Dough Bros Pizza & Doughnuts (外賣) ( 16-MAR-2026 )

開餐

我叫咗分享套餐 3-4人 ($358.20) + 香脆雞翼 ($88.2)

帕馬火腿薄餅 (+$18) - 我覺得鹹咗啲   但蘸咗蒜蓉香草醬就中和番喇   原來家姐話佢哋間唔中都會叫呢間 Pizza 外賣   等我仲同家姐講話請佢食新嘢添   哈哈

意大利辣肉腸薄餅 - 我鍾意酸種做餅底   口感有點煙韌

香脆雞翼 - 呢個味道都 OK 呀

榛子可可醬冬甩 / 焦糖餅乾冬甩 / 柚子冬甩 - 家姐揀呢 3 款   同我想揀嘅係一樣   哈哈

肉桂糖粉

真係爆漿冬甩   我覺得好味呀   同埋一次過試 3 款味道就最開心   哈哈

( 16-MAR-2026  MON )

尋晚里奧大人手機 1 點 10 分響咗   一睇就知佢校咗上午 1 點 10 分啦   佢仲話唔怪得晏晝無響   不過我都試過校錯   所以都唔會怪佢   哈哈   感恩好快瞓得番咋 ~

早餐食迷你牛角酥   都幾香牛油味   最緊要唔係好油呀 ~

菇場忙呀   做做下嘢   小說行埋嚟話我前面頭髮做咩剪到咁短   我話懶呀   咁樣可以兩個月唔駛剪頭髮呢 ~

Lunch Time 蒸完飯就去一田行下   行咗半個鐘就番菇場開餐喇 ~

美國新奇士橙家庭裝 6 個 ($39) / ITSUKI 五本3食燒麵 ($19.9)

忙下停下   咁我 5 點落單外賣 Pizza   點知比唔到錢   所以即刻問家姐有無 OP A/C   佢話糟糟有   所以我即刻叫佢幫我落單呀   好在佢叫我 Check 咗先落單   我真係揀錯咗嘢呀 ~

本身總數係 $464.40   我睇張單係 Rice $11 兌換 $11   即係 $453.40   但唔知 Rice $ 係咪糟糟自己兌換定點呢 ~

放工去買龜苓膏比家姐   再買多支雞骨草比里奧大人   之後就搭車去拎 Pizza   咁啱家姐買完麵包   我又拎完 Pizza   所以一齊番屋企喇 ~

里奧大人頭先做完機   沖完涼就見到我哋   佢以為我哋約埋一齊番屋企   我話咁啱咋   不過好在真係無上屋企先   唔係無門口入啦 ~

糟糟比家姐   但家姐就比我   佢話佢好少食呢啲

家姐之前叫糟糟喺工展會幫佢買 3 包花菇   係都要比哂我   我話真係要 1 包就夠了

食下傾下   家姐話今朝去惠康買茶   一條隊排兩個 Cashier 嘅   家姐企喺度拎住 4 支茶   點知後面阿婆即刻衝去比錢   仲鬧家姐企喺度唔郁   收銀員即刻叫阿婆排隊呀   阿婆仲鬧家姐掛住睇手機唔行前   收銀員再話人哋兩隻手捧住 4 支茶點睇手機呀 ?!   而且家姐真係無睇手機   阿婆即刻收哂聲   所以家姐都唔該哂收銀姨姨全程幫佢呀 ~

家姐部手機可以 Check 身高   Check 到我係 163cm   但其實我只係 160cm   之後家姐好大聲話點會 163 呀   我都係 165   里奧大人笑到個身都震哂   話駛咩咁激動呀   講到自己好高咁   哈哈 ~

里奧大人開住手機叫我睇張相   睇下我同佢坐咗喺邊   因為接近一百人係好難搵   我話記得自己坐邊度喎   之後佢叫家姐搵   佢即刻摺番埋部手機呀   咁大螢幕易搵好多家嘛   但估唔到家姐都搵到我哋坐喺邊   哈哈 ~

食完就幫家姐整電話卡   我真係好感激里奧大人教家姐整   因為佢都好驚家姐唔識   到時用咗漫遊就慘喇 ~

家姐差唔多 8 點半就走   咁我就送佢搭車喇 ~

家姐唔記得拎手機   搭 Lift 開個袋話無拎手機   仲話要番屋企拎添   我話幫妳拎咗啦 ~

番到屋企即沖涼休息   依家狂聽 "嘉賓"   寫啲歌詞真係成個故事出哂嚟   聽到 11 點 45 分先瞓覺呀 ~