隻耳   對眼直望個身又硬哂咁   之後就扯住 U 姐過嚟搵我呀   又係咁撲我   真係比佢冧死呀 ~

送埋佢哋番屋企就同家姐去食早餐   一路食一路傾就最開心 ~

炸魚柳 (配他他醬) 炒蛋+低糖日式麻醬沙律+麥包多士 ($56) - 依家家姐知我唔鍾意食沙律菜   所以佢第一時間話佢食哂去   哈哈

煙肉+蜜味火腿+炒蛋+薯餅+麥包多士+凍咖啡 ($52) - 我同家姐都鍾意食麥包多士

一入屋 Berry 係會撲我同大叫   但喺街就好少大叫㗎喎 ~

係咁 R 真係好陰公

難得喺度陪我哋呀

CEO 送比家姐嘅 ROSEWOOD 流心月餅

家姐係咁問我要唔要 ?!   我話真係唔要啦   依家聽見月餅都驚呀

今次家姐又比咗 Haagen Dazs 雪糕 Coupon 比我   佢話呢啲 Coupon 免費㗎   我同同事睇清楚先比妳㗎   唔係又會比妳鬧   哈哈 ~

我瞓喺度啦   Berry 無啦啦黐到我實一實   咁我都即刻攬住佢   因為佢想瞓覺   之後瞓到扯鼻鼾

依家 47 磅呀   所以要同佢減肥呀

今日要拎榴槤月餅同埋 A1 咖啡   之後家姐話 Uncle 買咗 2 Kgs 魚肉春卷   佢話比啲家姐   但其實係 1 Kg 咁滯囉   因為諗住 "啲" 都係十條八條咁之嘛 ~

12 點 15 分都走喇   家姐送我搭車 ~

買埋午餐就去里奧大人公司   食完又要做嘢   搞掂就去惠康買嘢   里奧大人就要開會 ~

鳳爪排骨飯 ($33) / 蝦餃拚粉果 ($33)

番到屋企即沖涼呀   今日好熱呀   慢慢行都行到成身汗 ~

眼瞓又瞓唔到   咁睇 Youtube 啦   不過最後唔知由幾點瞓到 5 點呀 ~

得閒就做下小清潔   搞掂就預備晚餐   5 點半番到屋企   叫佢沖涼先   今晚 6 點 15 分就食得喇 ~

是日晚餐 - 焗三文魚扒 + 芝士香草煙燻辣腸捲捲粉

焗三文魚扒 - 好耐無食魚   所以就焗嚟食喇 ~

芝士香草煙燻辣腸捲捲粉 - 我再加多 2 條芝士辣椒煙燻腸   依家要快啲清哂啲腸呀 ~

洗埋碗就開機洗衫   之後沖涼休息 ~

同里奧大人繼續睇 "開端"   不過我睇到 10 點半都瞓 lu ~

譚仔三哥米線 @ 紅磡 ( 26-SEP-2026 )

過橋米線 (煳辣 3 小辣) + 凍好立克 ($11)

香烤豬頸肉 (迎新免費)

( 26-SEP-2026  SAT )

感恩一覺瞓到 7 點半呀   但我都會繼續瞓呢 ~

瞓瞓下聽到出面有電話鈴聲   原來係里奧大人逢星期六係校咗 8 點鬧鐘響 ~

臨醒個夢係屋企有幾個小朋友   佢哋係鬼嚟㗎   但好似個人咁嘅   不過佢哋好乖   因為同佢哋都成日玩埋一齊   咁我再去賓姑屋企   又見到佢哋呀   原來佢哋都識賓姑 ~

今朝瞓到 9 點 20 分   其實自然醒都多數係呢啲時間 ~

同里奧大人出去食早餐   食食下嘢   里奧大人問我今晚駛唔駛番教會事奉 ?!   比佢嚇一嚇即刻睇行事曆呀 ~

我叫里奧大人食哂啲沙律菜   唔知點解我對沙律菜係有啲抗拒

食完就番屋企執嘢喇   家姐又問我要唔要啲咩 ?!   再問我係咪今日放假 ?!   我話今日紅假嘛   妳唔好嚇我啦   頭先已經比里奧大人嚇一嚇   佢話因為放唔放紅假都唔駛番星期六喎   哈哈 ~

執完都已經 1 點半   所以就叫里奧大人去買午餐喇 ~

原蝦燒賣皇 ($26) / 醬汁茄子拚尖椒 ($33) / 溫泉蛋牛肉飯 ($33)

牛肉好厚身

一路食一路睇 "開端"   睇到 3 點半就停喇   我要沖涼洗頭   因為要去里奧大人公司   我想幫佢執嘢呀 ~

搞掂哂就一齊番崇拜   散會之後就去食晚餐 ~

坐我隔離嘅肥仔   佢一個人食 1 碟大雞翼 + 1 碟豬頸肉 + 4 碟串燒   佢本身已經係食墨魚豬腩肉米線   我覺得我坐喺大胃王隔離咁呀   哈哈 ~

食完就去 HKTVmall 買藍莓   呢期里奧大人好鍾意食呀 ~

番到屋企即沖涼休息   之後又一齊睇 "開端" 喇 ~

$25/盒都平   所以買咗 2 盒   產地係秘魯   但都好甜呀

今晚有啲攰   睇到 11 點都瞓覺 lu ~

銘興山西刀削麵 @ 紅磡 ( 25-SEP-2026 )

熱拌手撕雞刀削麵 ($55) - 我哋每次都會叫小麵   但幾乎次次都係無小到   但今次就真係小麵喇   之後我同里奧大人講話我可能真係好餓   所以食得哂碗麵   佢話係因為今次細碗咗   我覺得咁嘅份量係最好呢

麻辣豬軟骨刀削麵 ($52) - 里奧大人要啲麵要腍啲   不過今次又係無呀

( 25-SEP-2026  FRI )

感恩一覺瞓到 6 點 48 分   不過之後又瞓到鬧鐘響先起身喇 ~

今朝同里奧大人出去食早餐   我每星期最期待呢   哈哈 ~

菇場唔忙   今日中秋節收 4 點   不過對我嚟講都無咩所謂   因為我下午都請咗假 ~

里奧大人今日請食中秋午餐呀   佢好想我去   阿妹又問咗幾次   小米又好開心問我到唔到 ?!   易姐又叫我嚟   咁我就請假啦   我都想同佢哋一齊聚餐 ~

阿妹同細佬講緊嘢   之後我同細佬做個"噓"手勢   佢即刻慢慢向後行   我就行前攬住阿妹   開心死佢呀   佢真係開心到講唔到嘢呀   仲話我又話唔嚟   我話我無話唔嚟喎   我只係話放 4 點   妳覺得我唔會嚟之嘛   哈哈 ~

叻叻以為我放 4 點可以咁早走   我話我請咗半日假呀 ~

12 點 45 分開始食   其實我唔會食咁多   因為本身我話唔嚟家嘛   我只係食 2 隻雞翼同鵝腸就可以   反正我又多嘢講   唔食都無問題呀   哈哈 ~

全家福

秘制五味鵝 ($148) / 豉椒炒建鵝腸 ($88) / 時菜豆腐燜腩仔 ($78) / 薑蔥醬爆牛肉 ($78) / 菠蘿生炒排骨 ($78) / 椒鹽豬扒 ($68) / 星洲炒米粉 ($48) / 瑤柱蛋白炒飯 ($48) / 2 桶炸雞 ($176)

細佬整嘅蜜糖腸   佢喺屋企煎完再番嚟叮   佢哋以為佢係街買番嚟呀   我話佢好細心呀   蕃茄醬都提供埋   我就真係唔會記得囉

我買咗東京麵同夾心餅   小米就有潮州月餅

榴槤請食月餅   佢哋話好似番梘   哈哈

小丸子請食 Rich Tiramisu   佢特登去 Mr. CHEESECAKE 買㗎   我哋個個都話好食呀   口感好似食雪糕咁   之後問佢幾錢 ?!   佢話 $300   我哋話好貴呀

叻叻同易姐請食秋月梨同提子   我尋晚經過 HKTVmall 見到提子   但好大抽就唔想買   因為糖份好高嘛   估唔到今日有得食   所以勁開心呀   里奧大人叫我拎抽提子比佢哋食   點知我自己食咗   哈哈

好有特色嘅月餅

細佬話食咗芝士會頭痛   我記得家姐話食味精就會頭痛   我好怕頭痛   好記得有次朝早開始頭痛   痛到夜晚都仲痛   最後忍唔住食粒 Panadol 就即刻唔痛   我話下次一開始頭痛就食喇   唔係真係搵自己嚟搞 ~

個個差唔多手停嘅時候   阿妹夾隻鴨翼比我   仲話妳頭先話鍾意食   估唔到佢會記得   所以里奧大人成日話佢好有我心㗎   哈哈 ~

食下傾下已經 2 點   要快快手執嘢開工喇 ~

農心辛辣大碗麵 - 麵鍋禮盒 ($23) - 喺 7-11 買㗎   咁平真係忍唔住買哂 2 盒   里奧大人啲同事想去買呀   不過我話比我買哂啦   哈哈   細佬同我講話里奧大人見到   就同佢講話佢最鍾意食嘅辛辣麵   其實我真係買比里奧大人食囉   不過我都比咗 2 個比榴槤   因為頭先佢都話想食呀

今次超級超級開心   可能多咗啲人   豉油姐仲講好多嘢添呀   因為里奧大人話平時好少講嘢㗎   話可能我多嘢講帶動到氣氛   我話咁枱舉我呀   不過幾次同佢啲同事食飯   里奧大人都話有啲同事好少講嘢   但妳喺度又好多嘢講   所以我同里奧大人講話以為你呃我添   哈哈 ~

里奧大人 3 點半放工   之後我哋去官塘搞啲嘢   不過最後都係打道回府 ~

我好想食醃蘿蔔   所以要去食刀削麵呀 ~

食完就去 AEON 行下   因為我要幫家姐去 SANRIO 買嘢呀 ~

家姐想買本 HELLO KITTY 記事簿比細 K   所以我幫佢買呢本喇   只係 $25 咋

買完就去 BIG C 買象啤   一邊放 $15/3 罐   另一邊放 $16/4 罐   我問里奧大人有咩分別 ?!   之後佢話 $16/4 罐咪平啲囉   我以為產地唔同呀   哈哈 ~

番到屋企即沖涼休息   之後同里奧大人一齊睇 "開端"   我依家鍾意白敬亭呀 ~

雖然開始好睇   但睇到 11 點都瞓覺 lu ~