打邊爐 @ 稻香 ( 大埔 )

難得天氣仲咁凍   所以一定要打邊爐   今次去稻香    由 7 點 打到 9 點半   第一次同里奧大人食晚飯食咁耐   其實係因為太飽   所以要停下食下咁囉 ~  

今次個豬骨鍋湯底只需 $1   肥牛都就 $12/碟   除咗珊瑚蚌係正價   其他食物都係有特價   所以埋單都係 $260   我覺得都抵呀 ~ 

我好怕去酒樓嘅洗手間   我驚見到核突嘢   但今次太急   所以都要去   一入去見到清潔阿姐    之後我 V 到半路   聽見有人吹口哨   其實果下都幾驚   因為第一個反應係諗多數阿叔先吹口哨   好小女人會吹   真係一路 V 一路驚   但出黎又無人喎   又會咁嘅 ~ 

食完咁熱氣嘅嘢   當然要食番生果啦   呢排奇異金果好平   所以買好多   我多數會買一半生一半熟嘅   咁就可以擺耐 d 喇 ~  


~~~~

今朝要清清腸胃   所以食花生醬多士 + 奶茶   平時唔覺飽   但今朝覺得好飽   應該係尋晚食得太飽定喇



番到菇場忙到震   10點開完會之後就未停過手    第一次覺得 d 時間係過得咁快咁呀 

晏晝同里奧大人去茶餐廳食羅宋湯螺絲粉餐 + 炸兩 + 炒麵    眼闊肚窄   勁勁勁勁飽呀 

食完晏就自已去工業大廈買嘢   因為 Marjorie Bertagne 以開倉價發售呀   所以掃咗好多 Hand Cream  ( 原價 $220 現 $39 )   再買埋 Hand Mask  ( 原價 $320 現 $39 )   Marscara ( 原價 $128 現 $39 )   唇彩 ( 原價$108 現 $19 )   眼影 ( 原價$148 現 $29 )   妳話丫   係咪好難忍手丫   同埋最難得係喺正我公司隔離座大廈嘛 ~